سعر و مواصفات Samsung Galaxy Note 3 Neo

بس ده مش بيقلل ابدا من النوت 3 نيو

النوت 3 نيو بردو جهاز ممتاز جدااااااااا بس مينفعش نقارنه بتليفون زي الزد 2 ده حاجة وده حاجة تانية خالص

النوت 3 نيو تقارنه بالاس 4 او النوت 2

والزد 2 تقارنه بالاس 5 وال HTC One M8 والجي 3

يا باشا مفيش مقارنة بين الزد 2 والنوت 3 نيو نهائي الزد 2 افضل منه بكتيييييير وشوف يا باشا فرق السعر بينهم اكتر من 2000 جنيه

الزد 2 افضل في

1- الشاشة

2- الصوت

3- الكاميرا

4- البطارية

5- CPU

6- GPU

7- يدعم راديو

8- خامات افضل بكتير

9- اسرع واخف منه

10- ضد المياة والتراب

11- شكله افخم ودي اذواق

اما النوت 3 نيو يتفوق في

1- شاشة اكبر لكن مش افضل

2- القلم

3- بطارية قابلة للإزالة

بس كده :)

لا يوجد وجه للمقارنه بينهم . اكيد الزد 2 احسن من النيو . حتى يوجد فرق فى السعر بينهم اكثر من 2000 جنيه ‎:D‎‏ . اكيد الزد 2 احسن

شكرا ليك يا اسلام
بس فيه ناس صحابى قوالولى ان السماعه فى المكالمات بيكون الصوت واطى شويه والاسبيكر مكتوم بتاع الموب ياريت تقدر توضلى وشكرا ليك

انا انصحك بهذا الهاتف ولا تقلق من البطاريه انها 3100 مللى امبير سوف توفر لك اطول مده ممكنه لبقاء الهاتف فعالا . اما موضوع السخونيه هذا شئ عادى فى جميع الهواتف الذكيه فكثره الأستخدام و الدخول على النت سوف يسخن الجهاز بدرجه بسيطه جدا ولكن هذا شئ طبيعى . و مبروك مقدما ‎:)‎

ايوه يعنى ايه الافضل :D
Note3 neo &s4

والله فاهم كويس انت تقصد اية بأية بأية ؟؟

لان تشبيهك بالنترا مقابل بى ام

ماينفعش غير كانك بتقارن تليفون من جيل وتليفون من جيل تانى خالص

والحقيقة غير كدة للاسف

هههههههههههههههههه فعلا مفيش فايدة خالص من ساعت ما ابتدينا المناقشة وهو مفيش غير رد واحد وبتعيده ومفيش جديد في كلامك

ههههههههههههه ايوا انا مدرك كويس جداااااا انا بقول ايه هنقعد نتناقش انا وانتا في العربيات كمان ولا ايه هههههههههههه xD

عموما انا اقصد بالكلام ده الخامات والمتانة بتاعت الجهاز وقوة التحمل وحبيت ابسطهالك بإني اقولك ان المقارنة بين خامات الاس 4 والزد 2 زي المقارنة ما بين خامات العربيات الكوري او الصيني بخامات العربيات الألماني انتا بقي فهمت غير كدة xD ههههههههههههههههههه مش مشكلتي دي يا باشا

وعموما معلش حقك عليا يا عم ولا كأنك شوفت الكلام ده من أصله :D


خلاص براحتك خالص اعمل اللي يريحك لو مش عاوز تكمل المناقشة مفيش مشاكل خالص انتا حر يا باشا

الشكر ليك يا باشا :)

عادى يعنى مافيش جديد الكلام هو هو

عموما انت حللت الزد 2 والمقارنة مابينة وبين الاس 4

وانا بقولك الزد 2 واخد اكتر من حقة , ومايستاهلش يكون بالتمن دة

يمكن اة طبعا بيتفوق على حاجات فى الاس 4

بس للاسف الحاجات اللى بيتفوق عليها امرها مشكوك فية

يعنى مثلا الجهاز ضد المياة اة , بس نسخ كتير منة بتبوظ اول اما ييحط فى المياة

خاماتة حلوة اة , بس للاسف بتبصم جدااا وممكن اى وقعة تكسر الظهر الزجاجى

صوتة نقى اة , بس مش عالى زى الاس 4 , وانا اللى يهمنى لو ماشى فى طريق اسمع التليفون مش اسمع نقاء التليفون ( لكن الاس 4 نقاء وارتفاع )

شاشتة حلوة وكبيرة اة , لكن بالنسبالى لا تعلى على شاشة الاس 4 فى الالوان او شاشة الاس 5

بطاريتة عليها خلاف الصراحة ماشوفتش حد قعدت معاة الفترة اللى انت بتقول عليها دية خالص , وانا ليا بأصحابى ومصدقهم , عشان الكلام دة بيكون قدامنا , يعنى تجارب فعلية من ناس مقربين
وبردة على الاقل مش هيضحكوا عليا لانهم بيكونوا عايزين حل للموضوع دة

- سريع اة , بس سوفت ممل

- بيشغل كل الالعاب اة , زية زى الاس 4 , واى سمارت فون محترم وعمرى ماشوفت فرق ال4 ثوانى دة , عادى عادى مش هتفرق عديها , اسفلت 8 فتحت عندى اسرع منة عديها بردة مافيش مشكلة , العاب والعاب

ياباشا اضحك زى مانت عايز , لو انت ركزت فى الكلام , هتلاقينى بقول مافيش فرق على الواقع ماقولتش افضل منة , ياريت تركز

فية راديو : تمام

- انت بقى خلاص مش مصدق , انت وصلت لمرحلة مش شايف غير استهلاك تليفونك والكام تليفون اللى حواليك

اعتبر تليفونى فلتة , نزل كدة مخصوص ليا , بطارية الحمد لله بتكسر ال4 ايام ونص بأستخدام فوق المتوسط , وكل الاس 4 زى مانت بتقول بطاريتة متوسطة

وانا بقى بقى بقارن الاس 4 بالزد 2 على البطارية اللى معايا , وعندك الاسكرين شوت , طيب اعمل اية عشان تستريح

مافيش فية حركات زى الاس 5 والاس 4 , عادى مش مشكلة مش مهمة لكل الناس

كاميرا كويسة وجميلة : بس ماتديش 20.7 ميجا و اقل من كدة بشوية حلوين والدليل على كدة تفوق الاس 5 اللى الكاميرا بتاعتة 16 ميجا بيكسل , واللى كاميرا الاس 4 اقل حاجة بسيطة جداا من كاميرا الاس 5

لأ ياباشا معلش وسعت منك دية , النترا اية وبى ام , انت مدرك انت بتقول اية ؟؟؟؟؟؟؟؟؟؟ هههههههههههههههههههههههه

عموما خلاص شكرا لحد كدة

احنا اتكلمنا فى الموضوع زيادة عن اللزوم

بعظم التليفونات !!!!!!! ايه اللي انتا بتقوله

انا عمري ما رفعت بتليفون السما علي الاقل مش زي ما انتا بتعمل مع الاس 4

وانا مليش مصلحة اني اطلع تليفون كويس ولا وحش انا في الاول وفي اﻷخر مستخدم مش يهمني غير ان التليفون اللي معايا يكون مكفي احتياجاتي وده اللي محققهولي الاس 4 وزيادة الحمد لله

واقولك علي حاجة ان عمري ما هفكر ابيع الاس 4 في الوقت الحالي لان اللي معاه الاس 4 مش لازم يحدث للاس 5 او اي تليفون احدث منه صحيح هو هيهحس بفرق للأفضل ( معرفش بالنسبالك انتا ايه النظام ) لكن بردو مش لدرجة اني ابيع الاس 4 انا بتكلم ان اللي معاه تليفون امكانياته اضعف بكتير سواء مثلا معاه اس 2 او حاجة اقل منه وعاوز يغير ويشتري حاجة احسن ويحس انه غير تليفونه يشتري اقوي تليفون من اي ماركة بقي سواء سامسونج او سوني او غيرها انا عن نفسي شايف ان اقوي تليفون من سوني افضل من اقوي تليفون من سامسونج انا حر في رأيي وده ميمنعش ان اقوي جهاز من سامسونج اللي هو الاس 5 وحش ولا زبالة ﻷ خالص بالعكس ممتاز جدا وبنصح ناس كتير انها تشتريه وفعلا بيشتروه ومبسوطين بيه وبيشكروا فيه وفيه بردو اللي مش طايقه وراميه في الدرج عادي جدا ايه المشكلة

فمتقوليش بعظم في التليفونات والكلام اللي ملوش معني ده الله يكرمك

ما تولع سوني وسامسونج وكل الشركات هيهمني ايه يعني طالما انا معايا تليفون مقضي احتياجاتي وزيادة كمان شوية

وبصراحة لو هنتكلم علي تعظيم التليفونات يبقي اللي بيعمل كده هيكون انتا لانك معظم الاس 4 بزيادة اوي

الاس 4 ممتاز جدا مفيش كلام لكن في الاحسن منه انتا ليه مش راضي تفهمها دي ؟؟؟!!!

معلش متحدثنيش عن التحيز ده دي اصلا من اكتر الحاجات اللي حضرتك بتعملها انك متحيز للاس 4 ولسامسونج عاماً

انا مقلتش عيوب الجهاز هههههههههههه انتا ليه مش بتراجع كلامي قبل ما ترد ؟

بص مفيش تليفون في الدنيا مفهوش عيوب وده قلته مليون مرة انا مش عارف انتا بتجيب الكلام ده منين انتا بقي لو مشوفتنيش بقول العيوب بتاعتهم ده كده موضوع تاني وعموما خلاص يا عم ولا تزعل نفسك اهي عيوبهم

ال M8

بطارية غير قابلة للازالة

شاشته طويلة لكن مش عريضة مش زي الاس 4 والاس 5 يعني

كاميرته تعتبر اقل كاميرا بين المنافسين لكن ده ميمنعش انها وحشة ابدا

راماته 2 جيجا لكن اسرع من للنوت 3 ابو 3 جيجا

مفهوش حركات وحساسات كتير زي السامسونج

ظهره بيتخدش بسهولة ولازم تجيبله جراب وإلا هيتبهدل جامد

غير كدة تليفون رهيب جدا في كل حاجة ومحدش يقدر ينكر ده

نيجي لعيوب الزد 2

بطارية غير قابلة للازالة

في بعض الناس بيشتكوا انه بيسخن زيادة عن الطبيعي ودي ليها حل ان شاء الله

مفهوش حركات وحساسات كتير زي السامسونج

في بعض الناس بتشتكي ان الكاميرا بتقفل مرة واحدة مع اني مشوفتش كدة في تليفون اخويا الحمد لله وناس كتيرة اعرفهم معاهم التليفون الكاميرا بتاعتهم مش بتقفل مرة ومش بيسخن

غير كده بردو تليفون رهيب جدا في امكانياته ومن افضل الهواتف لسنة 2014

تحب اقولك علي عيوب الاس 5 كمان عشان ميبقاش ليك حجة بعد كدة

مفيش مشكلة عيوب الاس 5 اهي

خامات رديئة نوعا ما

راماته قليلة علي الواجهة بتاعته والحركات الكتيرة اللي فيه كان المفروض يكون 4 جيجا علي الاقل مش 2 بس عشان المستخدم ميحسش بالمشكلة دي اوي

تصميمه سيء جدا في نظري الاس 4 والاس 3 والنوت 3 والنوت 3 نيو والنوت 2 اشيك وافخم منه في رأيي الاس 5 تحسه واخد تصميم الاس 2 وده مش حلو

ناس بتشتكي انه بيهنج من اقل استخدام

وناس بتشتكي ان الرامات بتاعته بتتملي بسرعة جدااااا وده بيخلي الجهاز يبقي بطيء واستجابته تقل

غير كدة تليفون رهيب جدااااااا ( كاميرا_حركات وحساسات كتير_واجهة ممتازة_خاصية البصمة_وقياس نبضات القلب ) كل الحاجات دي مش موجودة غير في تليفون واحد بس وهو الاس 5

بردو لسه في نظرك انا متحيز ؟؟؟!!!

اه بطارية الزد 2 متفوقة علي البطارية بتاعت الاس 4 بفرق مش قليل كمان :)

هههههههههههههه وليه وانا مالي بتقييم اصحابك مانا وانا آخد بتقييمهم ليه اصلا ما انا آخد بتقييم اخويا احسن وعلي الاقل مش هيضحك عليا ويقول كلام مش حقيقي والبطارية بتقعد معاه بال 3 او 4 ايام استخدام متوسط وممكن تقعد 5 ايام استخدام اقل من المتوسط ولو استخدام خفيف مكالمات وكدة تكمل الاسبوع مستريح انا مليش دعوة بأصحابك انا قلت رأيي في اجهزتهم وخلاص شكرا علي كده انتا بقي اللي مش معترف بتقيمي انتا حر دي مش مشكلتي اعملك ايه انا كمان

يا عم من غير حلفان انا مصدقك الموضوع مش مستاهل كل العصبية دي اصلا هههههههههههه

بس انا قلت رأيي في اجهزتهم خلاص انتا مش راضي تقتنع بيه انتا حر

ايوا مهو صاروخ فعلاً بالنسبة لتليفونات كتير وبيتفوق علي الاس 4 تقريباً في كل حاجة

كاميرا افضل بفرق واضح انتا شايف غير كدة بردو انتا حر في رأيك ومش هقتنع بغير كدة غير لما تجيبلي الدليل وانا لغاية دلوقتي اللي معايا الدليل ان كلامي صح لما انتا تعمل تقرير عنهم يبقي ساعتها فيه كلام تاني

واقعية الوان الشاشة

اسرع واخف منه ومش بيهنج

بطارية اقوي بفرق مش قليل

صوت انقي واوضح مش عارف بالنسبالك انتا ايه النظام وعلي العموم ده علي حسب مزاج كل واحد انا يهمني نقاء ووضوح الصوت وانتا يهمك الإرتفاع وتكون سامعه في الزحمة وخلاص ده رأيك انتا حر فيه

خاماته افضل بكتير

يستحمل البهدلة اكتر منه بكتير

ضد المياة والتراب

اقوي في ال CPU

اقوي في ال GPU

كل ده مش يستاهل فرق السعر ما بينهم !!!!

يمكن بالنسبالك انتا ﻷ لكن انا بالنسبالي في فروقات ما بينهم واضحة فطبيعي يكون في فرق كبير في السعر

ههههههههههههههههههههههههههههههههه ربنا يخليك يا باشا سيبك خالص من موضوع كارت الشاشة ده معلش خليها عليك المرة دي انتا اصلا من ساعة ما انتا بتقول ان ال PowerVR SGX544MP3 اقوي من Adreno 330 وانا مش قادر امسك نفسي من الضحك الصراحة xD

0.5 ثاينة و ثانية ايه بقولك الزد 2 بيفتح اسرع في تطبيقات والعاب بفرق من 3:5 ثواني وفي بردو فرق الثانية ده بس ده في فتح واجهة الاتصال مثلا وفتح الرسائل وفتح الاسماء وفتح الكاميرا اقصد يعني الحاجات اللي موجودة في الجهاز لكن انا بتكلم علي الحاجات اللي بتنزل من جوجل بلاي سواء بقي تطبيقات او العاب الفرق بينهم واضح والثواني بتتعد علي صوابع الايد انتا بقي عندك غير كدة دي مش مشكلتي انك جربت جهاز مش مظبوط انا ليا بالتليفونات اللي انا جربتهم واللي مع قاريبي واصحابي مليش دعوة انا بالتليفونات اللي مش مظبوطة وفيها مشاكل اللي انتا بتتكلم عليها دي

انا فعلا يهمني واقعية الالوان وتكون الشاشة مريحة مش بتضايقني وهي علي اعلي اضائة زي شاشات السوبر اموليد بس بردو شاشة الاس 4 ممتازة جدا

و ال IPS LCD مختلفة تماماً عن TFT انا بردو مش بحب ال TFT لانها مش حلوة بالنسبالي ولا هي واقعية زي ال IPS LCD ولا اضائتها قوية زي ال SUPER AMOLED وزوايا الرؤية فيها مش حلوة زيهم

بالنسبة للصوت انا بالنسبالي النقاء والوضوح افضل في الزد 2 والارتفاع الاتنين ممتازين بس بردو الزد 2 احسن عشان فيه 2 سماعة وفي الامام علي عكس الاس 4 سماعاته في الخلف بس مش شايفها بتفرق اوي حتي لو انا قلبت الجهاز علي وشه الا اذا كنت حاطة علي حاجة بتكتم الصوت ده كدة موضوع تاني فدي نقطة لصالح الزد 2

الخامات معاك فيها بس بردو الزد 2 بيستحمل اكتر من الاس 4 لو انا مش حاطت جراب للإتنين

نيجي بقي لمشاكلي بتاعت الاس 4 !!!!!!!!!!!!!!!!!!!!!!!

اولا انا مش بعتبرها مشاكل لان ده في كل تليفونات الاس 4 ( هتقولي انا تليفوني مش كدة ومعايا 2 جهاز اس 4 واحد بقاله 8 شهور الا كام يوم وواحد مكملش شهرين وما شاء الله زي الفل اوي اوي اوي ومفهومش الهوا ) عارف انك هتقول كدة وفر علي نفسك الوقت

انا بتكلم علي اغلب الناس اللي معاهم الجهاز سواء هنا في الموقع او برا الموقع لازم تلاقي ولو مشكلة بتواجهم سواء سخونية او بطارية او تهنيج

والله بقي تفرحلي او متفرحليش انتا حر يا باشا

فين ده ؟؟؟!!! انا قلت انه تليفون صيني او مشاكله بالعبيط ؟؟؟

هههههههههههههههههههههه بردو الكلام اللي قلته بتعيده تاني هو انا هفضل اقولك في كل رد ان السخونية اتحلت بعد ال 4.3 والكيت كات وان مشكلة البطارية كانت في اﻹنتفاخ

انتا بتنسي بسرعة ولا ايه يا باشا !!!

هو اه انا فاهم انتا تقصد مش محتاج انك تقولي ان النسخة اللي نازلة OUT OF THE BOX بتكون افضل وبيبقي مفهاش مشاكل كتير بس بردو كلام مش منطقي وملهوش علاقة بمشاكل التليفون اللي انتا بتقول عليها دي

مش ده اللي هيخلي البطارية تبقي ادائها متوسط والتهنيج يزيد والسخونية تزيد بالعكس ده الابديت بيحسن الجهاز اكتر وبيقلل من المشاكل دي

اداء بطارية النوت 2 وهو علي الكيت كات احسن كتير من الجيلي بين 4.3 وتقريبا زي ال 4.1.2 ويمكن افضل

خليه يروح التوكيل قلت

ههههههههههههههههههه محسسني انه مش بيكلم حد غيرك مهو بردو بيبقي معايا علي الشات وبيقولي ان كل مشاكله البطارية

ولو استخدامه قليل اوي زي ما انتا بتقول !!!!!!!! مكنش يبقي في مشاكل في البطارية حتي بعد تغيير البطارية بردو المشكلة لسه عنده ومش طايق التليفون وعاوز يبيعه تحب يدخل معانا في المناقشة ؟؟؟

انا مش عارف انتا بتجيب الكلام ده منين الصراحة

ايوا بردو اداء بطارية الزد 2 افضل من الاس 4 افهمها بقي يا باشا

بطارية الزد 2 ادائها ممتاز وبطارية الاس 4 ادائها متوسط او اعلي من المتوسط حاجة بسيطة لكن مش ممتازة ومفيش زيها والكلام الغريب ده !

انا بردو زهقت من الموضوع ده لانه خد اكتر من حقه بلا داعي وانتا مش بتقتنع فالكلام الكتير ده ملوش اي لازمة ووقت ضايع عالفاضي

ههههههههههههههه بص انا عمري ما قلت علي اي مقارنة ان تليفون معين بيتفوق في كل حاجة علي التليفون تاني بس بقول انه تقريباً كل حاجة في صالح الزد 2 عشان نقاط التفوق في الاس 4 قليلة جداااااااااااااااااااااااا

يعني الاس 4 بيتفوق في بطارية قابلة للازالة _ حساسات اكتر_ توافر الاكسسوارات وسهولة البيع والشراء يعني حاجات لا تذكر اصلا مقارنا بنقاط التفوق بتاعت الزد 2

الشاشة_البطارية_الكاميرا_الصوت_الخامات_السرعة_التهنيج القليل_الراديو_CPU_GPU_رامات_ضد المياة والتراب_قوة تحمل_شكل فخم

هههههههههههههههههههههههه المقارنة دي عاملة بالظبط زي المقارنة ما بين العربية الالنترا و ال BMW

الالنترا كويسة بس لا تقارن بقوة ومتانة ال BMW ونفس الكلام ينطبق علي الاس 4 والزد 2 :D

من راى انك تيجى النوت 3 نيو ز الأن الأس 3 بصفه عامل سامسونج مهمله فيه و مش هتنزلو تحديثات . النوت 3 نيو SM-I750 افضل من الأس 3 نيو و لو عاوز تجيب موب فى نفس سعر الأس 3 نيو جيب الجراند 2

شكرا ع اهتمام حضرتك
فغلا ظهر رقم وبعديه 01
طيب هو الكيت كات هينرل امتي؟؟

مبروك اولا . هو فعلا الموب ده عليه اقبال شديد فى الأسواق . و سامسونج هتدعمه اكيد و اول دعم ليه هيكون اندرويد الكيت كات . و للتأكد من ان هذا الجهاز اصلى اطلب *#06# هيظهرلك بار كور انقله فى ورقه و هذا البار كود سوف تجده بالنص اذا كان اصلى و سوف تجد بعد البار كود رقمين وهما 01 وهذا معناه ان الهاتف صناعه فتناميه جيده جدا

متشكرة ليك جدااااااا
ان شاء الله قررت انى هجيب الG2

اه متوفرة بس طبعاً مش بكثرة زي السامسونج لكنها موجودة والاكسسوارات هتلاقيها في المحلات الكبيرة والمشهورة

اخر سؤال هو G2 بالنسبه للصيانه والاكسسورات متوفره ولا هتبقى متعبه انا من القاهرة

متشكرة جدااااااااااااااااااااااااااا جداااااااااااااااااااااااااااا
ربنا يجازيك كل خير
تعبتك معايا
ماشاء الله عليك

هو في منه اتنين واحد 16 جيجا وواحد 32 جيجا والاتنين متوفرين بس عيبه انه مش بيركبله كارت ميموري عشان كدة قلت لحضرتك لو هتجبيه هاتي ال 32 جيجا افضل

انتي قصدك النوت 3 العادي ولا النيو ؟؟؟

لو النيو يبقي تجيبي طبعاً الجي 2 اما لو النوت 3 العادي يبقي كده في كلام تاني النوت 3 العادي افضل في حجم الشاشة والبطارية والرامات وفيه تصوير 4K + توافر الاكسسوارات بكثرة وسهولة البيع والشراء

اما الجي 2 هتلاقيه اسرع عشان مفهوش حركات كتير زي السامسونج بس بردو في حركات مش موجودة في السامسونج وهتلاقي الكاميرا افضل والصور فيها اقرب للواقع وشكله بالنسبالي اشيك لانه مفهوش فريم تقريباً وده مخليه شكله مميز والخامات تعتبر افضل

والبروسيسور ومعالج الرسومات واحد في الاتنين

الاسعار بقي النوت 3 العادي 5000 جنيه 4G في التوكيل لكن برة هتلاقيه ارخص حوالي 300 او 400 جنيه والجي 2 عامل حوالي 3400 جنيه بالضمان 16 جيجا وحوالي 3300 جنيه 32 جيجا ضمان دولي او بدون ضمان والنوت 3 نيو اللي بشريحة واحدة ب 3400 بالضمان ومن غير ضمان 2950 جنيه تقريبا وتقدري تخشي علي صفحة شراء جديد وانتي تعرفي الاسعار بالتفصيل :)

وانا رأيي تجيبي من محل عادي بس يكون مضمون عشان هيكون ارخص من التوكيل بكتير

عادي يا باشا ده بيبقي مكان البروسيسور في المنطقة العلوية للجهاز عشان كده السخونية هتحسها اكتر اعلي الجهاز من ورا ومن قدام ومن عند الكاميرا

وبتبقي الحرارة اسفل الجهاز اقل ده في كل الاجهزة علي فكرة

المشكلة ان السخونية في المنطقة الامامية بس اعلي الشاشة

38.5 دي مش سخونية جامدة ومش مؤثرة علي الجهاز خالص بس ده لو مع الاستخدام بتوصل 38.5 او لو انتا حاطت الجهاز في حتة فيها شمس او حر عاماً لكن من غير استخدام المفروض لا تزيد عن 30 درجة وطالما مش بتوصل للأربعينات يبقي مفيش مشاكل خالص متقلقش

لما بيكون ساخن كده بتبقي 38 و نص

حمل برنامج CPU-Z وقولي الحرارة بتوصل كام لما بتستخدمه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!

يا باشا طبيعي تلاقيه النوت 2 اسرع من النوت 3 نيو دوس لانه اقل من النوت 2 في البروسيسور ( المعمارية اقدم ) Cortex-A7 في النوت 3 نيو دوس مقابل Cortex-A9 في النوت 2 فطبعا النوت 2 هتلاقيه اسرع

لكن اللي بشريحة واحدة بقي البروسيسور فيه مختلف تماماً واقوي من النوت 2 والنيو دوس

اذا كان يا باشا ده في اختبار Antutu Benchmark كسر حاجز ال 32000 يعني اعلي من الاس 4 واقل حاجة بسيطة من النوت 3 العادي اللي هو فيه بروسيسور Snapdragon 800 !!!

لكن النسخة اللي بشريحتين سجلت حوالي 21000 شوف الفرق قد ايه يا باشا !!! :)

والكاميرا بتاعته ممتازة تقريبا زي النوت 2 لكن اوبشن الكاميرا اكتر في النيو

فانا رأيي تجيب النوتو3 نيو اللي بشريحة واحدة افضل وبردو انصحك تجرب النسخة اللي بشريحة واحدة الاول قبل ما تكرر

ومبروك مقدما يا باشا :)

علي فكرة يا باشا الاتنين نفس الخامات الفرق ان النيو ظهره بملمس الجلد مش اكتر بس الاتنين واحد