سعر و مواصفات Apple iPad Air

مقارنة

IOS

iOS 7.0.4
9.7″

9.7 بوصة
4G

2G / 3G / 4G
5 MP, 25...
GB RAM

16/32/64/128 GB storage, 1 GB RAM DDR3
8600mAh

Li-Po8600 mAh, غير قابلة للازالة

غير متاح

(555 تقيمات)

موصفات Apple iPad Air

الموصفات الاساسية

[?]	الحجم	240 x 169.5 x 7.5 mm (9.45 x 6.67 x 0.30 in)
[?]	الوزن	469 جرام
[?]	الألوان بالأسواق	فضي,رمادي

الشاشة

[?]	نوع الشاشة	LED-backlit IPS LCD, capacitive touchscreen, 16M colors
[?]	مساحة الشاشة	9.7 بوصة
[?]	دقة الشاشة	1536 x 2048 pixels, 4:3 ratio (~264 ppi density)
	دعم اللمس المتعدد	لا

الشبكة

	دعم 2G	نعم
[?]	دعم 3G	نعم
[?]	دعم 4G-LTE	نعم
[?]	دعم 5G	لا
[?]	دعم HSCSD	لا
	دعم EDGE	نعم
[?]	دعم GPRS	نعم

الاتصال

[?]	دعم WLAN	Wi-Fi 802.11 a/b/g/n, dual-band, Wi-Fi hotspot
[?]	دعم بلوتوث	v4.0 with A2DP, EDR
[?]	GPS دعم	نعم
[?]	NFC دعم	لا
	دعم راديو Fm	نعم
	دعم USB	نعم

معلومات عن الكاميرا

	دعم الكاميرا	5 MP, 2592 x 1944 pixels, autofocus,
	دعم فلاش	لا
	كاميرا امامية	نعم

مساحة الذاكرة

	الذاكرة الخارجية	لا يدعم
	الذاكرة الداخلية	16/32/64/128 GB storage, 1 GB RAM DDR3

نظام التشغيل

	نظام التشغيل	iOS 7.0.4
	نوع نظام التشغيل	IOS
[?]	CPU	Dual-core 1.3 GHz Cyclone (ARM v8-based)

معلومات أخري

	الرسائل	iMessage, Email, Push Email, IM
	المتصفح	HTML (Safari)
	معلومات عن البطارية	Li-Po8600 mAh, غير قابلة للازالة
	قدرة البطارية في التحدث	حتي 10 ساعة

الخصائص

[?]	دعم شرحتين	لا
	الشريحة	Nano-SIM
	نوع النغمات	لا يدعم
	مخرج صوت 3.5mm jack	نعم
	الاهتزاز	نعم
	دعم انفراريد	لا
[?]	حماية بالبصمة Fingerprint	لا
	مكان البصمة	لا يوجد

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع و اراء عن Apple iPad Air

بدون عنوان

بواسطة: ahmedmohie

السلام عليكم
يا جماعة انا معايا ايباد 3 32 جيجا استعمال سنه بالكرتونة وكل حاجة كنت عايز اعرف سعره هيتراوح مابين كام و كام لو بيعته

2014-02-26 (01:52:53AM) / ردود 1

اضف رد

jecko

2014-02-26 (09:25:52AM)

تقريبا في حدود ٣٠٠٠ ل. ٣٣٠٠ وطبعا على حسب حالته

بدون عنوان

بواسطة: AndroidMan

نوت 10.1 احسن من ده مليون مرة كفاية انو اندرويد نظام مفتوح مش نظام كل حاجة فيه من الستور زي الويندوز فون ماهو ده اللي مخلي معظم الناس متشرتيش ويندوز فون عشان نظام مش مفتوح كل حاجة من الستور اهو ios زية في الحكاية الغبية دى انا شايف ان النظام ده ممل متقدرش تغير فيه اي حاجة -_-

2014-02-24 (08:48:02AM) / ردود 10

اضف رد

jecko

2014-03-21 (02:55:21AM)

ArchieDeacon انا سعيد اكتر اني اتكلمت معاك

بس معلش موضوع الارقام ده مش هيفرق على قد الاستخدام نفسه ، انا النهارده كنت بستعمل نوت ٣ بتاع واحد صاحبي ومع انه ارقامه عاليه اوي من بروسيسور ورامات بس حسيته تقيل في الاستخدام وسرعه فتح التطبيقات مش زي الايفون خاااالص محستش ان التليفون فيه حاجه مميزه غير شاشه بس ، ولا حتى الكاميرا حسيتها زي الايفون ،،،
وموضوع كارت الميموري ده مش موجود برده حمايه للتليفون بس عايز اقولك ان الايفون اكتر تليفون بيبقى فيه مساحه متاحه من الذاكره يعني مثلا نسخه ال ١٦ جيجا بيبقى متاح منها حوالي ١٣ او اقل حاجات بسيطه ونسخه ال ٣٢ جيجا اللي معايا المتاح منها ٢٧.٥ يعني اعلى من اي ذاكره في اي موبايل تاني ، انت عندك مثلا الاس ٤ ال ١٦ جيجا متاح منهم ١٠ بس او اقل تقريبا والنوت ٣ المتاح من ال ٣٢ جيجا حوالي ٢٥ جيجا فقط ، يعني اهو برده بيحاولوا يعوضوا عدم وجود كارت ذاكره ،،،
وصدقني موضوع الارقام ده مش هيفرق لو ابل فضلت بنفس البروسيسور ده ٥ سنين تاني قدام مش هيبقى وحش لأنه فعلا طلقه ، واسأل مجرب

ArchieDeacon

2014-03-21 (02:25:06AM)

تمام يا جيكو ، كلام حضرتك مقنع ، ومفيد ، ومظبوط جدا ......،،
وأنا عارف إن ال IOS سريع جدااااااا ، ومش محتاج كل اللى قلت عليه ؟ من أرقام ، بس لو خدت بالك أنا قلت تخيل كدة لو أبل عمات وعملت ..... إلخ ، إنت عارف صدقنى برده الأرقام بتفرق ، ياعنى بروسيسور 1.3 ثنائى فى الأيفون غير لما مثالا يكون 2.3 أو 2.5 ورباعى أو ثمانى ، ورامة 1 غير 2 غير 3 حتى برده لو الجهاز يقدر يستغنى عنها .. بس لو موجودة هاتبقى دماااااااار وخطر على كل الأجهزة الموجودة حاليا من جميع الشركات ..

وفى نقطة كمان ياعنى تخيل إنى إشتريت جهاز ب 5000 جنيه ، وللا ب 5300 مثلا ال 5S وللا الآى باد إيييير ، ويطلع مافيهوش مكان للميمورى كارد ، وكمان ولا بيبستبقبل غير لأبل زيه ،،

الحكاية مش سهلة على فكر ة ، بس أنا مبسوط جدا إنى إتناقشت معاك ، تحياتى ليك

jecko

2014-03-19 (04:47:34PM)

Patti اكيد طبعا انا متأكد ان مفيش نظام سلس وسريع اكتر من الايفون ، لكن ده ميمنعش انه ممكن يكون في انظمه تانيه سريعه ولكن مش بكفائه ال ios

Archiedeacon بالنسبه لموضوع الشاشه ابل سياستها انها تعمل موبايل المستخدم يقدر يستخدمه بأيد واحده بسهوله ، مع اني انا نفسي ان حجم الشاشه يبقى اكبر شويه لو 4.5 او بالكتير 4.7 هيبقى حلو اوي ،،
انا بالنسبه للبروسيسور والرامات وعدد بيكسلات الكاميرا والكلام ده ، كل ده مش هيفرق مع المستخدم اذا كان البروسيسور رباعي ولا ثماني ولا ثنائي والرامات واحد ولا اتنين ولا تلاته المهم اداااااء الجهاز هيبقى عامل ازاي ايا كانت الارقام اللي فاتت دي عاليه ولا لأ ، وده اللي حاصل فعلا مع الايفون تبص على امكانياته على الورق تحس انه اقل موبايل في الموبايلات الجديده لكن في الحقيقه هو اسرع موبايل فيهم ،، وحتى الكاميرا العبره مش في عدد البيكسلات العبره بجوده الصوره وفتحه العدسه ونوعها وعوامل تانيه كتير ،،
وبالنسبه للشكل فالايفون 5 , 5s شكلهم مختلف عن الايفون 4 يمكن يكونوا متشابهين من قدام مع فرق الطول لكن من ورا مختلفين خالص ، واي حد بيشوف الموبايلات دي بيعرف يفرق بينهم طبعا لكن انت عندك سامسونج مثلا كل موبايلاتها بدون استثناء شبه بعض ،،
وبالنسبه لموضوع نقل البيانات ده انا معاك انها حاجه رخمه انها تبقى بين اجهزه ابل بس ولكن زي ما قولت قبل كده ده لحمايه الجهاز من دخوله اي فيروسات ومفيش برامج حمايه من الفيروسات بتحمي الجهاز بنسبه ١٠٠٪ لأن كل شويه بتبقى في انواع مختلفه من الفيروسات وبصيغ مختلفه وعلى ما برنامج الحمايه يتحدث بانواع الفيروسات الجديده اللي بتظهر ممكن اي فيرس يدخل الجهاز ،،، وبالنسبه للموضوع ده ليه حل ، مفيش حد دلوقتي مش بيشغل باقه انترنت على موبايله فممكن تبعت وتستقبل صور مثلا او ملفات تانيه عن طريق الواتس اب او اي برنامج محادثه ،

ArchieDeacon

2014-03-19 (01:38:51AM)

أنا عارف يا جيكو إن الأيفون صارووووخ بس اللى مضايقنى من منتجات أبل صراحة ، إن مافيش جهاز كدة شاشة 5 إنش على الأقل ، وبروسيسور رباعى النواة ورام على الأقل 2 جيجا .. حتى لو مش محتاج الأيفون كدة .. بس تخيل معايا لو أبل عملت جهاز شاشة 5 بلاش 6 ، ورام 2 بلاش 3 ، وبروسيسور 1.6 رباعى بلاش 2.3 ، وكاميرا 20 ميجا زى اللى فى اللوميا 1520 ، وال Z1 وغيرهم .. هايبقى مع سرعة ال IOS هايبقى جهاااااز جباااار ومالوش منافس ، لكن من أول أيفون فور الشكل واحد ، والفور إس وال 5 وال 5S الرلم والكاميرا واحدة .. طبعا عارف إن كاميرا ال 5s مختلفة ومبهرة .. بس برده ................

وأنا الحقيقة ما مسكتش غير 4s ومدة 10 دقايق ماقعدش معايا كتير .. يمكن فعلا يكون أسرع من الويندوز فون ، بس ليه أبل ماتسمحش على الأقل بنقل البيانات بين الأجهزة وبعضها بسهولة ، وتعمل نظام حماية عالى ثابت فى الجهاز ضد الفيروسات ... مش سبب مقنع برده ، تحياتى

patti

2014-03-14 (04:12:08AM)

بالفعل يا جيكو الايفون اسرع واحلى من الويندوز فون

jecko

2014-03-12 (12:48:54AM)

انا بصراحه ممسكتش موبايل ويندوز فون واشتغلت عليه غير بسيط اوي بس جايز فعلا يكون سريع انا سمعت الكلام ده من ناس كتير ، بس لو فعلا عايز تعرف يعني سرعه موبايل امسك ايفون ٥ او ٥ اس

ArchieDeacon

2014-03-11 (11:02:42PM)

الويندوز فون سريع جدا على فكرة يا جيكو .. أنا لما مسكت لوميا 1520 عرفت ياعنى إيه سرعة

jecko

2014-03-02 (01:40:11PM)

ماهو انت مبتفدرش تحمل حاجات من مواقع خارجيه ده لحمايه الجهاز من الفيروسات ، وانا واحد من الناس اهم حاجه عندي الجهاز يففضل سريع طول مانا باستخدمه ، وبصراحة مشوفتش اي موبايل اندرويد او غير اندرويد بسرعه الايفون

AndroidMan

2014-03-02 (11:21:18AM)

مش قصدى علي كدا قصدى انك متقدرش تنزل حاجات من مواقع خارجية زي الاندرويد تنزل حاجاتة بصيغة apk -_-

jecko

2014-02-26 (09:24:09AM)

يعني ايه نظام مش مفتوح كل حاجه فيه من الاستور ؟؟

نظام ال ios اللي الناس شايفاه عيب فيه انه مش بتقدر ترسل او تستقبل اي ملفات من اجهزه اخرى ومينفعش انك تنزل عليه حاجة من الكمبيوتر الا عن طريق الايتيونز ، لكن اجهزه ابل ممكن ترسل وتستقبل من بعضها عادي ، وابل هدفها من الموضوع ده منع اي فيروسات من دخول الجهاز ، عشان يفضل بنفس ادائه طول فتره استخدامه .
لكن غير كده النظام ده اكتر نظام سلس وسريع و مرتب ممكن تستخدمه سواء على تابلت او موبايل

بدون عنوان

بواسطة: أحمد محمد

خامات آبل لا تبرر السعر ....... خصوصا إنها خامات عالفاضي
يعني خصائص الجهاز قليلة جدا عن السامسونج ..... و مش عملي زي الأندرويد

و كمان أجهزة أبل كلهااااااا نزلت في قائمة أكثر الأجهزة هشاشة و عرضة للكسر !!

و اللي مش مصدق يشوف إختبارات السقوط على اليوتيوب

2014-02-21 (07:35:55AM) / ردود 5

اضف رد

jecko

2014-03-07 (08:56:22AM)

غير كمان انه سعره غالي جدا ، انا بالنسبالي تابلت بالذات يعني ايباد ، ممكن الموبايلات اقولك ان في اجهزه كتير حلوه لكن التابلت افضلهم وبدون مقارنه الايباد ، انا استخدمت كذا تابلت قبل كده لكن بعد ما جبت الايباد 4 حسيت انه مفيش مقارنه بينه وبين اي تابلت اخر من اي نوع

ahmedaliyossef2010

2014-02-28 (03:41:02PM)

بدون فتح أي باب للمقارنة
Samsung Galaxy NotePro سعره غالي جدا أغلى من الآير كمان و بدون فائدة

jecko

2014-02-22 (06:47:50AM)

أحمد محمد
انا شايفك متحامل اوي علر اجهزه ابل مع ان من وجهة نظري هي افضل شركه لأنتاج الهواتف النقاله والأجهزة اللوحية ،،
نيجي بقى لنقطه نقطه من الحاجات اللي انت بتتكلم فيها
موضوع البروسيسور ال 64 bit والرام واذا كانت الحاجات دي متوافقه مع بعض ولا لأ وان في اجهزه تانية الرامات بتاعتها 3 جيجا وحاجات كده ، انا اتعودت على حاجة مع اجهزه ابل ، انت تنسى كل الارقام دي وكل انواع البروسيسورات دي وكل احجام الرامات دي وامسك التليفون على الطبيعه وقارنه مع اسرع تليفون موجود حاليا بالسوق هتلاقي الايفون اسرع في كل حاجة ، من استجابه للتاتش وسرعه فتح جميع البرامج والتطبيقات .

اما بقو من ناحية ان ابل قافله على نفسها شويه واجهزتها مش بتبعت ولا تستقبل لأي اجهزه تانية ، هي دي سياسه الشركه انه تبقى محافظه اوي على النظام ومتجعلوش عرضه لدخوله اي فيروسات عشان الاجهزه تفضل محتفظه بأدائها السلس وميعرضوش لفقدان اي بيانات مسجله عليه .

وبالنسبه لشاشات الابل فهي من افضل انواع الشاشات الموجوده حاليا وبرده متبصش على ارقام والشاشه دي كثافتها 441 بيكسل وواحده تانيه 469 لأ بص على الشاشه نفسها وشوف انت هتقدر تشوف البيكسلات فيها ولا لأ ، وهتفرق في ايه لو شاشه كثافة البيكسلات فيها 600 بيكسل من واحده تانيه 320 بيكسل طالما ان العين المجرده مش هتقدر تشوف بيكسلات في الشاشه لو عدت ال 300 بيكسل في البوصه ! المهم هتبقى اني شاشه مريحه للعين في النظر ليها .

ودقه التصوير في الايباد جميله جدا انا اصلا معايا ايباد 4 اللي بكتب منه دلوقتي. والكاميرا بتاعته جميله جدا ومشوفتش اي كاميرا 5 ميجا بيكسل بالدقه دي ، ومتنساش ان الايباد اصلا مش معمول للتصوير وبتبقى بايخه اوي اصلا لما حد بيمسك ايباد بالحجم ده ويقعد يصور بيه .

وبعدين يا راجل يا طيب الاجهزه اللي خامتها المونيوم بتتكسر اكتر من البلاستيك !!؟ هو في حاجه اسمها المونيوم يتكسر اصلا !! الالمونيوم ممكن يتني لكن يتكسر دي محصلتش قبل كده ،. اما بالنسبه للشاشه الزجاج فالطبيعي في اي سمارت فون لو وقع على الشاشه وقعه قويه الشاشه هتتكسر ايا كان الموبايل ده ايه بقى .

صدقني لو جربت اجهزه ابل واتعودت عليها مش هتبقى عايز تغير لأي جهاز تاني

أحمد محمد

2014-02-22 (06:06:41AM)

ماشي ما كلامك عن السرعة و الرام هو نفس كلامي
إقرأ البوست اللي تحت ده هتلاقي ده رايي برضو

بس موضوع ال 64 بت ..... دي أساسها الرام الكبيرة !!!
إنت كلامك متناقض
بتدعم رايك بإن الرام الواحد جيجا مع بروسيسور 64 بت ........ بالعكس !!!

و أنا بقول الأندرويد عملي أكتر لأن مثلا تقدر تجيب تطبيقات من خارج البلاي ستور براحتك
و من غير نت
و تقدر كمان تبعت الألعاب و التطبيقات لأصحابك مباشرة بالبلوتوث
و كمان بعض الخصائص زي تعدد النوافذ في نفس الشاشة !
و القلم الضوئي و مميزاته في سلسلة النوت
و كمان الشاشات الكبيرة لأجهزة الأندرويد .... لكن الآيفون آخره 4 بوصة
و كمان الدقة العالية جدا لشاشات أجهزة الاندرويد ... في الموب و التاب
و كمان أبعاد ال 16:9 و دي أحسن بكتير جدا من 4:3 في الأيباد
و كمان عدم وجود الفلاش في الأيباد نقطة سلبية جدا
و دقة التصوير الضعيفة في الايباد
و طبعا مشاركة الملفات بالبلوتوث مع أي جهاز في الأندرويد !! ... اللي لسة موصلتش للأيفون و الأيباد !!

و غيرهم حاجات كتير تخلي أجهزة الأندرويد عملية أكتر

و موضوع الأجهزة الهشة
أنا شايف إن الأجهزة اللي خاماتها ألومنيوم بتتكسر أسهل من البلاستيك !
سيبك من الأسامي و متبصش على الموضوع من فوق
إفتح اليوتيوب و شوف إختبارات السقوط
و شوف قائمة أكثر الأجهزة هشاشة .. و ده كلام بناء على تجارب و دراسة من موقع GSMarena
هتلاقي أجهزة أبل كلها في الصدارة

ال iPad Mini أكثر الأجهزة هشاشة على الإطلاق
و ال iPad Air التالت
و ال iPhone 5C الخامس
و ال iPhone 5S التامن

يعني أجهزة أبل كلها داخل القائمة
و مش بس كده
ده ال 4 أجهزة موجودين من بين أضعف 8 أجهزة !!!
و أضعف جهاز على الإطلاق ... جهاز لأبل

ما شاء الله حاجة تشرف
دايما من الأوائل ........

drhussein

2014-02-21 (06:32:56PM)

لو اتعاملت مع الجهاز هتعرف ان امكانياته اعلي بكتيييييير من سامسونج لان الرام الواحد جيجا الموجوده مع البروسيور 64 بت وعمرك ما هتشوف الجهاز بيتقل ولا بيهنج عكس اي جهاز لسامسونج اما ان الاجهزه هشه فانت بتقارن بين جهاز خاماته من الالمونيوم وجهاز بلاستيك فتصورك هيكون ايه اكثر هشاشه

بدون عنوان

بواسطة: ArchieDeacon

هى أبل ليه بتعمل كدة .. ليه برده مصممة فى جميع أجهزتها ماتزودش الرام .. هم بخلة وللا إيه -:) ماتزود وكله بتمنه ، ياعنى تخيلوا لو عملت جهاز برام 3 جيجا زى النوت برو كدة أو النوت 3 وعملة بروسيسور تردده 2.5 جيجا أو 2.3 ، والكاميرا خليها زى اللى فى أيفون 5s
8 ميجا وبفلاش كدة .. إيه اللى هايجرى ياعنى .. تخيل كل دول لو إتجمعوا فى آى باد من أبل بنفس جودة خامات التصنيع ، بيتهيألى كدة بجهاز زى ده تكسر الدنيا فعلا ويبقى مافيش مقارنة بينه وبين أى تابلت أندرويد أو حتى ويندوز فون على الساحة نهائى..

لكن حتى الكاميرا بدون فلاش والإمكانيات زادت حجات بسيطة .. شئ يحير

2014-02-21 (03:36:05AM) / ردود 2

اضف رد

ArchieDeacon

2014-02-21 (04:17:00PM)

دى حاجة تفرس وتقهر صدقنى يا أستاذ أحمد :D

أحمد محمد

2014-02-21 (07:28:36AM)

أداء الرام و البروسيسور يعتمد أساسا على نظام التشغيل
الأندرويد بيحتاج رام كبيرة لكن ال ios لا
و أنا شخصيا عمري ما سمعت عن حد بيشتكي من سرعة أو رام أجهزة أبل
هي دايما بتبقى من أسرع الأجهزة في وقت نزولها

بس معاك حق في موضوع الكاميرا و الفلاش
و كمان إنت نسيت البلوتوث !!
ليه ميبقاش بلوتوث عادي و يرسل و يستقبل من أي جهاز ؟؟

بدون عنوان

بواسطة: patti

حد عنده فكرة عن سعر الايباد مينى2 واى فاى فقط نسخة 16 جيجا فى مصر بكام جديد او إستعمال كويس

2014-02-20 (09:51:11PM) / ردود 1

اضف رد

ahmed5994

2014-02-21 (01:43:18PM)

شفت حاجات علي دوبيزل في حدود 2500-3000 اما الجديد اقل حاجه شفتها 3800 بس مش فاكر كان فين

بدون عنوان

بواسطة: hogoo

انا بكره الابل علشان اسعارها فياريت لو تعمل زي باقي الشركات وتعمل حاجه رخصيه

2014-02-20 (06:03:49PM) / ردود 1

اضف رد

youssefshabana

2014-02-20 (06:42:23PM)

هواتف الابل عموما غالية عشان بتتصنع من مواد عالية الجودة وكمان عشان بتشتغل بنظام ال ios فطبيعي تبقي غالية

بدون عنوان

بواسطة: youssefshabana

الجهاز ده اكتر من رائع عن تجربة وانصح الناس اللي محتارة تجيبه ولا ﻷ تتوكل علي الله وتجببه لانه مختلف تماما عن باقي اصدارات ال ipad من حيث السرعة والبطارية والنحافة والوزن اخف بكتير

2014-02-20 (02:50:04PM) / ردود 4

اضف رد

omdamedo

2015-04-24 (03:22:18PM)

youssefshabana هى ليه هواتف شركة ابل بنظام الios طبيعى يبقى سعرها غالى مع ان الاندرويد منافس قوى للابل ويمكن فى حاجات تفوق عليها الاندرويد وكمان ممكن تجيبه باى سعر ...فا ممكن حضرتك توضح ليه نظام الios يبقى اغلى ليه

ahmed5994

2014-02-21 (01:44:20PM)

و الالوان افضل فالاير و كمان البروسيسور اعلي سنه بسيطه

youssefshabana

2014-02-20 (05:46:53PM)

الاتنين زي بعض الفرق في حجم الشاشة اكبر في ال air

patti

2014-02-20 (04:10:12PM)

طيب هو ولا الايباد مينى2

الموبايلات

سعر و مواصفات Apple iPad Air

IOS

9.7″

4G

5 MP, 25...

GB RAM

8600mAh

موصفات Apple iPad Air

التسجيل بالموقع

دخول الاعضاء

مواضيع و اراء عن Apple iPad Air