هذا الموضوع مرتبط بـ Galaxy E7

الفرق بين كاميرات الموبايلات !

MohamedMazhar

2015-04-12 (04:09:11PM)

يا جماعه هو ايه بالظبط اللي بيميز موبايلات سامسونج وكاميرتها خصوصاً عن باقي الاجهزه !؟
من ضمنها ( هواوي و لينوفو ) !!
كتير اوي سمعت ان ناس بتفَضل كاميرة سامسونج عن كاميرة هواوي او لينوفو باعتبار انهم جميعاً بيكونوا بنفس الميجا بيكسل !! مثال بسيط ؛ Galaxy E7 & Ascend G7 !!؟ الاتنين ١٣ ميجا بيكسل !!
من هنا بقى اسأل سؤالي ؛ من اين تأتي هواوي بكاميرة موبايلاتها !؟ يعني هي اللي بتصنعها ولا شركه تانيه اللي بتصنعلها مثلاً !؟ ونفس الموضوع لسامسونج ، هي اللي بتصنع كاميرتها ولا شركه تانيه!؟
وحاجه اخيره محبره ! :/ سمعت ناس تقول علي كاميرة الـ s3 افضل من كاميرة الجراند برايم !!؟؟ مع العلم ان الاتنين نفس الميجا بيكسل ونفس الشركه ( سامسونج ) ماهو السبب !!؟؟ .

وياريت يا استاذ : waleedsunny تشارك في هذا الاستفسار :))
ارجو للافاده ،، ومشكورين مقدماً :)

TrainerMohamedtayel

2015-04-21 (04:52:44PM)

مع احترامى ليك يا استاذ وليد انا معايا ميت 7 جولد شريحتين و احب اقولك ان كاميرته لا تقارن بـ 13 ميجا من بتاعة النوت 3 و التفوق واضح جدا للنوت 3 بدون انحياز و منصحش حد باجهزة هواوى لان دعمها للسوفت ضعيف جدا و انا ندمت انى ضعفت 4000 جنيه فى جهاز علشان بصمة و معدن و شاشة كبيرة و النصيبه ان الشاشة مصفرة اصلا و الله صدقونى سامسونج غاليه بس فعلا لانها بتعمل حاجة من الاخر عيب سامسونج بطارية و تهنيج بس و اظن ده خف مع E7 جهاز عن نفسى افضل فى كل حاجة من G7 رغم انه يفتقد البوصله و لمبة الاشعارات و اللى عالجوها فى السوفت من خلال انك تشيل الجهاز يتهز لو فيه مكالمة او اشعار فات عليك و مشفتوش انما البوصلة بالنسبة ليا مش مهمه و علشان كده بفكر ابيع ميت 7 ع الفور و خصوصا بعد ما اتعملت معاه لاكتر من 4 شهور متقارنش واوى بسامسونج خالص سامسونج فعلا عندها مشاكل و لكن عالجتها فى S6 و بشكل ملحوظ جدا و لكن ما زالت لديها عيب و هو البطارية و لازم تظبطه غير كده لا

waleedsunny

2015-04-13 (12:01:28PM)

انا بقول نوعيه العدسه
اقصد بيها نوع الخامه المستخدم منها العدسه
لكن ماعدش زى زمان بيستخدمه ماركات زى نوكيا مثلا كارل زيس والماركات المحترمه الغاليه دى اللى لسه نوكيا بتستخدمها في بعض موديلاتها الغاليه فقط
صعب جدا انك تلاقى انهارده شركة بتستخدم كاميرا عدستها ليها ماركه مشهوره
وبلاش لينوفو عامة عشان غالى وفى مشاكل تسقيط شبكه في كذا موديل
لو عايز حاجه غير سامسونج ومصمم على كده خليك في هواوى

MohamedMazhar

2015-04-13 (02:46:43AM)

شكراً استاذ وليد علي ردك وافادتك :)
بس انا دلوقتي ازاي اتأكد من جودة او نوع العدسه!؟ وازاي اعرف العدسه المستخدمه في اي موبايل ؟
-
انا كنت ممكن اشتري Lenovo p7 لولا ان لقيت ناس بتقول كاميرة الموبايل مش قد كده للاسف ! :/
وياريت تقولي ايه نوع العدسه المستخدمه في الجهاز ده ! (Lenovo p7)
ومشكور يا باشا مره تانيه ^^

waleedsunny

2015-04-12 (08:35:59PM)

بعد ماجربت الاتنين
بالامانه G7 أفضل
وصوت سماعة النغمات اعلى جدا ومجسم
وفى اوبشن عالى جدااااااااااااااا
لكن مش كل الناس بتفضل الماركات اللى زى هواوى ولينوفو والكاتيل وانفينكس وهكذا
وده بسبب ان الواحد لسه مش عارف مدى العمر الافتراضى ايه للاجهزه دى
غير ان الوكلاء والاكسسوارات وقطع الغيار والصيانه بتاعت الماركات دى لسه جديده وغير متوفره بكثره زى سامسونج

minanabil86

2015-04-12 (05:25:50PM)

هى كاميرا الهواوى g7 افضل من الجالاكسى e7 ؟!!!

waleedsunny

2015-04-12 (04:56:49PM)

الموضوع بسيط جداااا
هو نوع العدسه المستخدمه في التصوير
عندك مثلا الايفون او البلاك بيرى او نوكيا بيستخدمه انواع غاليه جدااا من عدسات التصوير
يعنى سيبك من عدد الميجا بيكسل المهم نوعيه العدسه ومدى جودتها
زى بالظبط في البرسسور المهم معماريه البرسسور مش عدد الانويه
يعنى برسسور ثنائى معماريه A9 بيدى نفس أداء برسسور رباعى A7 ويمكن افضل كمان
وعلى فكره كان معايا السامسونج E7 والهواوى G7 بمنتهى الامانه ال G7 أفضل وأدق في التصوير هو وال Mate 7
وطبعا كاميرا الاس 3 القديم افضل من الجراند برايم تخيل جهاز كان نازل ب 4000ج هاتساويه بجهاز اول ما نزل نزل ب 1700ج
سامسونج اصبحت زى الشركات المنافسه بتستخدم خامات وعدسات اقل في الجوده عشان تقدر تنزل الموبايل بسعر تنافسى للماركات التانيه في السوق زى هواوى والكاتيل ولينوفو وانفينكس
يعنى الشركات تعمل ايه لما تلاقى شركة زى انفينكس شركة فرنسية اصلا وتقفيل صينى زى كل الماركات حاليا منزله انفينكس هوت ب 600ج مواصفات عاليه جدا وأداء ممتاز جايب على ال An tu tu معدل 19300 يعنى زى الاس 3 والجراند 2 واعلى من الجراند برايم
فالازم الشركات تستخدم خامات وعدسات اقل عشان تقدر تنافس
وبرده بالتأكيد في أراء أخرى للموضوع ده من الاعضاء ان شاء الله

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy E7

مقارنة

Android
5.5″

5.5 بوصة
3G

2G / 3G
13 MP, 4...
2950mAh

Non-removable Li-Ion 2950 mAh battery غير قابلة للازالة

مزيد من المعلومات

الموبايلات

الفرق بين كاميرات الموبايلات !

التسجيل بالموقع

دخول الاعضاء

معلومات سريعة عن Samsung Galaxy E7

Android

5.5″

3G

13 MP, 4...

2950mAh