سعر و مواصفات HTC Desire 816

هو الجهاز ده بيدعم beats oudio ??

ياجدعان انا معايا 2900 بس انا خايف انا مجربتش اتش تى سى قبل كدا اهم حاجة عندى البطارية و السرعة عشان انا جبت اس 3 قبل كدا و بعد ماشتغلت علية و بدات انزل لقيتو بدأ يهنج و ياريت لو كان فى عيوب تقولوها و استاذ وليد انا محتاج الفيس بتاعك عشان عاوز اكلمك على الفيس فى حاجة و شكرا

الحمد لله اشتريت التليفول ده من شوية من اى ميديا بــــ 2900 .
وقالوا ان اكسسواراتة هتيجى كمان اسبوع وكان المفروض توصل الاسبوع ده بس اتأخرت
اما تقييمى للجهاز عن قريب ان شاء الله .

انى افضل htc desire 816 ولا s4 mini

ياريت ياجماعه اى حد قبل مايسأل أى سؤال يقراء براحه وبتمعن كويس جدا الريفيو ده
لان استحاله تلاقى اى استفسار يخرج عن الريفيو ده

بسم الله الرحمن الرحيم
بعد صولات وجولات ومباحاثات واستشارات عشان اجيب موبيل جديد خلفا للجراند 1 الي كان مطلع عيني تهنيج كان في حيره كبيره في الاول ما بين ال
1-alcatel hero
2- sony t2 ultra daul
3- note 3 new daul
طبعا لان اوليواتي موبيل بخطين لاني كنت خدت قرار مشيلش اكتر من موبيل واحد تاني ابدا وبدات رحله البحث وبعد العيوب الكتير الي ظهرت في ال hero تم صرف النظر عنه بالرغم من انه كان المرشح رقم واحد وبعد السعر المبالغ فيه لل note 3 new daul تم صرف النظر عنه هو كمان كده اتبقى ال t2 وهو موبيل جميل بامكانيات معقوله جدا وسعر جميل بس كان بينه وبينه حاجز نفسي متمثل في الحجم الكبير زياده عن اللزوم بالنسبالي لحد ما في يوم كنت على موقع وقريت عن ال htc 816 وعجبتني المواصفات والتصميم بس للامانه قولت مش هينزل باقل من 4000 جنيه لاننا كلنا عارفين اسعار htc كماركه محترمه بتهتم بالجوده جدااا ولما نزل الجهاز اشتريته في نفس يوم نزوله لاني كنت منبهر بسعره وهو بقاله معايا اسبوع بالضبط دلوقتي وه تقييم مبداي ليه
اولا : الشاشه
ممتازه جدا مش هتحتاج ابدا اكتر من كده جوده الوان وتباين حاجه محترمه فعلا وعيبها الوحيد موضوع الحمايه الي مش موجود عليها اكتر من كده مفيش 8/10

الاداء :
سريع جدااا جدااااا ولحد ما انا بكتب دلوقتي مقبلتنيش مشكله تهنيج او تقل في اي تطبيق او لعبه والمالتي تاسكنج بتاعه رائع 9/10

البطاريه : مع اني كنت متخوف من موضوع البطاريه ال 2600 ma بس بصراحه انجاز ل htc انها قدرت بالحجم الصغير للبطاره دي تحقق النتايج دي بامانه يومين كاملين مع الاستخدام العادي كل حاجه ويوم او اكتر بشويه مع الاستخدلم المكثف للنت والالعاب العاليه بصراحه انجاز يحسب للشركه 9/10

الصوت :
صوت رائع وجميل ومجسم جدا عن اي موبيل تاني وصوت المكالمات واضح جدا ومسموع العيب الوحيد في الموضوع ده ان ال earphone الي جايه مع الموبيل من النوع المتوسط على احسن تقدير فمش بتديلك امكانيات الموبيل الحقيقيه سواء في الاغاني او المكالمات جرب هاند فري تاني احسن وشوف الفرق 9/10

التصميم :
htc معروفه بالشياكه والجوده مش محتاج كلام كتير في الموضوع ده العيب الوحيد الضهر البلاستك بيبصم وبيتخربش بسهوله جدااااا 8/10

الكاميرا :
ممتازه جدا سواء الاماميه او الخلفيه مش هتحتاج اكتر من كده من اي موبيل والاوبشن كتير واكتر حاجه لفتت نظري في الكاميرا سرعه التقاط الصور سريع جدا بجد حاجه محترمه مقارنه بالسامسونج في نقطه لازم تاخد بالك منها ان الكاميرا بتبقى مظبوطه في الوضع الاصلي على reolution 4224 x 2368 ودي 10 ميجا بكسل بس وده وضع اجباري عشان 16:9 الي هو الصورة تملى كامل الشاشه بتاع الموبيل عشان تحصل على ال 13 ميجا بيكسل كامله اختار وضع 4:3 ساعتها الكاميرا هتديك ال 13 ميجا كامله وشوف الفرق 9/10

نظام التشغيل :
4.4.2 kitkat نظام سريع وخفيف مفيش مشاكل تماما شكل واجهه الاتصال شيك وسهله وعمليه بس متقدرش تثبت خلفيه على التطبيقات من جوا اخرك الشاشه الرئيسيه ومفيش file manager هتحتاج تنزله 9/10

العيوب :
* الزراير تحسها مش بنفس كواليتي الموبيل واماكنها كان ممكن تكون احسن بالذات الباور
* مفيش equalizer في مشغل الاغاني
* حمايه الشاشه
* بلاستك الخلفيه بيبصم ويتجرح بسهوله
* نوعيه الهاند فري (earphone) الي بتيجي معاه دون المستوى

اجمالا موبيل ممتاز ( 8الى 9 / 10 ) وانا شايف ان شركه htc بدات تاخد الطريق الصح واتمننى اني اكون قمت فايده للجميع وشكرا

موبايل ملههوووش حل والله وسعرة المفروض يبا اغلى من كدة علشان اتش تى سى عمرها ما بتنزل ب الاسعار دى بس هى علشان خسرت كتيير بئت تنافس بس والله موبايل عشرة على عشرة وبينافس موبايلات اغلى منة فى النوت 2 لانة احسن منة فى حاجات والنوت 2 احسن منة فى حاجات وهو احسن من الاس ثرى والجراند والميجا وكل الحاجات دى احسن منهم الصراحة موبايل تحفة انشاء الله اشترية كمان اسبوعين لما اشوف اراء الناس بردو :)

I sent E_mail to jovitronix to clarify some points which to be useful for your
1- Does it support NFC ?
No NFC
2- Does it support OTG ( on - to - go ) ?
No OTG
3- about the accessories ,avail or not ?
Available accessories:
Screen protector: in stock
Flip case: arriving next wee
4- Does the earphone come with the handset package or I supposed to buy it ?
Box includes wired headset.
5- Does the phone support the office applications or not ( Word , Excel , ..... ) ?
You can download many applications from Google play store to support office files.
6- Is the WiFi direct ability found in this phone ?
Wi-Fi Direct is supported on Kitkat phones

للامانه هو جهاز كويس بالنسبه لسعره
وواخد من كل جهاز شويه بحيث انه يلبى رغبات المستخدمين عشان الماركه دى محققه خسائر خرافية بسبب تمسكها بانتاج اجهزة بمواصفات وخامات عاليه جداااا وفى نفس الوقت اسعار عاليه جدااااااااا
وده يعتبر اول جهاز تنزله تنافس بيه الماركات التانيه بقوه من خلال مواصفات وامكانيات عاليه نوعا ما وبسعر معقول جدااا 2850ج بالضمان
صوت سماعة مكالمات ونغمات ماشاء الله عاليه ونقيه كاميرا اماميه 5 وخلفيه 13 ( فعليا جودة ال8 زى الاس3 )
بيقرا من فلاشة كمبيوتر
سوفت وير 4.4.2 كيت كات
شاشة تحفه زياده عن اللزوم نفس نقاء الايفون بالظبط ( عيبها الوحيد إضأتها مش عاليه )
البطاريه مش بتتشال وشرحتين نانو وبيركبله كارت ميمورى خارجى
صناعه تايوانى وبيجى معاه الشاحن والسماعة والكبل
بعد شحن الموبايل اول مره لمدة 8 ساعات وهو مغلق وبعد كده 3 ساعات وهو مفتوح عادى ( بعد شحن الموبايل 3 مرات استقر مستوى اداء البطاريه )
يومين كاملين مكالمات فقط
يوم كامل نت 5 ساعات على مدار اليوم + مكالمات
لازم تحمل برنامج اسمه File Manager HD عشان تقدر تدخل على الكارت والفلاشه وتنقل اى داتا منهم او ليهم
محمل عليه لعبه اسفلت 8 ماشاء الله سريعه جدا وانا محملها للتجربه فقط
الموبالي مافيش اى سخونه نهائى صوره طبق الاصل من النوت2 وانا فاتح 3جى ومشغل النت وتصفح لمدة ساعتين الحرارة وصلت 36
الحرارة وصلت 39 اثناء اللعب فقط عشان بستعمل برسسور ورامات وكارت فيجا
لازم تحط لزقة شاشة عشان الشاشة مش ضد الخدش ( اسكرينه النوت3 تتقص من فوق فقط )
الضهر بتاعه لميع وبيبصم زياده عن اللزوم وحاططله استيكر اللى بيتلزق على العربيات كحمايه للجهاز وشغال ماشاء الله زى الفل لحين نزول جراب ليه
الجهاز مافيهوش اى نوع من انوا التقل او التهنيج وسفت وير سهل وسلس جدا
فيه اوبشن اكسترين باور بيقفل شاشة الاندرويد تماما وبيخلى الجهاز لاستخدام المكالمات والرسائل والميل فقط لاغير وبيخلى استهلاك البطاريه شبه منعدم تماما
الكاميرا فيها تصوير HDR واوبشن كتير
كاميرا الفيديو فيها تصوير HDR وتصوير بالبطىء ( بس من غير صوت طبعا )
اى فيديو يشتغل تقدر تاخد منه اسكرين شوت
فيه ايقون عشات تاخد اسكرين شوت من اى حاجه انت واقف عليها
الجهاز بصفه عامة تقييم حوالى 85% - ومافيش حاجه اسمها 100% عشان الكمال لله وحده

الموبايل ده رائع يا جدعان عيوبه بس
انه من البلاستيك بس نوع انضف من البلاستيك بتاع سامسونج
والشاشة مش gorilla glass فلازم سكرين بروتيكتور نضيفة

غير كدة الموبايل متميز فى كل حاجة كفاية سوفت وير htc والستيريو ساوند وشكل التصميم
ياريت بس نشوف اراء كتير للى اشترى الموبايل عشان لو طلع فى عيوب