mohamedanas0122

السلام عليكم ورحمة الله وبركاته

ده اول تقيم ليا عن جهاز

هنتكلم فى التقيم ده عن عيوب ومميزات الجهاز الجبار الاكسبيريا زد 1 وعن تجربة شخصية لان الجهاز اصلا معايا
واول ميزة في الجهاز انه ضد المياه وضد الصدمات
الجهاز نسخة متطورة تقريبا من جهاز الاكسبيريا زد العادى ولكن يختلف تصميم الجهاز بالتاكيد

والمواصفات بقت اعلى بكتير اوووى

هنتكلم عن الشاشة
المميزات :- الشاشة بمساحة 5 إنش Full HD بكثافة 441 بيكسل لكل بوصة
الشاشة قوية جدا ومحمية بطبقة من جوريلا جلاس اى ضد الصدمات والالوان واضحة جدا
والتاتش سريع جدا و سرعة الاستجابة عالية وده عن تجربة شخصية

العيوب :- يوجد بها عيب وحيد وهو انك لما تيجى تبص للشاشة من زاوية هتكون الرؤية غير واضحة يعنى لما تكون ماسك الجهاز وواحد صاحبك قاعد جنبك وبيشوف بتعمل ايه مش هتكون الرؤية واضحة عنده زى ما انت شايف

تقيمى للشاشة : 9/10

( الكاميرة )

سونى ابدعت بمعنى الكلمة فى كاميرة اصداراتها لجهاز الاكسبيريا سواء كان فى زد 1 او زد 2 او زد3
مع اختلافات من منتج لاخر

اللمميزات :- الجهاز فيه كاميرة خلفية بدقة 20.7 بيكسل وتعمل بتقنية G Lens وهذه التقنية اخذت جوائز لدقتها فى التصوير ،، والكاميرة هتديك صورة فوق الممتازة ونسبة ريزولوشن عالية جدا فى التصوير فى البسين او حمام السباحة لو بتحب المغامرة انت واصحابك ومن عشاق التصوير والسباحة فى نفس الوقت
والكاميرة بتقوم بتصوير فيديو Full HD يعنى اكيد نسبة الريزولوشن هتبقى عالية جدا وهتبقى الصورة واضحة لو حبيت تعرضة ع اليوتيوب او تنزله ع الفيس بوك
ويوجد به كاميرة امامية بدقة 2.2 ميجا بيكسل ودى اكيد كافية انك تعمل مكالمات فيديو بوضوح

العيوب :- الكاميرة الخلفية غير جيدة فى التصوير الليلى وتظهر الصور غير واضحة

تقيمى للكاميرة 9/10

( الميكروفون - والاسبيكر )


السماعات الخارجية جيدة يعنى صوتها يقدر يسمعك لو فى مكان مغلق اما لو فى الشارع او فى زحمة او مكان فى صوت عالى صعب انك تسمع صوت الجهاز كمان السماعة الداخلية صوتها هيكون واطى معاك لو انت فى الشارع لكن ودانك هتبدء تتعود ع الصوت ده وتدريجيا هتبدء تسمع بوضوح

والسبب فى ده ان الجهاز ضد المياه فــــكـــان لازم ان سونى تحافظ ع السماعات من التلف من المياه وكان لازم تخفى السماعات داخل الجهاز وتحيطها ب غلاف معدنى يمنع وصول المياه والاتربة اليها
والصوت ده بالنسبة لجهاز ضد المياه والاتربة كويس جدا

تقيمى للصوت :8/10

( جسم الجهاز )

المميزات : سونى صنعت الجهاز من اجود الخامات الموجودة فى السوق حتى الان واستخدمت هذه الخامات فى صناعات كل منتجات الاكسبيريا
فجهاز اكسبيريا زد 1 ظهره وجوانبه مصنوعه بطبقة من الالومونيوم والتى عليها طبقة من الظهر من الزجاج القوى الذى يحافظ ع الجهاز من الصدمات والكسر
وسونى قامت بهذا حتى يتحمل الجهاز كل الصعاب والحياة اليومية الشاقة

العيوب :- قد يحس البعض منكم ان الجهاز وزنه ثقيل وهذا لانه مصنوع من خامات ثقيلة مثل الالومونيوم والزجاج

تقيمى لجسم الجهاز :- 10/10

( اداء الجهاز )

الجهاز قوى جدا ما شاء الله عليه من حيث الاستخدامات انا بشتغل عليه كتير جدا برامج وتصفح انترنت وفيس بوك والعاب ثقيلة والحمد لله شغال جدا ومشوفتش منه اى تهنيج وجربته ع اقوى لعبة وهى Asphalt8 الغنية عن التعريف والجهاز ما شاء الله عليه شغلها بكل بساطة وكان شغال تمام

المميزات : وده لان الجهاز يوجد به اقوى انواع المعالجات حتى الان وهو Snap Dragon 800
معالج ثمانى النواه 2.2 جيجا هيرتز
رامات 2 جيجا
واكيد بروسيسور قوي زى ده مع رامات عالية اكيد هيديك اداء فوق الممتاز للجهاز

العيوب : 1- الجهاز بيبدء يسخن اوووى لما تشغل عليه تطبيقات كتيرة او حاجة تقيلة لكن انت ممكن تحلها بانك تركب للجهاز Cover والسخونية الصادرة عنه معقولة مفهاش ضرر على مكونات الجهاز الداخلية
2 - البروسيسور Snap Dragon عيبه الوحيد انه يعمل بكامل قوته يعنى حتى لو مشغل صورة او اغنية برضة بيشتغل زى ما يكون بتلعب لعبة تقيلة يعنى بيعمل بكامل قوته فى كل الاوقات وده طبعا بينعكس بتأثيره ع عمر البطارية وسرعة نفاذها

تقيمى لاداء الجهاز : 10/10


( مساحة الجهاز )

الجهاز بيأتى بمساحة داخلية 16 جيجا وانا شايف من وجهة نظرى ان المساحة دى غير كافية لتنزيل تطبيقات والعاب ع المدى الطويل لان حاليا كل الشركات بقت بتنزل اصداراتها بمساحة ع الاقل 32جيجا
لكن فى كل الاحوال انت عندك امكانية تزود مساحة الجهاز بكارت ميمورى يصل الى 128 جيجا

تقيمى لمساحة الجهاز : 7/10

( البطارية )

للاسف البطارية مشكلة كل سمارت فون ولازم هتضطر تشحنها فى نهاية كل يوم

بطارية الجهاز تأتى بقوة 3200 ملى امبير
هى بتقعد معايا فى التحدث يعنى انا فى مرة شحنت الموبايل وكنت قاعد فى البيت مخرجتش ومستخدمتش الموبايل خالص غير فى مكالمات بس طويلة اووووى الجهاز قعد معايا اكتر من 24 ساعة
لكن فى الوضع العادى والاستخدام الطبيعى هتقعد معاك 12 ساعة

تقيمى للبطارية : 9/10


انتهى التقيم الشامل لجهاز Sony Xperia Z1

السلام عليكم ورحمة الله وبركاته

انا معايا الجهاز ده انا وواحد صاحبى هو جابه كنوع من التقليد ليا يعنى :]

انا بس حبيت استفسر عن شىء وهو البطارية

ازاى اقدر احافظ ع عمر البطارية الافتراضى

طبعا زى ما احنا كلنا عارفين ان الجهاز ده هيكل واحد يعنى صعب جدا يتغير ليه بطارية يعنى الواحد لازم يحافظ عليها وكل شىء اصلا ليه عمر افتراضى
انا سمعت ان البطارية ليها عمر زى الانسان والانسان متوسط عمره 60 سنة لكن البطارية عمرها يقاس بالدورات وليس السنين
وسمعت برضة ان عشان احافظ ع البطارية فى الشحن لازم ابدء شحنها عندما تصل الى 20% ولا اجعلها تصل الى 0% ثم اقوم بشحنها لان هذه تعتبر دورة استهلكت من عمر البطارية

الكلام ده صح ؟؟
ولو مش صح ايه هو الصح بقى ؟؟

لو سمحت ممكن ازاى اعرف حرارة الجهاز بتاعى ؟؟

لو سمحت

ازاى ممكن اعرف حرارة الجهاز ؟؟

بسم الله الرحمن الرحيم

اولا الجهاز معايا

اى استفسار عن اى شىء يخص جهاز الاكسبيريا زى 1

انا تحت امركم

ونسالكم الدعااء :D

بسم الله الرحمن الرحيم

اولا الجهاز معايا

اى استفسار عن اى شىء يخص جهاز الاكسبيريا زى 1

انا تحت امركم

ونسالكم الدعااء :D

دلوقتى يا شباب

انا نزلت برنامج ريموت كنترول على الاكسبيريا زد 1 بتاعى لكن البرنامج مش راضى يشتغل ع التليفزيون بتاعى

مع انى لقيت ضمن الاختيارات اللى فى البرنامج نوع التلفزيون بتاعى

ومع ذلك مش راضى يشتغل عليه وفى حاجة اسمها TV Ip

عموما انا عايز حد يرد عليا بخصوص الموضوع ده

ولو فى برنامج افضل ينزل ع الاكسبيريا زد 1 ياريت حد يقولى عليه

وشكرا ....

انا لسه شارى الموبيل من اسبوع

اى حد عنده اى استفسار انا تحت امره

دلوقتى يا شباب انا عايز اعرف ازاى لما اجى اكتب ع الفيس من ع الاسمارت فون

اكتب بالطريقة دى مثلا

( مـــحـــــمـــــد )


( آעستغناء عــن بـعـض #آעشـפֿـاص פــيآه جـديـده )

ارجو الرد

دلوقتى يا شباب ان الحمد لله اشتريت Xperia Z1 امبارح والحمد لله

ازاى بقى اغير اسلوب الكتابة زى الجلاكسى يعنى نمط الكتابة الفونت يعنى

وحاسس ان مفهوش اعدادات وضبط كتير زى الجلاكسى !!

ايه الافضل لو سمحت

Sony Xperia Z1

ولا
Note 3 Neo

لو سمحت وانا رايح اشترى النوت 3 نيو ازاى اعرف انه نسخه كويسة اللى هى N 750
وازاى اعرف انه اوريجينال وليس كوبى ؟؟

لو سمحت يا جماعه انا بكرة ان شاء الله رايح اشترى الجهاز ده لكن انا لاحظت ان كل النوت 3 نيو المعروض عنده مكتوب على كل كرتونه فيهم من فوق Duos وطبعا ده كدة بيشيل شريحتين ولما دخلت اساله قالى فى اخر نسخه عندى بشريحه واحدة انا كنت حاجزها لواحد صحبى بقوله بكام قالى ب 3350ج واللى بشريحتين ب 3500ج طب ازاى الشريحتين اغلى من اللى بشريحه واحدة ؟؟

وسؤال اخر

ازاى اعرف ان الموبايل ده وهو فى ايدى فى المحل انه الموبايل اوريجينال وليس كوبى ؟؟ وافضل نسخه ؟؟

لو سمحت يا شباب ممكن مقارنة بسيطة بين

LG G2 و Note 3 Neo ؟؟


وما الافضل بينهم ؟؟


وما مميزات وعيوب كل من الاخر ؟؟