AhmedHarhash

احدث المشاراكات

• 2014-06-18 (02:11:26AM) HTC Desire 816

  اولا الجهاز فيه خاصية السكرين شوت من اى فيديو شغال ..
  
  ثانيا الموبايل مش بيهنج وبشغل 9 ابليكيشن مع بعض ومش بيهنج
  
  ثالثا : مشكلة نقل الملفات مقتصرة فقط على الابلكيشن اللى عندك يعنى مثلا نزلت لعبة سب واى سيرف جزء منها اتنقل على الميمورى بتاعة الجهاز (Enternal memory) ، وجزء اتنقل على ال(external micro SD card) .
  لكن بالنسبة للفيديوهات والصور واى حاجة هتاخدها بالموبايل هتتحط على جهاز الكمبيوتر عادى جدا واساسا لما بتتخزن بتنزل تلقائى على الميمورى الخارجية .

---

• 2014-06-18 (01:32:22AM) HTC Desire 816

  لأ مش لدرجة انك مش هتسمع الرنة ،، الرنة بتبقى عالية بس مش بالصورة المتوقعة ، يعنى المفروض تبقى اعلى من كدة ،،، بس دا مش معناه انه صوته واطى او انك مش هتسمع الرنة ،،، انا كل مابيرن بسمعه عادى فى الشارع او انا فى اوضة تانية ،،، وبعدين دا فى النغمات ، اعتقد لو حطيت صوت نغمة عالية او مقطع صوته عالى من اغنية هتبقى الصوت مناسب جدااااااااا
  
  @Zizo : لأ مهو اللغة العربية فعلا موجودة بس مش مفعلة (ماينفعش احط علامة صح جنبها) تقريبا عاوزة تتسطب تانى ،،، بس عامة كويس انى نزلت الابلكيشن بتاع Swiftkey شكل الكيبورد احلى وكل لغات العالم موجودة وانا اختار اللغتين او الثلاثة اللى على مزاجى

---

• 2014-06-17 (10:21:30PM) HTC Desire 816

  صوت المكالمة بيبقى واضح جدا وعالى ، لدرجة انى كنت فاكر انى مشغل السبيكر ،،، لكن انت قصدك الرنة ذات نفسها ،، لأ بصراحة رنة الموبايل مش عالية ، ودى حاجة مش كويسة لما تكون فى زحمة او كدة هتعتمد على الفيبريشن . لكن عامة الرنة صوتها مش وحش وبسمعها حتى لو بعيد

---

• 2014-06-17 (10:11:38PM) HTC Desire 816

  تمام يا باشا ، شكر استاذ ايميدج ، انا نزلت ابليكشن Swiftkey وفعلا اكثر من رائعة فيها كل اللغات تقريبا ، سطبت العربية والانجليزية وشغالة تمااااااااااام .

---

• 2014-06-17 (09:49:59PM) HTC Desire 816

  خلاص هدور عليها كدة ،، شكرا ياباشا ، لو حد عنده حلول تانى ياريت يضيفها ....
  
  نسيت اقول حاجة كمان ، البطارية بتاعة الموبايل كويسة جدا اشتغلت حوالى يوم ونص بالمكالمات واللعب والانترنت ، ولما بقت 10 % عملت وضعية ال Extreme power saver ، ونمت وصحيت بعد 8 ساعات اتلاقيت الشحن لسة 9% ،،، يعنى قعد معايا حوالى يومين كاملين من غير مايتشحن . بس انا مستغرب انه بيشحن فى ساعتين ونص بس ،،، اومال ليه الناس بتقول نحطه ع الشحن 8 ساعات والكلام دا ؟؟
  
  هو لما بيوصل 14 % بيدى رسالة Connect the charger plz ، وبيشحن من 7 % ل 100 % خلال ساعتين ونص فقط .

---

• 2014-06-17 (09:18:30PM) HTC Desire 816

  السلام عليكم ، انا اشتريت الموبايل من 3 ايام من (موبيل شوب) فرع القصر العينى ، لما روحت له فى الاول قالى انه هيجيله قطعتين ابيض ورمادى النهاردة بالليل ، فقولت له ياريت تحجزلى الابيض لما يجى وسيبت رقم موبايلى وفعلا اتصل عليا فى نفس اليوم ، بس انا قبل ما اعدى عليه عشان اجيبه ، قررت انى اعمل حركة غريبة ، قولت اروح اشترى الاكسيسوريز بتاعته الاول يعنى الجراب والاسكرينة عشان احميه قبل مايدخدش او استخدمه اساسا لأنى عرفت منه ان الجراب والحاجات دى مش متوفرة عنده ،، روحت سيتى ستارز لتوكيل Jovi بتاع ال HTC K ، وللاسف برضو اتلاقيت الجراب والاسركينة خلصانين من عنده بس قالى دور فى سيتى ستارز فى (موبيل شوب) و (راية) وكذا محل جوة هتلاقيهم ، فعلا اتلاقيت الجراب الاصلى ب 250 جنيه فليب والاسكرينة اتنين ب 90 جنيه فى (راية) سيتى ستارز ، وسألت عن الميمورى كارد اتلاقيت ال 16 جيجا ب 100 وال 32 جيجا ب 170 وال64 جيجا ب 355 ، فاختارت اشترى حاجة وسط اشتريت ال32 جيجا عشان اساسا المساحة الكبيرة دى مش هتستخدم وفى الغالب الصور والفيديوهات هحطها على الهارد ديسك اول بأول فمش هحتاج اكتر من ال32 دول ، عشان فرق السعر الجامد مابينه ومابين ال64 ،، وبالمرة عديت على فرع فودافون عشان اشترى شريحة نانو ب 35 جنيه ،،، عشان مكتوب جوة الكاتالوجات بتاعة الجهاز تحذيرات من عدم قص شريحة الاتصالات إلى نانو لأن دا ممكن يجرح الجهاز او يحشر الشريحة وتبقى مشكلة ،،،، المهم اشتريت كدة كل الاكسيسوريز وبعدين طلعت على (موبايل شوب) عشان اجيب الموبايل ب 3000 شاملة الفاتورة الضريبية اللى تحق ليك استبدال الجهاز خلال 14 يوم من استخدامه إذا كان فيه عيوب .
  
  بعد تجربة الجهاز لمدة 3 ايام ، بصراحة الموبايل جميل وسريع والتاتش بتاعه هايل والكاميرا ممتازة ومافيش نقطة البيكسل ولا الكلام اللى بسمعه هنا دا ، نزلت كذا لعبة وجربتهم شغالين كويس ودرجة حرارة الموبايل كويسة مش بتعلى وصوته واضح فى المكالمات ودرجة نقاوته ممتازة ، والشاشة ماشاء الله تديك هدوء نفسى بحجمها ونقاوتها ،، موضوع نقل الملفات من الانتيرنال ميمورى للاكسترنال هو اللى يضايق شوية بس لما سألت فى التوكيل قالولى ان ملفات الفيديو والصور بتنزل على الميمورى كارد عادى بس الابليكيشنز هى اللى بتتنقل جزء منها فقط على المميمورى ودا عشان نظام حماية الكيتكات والشركة هتنزل سوفت ويير يعدل الموضوع دا ، بس الفكرة انى كنت مستغرب من حاجة عاوز اعرف رأيكوا فيها ،،، لما دخلت عشان اشوف مساحة الميمورى قد ايه اتلاقيتها 8 جيجا وكل حاجة عادى ، بس اتلاقيت المستخدم منها حوالى 4 جيجا كاملين (طبعا شوية ابليكيشن موجودين على الجهاز وكام صورة وكلام فارغ مايجيبش 500 ميجا على بعض) بس اتلاقيت عنوان others مكتوب قدامه 3.78 جيجا يعنى هو دا اللى متخزن عليه اغلب المساحة المستهلكة اللى انا مستغرب مستهلكة فى ايه ؟؟؟ حد عارف ايه معنى ال Others دى ،، وهل دى تستهلك 3 جيجا بحالهم ؟؟
  
  الاستفسار التانى ،، انا اتلاقيت الجهاز بيعرف يقرأ عربى وممكن كمان اخلى لغة الجهاز عربى عادى لكن عندى مشكلة فى الكيبورد لما باجى اكتب مافيش حروف عربى ،،، روحت على الSettings اتلاقيت فيه لغااااات كتيييير (انجليزى وفرنسى وحاجات كتير اوى ) بس مافيش عربى ،،، حاولت ادور على جوجل ستور عن كيبورد عربى ينزلى ال Font العربى ويعرفه على الجهاز بس مش عارف اتلاقيت فيه ابليكيشن كتير مش بتوصلنى لحاجة ،،، ياريت لو حد يساعدنى فى اسم ابليكيشن تخلى الكيبورد تتعرف على اللغة العربية فى الكتابة . اكون شاكر جدا .
  
  واى سؤال انا موجود . اتفضلوا ...

---