هذا الموضوع مرتبط بـ Galaxy Note 3 Neo

سؤال مهم اوى

M000NY

2014-08-13 (05:42:26PM)

لو سمحتو كنت عايزة اسال ده احسن ولا Galaxy Note 3 Neo
ولاGalaxy Note 2
ولا اجيب حاجه تانى من السونى ؟
انا استخدامى نت كتير والعاب خفيف
انا قلقانه من موضوع الذاكرة الداخليه6 لان المتاح هيبقى 4 كمان ناس بتقولى صغيره
عشان التطبيقات وكده
ياريت لو حد يفيدنى

M000NY

2014-08-13 (11:49:53PM)

متشكرة ليك جدااااااا
ان شاء الله قررت انى هجيب الG2

youssefshabana

2014-08-13 (11:43:44PM)

اه متوفرة بس طبعاً مش بكثرة زي السامسونج لكنها موجودة والاكسسوارات هتلاقيها في المحلات الكبيرة والمشهورة

M000NY

2014-08-13 (11:39:17PM)

اخر سؤال هو G2 بالنسبه للصيانه والاكسسورات متوفره ولا هتبقى متعبه انا من القاهرة

M000NY

2014-08-13 (11:18:44PM)

متشكرة جدااااااااااااااااااااااااااا جداااااااااااااااااااااااااااا
ربنا يجازيك كل خير
تعبتك معايا
ماشاء الله عليك

youssefshabana

2014-08-13 (10:48:10PM)

هو في منه اتنين واحد 16 جيجا وواحد 32 جيجا والاتنين متوفرين بس عيبه انه مش بيركبله كارت ميموري عشان كدة قلت لحضرتك لو هتجبيه هاتي ال 32 جيجا افضل

انتي قصدك النوت 3 العادي ولا النيو ؟؟؟

لو النيو يبقي تجيبي طبعاً الجي 2 اما لو النوت 3 العادي يبقي كده في كلام تاني النوت 3 العادي افضل في حجم الشاشة والبطارية والرامات وفيه تصوير 4K + توافر الاكسسوارات بكثرة وسهولة البيع والشراء

اما الجي 2 هتلاقيه اسرع عشان مفهوش حركات كتير زي السامسونج بس بردو في حركات مش موجودة في السامسونج وهتلاقي الكاميرا افضل والصور فيها اقرب للواقع وشكله بالنسبالي اشيك لانه مفهوش فريم تقريباً وده مخليه شكله مميز والخامات تعتبر افضل

والبروسيسور ومعالج الرسومات واحد في الاتنين

الاسعار بقي النوت 3 العادي 5000 جنيه 4G في التوكيل لكن برة هتلاقيه ارخص حوالي 300 او 400 جنيه والجي 2 عامل حوالي 3400 جنيه بالضمان 16 جيجا وحوالي 3300 جنيه 32 جيجا ضمان دولي او بدون ضمان والنوت 3 نيو اللي بشريحة واحدة ب 3400 بالضمان ومن غير ضمان 2950 جنيه تقريبا وتقدري تخشي علي صفحة شراء جديد وانتي تعرفي الاسعار بالتفصيل :)

وانا رأيي تجيبي من محل عادي بس يكون مضمون عشان هيكون ارخص من التوكيل بكتير

M000NY

2014-08-13 (09:19:20PM)

طب معلش انا هزعجك معايا انا دورت هنا لما شوفت الامكانيات بتاعه ال LG G2 لقيتهم كاتبين انه 16 جيجا بس ومفيش كارت خارجى وعملت سيرش على جوجل لقيته فعلا 32 جيجا

يعنى انا كده اختار مابين النوت 3 وال G2?

بالنسبه للفلوس اللى قولت لحضرتك عليها

ولا الغى فكرة النوت 3
ومعلش ممكن تقولى سعرهم كام دلوقتى تقريبا
واجيب من التوكيل ولا من محل عادى
واسفه على الازعاج

youssefshabana

2014-08-13 (07:24:01PM)

ممكن بالسعر ده تجيب ال LG G2 جهاز ممتاز بكل المقاييس انصحك بيه النسخة 32 جيجا ويعتبر افضل من النوت 3 نيو والاس 4 طبعاً

صافي الذاكرة في النوت 3 نيو اكبر من الاس 4 فهيستحمل تطبيقات اكتر من الاس 4

وينفع تنقلي التطبيقات للزاكرة الخارجية بس مش كلها في تطبيقات معينة مش بتتنقل الا عن طريق الروت

والنوت 2 ممتاز جدا جدا بس مشكلته انه بقي قديم واحتمال كبير الدعم عليه هيتوقف عند الكيت كات 4.4.2 اما النوت 3 نيو لسه بدري عليه لانه احدث منه

الشاشة ضد الخدش بس انصحك بردو تجيبي سكرين بروتيكتور صحيح الشاشة ضد الخدش لكن مش ضد الكسر فالسكرينة والجراب مهمين جدا لاي تليفون مش ده بس

M000NY

2014-08-13 (06:40:49PM)

وطبعا اهم حاجه عندى الشاشه تكون ضد الخدش

M000NY

2014-08-13 (06:32:22PM)

اولا متشكرة ل اهتمام حضرتك والرد
انا كنت اقصد 4 ذاكرة ال h
انا اخرى 3300 جنيه
انا مش بفهم فيهم :D
عايزة شاشه كبيره وسرعه نت
وذاكرة تتحمل التطبيقات
لانى حسب معلوماتى ان التطبيقات على الذاكرة الداخليه ومقدرش انقلها للخارجيه
المعلومه دى صح ولا غلط؟
وفى ناس رشحتلى النوت 2
فا انا محتاره ومش عارفه خالص

youssefshabana

2014-08-13 (06:10:05PM)

النوت 3 نيو افضل بس اللي بشريحة واحدة

حضرتك اخرك كام في السعر ممكن يبقي في تليفون احسن منهم هما الاتنين بالسعر اللي انتي هتحدديه سواء من سوني او سامسونج او غيره

علي فكرة الزاكرة 16 جيجا والمتاح حوالي 12 جيجا مش 4 جيجا !!! وده في النوت 2 والنوت 3 نيو وتقدري تركبي كارت ميموري لغاية 64 جيجا لو انتي هتحملي العاب وتطبيقات كتير فمتقلقيش من الميموري خالص :)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 3 Neo

مقارنة

Android
720 x 1280 pixels, 5.5 inches (~267 ppi pixel density
3G

2G / 3G
8 MP, 32...

مزيد من المعلومات

الموبايلات

سؤال مهم اوى

التسجيل بالموقع

دخول الاعضاء

معلومات سريعة عن Samsung Galaxy Note 3 Neo

Android

720 x 1280 pixels, 5.5 inches (~267 ppi pixel density

3G

8 MP, 32...