سعر و مواصفات Samsung Galaxy E7
-
Android
Android OS, v4.4.4 (KitKat) -
5.5″
5.5 بوصة -
3G
2G / 3G -
13 MP, 4...
-
2GB RAM
16 GB -
2950mAh
Non-removable Li-Ion 2950 mAh battery غير قابلة للازالة -
دعم شرحتين
Optional Dual SIM (dual stand-by)
غير متاح
تقييم المنتج
(733 تقييم)
مواصفات Samsung Galaxy E7
| المواصفات الاساسية | |
|---|---|
| الحجم | 151.3 x 77.2 x 7.3 mm (5.96 x 3.04 x 0.29 in) |
| الوزن | 141 جرام |
| الشاشة | |
|---|---|
| نوع الشاشة | Super AMOLED capacitive touchscreen, 16M colors |
| مساحة الشاشة | 5.5 بوصة |
| دقة الشاشة | 720 x 1280 pixels, 16:9 ratio (~267 ppi density) |
| دعم اللمس المتعدد | لا |
| الشبكة | |
|---|---|
| دعم 2G | نعم |
| دعم 3G | نعم |
| دعم 4G-LTE | لا |
| دعم 5G | لا |
| دعم HSCSD | لا |
| دعم EDGE | نعم |
| دعم GPRS | نعم |
| الاتصال | |
|---|---|
| دعم WLAN | Wi-Fi 802.11 b/g/n, hotspot |
| دعم بلوتوث | v4.0, A2DP |
| GPS دعم | نعم |
| NFC دعم | لا |
| دعم راديو Fm | نعم |
| دعم USB | نعم |
| معلومات عن الكاميرا | |
|---|---|
| دعم الكاميرا | 13 MP, 4128 x 3096 pixels, autofocus, LED flash |
| دعم فلاش | نعم |
| كاميرا امامية | نعم |
| مواصفات الكاميرة الامامية | 5 MP |
| مساحة الذاكرة | |
|---|---|
| الذاكرة الخارجية | microSD, up to 64 GB |
| الذاكرة الداخلية | 16 GB |
| الرامات | 2 GB |
| نظام التشغيل | |
|---|---|
| نظام التشغيل | Android OS, v4.4.4 (KitKat) |
| نوع نظام التشغيل | Android |
| CPU | Quad-core 1.2 GHz Cortex-A53 |
| معلومات أخري | |
|---|---|
| الرسائل | SMS(threaded view), MMS, Email, Push Mail, IM |
| المتصفح | HTML 5 |
| معلومات عن البطارية | Non-removable Li-Ion 2950 mAh battery غير قابلة للازالة |
| الخصائص | |
|---|---|
| دعم شرحتين | نعم |
| الشريحة | Optional Dual SIM (dual stand-by) |
| نوع النغمات | MP3, WAV |
| مخرج صوت 3.5mm jack | نعم |
| الاهتزاز | نعم |
| دعم انفراريد | لا |
| حماية بالبصمة Fingerprint | لا |
| مكان البصمة | لا يوجد |
ملحوظة : لا يمكننا ان نضمن ان تكون المعلومات
في هذه الصفحه صحيحة 100%
أحدث موبايلات من سامسونج
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
مواضيع مميزة عن موبايل Samsung Galaxy E7
waleedsunny
مواضيع و اراء عن Samsung Galaxy E7
dodomam
2015-04-14 (04:23:55AM)
الموبيل دة ولا g7 لاني معايا وحاسه كاميرته مش 13 خالص والصوت واطي فهل ابدله e7 ولا زيه
tzanasr
2015-04-14 (03:23:00PM)
حضرتك معاكى انهى وعاوزه تبدليه بايه
waleedsunny
2015-04-14 (06:32:16PM)
بصوا ياجماعه الموضوع ده مهم جدااااااااااااااا وشاغل بال ناس كتيير
فيه مهندس بيعمل ريفيوهات للموبايلات بالعربى وكاتب مقارنه من خلال مراجعته للجهازيين وهو على فكره صاحب محل موبايلات في الاسكندريه اسمه م / محمد خالد
وكاتب على موقعه الكلام ده
* كلام من الأخر عشان متكونشي محتار :-
لو بتقارن بين جهازين
1- Huawei Ascend G7
2- Samsung Galaxy E7
ومحتار بين الجهازين وبالذات ان مواصفاتهم شبه تكون متطابقه
- نفس التشيب سيت ونفس تردد المعالج ومعماريته .
- نفس حجم الرام والذاكره الداخليه .
- نفس دقه الكاميرا .
تقريبا فعلا نفس المواصفات مع اختلافات بسيطه جدا ...
طيب .. ايه هيا اهم الاختلافات اللي بين الجهازين اللي ممكن تخليك تقدر تاخد قرارك وتختار جهاز فيهم !!
بص يا سيدي ..
اول جهاز حتكلم عليه فيهم حيكون Samsung E7 وايه اهم الحاجات اللي ممكن تميزه عن ال Huawei G7 ..
* أول حاجه هيا ان جهاز E7 بيدعم تشغيل 2 شريحه اتصال بخلاف جهاز G7 بيدعم شريحه واحده فقط ..
فاذا كنت بتحتاج خطين حيكون جهاز E7 مناسب ليك .. ومتنساش انك عشان تقدر تركب شريحه اتصال تانيه لازم تستغنى على تركيب ذاكره خارجيه .. لان الخط التاني بيركب في نفس مكان الميموري يعني لتركب خط او تركب ميموري .
* تاني حاجه حتكون الشاشه .. هيا صحيح نفس الحجم ونفس الدقه وحتى نفس توزيع البيكسلات في كل انش في الشاشه متطابق ما بين شاشات الجهازين الا ان شاشه جهاز Samsung E7 حتتفوق بسبب نوعها .
فحتلاقي شاشه E7 من نوع Super Amoled اللي بتتميز بيها شركة سامسونج وبتتميز بدقه وضوح ونقاء ألوانها بشكل رائع وكمان بتتميز بدرجه تباينها العاليه اللي بتساعدك تشوفها بوضوح تحت أشعة الشمس ..
وبالنسبه لشاشة جهاز Huawei G7 فحتكون من نوع ips ذات زوايا الرؤيه الجيده جدا وألوانها واضحه .. بس لو في مقارنه مابينها ومابين السوبر امولد حتكون شاشه E7 احسن بشكل واضح
* ثالث حاجه حتميز جهاز Samsung E7 حتكون الكاميرا ولكن بشكل بسيط جداً فالجهازين بيتميزوا بكاميرا جيده جدا ولكن سامسونج تتميز بشكل بسيط في جوده صورها الملتقطه وبالذات في تصوير الفيديو ..
طيب .. بالنسبه بقا لمميزات جهاز Huawei Ascend G7 اللي بيتميز بيها عن جهاز Samsung E7 ..
* اول حاجه حتكون أداء البطاريه ...
عاوز اقولكم ان استخدام جهاز Huawei G7 مميز جدا فيما يخص البطاريه بشكل ملحوظ عن جهاز Samsung E7 مع ان البطاريتين يعتبروا بنفس حجم المللي امبير مع فارق بسيط لصالح ال G7 فبطاريه جهاز Huawei G7 بحجم 3000 مللي أمبير بينما بطاريه جهاز Samsung E7 بحجم 2950 مللي أمبير ..
*-* طيب تفتكروا فرق ال 50 مللي أمبير ده مابينهم هو السبب في زيادة كفاءه جهاز Huawei G7 عن جهاز Samsung E7 بالنسبه لأداء البطاريه ؟؟؟؟
الإجابة حتكون لأ ... طيب أمال ايه السبب !! ⁉
السبب بيرجع بشكل كبير لواجهة المستخدم اللي بتستخدمها شركه هواوي في اجهزتها اللي بتيجي بأسم ايموشن وبتكون في جهاز G7 من الاصدار 3.0 ..
بتتميز واجهة المستخدم الايموشن اللي بتستخدمها شركه هواوي بتكون سريعه وبتحافظ على الطاقه ومش بتستخدم من مساحه الرام بشكل كبير مثل واجهة المستخدم التاتش ويز اللي بتستخدمها شركه سامسونج في اجهزتها واللي بتستخدم مساحه كبيره من ذاكره الوصول العشوائية Ram الخاصه بالجهاز وبتسحب طاقه بشكل ملحوظ فا بالسبب ده حيكون اداء جهاز Huawei Ascend G7 احسن في اداء البطاريه وسرعه نظام التشغيل ..
اتمنى اكون قدرت افيدكم واقدملكم اهم الاختلافات البسيطة الموجوده مابين الجهازين وتقدروا تقرروا اي جهاز فيهم مناسب ليكم ..
إعداد وتقديم / م. محمد خالد
وده رد واحد من مستخدمى الجهاز G7
احب برضو اضيف واشارك الاخوة بما انه عندي هواوي G7 ان الهواوي فيه مميزات كتيرة منها انه يوجد منه وفية تطبيق تنظيف النظام وازالة الكاش + انه فيه خاصية اغلاق التطبيقات اللي عايز تختارها بعد اغلاق الشاشة يعني كانك منزل تطبيق GREENIFY ... وبرضوا فيه خاصية تخصيص لمنع استقبال التطبيقات للداتا سواء كانت على شبكة المحمول او الواي فاي ... ودي اعتبرها ميزة محترمة لتوفير الباقة ومميزات كتيرة تانية رائعة متوقعتهاش في واجهة جهاز الهواوي زي عمل ضغطتين على الشاشة ويفتح الواجهة وعمل اختصارات من خلال الرسم على الشاشه لفتح الكميرا او اي تطبيق محدد ... الصراحة واجهة هواوي والحركات والاختصارات حلوة ومبتكرة
اهم حاجه كل واحد يشوف ايه اللى يناسبه بدون التحيز لماركه معينه
فيه مهندس بيعمل ريفيوهات للموبايلات بالعربى وكاتب مقارنه من خلال مراجعته للجهازيين وهو على فكره صاحب محل موبايلات في الاسكندريه اسمه م / محمد خالد
وكاتب على موقعه الكلام ده
* كلام من الأخر عشان متكونشي محتار :-
لو بتقارن بين جهازين
1- Huawei Ascend G7
2- Samsung Galaxy E7
ومحتار بين الجهازين وبالذات ان مواصفاتهم شبه تكون متطابقه
- نفس التشيب سيت ونفس تردد المعالج ومعماريته .
- نفس حجم الرام والذاكره الداخليه .
- نفس دقه الكاميرا .
تقريبا فعلا نفس المواصفات مع اختلافات بسيطه جدا ...
طيب .. ايه هيا اهم الاختلافات اللي بين الجهازين اللي ممكن تخليك تقدر تاخد قرارك وتختار جهاز فيهم !!
بص يا سيدي ..
اول جهاز حتكلم عليه فيهم حيكون Samsung E7 وايه اهم الحاجات اللي ممكن تميزه عن ال Huawei G7 ..
* أول حاجه هيا ان جهاز E7 بيدعم تشغيل 2 شريحه اتصال بخلاف جهاز G7 بيدعم شريحه واحده فقط ..
فاذا كنت بتحتاج خطين حيكون جهاز E7 مناسب ليك .. ومتنساش انك عشان تقدر تركب شريحه اتصال تانيه لازم تستغنى على تركيب ذاكره خارجيه .. لان الخط التاني بيركب في نفس مكان الميموري يعني لتركب خط او تركب ميموري .
* تاني حاجه حتكون الشاشه .. هيا صحيح نفس الحجم ونفس الدقه وحتى نفس توزيع البيكسلات في كل انش في الشاشه متطابق ما بين شاشات الجهازين الا ان شاشه جهاز Samsung E7 حتتفوق بسبب نوعها .
فحتلاقي شاشه E7 من نوع Super Amoled اللي بتتميز بيها شركة سامسونج وبتتميز بدقه وضوح ونقاء ألوانها بشكل رائع وكمان بتتميز بدرجه تباينها العاليه اللي بتساعدك تشوفها بوضوح تحت أشعة الشمس ..
وبالنسبه لشاشة جهاز Huawei G7 فحتكون من نوع ips ذات زوايا الرؤيه الجيده جدا وألوانها واضحه .. بس لو في مقارنه مابينها ومابين السوبر امولد حتكون شاشه E7 احسن بشكل واضح
* ثالث حاجه حتميز جهاز Samsung E7 حتكون الكاميرا ولكن بشكل بسيط جداً فالجهازين بيتميزوا بكاميرا جيده جدا ولكن سامسونج تتميز بشكل بسيط في جوده صورها الملتقطه وبالذات في تصوير الفيديو ..
طيب .. بالنسبه بقا لمميزات جهاز Huawei Ascend G7 اللي بيتميز بيها عن جهاز Samsung E7 ..
* اول حاجه حتكون أداء البطاريه ...
عاوز اقولكم ان استخدام جهاز Huawei G7 مميز جدا فيما يخص البطاريه بشكل ملحوظ عن جهاز Samsung E7 مع ان البطاريتين يعتبروا بنفس حجم المللي امبير مع فارق بسيط لصالح ال G7 فبطاريه جهاز Huawei G7 بحجم 3000 مللي أمبير بينما بطاريه جهاز Samsung E7 بحجم 2950 مللي أمبير ..
*-* طيب تفتكروا فرق ال 50 مللي أمبير ده مابينهم هو السبب في زيادة كفاءه جهاز Huawei G7 عن جهاز Samsung E7 بالنسبه لأداء البطاريه ؟؟؟؟
الإجابة حتكون لأ ... طيب أمال ايه السبب !! ⁉
السبب بيرجع بشكل كبير لواجهة المستخدم اللي بتستخدمها شركه هواوي في اجهزتها اللي بتيجي بأسم ايموشن وبتكون في جهاز G7 من الاصدار 3.0 ..
بتتميز واجهة المستخدم الايموشن اللي بتستخدمها شركه هواوي بتكون سريعه وبتحافظ على الطاقه ومش بتستخدم من مساحه الرام بشكل كبير مثل واجهة المستخدم التاتش ويز اللي بتستخدمها شركه سامسونج في اجهزتها واللي بتستخدم مساحه كبيره من ذاكره الوصول العشوائية Ram الخاصه بالجهاز وبتسحب طاقه بشكل ملحوظ فا بالسبب ده حيكون اداء جهاز Huawei Ascend G7 احسن في اداء البطاريه وسرعه نظام التشغيل ..
اتمنى اكون قدرت افيدكم واقدملكم اهم الاختلافات البسيطة الموجوده مابين الجهازين وتقدروا تقرروا اي جهاز فيهم مناسب ليكم ..
إعداد وتقديم / م. محمد خالد
وده رد واحد من مستخدمى الجهاز G7
احب برضو اضيف واشارك الاخوة بما انه عندي هواوي G7 ان الهواوي فيه مميزات كتيرة منها انه يوجد منه وفية تطبيق تنظيف النظام وازالة الكاش + انه فيه خاصية اغلاق التطبيقات اللي عايز تختارها بعد اغلاق الشاشة يعني كانك منزل تطبيق GREENIFY ... وبرضوا فيه خاصية تخصيص لمنع استقبال التطبيقات للداتا سواء كانت على شبكة المحمول او الواي فاي ... ودي اعتبرها ميزة محترمة لتوفير الباقة ومميزات كتيرة تانية رائعة متوقعتهاش في واجهة جهاز الهواوي زي عمل ضغطتين على الشاشة ويفتح الواجهة وعمل اختصارات من خلال الرسم على الشاشه لفتح الكميرا او اي تطبيق محدد ... الصراحة واجهة هواوي والحركات والاختصارات حلوة ومبتكرة
اهم حاجه كل واحد يشوف ايه اللى يناسبه بدون التحيز لماركه معينه
dodomam
2015-04-14 (08:12:06PM)
اتا معايا هواوي g7 وبفكر اغيرة e7 لاني حاسه الكاميرا ضعيفه
al3bd
2015-04-15 (09:21:03AM)
كلام رائع من استاذ وليد كالمعتاد .....جزاك الله خير على مجهودك .........بس انت لحقت تبع ايه 7 ههههه وتجيب جيه 7 .....
يوجد المزيد من الردود, شاهد
جميع الردود
samsony
2015-04-13 (06:16:51PM)
كيف تضبط شبكة النت على خط اتصالات على موبايل E7 ؟
waleedsunny
2015-04-13 (11:49:36PM)
سامسونج والحمد لله من الماركات اللى اى شبكة بيكون فيها النت اتوماتيك يعنى مش محتاجه لرسائل ضبط ال 3جى
وعموما ابعت رساله فاضيه ل رقم 250
هايجيلك رسائل ضبط للموبايل دوس على تحميل هاتتحمل رسائل ضبط النت للموبايل
ويستحسن تخلى الخط اللى هاتدخل منه نت 3 جى في مكان سيم 1 وده بيكون في المكان اللى بيركب فيه خط فقط وخلى الخط اللى مش هاتدخل منه نت في المكان اللى بيركب فيه خط او كارت ميمورى
وعموما ابعت رساله فاضيه ل رقم 250
هايجيلك رسائل ضبط للموبايل دوس على تحميل هاتتحمل رسائل ضبط النت للموبايل
ويستحسن تخلى الخط اللى هاتدخل منه نت 3 جى في مكان سيم 1 وده بيكون في المكان اللى بيركب فيه خط فقط وخلى الخط اللى مش هاتدخل منه نت في المكان اللى بيركب فيه خط او كارت ميمورى
samsony
2015-04-13 (04:45:41PM)
فعلا البطارية بتنزل لوحدها كانت 89% وبشوفها تانى لقتها 88% ده يبقى عيب بطارية ولا اية مع اننى ماسح كل حاجة على الرام وقافل النت !!!!!!!! ارجوا الرد
waleedsunny
2015-04-13 (05:42:01PM)
ماتقلقش
المهم تسيب الموبايل بعد مايتشحن 100% نص ساعه تقريبا زياده
وخلاص مش هايفرق موضوع انك تشحنه مقفول او مفتوح اهم حاجه لما تشحنه مفتوح تكون قافل النت وال 3جى وال GPS عشان مايكلش بطاريه على الفاضى
وأداء البطاريه ان شاء الله هايتظبط بعد اول 3 او 4 شحنات
ومبروك عليك
واهم حاجه اداء البطاريه بعد نزولها ل 80% او 90%
المهم تسيب الموبايل بعد مايتشحن 100% نص ساعه تقريبا زياده
وخلاص مش هايفرق موضوع انك تشحنه مقفول او مفتوح اهم حاجه لما تشحنه مفتوح تكون قافل النت وال 3جى وال GPS عشان مايكلش بطاريه على الفاضى
وأداء البطاريه ان شاء الله هايتظبط بعد اول 3 او 4 شحنات
ومبروك عليك
واهم حاجه اداء البطاريه بعد نزولها ل 80% او 90%
samsony
2015-04-13 (05:57:32PM)
الله يبارك فيك يا أ/ وليد والله انا بثق فى كلام حضرتك وتقريرك علشان كده انا اشتريت الموبايل هو الموبايل ممتاز بس حكاية البطارية هى اللى تقلق بس. هو عادى البطارية تنزل لوحدها على الرغم من انا قافل كل حاجة و المفروض البطارية السليمة تقعد كام ساعة ؟
waleedsunny
2015-04-13 (11:44:21PM)
شاكر جدا لحضرتك يا استاذ samsony
العبره زى ماحضرتك قولت بمدة استخدام البطاريه
بعد اول 3 او 4 شحنات
المفروض الجهاز مايقلش ابدا عن استخدام نت 3جى 6 ساعات او نت واى فاى من 7 ل 8 ساعات على مدار اليوم + المكالمات + سماع موسيقى مثلا في حدود ساعه او اكتر ويفضل كمان اخر اليوم مش اقل من 10%
لو عايز تعرف البطاريه سليمه
خلى الجهاز على الوضع الترا سيفينج باور المفروض الجهاز لو انت مابتستخدموش خالص ينزل 1% بعد كذا ساعه بس تكون قافل ال 3جى لكن لو انت مابستخدمش الموبايل ولاقيت سرعه نزول البطاريه وانت على الوضع ده عاليه يبقى فيه مشكله
العبره زى ماحضرتك قولت بمدة استخدام البطاريه
بعد اول 3 او 4 شحنات
المفروض الجهاز مايقلش ابدا عن استخدام نت 3جى 6 ساعات او نت واى فاى من 7 ل 8 ساعات على مدار اليوم + المكالمات + سماع موسيقى مثلا في حدود ساعه او اكتر ويفضل كمان اخر اليوم مش اقل من 10%
لو عايز تعرف البطاريه سليمه
خلى الجهاز على الوضع الترا سيفينج باور المفروض الجهاز لو انت مابتستخدموش خالص ينزل 1% بعد كذا ساعه بس تكون قافل ال 3جى لكن لو انت مابستخدمش الموبايل ولاقيت سرعه نزول البطاريه وانت على الوضع ده عاليه يبقى فيه مشكله
adelnafei
2015-04-14 (11:54:53AM)
بوصو يا جماعه هو فعلا اول 10 % بينزلوا بسرعه شويه عن باقى البطاريه بس انا لما بسيب الموبايل بعد الشحن من غير استخدام بيفضل مؤشر البطاريه ثابت لفتره طويل من غير ما ينقص وفعلا بعد كده البطاريه بتبقى كويسه جدا من 80 % وانت نازل وبتكمل اليوم مرتاحه مع الشغل الجامد
samsony
2015-04-13 (04:41:47PM)
مش عارف ليه عندى احساس ان البطارية بتنزل لوحدها. وكيف احافظ على البطارية ؟
samsony
2015-04-13 (04:31:30PM)
انا اشتريت موبايل E7 و اول لما خلص الشحن قفلت الموبايل وحطيته فى الشاحن حتى وصل 100% و وفصلته من الشاحن وفتحت الموبايل و نسيت اسيب الموبايل اكتر من 5 ساعات كاول مرة شحن الموبايل اتشحن فى ساعتين ونصف .فهل استطيع اغلق الموبايل واسبه فى الشاحن اكتر من 5 ساعات ولا المفروض تتعمل الحكاية ده اول عملية شحن للموبايل بس . وبعدين هو المفروض الشحن ينزل 1% بعد كام دقيقة ؟ ارجوا الرد سريعا
mo2menezzat
2015-04-13 (05:24:24AM)
انا لسه مشترى الموبايل من 6 ايام و الحمد لله ملقتش فيه اى عيب
و الف شكر للاعضاء اللى استفدت من التعليقات
و الف شكر للاعضاء اللى استفدت من التعليقات
waleedsunny
2015-04-13 (12:02:58PM)
الف مبروك
وربنا يباركلك فيه
ولو في اى حاجه قابلتك تحب تفيد بيها الاعضاء أكون مشكور جدا سواء بالسلب او الايجاب
وربنا يباركلك فيه
ولو في اى حاجه قابلتك تحب تفيد بيها الاعضاء أكون مشكور جدا سواء بالسلب او الايجاب
mo2menezzat
2015-04-14 (05:35:20PM)
الله يبارك فيك
لو فى اى حاجة قابلتنى ان شاء الله حقولها
لو فى اى حاجة قابلتنى ان شاء الله حقولها
MohamedMazhar
2015-04-12 (04:09:11PM)
يا جماعه هو ايه بالظبط اللي بيميز موبايلات سامسونج وكاميرتها خصوصاً عن باقي الاجهزه !؟
من ضمنها ( هواوي و لينوفو ) !!
كتير اوي سمعت ان ناس بتفَضل كاميرة سامسونج عن كاميرة هواوي او لينوفو باعتبار انهم جميعاً بيكونوا بنفس الميجا بيكسل !! مثال بسيط ؛ Galaxy E7 & Ascend G7 !!؟ الاتنين ١٣ ميجا بيكسل !!
من هنا بقى اسأل سؤالي ؛ من اين تأتي هواوي بكاميرة موبايلاتها !؟ يعني هي اللي بتصنعها ولا شركه تانيه اللي بتصنعلها مثلاً !؟ ونفس الموضوع لسامسونج ، هي اللي بتصنع كاميرتها ولا شركه تانيه!؟
وحاجه اخيره محبره ! :/ سمعت ناس تقول علي كاميرة الـ s3 افضل من كاميرة الجراند برايم !!؟؟ مع العلم ان الاتنين نفس الميجا بيكسل ونفس الشركه ( سامسونج ) ماهو السبب !!؟؟ .
وياريت يا استاذ : waleedsunny تشارك في هذا الاستفسار :))
ارجو للافاده ،، ومشكورين مقدماً :)
من ضمنها ( هواوي و لينوفو ) !!
كتير اوي سمعت ان ناس بتفَضل كاميرة سامسونج عن كاميرة هواوي او لينوفو باعتبار انهم جميعاً بيكونوا بنفس الميجا بيكسل !! مثال بسيط ؛ Galaxy E7 & Ascend G7 !!؟ الاتنين ١٣ ميجا بيكسل !!
من هنا بقى اسأل سؤالي ؛ من اين تأتي هواوي بكاميرة موبايلاتها !؟ يعني هي اللي بتصنعها ولا شركه تانيه اللي بتصنعلها مثلاً !؟ ونفس الموضوع لسامسونج ، هي اللي بتصنع كاميرتها ولا شركه تانيه!؟
وحاجه اخيره محبره ! :/ سمعت ناس تقول علي كاميرة الـ s3 افضل من كاميرة الجراند برايم !!؟؟ مع العلم ان الاتنين نفس الميجا بيكسل ونفس الشركه ( سامسونج ) ماهو السبب !!؟؟ .
وياريت يا استاذ : waleedsunny تشارك في هذا الاستفسار :))
ارجو للافاده ،، ومشكورين مقدماً :)
waleedsunny
2015-04-12 (04:56:49PM)
الموضوع بسيط جداااا
هو نوع العدسه المستخدمه في التصوير
عندك مثلا الايفون او البلاك بيرى او نوكيا بيستخدمه انواع غاليه جدااا من عدسات التصوير
يعنى سيبك من عدد الميجا بيكسل المهم نوعيه العدسه ومدى جودتها
زى بالظبط في البرسسور المهم معماريه البرسسور مش عدد الانويه
يعنى برسسور ثنائى معماريه A9 بيدى نفس أداء برسسور رباعى A7 ويمكن افضل كمان
وعلى فكره كان معايا السامسونج E7 والهواوى G7 بمنتهى الامانه ال G7 أفضل وأدق في التصوير هو وال Mate 7
وطبعا كاميرا الاس 3 القديم افضل من الجراند برايم تخيل جهاز كان نازل ب 4000ج هاتساويه بجهاز اول ما نزل نزل ب 1700ج
سامسونج اصبحت زى الشركات المنافسه بتستخدم خامات وعدسات اقل في الجوده عشان تقدر تنزل الموبايل بسعر تنافسى للماركات التانيه في السوق زى هواوى والكاتيل ولينوفو وانفينكس
يعنى الشركات تعمل ايه لما تلاقى شركة زى انفينكس شركة فرنسية اصلا وتقفيل صينى زى كل الماركات حاليا منزله انفينكس هوت ب 600ج مواصفات عاليه جدا وأداء ممتاز جايب على ال An tu tu معدل 19300 يعنى زى الاس 3 والجراند 2 واعلى من الجراند برايم
فالازم الشركات تستخدم خامات وعدسات اقل عشان تقدر تنافس
وبرده بالتأكيد في أراء أخرى للموضوع ده من الاعضاء ان شاء الله
هو نوع العدسه المستخدمه في التصوير
عندك مثلا الايفون او البلاك بيرى او نوكيا بيستخدمه انواع غاليه جدااا من عدسات التصوير
يعنى سيبك من عدد الميجا بيكسل المهم نوعيه العدسه ومدى جودتها
زى بالظبط في البرسسور المهم معماريه البرسسور مش عدد الانويه
يعنى برسسور ثنائى معماريه A9 بيدى نفس أداء برسسور رباعى A7 ويمكن افضل كمان
وعلى فكره كان معايا السامسونج E7 والهواوى G7 بمنتهى الامانه ال G7 أفضل وأدق في التصوير هو وال Mate 7
وطبعا كاميرا الاس 3 القديم افضل من الجراند برايم تخيل جهاز كان نازل ب 4000ج هاتساويه بجهاز اول ما نزل نزل ب 1700ج
سامسونج اصبحت زى الشركات المنافسه بتستخدم خامات وعدسات اقل في الجوده عشان تقدر تنزل الموبايل بسعر تنافسى للماركات التانيه في السوق زى هواوى والكاتيل ولينوفو وانفينكس
يعنى الشركات تعمل ايه لما تلاقى شركة زى انفينكس شركة فرنسية اصلا وتقفيل صينى زى كل الماركات حاليا منزله انفينكس هوت ب 600ج مواصفات عاليه جدا وأداء ممتاز جايب على ال An tu tu معدل 19300 يعنى زى الاس 3 والجراند 2 واعلى من الجراند برايم
فالازم الشركات تستخدم خامات وعدسات اقل عشان تقدر تنافس
وبرده بالتأكيد في أراء أخرى للموضوع ده من الاعضاء ان شاء الله
minanabil86
2015-04-12 (05:25:50PM)
هى كاميرا الهواوى g7 افضل من الجالاكسى e7 ؟!!!
waleedsunny
2015-04-12 (08:35:59PM)
بعد ماجربت الاتنين
بالامانه G7 أفضل
وصوت سماعة النغمات اعلى جدا ومجسم
وفى اوبشن عالى جدااااااااااااااا
لكن مش كل الناس بتفضل الماركات اللى زى هواوى ولينوفو والكاتيل وانفينكس وهكذا
وده بسبب ان الواحد لسه مش عارف مدى العمر الافتراضى ايه للاجهزه دى
غير ان الوكلاء والاكسسوارات وقطع الغيار والصيانه بتاعت الماركات دى لسه جديده وغير متوفره بكثره زى سامسونج
بالامانه G7 أفضل
وصوت سماعة النغمات اعلى جدا ومجسم
وفى اوبشن عالى جدااااااااااااااا
لكن مش كل الناس بتفضل الماركات اللى زى هواوى ولينوفو والكاتيل وانفينكس وهكذا
وده بسبب ان الواحد لسه مش عارف مدى العمر الافتراضى ايه للاجهزه دى
غير ان الوكلاء والاكسسوارات وقطع الغيار والصيانه بتاعت الماركات دى لسه جديده وغير متوفره بكثره زى سامسونج
MohamedMazhar
2015-04-13 (02:46:43AM)
شكراً استاذ وليد علي ردك وافادتك :)
بس انا دلوقتي ازاي اتأكد من جودة او نوع العدسه!؟ وازاي اعرف العدسه المستخدمه في اي موبايل ؟
-
انا كنت ممكن اشتري Lenovo p7 لولا ان لقيت ناس بتقول كاميرة الموبايل مش قد كده للاسف ! :/
وياريت تقولي ايه نوع العدسه المستخدمه في الجهاز ده ! (Lenovo p7)
ومشكور يا باشا مره تانيه ^^
بس انا دلوقتي ازاي اتأكد من جودة او نوع العدسه!؟ وازاي اعرف العدسه المستخدمه في اي موبايل ؟
-
انا كنت ممكن اشتري Lenovo p7 لولا ان لقيت ناس بتقول كاميرة الموبايل مش قد كده للاسف ! :/
وياريت تقولي ايه نوع العدسه المستخدمه في الجهاز ده ! (Lenovo p7)
ومشكور يا باشا مره تانيه ^^
يوجد المزيد من الردود, شاهد
جميع الردود
MoamenRamadan
2015-04-12 (01:49:49PM)
ياريت ياجماعة حد يقولي اي هي فايدة ال 4G عشان هي مش موجودة ف الفون دا .... وياريت حد يقولي الخطين مقصوصين ولا عاديين ولا اي بالظبط ... آرجو الرد سريعا
waleedsunny
2015-04-12 (02:23:57PM)
دمة ال 4 جى دى سرعة دخول النت عن طريق الخط
والخدمه دى مش موجوده في مصر اصلا وياعالم هاتدخل كمان كام سنه
الموجود في مصر خدمة ال 3 جى وكمان موجوده في مصر بنسبة 70% تقريبا على مستوى انحاء الجمهوريه
يعنى اوبشن مالوش اى لزمه في مصر
الشريحتين زى ما كنت كاتب في التقييم شريحتين نانو يعنى اصغر مقاس موجود للشريحه
والخدمه دى مش موجوده في مصر اصلا وياعالم هاتدخل كمان كام سنه
الموجود في مصر خدمة ال 3 جى وكمان موجوده في مصر بنسبة 70% تقريبا على مستوى انحاء الجمهوريه
يعنى اوبشن مالوش اى لزمه في مصر
الشريحتين زى ما كنت كاتب في التقييم شريحتين نانو يعنى اصغر مقاس موجود للشريحه
MoamenRamadan
2015-04-12 (10:16:30PM)
طب ينفع أحط خط مقصوص مكان خط كامل .. هايشتغل ياعني ولا اي بالظبط
waleedsunny
2015-04-12 (10:43:00PM)
بيتباع عند اى محل موبايلات حاجه للموضوع ده ب 5ج فيها 3 مقاسات لكارت السيم بحيث ان مثلا لو الخط اللى معاك مايكرو او نانو وعايز تحطه في جهاز الخط بتاعه مينى بتستخدم الكروت اللى بتتباع ب 5ج للموضوع ده
MoamenRamadan
2015-04-14 (02:42:11PM)
آسف معلش .. مش فاهمك ممكن توضح !
shadymt2005
2015-04-11 (08:19:48PM)
هو سعر الموبيل عمال ينزل ليه كده
OSAMAVIP
2015-04-11 (09:52:29PM)
ده متوسط سعر خش علي شراء جديد وانت تشوف
waleedsunny
2015-04-12 (12:31:03PM)
على فكره الموبايل سعره مانزلش ولا حاجه
الموضوع ان سعره اصلا كان عالى عشان سعر الدولار عالى في اول نزول الموبايل للسوق
لكن حاليا سعر الدولار اصبح اقل ومتوفر فاسعر استيراد الاجهزه اصبح اقل
وعامة لو حضرتك متابع لجميع الماركات
هاتعرف ان HTC سعرها نزل جداااااااااااااا لبعض الموديلات وشركة لينوفو وشركة سونى
للاسف المصريين عندهم فكرة ان الحاجه لما سعرها بيقل ده معناه ان الحاجه فيها عيب او مشكلة أدت لتقليل سعرها
لكن في جميع دول العالم طبيعى جدا ان الحاجه سعرها يقل تدريجى بسبب نزول موديلات تانيه او اعتبارات اخرى حسب سياسة السوق
الموضوع ان سعره اصلا كان عالى عشان سعر الدولار عالى في اول نزول الموبايل للسوق
لكن حاليا سعر الدولار اصبح اقل ومتوفر فاسعر استيراد الاجهزه اصبح اقل
وعامة لو حضرتك متابع لجميع الماركات
هاتعرف ان HTC سعرها نزل جداااااااااااااا لبعض الموديلات وشركة لينوفو وشركة سونى
للاسف المصريين عندهم فكرة ان الحاجه لما سعرها بيقل ده معناه ان الحاجه فيها عيب او مشكلة أدت لتقليل سعرها
لكن في جميع دول العالم طبيعى جدا ان الحاجه سعرها يقل تدريجى بسبب نزول موديلات تانيه او اعتبارات اخرى حسب سياسة السوق
waleedsunny
2015-04-12 (12:36:25PM)
ولو دخلت على موديلات سامسونج كلها من 3 اسابيع وشفت سعرها
ودخلت انهارده وشوفت سعرها اصبح ايه هاتعرف ان الموضوع كان مرتبط بسعر الدولار في البلد
جراند برايم كان من شهر ونص سعره نزل ل 1500ج ومن 3 اسابيع سعره وصل ل 1750 وانهارده رجع تانى ل 1500ج
جراند نيو بلس كان من شهر ونص ب 1300ج ومن 3 اسابيع وصل ل 1475ج وانهارده ب 1250ج
كور برايم كان من شهر ونص ب 1150ج ومن 3 اسابيع وصل 1275 ج وانهارده ب 1130ج
جراند 2 كان من شهريين ب 1925 ج بالضمان ومن 3 اسابيع ب 2175ج وانهارده ب 2000ج
والامثله كتييييير جداااا
بس لازم حضرتك تكون متابع موديلات وماركات مختلفه كتيير عشان تعرف حركة تغير السوق والاسعار
ودخلت انهارده وشوفت سعرها اصبح ايه هاتعرف ان الموضوع كان مرتبط بسعر الدولار في البلد
جراند برايم كان من شهر ونص سعره نزل ل 1500ج ومن 3 اسابيع سعره وصل ل 1750 وانهارده رجع تانى ل 1500ج
جراند نيو بلس كان من شهر ونص ب 1300ج ومن 3 اسابيع وصل ل 1475ج وانهارده ب 1250ج
كور برايم كان من شهر ونص ب 1150ج ومن 3 اسابيع وصل 1275 ج وانهارده ب 1130ج
جراند 2 كان من شهريين ب 1925 ج بالضمان ومن 3 اسابيع ب 2175ج وانهارده ب 2000ج
والامثله كتييييير جداااا
بس لازم حضرتك تكون متابع موديلات وماركات مختلفه كتيير عشان تعرف حركة تغير السوق والاسعار
shadymt2005
2015-04-11 (08:19:30PM)
هو سعر الموبيل عمال ينزل ليه كده