adelnafei
أحدث المشاركات
Huawei Honor GR5
2016-02-08 (01:57:20PM)
اشتريت الموبايل من 3 ايام من موبايل شوب طبعا الجهاز شيك جدا جدا وخاماته ممتازه والتقفيل ممتاز انا جبت اللون الذهبى عجبنى جدا مع ان كل تليفوناتى كانت اسود. طبعا الجهاز نازل باندرويد لولى بوب . وتقييم سريع كده الشاشه ممتازه. النت سريع سواء الباقه او الواى فاى . مفيش سخونيه نهائى . الكاميرا الاماميه جيده والخلفيه ممتازه البطاريه حدث ولا حرج يوم ونص استخدام متوسط ولسه فيها30 % بياخد وقت عشان يتشحن حوالى 3 ساعات . البصمه حساسه جدا وليها استخدامات كتير .التاتش و السوفت خفيف جدا ومفيش اى تعليق نهائى. نازل على الجهاز برامج لتنظيف الملفات وتسريع الجهاز .الصوت عالى ومسموع فى سماعه المكالمات ونقى جدا وبضطر اوطى الصوت انما صوت النغمات عالى بس مش نقى اوى بس كويس طبعا وممكن محدش يلاحظها. طبعا نازل مع الجهاز جراب ظهر شفاف كويس جدا واسكرينه عاديه ولكن انا وفقتله اسكرينه ب 10 جنيه من محل 888 فى جسر السويس . واى استفسار انا تحت الامر.
Huawei Honor 6 Plus
2015-04-20 (01:34:50PM)
كنت مستنى الموبايل ده ينزل مصر بس خلاص اشتريت سامسونجe7
Samsung Galaxy E7
2015-04-07 (06:56:28PM)
بصراحه التليفون طلع ممتاز والظاهر ان سامسونج ابتديت تخاف على نفسها من الماركات التانيه . التليفون ما شاء الله سريع جدا ومش بيهنج وحجمه ممتاز اقصد السمك طبعا شاشه رائعه كاميرا ممتازه وخامته جيده جدا انا جبت اللون الكحلى من دريم ب 2520 و هو صناعه صينى وبمقارنته بالتليفون اللى كان معايا قبله اتش تى سى 816 فهو احسن بكتير خصوصا الشاشه والكاميرا و السخونيه وطبعا الاكسسوارات جبتله سكرينه زجاج ب25 وكفر ضهر ب 20 واحب اشكر الاستاذ وليد اللى كان ليه الفضل انى اقرر اجيب سامسونج بعد تقييمه الممتاز للتليفون واى استفسار انا تحت الامر وشكرا
Huawei Ascend Mate7
2015-01-22 (10:26:54AM)
الجهاز دلوقتى موجود فى كارفور النسخه الشرحتين 32 جيجا و الرام 3 جيجا اللون الذهبى بضمان رايه ب 4250
HTC Desire 816
2014-06-26 (10:42:54AM)
اخبار البطاريه ايه يا جماعه انا حاسس انها بتخلص بسرعه معايا يعنى ببقى لسه شاحنه وبعد ساعه كده الاقيه بقى 90 % ده طبيعى ولا ايه مع انى استخدامى عادى
HTC Desire 816
2014-06-02 (12:49:17PM)
امبارح قررت اشتر ى الموبايل من موبايل شوب روحت فرع الهرم مش لقيته 3 فروع تانى فى فيصل مش موجود روحت كارفور المعادى فيه موبايل شوب برضو مش موجود افتكرت كلام استاذ وليد انه موجود فى فرع كارفور العبور روحت رايح واخيرا برضو مش موجود مش عارف فيه ايه فقررت انى اشترى حاجه تانيه احسن وهشتري سامسونج ميجا لانى مش لاقى الموبايل طيب لو حبيت اشتر جراب ولا اسكرينه اعمل ايه
إعلانات المستعمل
2100 ج.م
منذ 11 سنة
لون كحلى استعمال 3 شهور بالضمان وكل مشتملاته معاه 2 اسكرينه زجاج و2 جراب ضهر و دوت فيو بدو...
1850 ج.م