jecko

المميزات :-
بالنسبه لخامات وشكل الجهاز طبعا كالمعتاد من شركة أبل انها اكتر شركات الهواتف اللي بتهتم بجودة الخامات من خامات داخليه وخارجيه

وكالعاده كل سنه أداء الايفون 7 وال 7 بلس أسرع اجهزة سمارت فون على مستوى العالم وبدون مبالغه وتقارير وريفيوهات جميع المواقع تشهد بذلك ، وللعلم ابل على مدار سنوات عديده فاتت كانت اسرع هاتف على مستوى العالم وهي بتستخدم معالج ثنائي النواه ورام ١ جيجا او ٢ جيجا العام الماضي فقط فمابالك بقى لما يكون المعالج الجديد رباعي النواه مع الرام ال ٢ جيجا لك ان تتخيل

الكاميرا تحفه وهي اقرب شئ للكاميرات المتخصصه وبها تحسن عن الموديل السابق بالرغم من ان الايفون 6s كاميرته ممتازه وتم زياده حجم البيكسل ،وتم اضافة ميزة التثبيت البصري OIS التى كانت حصريه على فئه البلس الأن اصبحت على الايفون 7 الصغير ، وهناك تحسن ملحوظ جدا في الكاميرا الاماميه وتم زياده عدد البيكسلات الى 7 ميجابيكسل لهواة التصوير السيلفي .

شاشة الجهاز جميله جدا والوانها ساطعه اكثر بقليل من الموديل السابق . ولو حد هيقولي في شاشات دلوقتي 2k و 4k فصدقوني دي كلها للدعايا فقط لأن شاشه الايفون 326 بيكسل في كل أنش ومفيش حد قبل كده اشتكى من قلة جودة الشاشه بالعكس دي من افضل الشاشات واكتر شاشه تظهر الصور على طبيعتها زي ما الانسان بيشوفها بعينه .

البصمة : سريعه سرعه غير عاديه وممكن وانت بتفتح الموبايل بالبصمه متلحقش تشوف ال lock screen . وفعلا افضل قارئ لبصمة الاصبع في سمارت فون على مستوى العالم

زرار الهوم الجديد : تطور جميل جدا في الجهاز وافضل بكتير من الزرار العادي اللي ممكن مع الاستخدام لفترت طويله يتقل او يبوظ وتحتاج تغيره لكن الزرار الجديد ده مش زرار اصلا ده قطعه ازاز زيها زي الشاشه وشغاله بخاصيه ال 3d touch ولما تيجي تدوس عليها الموبايل يهتز ويديك احساس كأنك دوست على زرار عادي وميزتها انها عمرها اطول بكتير من الزرار العادي

خاصية Taptic engine اسلوب جديد لنظام الاهتزاز وجعله متفاعل مع العديد من المهام في الهاتف

خاصية ال 3d touch بتختصر عليك حاجات كتير وفي برامج كتير جدا بدأت تستخدمها والعاب وهتلاقي نفسك اتعودت على استخدامها . فعلا ابل مش بتحط حاجه في الموبايل الا لما تبقى حاجه مفيدة للمستخدم مش مجرد اوبشن للدعايا فقط وغير مفيد في الاستخدام اليومي .

اصبحت هواتف ابل الجديده مقاومه للماء والغبار بمعيار ip 67 ودي خاصيه عمليه جدا ولكن من راي انها خاصيه للطوارئ فقط لو الجهاز مثلا وقع عليه مياه او ماشابه ذلك ولكن لا يعتمد على هذه الخاصيه في التصوير تحت الماء مثلا ، لأن ابل اعلنت ان ضمانها للجهاز لا يشمل الاعطال الناتجه عن المياه

اضافت ابل في هواتفها الجديده سماعتين سبيكر ستريو ، ومن وجهة نظري دي من اهم الاضافات في الهاتف ، صوتهم نقي جدا وعالي جدا وال bass قوي كسماعه موبايل


العيوب :-

الغاء منفذ السماعات ال 3.5mm

البطاريه ادائها تحسن قليلا ولكن مازال يعتبر اداء متوسط ، ولكن ليست سيئه

بروز الكاميرا الخلفيه اصبح اكبر من السابق ، وذلك يتطلب العنايه في اختيار جرابات تكون مستواها اعلى من بروز الكاميرا للحفاظ عليها

واخيرا سعر الهاتف الحقيقه عالي جدا ، ولكن ده بقى حال كل الاجهزه حاليا


اتمنى يكون تقييمي للجهاز أفاد حضراتكم . واي استفسارات انا في الخدمه Jecko

الحمد لله تم شراء هاتف ايفون 7 بلس 128 جيجا اسود مط
وده تقييمي للجهاز بعد استخدامي ليه حوالي ٢٠ يوم

المميزات :-
بالنسبه لخامات وشكل الجهاز طبعا كالمعتاد من شركة أبل انها اكتر شركات الهواتف اللي بتهتم بجودة الخامات من خامات داخليه وخارجيه

وكالعاده كل سنه أداء الايفون 7 وال 7 بلس أسرع اجهزة سمارت فون على مستوى العالم وبدون مبالغه وتقارير وريفيوهات جميع المواقع تشهد بذلك ، وللعلم ابل على مدار سنوات عديده فاتت كانت اسرع هاتف على مستوى العالم وهي بتستخدم معالج ثنائي النواه ورام ١ جيجا او ٢ جيجا العام الماضي فقط فمابالك بقى لما يكون المعالج الجديد رباعي النواه والرام ٣ جيجا لك ان تتخيل

الكاميرا تحفه وهي اقرب شئ للكاميرات المتخصصه واضافت ابل كاميرا اضافيه خلفيه لخاصيه الزوم البصري وفعلا بقدر اعمل زوم الى 2x بدون ما افقد شئ من جودة الصورة (شكرا ابل) والكاميرا فيها تحسن عن الموديل السابق بالرغم من ان الايفون 6s كاميرته ممتازه وتم زياده حجم البيكسل ، وهناك تحسن ملحوظ جدا في الكاميرا الاماميه وتم زياده عدد البيكسلات الى 7 ميجابيكسل لهواة التصوير السيلفي .

شاشة الجهاز جميله جدا والوانها ساطعه اكثر بقليل من الموديل السابق . ولو حد هيقولي في شاشات دلوقتي 2k و 4k فصدقوني دي كلها للدعايا فقط لأن شاشه الايفون 401 بيكسل في كل أنش ومفيش حد قبل كده اشتكى من قلة جودة الشاشه بالعكس دي من افضل الشاشات واكتر شاشه تظهر الصور على طبيعتها زي ما الانسان بيشوفها بعينه .

البصمة : سريعه سرعه غير عاديه وممكن وانت بتفتح الموبايل بالبصمه متلحقش تشوف ال lock screen . انا اول ما جبت الجهاز جربتها وهي عليها البلاستيك بتاعها وبرده اشتغلت . وفعلا افضل قارئ لبصمة الاصبع في سمارت فون على مستوى العالم

زرار الهوم الجديد : تطور جميل جدا في الجهاز وافضل بكتير من الزرار العادي اللي ممكن مع الاستخدام لفترت طويله يتقل او يبوظ وتحتاج تغيره لكن الزرار الجديد ده مش زرار اصلا ده قطعه ازاز زيها زي الشاشه وشغاله بخاصيه ال 3d touch ولما تيجي تدوس عليها الموبايل يهتز ويديك احساس كأنك دوست على زرار عادي وميزتها انها عمرها اطول بكتير من الزرار العادي

خاصية Taptic engine اسلوب جديد لنظام الاهتزاز وجعله متفاعل مع العديد من المهام في الهاتف

خاصية ال 3d touch بتختصر عليك حاجات كتير وفي برامج كتير جدا بدأت تستخدمها والعاب وهتلاقي نفسك اتعودت على استخدامها . فعلا ابل مش بتحط حاجه في الموبايل الا لما تبقى حاجه مفيدة للمستخدم مش مجرد اوبشن للدعايا فقط وغير مفيد في الاستخدام اليومي .

اصبحت هواتف ابل الجديده مقاومه للماء والغبار بمعيار ip 67 ودي خاصيه عمليه جدا ولكن من راي انها خاصيه للطوارئ فقط لو الجهاز مثلا وقع عليه مياه او ماشابه ذلك ولكن لا يعتمد على هذه الخاصيه في التصوير تحت الماء مثلا ، لأن ابل اعلنت ان ضمانها للجهاز لا يشمل الاعطال الناتجه عن المياه

اضافت ابل في هواتفها الجديده سماعتين سبيكر ستريو ، ومن وجهة نظري دي من اهم الاضافات في الهاتف ، صوتهم نقي جدا وعالي جدا وال bass قوي كسماعه موبايل

البطاريه اداءها ممتاز ، تكفي ليومين استخدام فوق المتوسط ، وتكفي ليوم كااامل استخدام مكثف


العيوب :-

الغاء منفذ السماعات ال 3.5mm

طول مدة الشحن اللي بتوصل من ٣ ساعات ونصف الى ٤ ساعات

حجم الهاتف كبير بالنسبه لحجم الشاشه فلا يوجد استغلال للمساحات الخارجيه بشكل جيد

بروز الكاميرا الخلفيه اصبح اكبر من السابق ، وذلك يتطلب العنايه في اختيار جرابات تكون مستواها اعلى من بروز الكاميرا للحفاظ عليها

واخيرا سعر الهاتف الحقيقه عالي جدا ، ولكن ده بقى حال كل الاجهزه حاليا


اتمنى يكون تقييمي للجهاز أفاد حضراتكم . واي استفسارات انا في الخدمه Jecko

الموبايل سعره 9999 عند محلات التميمي

أولا المميزات :-

بالنسبه لخامات وشكل الجهاز طبعا كالمعتاد من شركة أبل انها اكتر شركات الهواتف اللي بتهتم بجودة الخامات من خامات خارجيه وخامات داخليه ، ونظرا لما انتشر العام السابق من ان هواتف ايفون وخصوصا ال 6 بلس قابله للأنحناء قامت ابل باستبدال خامه الالمونيوم المستخدمه في الايفون 6 و 6 بلس بخامه اخرى اكثر صلابه جعلته يجتاز بجداره معظم الاختبارات سواء اختبارات الثني او اختبارات السقوط .

أداء الجهاز وفي كلمه واحدة أسرع سمارت فون على مستوى العالم وبدون مبالغه وتقارير وريفيوهات جميع المواقع تشهد بذلك .

الكاميرا ممتااازه ورغم قناعتي بأن جودة الصورة لا تعتمد على عدد البيكسلات الا ان ابل قد خرجت عن المعتاد لها منذ سنوات وقامت بزيادة عدد البيكسلات . عشان في ناس كتير بتحكم على الكاميرا بالموضوع ده ، والكاميرا فيها تحسن عن الموديل السابق وتم اضافه مميزات جديده مثل ال live photos وتصوير الفيديو 4k ، وهناك تحسن ملحوظ جدا في الكاميرا الاماميه وتم زياده عدد البيكسلات الى 5 ميجابيكسل لهواة التصوير السيلفي .

شاشة الجهاز جميله جدا والوان طبيعيه غير مبالغ فيها . ولو حد هيقولي في شاشات دلوقتي 2k و 4k فصدقوني دي كلها للدعايا فقط لأن شاشه الايفون 326 بيكسل في كل أنش ومفيش حد قبل كده اشتكى من قلة جودة الشاشه بالعكس دي من افضل الشاشات واكتر شاشه تظهر الصور على طبيعتها زي ما الانسان بيشوفها بعينه .

البصمة : ودي يا جماعه اقوى تعديل حصل في الايفون 6 اس فعلا وبدون مبالغه بقت حاجه مختلفه تماما سريعه بشكل يذهل وممكن وانت بتفتح الموبايل بالبصمه متلحقش تشوف ال lock screen . انا اول ما جبت الجهاز جربتها وهي عليها البلاستيك بتاعها وبرده اشتغلت .

خاصية ال 3d touch خاصية جميله جداا وبتختصر عليك حاجات كتير وفي برامج كتير جدا بدأت تستخدمها والعاب وهتلاقي نفسك اتعودت على استخدامها . فعلا ابل مش بتحط حاجه في الموبايل الا لما تبقى حاجه مفيدة للمستخدم مش مجرد اوبشن للدعايا فقط وغير مفيد في الاستخدام اليومي .

ثانيا : العيوب :-

البطارية لم يختلف اداءها عن الأيفون 6 رغم انها كحجم اقل الا انها بنفس الأداء . اداء متوسط وليس سئ

يوجد بعض الموديلات من الايفون 6 اس صوت السماعه الخارجية فيها صوت زنه كده في بعض النغمات ، ولكن الصوت ده عشان تلاحظه لازم تقرب الموبايل من ودنك لكن في الوضع العادي غير ملحوظ تماما . ومحدش يقلق اوي من الموضوع ده لأنه مش حاجه قويه يعني انا قولت اكتبه للأمانه فقط ولكن ممكن واحد اصلا يمسك الجهاز ويقربه من ودنه وميلاحظش حاجه . بس انا من النوع اللي بدقق اوي في كل حاجه .

ثالثا :-
كتقييم عام من وجهة نظري الجهاز قوي جدا وانصح باقتناءه خصوصا لو حد معاه ايفون 5 اس او اقدم ، اما بالنسبه للي معاه ايفون 6 فلازم الاول يمسك ال 6 اس ويشوف اذا كان الفرق في الاوبشن ما بينهم يحتاج للتغيير من وجهة نظره ولا لأ لأن ده شئ يختلف من شخص لأخر ، انا بالنسبالي التطوير اللي حصل في البصمة وال 3d تاتش كافيين لأني أغير من ال 6 لل 6 أس لكن ممكن بالنسبه لواحد تاني مش هيحس بالفرق .

اتمنى يكون تقييمي للجهاز يفيد حضراتكم ، واعتذر عن التأخير . واي استفسارات انا في الخدمه :)

كل سنة وحضراتكم طيبين جميعا ، سنه سعيده على الكل

الحمد لله تم شراء الايفون 6s مساحة ٦٤ جيجا ، لأي استفسارات انا في خدمتكم

الجهاز عدلو سمكه ونوع الالمونيوم المستخدم فيه ، عشان محدش يقول بقى بعد كده انه بيتني :))

تم صدور الجيلبريك للأجهزه التي تعمل بنظام

Ios 8.1.3
Ios 8.2
Ios 8.3

طريقة تحميل الجيلبريك



تحياتي :)

كل سنة وحضراتكم طيبين جميعا ، ورمضان كريم

انا هنقل هنا نفس تقييمي للأيفون 6 باعتبار ان الجهازين واحد في كل شئ ماعدا الحجم واداء البطاريه الافضل في الايفون 6 بلس

اولا هبدأ بمميزات الجهاز :-

- في البدايه اي حد هيمسك الايفون هيعرف يعني ايه جوده الخامات ، لما بستخدم الايفون بحس اني ماسك في ايدي موبايل نضيف خامات وشكل ، ومفيش طبعا خامات احسن من الالمنيوم اللي يعملوا بيها الموبايل ، وزجاج الكاميرا وزرار البصمه من زجاج الياقوت .

- اداء الجهاز مفيش بعد كده الصراحه ، في اجهزه تانيه في السوق سريعه وادائها كويس لكن مجربتش قبل كده جهاز بأداء الايفون 6 وال 6 بلس ، وبجانب اداء الجهاز كهارد وير ، سوفت وير ابل بيتميز بالعمليه والسلاسه وبيديلك كل اللي انت محتاجه مبيحطش حاجه ملهاش لازمه عشان متعملش زحمه على الفاضي وتتقل الجهاز .

- بالنسبه للكاميرا ، بدون مبالغه افضل كاميرا في سمارت فون هي كاميرا الايفون 6 و ال 6 بلس طبعا لأن الاتنين واحد ، انا قارنت بنفسي كاميرا الايفون 6 مع اعلى هاتف من شركه سامسونج ال note 4 واعلى هاتف من شركه سوني ال z3 واعلى هاتف من شركه اتش تي سي ال m8 ولقيت ان اقلهم جوده كاميرا الاتش تي سي واعلاهم الايفون 6 ،، لما عملت مقارنه بين الايفون 6 والنوت 4 ومع ان الايفون 8 ميجابيكسل فقط والنوت 16 يعني الضعف بالظبط !! ولكن فعلا المقارنه دي اثبتتلي ان جوده الصوره مش بعدد الميجابيكسل على قد ما هو بنوع وجوده العدسه المستخدمه ،، صور الايفون تحس انها صور طبيعيه جدا، والمنظر اللي هتصوره زي مانت شايفه بعينك هيبان قدامك على شاشه الايفون بنفس الالوان ، لكن كاميرا السامسونج هتلاقي الالوان مختلفه تحس انها مصفره كده والالوان مبالغ فيها ، ده ميمنعش ان كاميرا النوت حلوه ولكن الايفون احلى .

- الوان الشاشه اصبحت اكثر وضوحا وسطوعا ، ورزيليوشن الشاشه 401 بيكسل لكل بوصه وطبعا دي ميزه كويسه ولكن من رأيي ان فيش حد هيحتاج اصلا عدد بيكسلات اكتر من 300 بيكسل ، لان اكتر من 300 بيكسل في البوصه لا يرى بالعين المجرده يعني محتاج عدسه عشان تشوفه ، يبقى ايه لازمتها الشاشات اللي وصلت لاكتر من 500 بيكسل في البوصه ، دي من رأيي دعايا للهاتف ليس اكثر ،، وطبعا التاتش مش هتكلم عليه ( افضل تاتش في سمارت فون ) .

- صوت الاسبيكر من الحاجات اللي عجبتني جدا في الموبايل صوته انقى واعلى من الموديل السابق ومجسم بتسمع صوت ال bass اللي في الاغنيه ، يعتبر افضل صوت موبايل بعد الاتش تي سي طبعا .

- الجهاز طبعا كأداء في الالعاب ومعالجه الرسوميات قوي جدا مفيش حاجه اسمها لعبه تقيله ولعبه بتهنج الجهاز وكل الكلام ده .

- البصمه طبعا من اكتر المميزات اللي بيتميز بيها الايفون ، وسريعه جدا في الاستجابه ، ومفيش اي جهاز اخر من الاجهزه اللي حاولت تعملها عارفه تخليها بنفس الاداء اللي موجود في الايفون .

- البطاريه في الايفون 6 بلس اداءها اقوى من الايفون 6 وده طبعا راجع لحجم الجهاز اللي خلاهم يقدرو يحطوا بطاريه اكبر في الحجم .

ثانيا بالنسبه للعيوب :-

- ابرز عيب انتشر على هذا الهاتف انه الجهاز قابل للتني ، ولكن كل الفيديوهات اللي منتشره ليه وبيحصل فيها الموضوع ده عن ناس بتمسك التليفون وتحاول تتنيه بقوه فبيتني ، ولكن محدش هيجيب موبايل بالسعر ده ويمسكه يتنيه . اللي بيفكر يشتري الجهاز ده يجيب معاه جراب قوي يحميه وينسى موضوع التني ده .

- بروز الكاميرا الخلفيه ، وده بسبب سمك الجهاز الرفيع جدا ، والكاميرا مكونه من 6 عدسات فوق بعض ،، ولكن تقدر تتغلب على العيب ده بالجراب ، بعد تركيب جراب بضهر سميك شويه هيمنع بروز الكاميرا .

وكتقييم عام ومن وجهة نظري الجهاز جيد جدا لمن يرغبون اجهزه بهذه الاحجام .

اولا هبدأ بمميزات الجهاز :-

- في البدايه اي حد هيمسك الايفون هيعرف يعني ايه جوده الخامات ، لما بستخدم الايفون بحس اني ماسك في ايدي موبايل نضيف خامات وشكل ، ومفيش طبعا خامات احسن من الالمنيوم اللي يعملوا بيها الموبايل ، وزجاج الكاميرا وزرار البصمه من زجاج الياقوت .
- اداء الجهاز مفيش بعد كده الصراحه ، في اجهزه تانيه في السوق سريعه وادائها كويس لكن مجربتش قبل كده جهاز بأداء الايفون 6 ، وبجانب اداء الجهاز كهارد وير ، سوفت وير ابل بيتميز بالعمليه والسلاسه وبيديلك كل اللي انت محتاجه مبيحطش حاجه ملهاش لازمه عشان متعملش زحمه على الفاضي وتتقل الجهاز .
- بالنسبه للكاميرا ، بدون مبالغه افضل كاميرا في سمارت فون هي كاميرا الايفون 6 ، انا قارنتها بنفسي مع اعلى هاتف من شركه سامسونج ال note 4 واعلى هاتف من شركه سوني ال z3 واعلى هاتف من شركه اتش تي سي ال m8 ولقيت ان اقلهم جوده كاميرا الاتش تي سي واعلاهم الايفون 6 ،، لما عملت مقارنه بين الايفون 6 والنوت 4 ومع ان الايفون 8 ميجابيكسل فقط والنوت 16 يعني الضعف بالظبط !! ولكن فعلا المقارنه دي اثبتتلي ان جوده الصوره مش بعدد الميجابيكسل على قد ما هو بنوع وجوده العدسه المستخدمه ،، صور الايفون تحس انها صور طبيعيه جدا، والمنظر اللي هتصوره زي مانت شايفه بعينك هيبان قدامك على شاشه الايفون بنفس الالوان ، لكن كاميرا السامسونج هتلاقي الالوان مختلفه تحس انها مصفره كده والالوان مبالغ فيها ، ده ميمنعش ان كاميرا النوت حلوه ولكن الايفون احلى .
- من اقوى الاسباب اللي خلتني اغير من ال 5s ( برغم انه جهاز ممتاز ) حجم الشاشه ، حجم الشاشه من وجهة نظري ده الحجم المثالي لجهاز محمول لو اكبر من كده بعتبره مبالغ فيه لأن ده في الاول والاخر موبايل مش تابلت ،، والوان الشاشه اصبحت اكثر وضوحا وسطوعا ، ورزيليوشن الشاشه 326 بيكسل لكل بوصه ومفيش حد هيحتاج عدد بيكسلات اكتر من كده ، لان اكتر من 300 بيكسل في البوصه لا يرى بالعين المجرده يعني محتاج عدسه عشان تشوفه ، يبقى ايه لازمتها الشاشات اللي وصلت لاكتر من 500 بيكسل في البوصه ، دي من رأيي دعايا للهاتف ليس اكثر ، انا بستخدم الايفون حاليا وعمري ماحسيت ان رزيليوشن الشاشه قليل ،، وطبعا التاتش مش هتكلم عليه ( افضل تاتش في سمارت فون ) .
- صوت الاسبيكر من الحاجات اللي عجبتني جدا في الموبايل صوته انقى واعلى من الموديل السابق ومجسم بتسمع صوت ال bass اللي في الاغنيه ، يعتبر افضل صوت موبايل بعد الاتش تي سي طبعا .
- الجهاز طبعا كأداء في الالعاب ومعالجه الرسوميات قوي جدا مفيش حاجه اسمها لعبه تقيله ولعبه بتهنج الجهاز وكل الكلام ده .
- الجهاز سمكه رفيع جدا ووزنه خفيف وزوايا الجهاز دائريه من جميع الجوانب وده بيدي راحه في استخدامه ، ومفيش اي قلق من موضوع ان الجهاز يتني وهو في الجيب والكلام ده انا كل يوم بخرج بيه وهو في جيبي .
- البصمه طبعا من اكتر المميزات اللي بيتميز بيها الايفون ، وسريعه جدا في الاستجابه ، ومفيش اي جهاز اخر من الاجهزه اللي حاولت تعملها عارفه تخليها بنفس الاداء اللي موجود في الايفون .

ثانيا بالنسبه للعيوب :-
- بروز الكاميرا الخلفيه ، وده بسبب سمك الجهاز الرفيع جدا ، والكاميرا مكونه من 6 عدسات فوق بعض ،، ولكن تقدر تتغلب على العيب ده بالجرابات ، لما تيجي تركب جراب تتأكد ان الكاميرا مبقتش بارزه منه عشان في جرابات بتبقى رفيعه جدا .
- البطاريه بعض الناس شايفاها ضعيفه ، لكن انا شايفها ادائها مرضي جدا ، وافضل قليلا من الموديل السابق ، وميزه البطاريه انها بتعيش لفتره طويله معاك بالسنين ، اجهزه تانيه كتير البطاريه مبتكملش سنه واقل وتبوظ ،

وكتقييم عام ومن وجهة نظري الجهاز ممتاز وفعلا يستحق الاقتناء

بعد طول انتظار ولف كتير ،، الحمد لله تم شراء الايفون 6 :) :)

سعر الايفون 6 بلس حاليا 6500 واعتقد ان كده بقى سعره مناسب للي بيفكر يشتريه ، وخصوصا من بعد الاسعار الفلكيه اللي كان نازل بيها من كام شهر اللي كانت بتبتدي من 11000 للنسخه ال 16 جيجا وكانت بتعدي ال 16000 جنيه للنسخ الاكبر !!

كل سنه وحضراتكم بخير جميعا ، ويارب السنه دي تبقى افضل من اللي قبلها وتكون شايله الخير لكل الناس يارب

كل سنه وحضراتكم بخير جميعا ، عيد سعيد علينا كلنا انشاء الله :)