سعر و مواصفات HTC Desire 816

جبت امبارح.سكرين للموبايل من موبايل شوب علبه فيها ٢ ب ٩٠ جنية طبعا بعد ما دخت وملقتش حاجة ليه الاسكرينة خاماتها ممتازة.جدا ...وكلير ...وملقتش إلا فليب كفر ب 250 جنيه لو حد يعرف جراب ظهر فقط منين وبلاش العتبة

رجاء صغير بس من الأعضاء يلي عم بعلقوا على الموضوع هذا وغيره من المواضيع، إنه يكونوا شوي موضوعيين بكلامهم، لأنه بكون الواحد متشجع لجوال معين، وبقرأ تعليقات لبعض الأعضاء عم تمدح بالجوال بشكل زايد كثير عن اللزوم، وواضح إنها عم تسويله دعاية تسويقية رهيبة غير مبررة .
فبصير شك إنه يلي عم يكتب هالتعليقات هو مو مستخدم عادي للجوال، إنما هو صاحب محل عم يعمل دعاية بغرض الربح مو أكثر، وشكراً كثير ألكم

بصو يا جماعة الموبايل احسن حاجة فى طبعن سعرة وعمرنا ما شوفنا اتش تى سى بتعمل كدة لانها كانت تنزل موبايل بالامكنايات دى و ب 4 الاف جنية لكن هى طبعا عاوزة تكسب فى السوق المصرى وتعمل لنفسها شهرة وهى اصلا من احسن الشركات وانا بعتبر احسن تلاتة سونى-اتش تى سى-الجى تقييمى للجهاز الجهااااز جببااار جدا ومن احسن الحاجات فى انة عمرة ما بيهنج ولا بيسخن زى السامسونج وطبعن كل موبايلات اتش تى سى كدة تانى حاجة شاشتة جميييلة جداااااا كبيرة وواضحة حلوة علشان العاب او فيديو الخـ لكن هى مش عليها طبقة حماية فا ياريت تحطة اسكرينة تالت حاجة الجهاز تصميمة جمييل جدااا وخاماتة جميلة هى اة اتش تى سى مقلللة فى لكن حلوة جدا بردو واحسن من السامسونج والتصميم اكثر من رائع ويدعم شرحيتين واحدة 2 جى والتانية 3 جى الذاكرة الداخلية هى قليلة لبعض الناس وعادى لبعض الناس وهى 8 جيجا فقط لكن تقدر تنقل الصور-الفيديوهات الخـ على الميمورى لكن الالعاب الكبيرة 1 جيجا وكدة بيتنقل منها 10% والرمات جمييلة جدا لان اصلا اتش تى سى مش بتاخد من الرمات كتيير وتانى حاجة السوفت خفيف جدااااااا غير بتاع سامسونج خاالص البروسسيور سرييييع وهيشغل اى لعبة فى العالم او اى حاجة وعمرة ما هينج فى لعبة واندرويد 4.4.2 وهيتحدث تانى كتيير انشاء الله لانة لسة جديد ومشكلة نقل الملفات دى انشاء الله تتحل فى اندرويد قادم او تحديث من شركة اتش تى سى الكاميرا رائعة والامامية 5 ميجا ودى طبعا ملهاش حل :D وفى فلاش قوى جدا وراديو وممكن توصلة فلاشة والبطارية حلوة 2600 ملى امبير فى موبايلات زى جراند2 ونكسيس 5 واس ثرى بطاريتهم تلاقيها 2300 ملى امبير و 2100 ملى امبير :) عيوب الجهاز 3 مشاكل
1-الذاكرة 8 جيجا فقط ودى تهم ناس وناس لا لكن فى تحديث قادم هيحل المشكلة دى
2-عدم وجود فايل مانجر ودى مفهاش اى مشكلة مش عارف الناس بتتكلم عليها لية ما تنزل فايل مانجر اية الى فيها يعنى !
3-خاصية الويتينج مش موجودة ودى مش فارقة معايا انا شخصيا مش بتكلم كتيير

غير كدة الموبايل اكثر من رائع واحسن من جراند 2 وزد ار و ميجا 5.8 و ميجا 6.3 و اكسبريا زد و احسن من نوت 2 فى حاجات والنوت 2 احسن فى حاجات والزد على فكرة فى مشاكل صوتة واطى جدااا وفى مشاكل فى السوفت وبطاريتة وحششششة :) شكرا لكم جميعاااااااااااااا

حاولت اعمل فيديو كول مش لاقي اوبشن --- ؟؟؟؟؟ حد عنده تأكيد؟؟؟؟

السلام عليكم
يا جماعة -- ياريت بلاش كتر كلام بخصوص موضوع الفايل ماندجر -- لان الموضوع ان شاء الله بسيط -- واكيد ها ينزل تحديث عادي جدا زيه زي اي موبايل -- و اللي مش قادر يستني -- يشوف البرنامج ده من الماركت -- مجاني طبعا.. وعن تجربة
ES File Explorer
بس ياريت الناس تصبر لحد ما تفهم البرنامج و هي هاتعرف تعمل بيه اي حاجة من و الي كارت الميموري

من المواصفات دي الجهاز عاجبني اوي وخصوصا الكاميرا
انا كنت عايزة اجيب sony t2 ultra بس عيب السوني عموما صوته واطي اوي
ياتري ايه رايكوا صوت htc بالمقارنه بسوني ؟؟
وكمان في كذا حد قالي ان ال htc عيبه صيانته ف مصر وان ممكن لو باظ او جراله حاجه اروح التوكيل ومايصحلهوش وحصل مع حد من زمايلي راح التوكيل قالوله مش عرفين نصلحه
برده 3000 مش قليلين
افيدوني افادكم الله

بصو يا جماعه انا الصراحه اقتنعت جدا بالجهاز و بالفعل رحت حجزته عند بيتك النهارده و الراجل قعد يميل و يتعدل كأنه هيبيعهولى ببلاش ........ بس ما علينا
اول استفسار بخصوص نقل الملفات يعني ايه اللى هينفع انقله و ايه لا يعني مثلا لو صورت فيديو هينفع انقله على الكارت ولا لا و هل الوضع بالنسبه لباقي الابلكيشنز كده برضه
تانى حاجه هو الجهاز فيه مشكله السامسونج المزمنه اللى هي لما تنزل اي برنامج تلاقي الجهاز بيطلع ف الروح ؟

تالت حاجه و اللى تفرق معايا خاصيه ال screen shot هل هي موجوده ولا لا و ممكن ينزلها ابلكيشن ؟
وسوري بجد انى طولت عليكو

لو سمحتو انا الموبيل عاجبني جدا وعايز اشتري بس عايز اعرف ايه اهم مشاكله .... يعني اللغه العربيه موجوده ولا هنزل ابليكشن .... ومدير الملفات موجود بردو ولا.... ومساحته الداخليه فعلا 8 جيجا ولا ولو في مشاكل تانيه ياريت اعرفها وايه رايكم االناس الي اشتريتو اشتري ولا لاء

لو سمحتو التليفون ده صوتو واطي اثناء الرنه وكده يعني موقع gsm مديلو below average للدرجات علو الصوت .. بالغرم ان فيه سماعات تخلي صوته عالي ؟ يعني وانته في الشارع ممكن تفوتك بعض المكالمات ؟
التلفون صوته جيد بس بتكلم عن درجة علو الصوت؟
ياريت لوحد جرب التلفون يقولنا قبل مان شتري ان شاء الله ..
حاجه غريبه عن التلفون ده

السلام عليكم ، انا اشتريت الموبايل من 3 ايام من (موبيل شوب) فرع القصر العينى ، لما روحت له فى الاول قالى انه هيجيله قطعتين ابيض ورمادى النهاردة بالليل ، فقولت له ياريت تحجزلى الابيض لما يجى وسيبت رقم موبايلى وفعلا اتصل عليا فى نفس اليوم ، بس انا قبل ما اعدى عليه عشان اجيبه ، قررت انى اعمل حركة غريبة ، قولت اروح اشترى الاكسيسوريز بتاعته الاول يعنى الجراب والاسكرينة عشان احميه قبل مايدخدش او استخدمه اساسا لأنى عرفت منه ان الجراب والحاجات دى مش متوفرة عنده ،، روحت سيتى ستارز لتوكيل Jovi بتاع ال HTC K ، وللاسف برضو اتلاقيت الجراب والاسركينة خلصانين من عنده بس قالى دور فى سيتى ستارز فى (موبيل شوب) و (راية) وكذا محل جوة هتلاقيهم ، فعلا اتلاقيت الجراب الاصلى ب 250 جنيه فليب والاسكرينة اتنين ب 90 جنيه فى (راية) سيتى ستارز ، وسألت عن الميمورى كارد اتلاقيت ال 16 جيجا ب 100 وال 32 جيجا ب 170 وال64 جيجا ب 355 ، فاختارت اشترى حاجة وسط اشتريت ال32 جيجا عشان اساسا المساحة الكبيرة دى مش هتستخدم وفى الغالب الصور والفيديوهات هحطها على الهارد ديسك اول بأول فمش هحتاج اكتر من ال32 دول ، عشان فرق السعر الجامد مابينه ومابين ال64 ،، وبالمرة عديت على فرع فودافون عشان اشترى شريحة نانو ب 35 جنيه ،،، عشان مكتوب جوة الكاتالوجات بتاعة الجهاز تحذيرات من عدم قص شريحة الاتصالات إلى نانو لأن دا ممكن يجرح الجهاز او يحشر الشريحة وتبقى مشكلة ،،،، المهم اشتريت كدة كل الاكسيسوريز وبعدين طلعت على (موبايل شوب) عشان اجيب الموبايل ب 3000 شاملة الفاتورة الضريبية اللى تحق ليك استبدال الجهاز خلال 14 يوم من استخدامه إذا كان فيه عيوب .

بعد تجربة الجهاز لمدة 3 ايام ، بصراحة الموبايل جميل وسريع والتاتش بتاعه هايل والكاميرا ممتازة ومافيش نقطة البيكسل ولا الكلام اللى بسمعه هنا دا ، نزلت كذا لعبة وجربتهم شغالين كويس ودرجة حرارة الموبايل كويسة مش بتعلى وصوته واضح فى المكالمات ودرجة نقاوته ممتازة ، والشاشة ماشاء الله تديك هدوء نفسى بحجمها ونقاوتها ،، موضوع نقل الملفات من الانتيرنال ميمورى للاكسترنال هو اللى يضايق شوية بس لما سألت فى التوكيل قالولى ان ملفات الفيديو والصور بتنزل على الميمورى كارد عادى بس الابليكيشنز هى اللى بتتنقل جزء منها فقط على المميمورى ودا عشان نظام حماية الكيتكات والشركة هتنزل سوفت ويير يعدل الموضوع دا ، بس الفكرة انى كنت مستغرب من حاجة عاوز اعرف رأيكوا فيها ،،، لما دخلت عشان اشوف مساحة الميمورى قد ايه اتلاقيتها 8 جيجا وكل حاجة عادى ، بس اتلاقيت المستخدم منها حوالى 4 جيجا كاملين (طبعا شوية ابليكيشن موجودين على الجهاز وكام صورة وكلام فارغ مايجيبش 500 ميجا على بعض) بس اتلاقيت عنوان others مكتوب قدامه 3.78 جيجا يعنى هو دا اللى متخزن عليه اغلب المساحة المستهلكة اللى انا مستغرب مستهلكة فى ايه ؟؟؟ حد عارف ايه معنى ال Others دى ،، وهل دى تستهلك 3 جيجا بحالهم ؟؟

الاستفسار التانى ،، انا اتلاقيت الجهاز بيعرف يقرأ عربى وممكن كمان اخلى لغة الجهاز عربى عادى لكن عندى مشكلة فى الكيبورد لما باجى اكتب مافيش حروف عربى ،،، روحت على الSettings اتلاقيت فيه لغااااات كتيييير (انجليزى وفرنسى وحاجات كتير اوى ) بس مافيش عربى ،،، حاولت ادور على جوجل ستور عن كيبورد عربى ينزلى ال Font العربى ويعرفه على الجهاز بس مش عارف اتلاقيت فيه ابليكيشن كتير مش بتوصلنى لحاجة ،،، ياريت لو حد يساعدنى فى اسم ابليكيشن تخلى الكيبورد تتعرف على اللغة العربية فى الكتابة . اكون شاكر جدا .

واى سؤال انا موجود . اتفضلوا ...