بدور علي ايه؟ اكتب رقم موديل الموبايل الابدور عليه
احدث المشاراكات
-
2015-09-02 (05:22:29AM) LG G3
انا لاحظت نفس الموضوع ده
و جربت كل الاعدادات و البرامج لكن مفيش فرق
و انا عندي سماعة تانية htc بستخدمها صوتها احسن بكتير -
2015-08-24 (07:48:08PM) LG G3
أسعارة على ما اظن من ٢٠٠٠ ل ٢٥٠٠ مستعمل
-
2015-08-24 (01:41:23AM) LG G3
تم الرد في الرسائل
-
2015-08-20 (01:00:02PM) LG G3
دي مش معناها انك مخرجتش من الفيديو
دي خاصية في المشغل عشان يفكرك انت وقفت لحد فين
و بتتلغي من اعدادات المشغل -
2015-08-18 (02:56:30PM) Samsung Galaxy Note 5
اها شوفته
أهم ميزة فيه إدارة صلاحيات التطبيقات
لو كانت زي ما انا متخيلها هتكون كويسة جدا -
2015-08-17 (12:33:05PM) Samsung Galaxy Note 5
صح الكيتكات ممتاز و مفيش فرق واضح عن اللولي بوب
حتى أندرويد m مفيهوش مميزات كبيرة واضحة عن الكيتكات
بإستثناء ميزة إدارة صلاحيات التطبيقات و دي أهم ميزة فيه -
2015-08-16 (12:22:38PM) Samsung Galaxy Note 5
أشكرك و أنا أسعد بالنقاش معاك و مع الأستاذ semsem
الأندرويد ممكن يحصله زي السيمبيان
يفضل في الصدارة سنين ثم يظهر منافس فجأة يخطف الأضواء
بس ده مش هيحصل قريب
لأن الأندرويد في حد ذاته شعبيته لسة بتزيد
لأن متنساش ان في فئات تانية ناجحة غير فئة الاجهزة الرائدة الفاشلة
اجهزة الفئة المتوسطة هي حاليا اللي بتطور بسرعة و هي اللي عليها العين
مثلا دلوقتي بقى في اجهزة تحت 2000 جنيه و بكاميرا ١٣ & ٥ .. و بروسيسور رباعي و رامات ٢ و شاشات hd خمسة بوصة او اكتر و بطاريات كويسة كمان
و عليها اصدارات اندرويد حديثة
الفئات دي هي اللي هتسند الأندرويد لفترة اطول -
2015-08-15 (02:30:28PM) Samsung Galaxy Note 5
semsemSiR معاك حق والله
التطور في البروسيسور مبقاش تطور ملموس زي زمان
دلوقتي تقدر تقول كده كل البروسيسورات قوية و تقضي الغرض
أنا مثلا مبقتش احس بفرق ملموس في السرعة من أيام الاس٣ لحد دلوقتي
الاجهزة كلها بقت سريعة
حتى الرامات من أول ٢ جيجا بقت تكفي
حتى الشاشات من أول ١٠٨٠ ممتازة و مش هتحتاج اكتر منها
هي فعلا كلها أرقام بتزيد وخلاص بدون تأثير حقيقي على المستخدم
و الاجهزة بدل ما يزيد الفرق الزمني بينهم بقى يقل !
الشركات قللت الفرق الزمني عشان تعوض قلة المبيعات بكثرة الاجهزة
بس ده واضح جدا انه جاب نتيجة عكسية و قلل المبيعات اكتر
BlackCrow مظبوط كلامك .. الاندرويد في خطر و الانظمة المنافسة هتكون هي المستفيدة
تعرف .. الموضوع ده محتاج اصدار اندرويد جديد مختلف بواجهة جديدة كليا عشان يكسر الملل و ينقذ المبيعات و يحافظ على الصدارة لفترة اطول -
2015-08-14 (07:31:29PM) Samsung Galaxy Note 5
مفيش جديد
و نفس الموضوع ده حصل مع كل الاجهزة الرائدة
ال m9 و ال g4 و الz4 و النوت4 و الs6
الشركات كلها مبقاش عندها حاجة تقدمها
التطور في السنوات اللي فاتت كان سريع جدا و ملحوظ
لكن دلوقتي بقا بطيئ جدا او تقريبا وقف
لدرجة الشركات بدأت تسحب بعض المواصفات عشان يبقو يرجعوها تاني و يعتبروها اوبشن جديد :)
الشركات خلاص غلب حمارها .. مبقاش عندهم حاجة يقدموها
و الناس مبقتش مهتمة كتير بالموبايلات حتى ان التفاعل في مواقع الموبايلات و قنوات اليوتيوب قل جدا و قليلين اللي بيستنو الاجهزة الجديدة و مبقاش في مقارنات و تعصب و خناقات زي زمان و حتى مبقيناش حافظين اسماء الاجهزة و مواصفاتها زي زمان ... المجال كله برد و هدي
و اتوقع ان الوضع هيفضل كده و الناس هتزهق من الأندرويد في المستقبل القريب
و ده هيكون في مصلحة ابل لأنها هتكون الملجأ الوحيد إذا أحسنت استغلال الوضع
إلا لو جوجل عوضت النقص في تطور الهارد وير بالزيادة في تطور السوفت وير
و أنا عن نفسي مظنش ده هيحصل لأن حتى اصدارات الأندرويد الجديدة بقت زي القديمة مفيش جديد
و بصراحة يا جماعة .. فعلا مفيش جديد
الموبايلات بقا فيها كل حاجة ممكن تكون موجودة
باقي فقط التليفزيون يكون موجود "بدون نت" و يجيب المحطات الفضائية
اظن ده أقصى حاجة ممكن تتعمل تاني
اللي بيحصل ده زي بالضبط اللي حصل مع اللابتوب
لما وقف تطورها و مبقاش فيها جديد .. فقدت جاذبيتها و اتنست و الناس بقت بتستخدم نفس اللاب بالخمس سنين و اكتر بدون ما يغيروه
المفروض الشركات تبدأ تنزل الflagship device كل سنتين -
2015-07-28 (12:47:33AM) LG G3
الجيمز بتسحب البطارية جامد
بس لو زي ما قلت ساعتين بس يبقا تمام مش هتواجه مشكلة
و عموما الجهاز مش بيطول في الشحن
بالنسبة لموضوع السخونة فكل الاجهزة بتسخن و خصوصا في الصيف
بالنسبة للشراء هو قليل شوية في السوق
إسأل في المحلات المشهورة زي ٨٨٨ و سيليكت بس مش عارف هتلاقي خطين ولا لأ
انا جهازي خطين بس ده جايلي من كوريا مش شاريه من مصر -
2015-07-28 (12:32:36AM) LG G3
السماعة دي بتكون زي اوبشن إضافي كده
يعنى زى مثلا ال g3 في منه نسخة ٣ جيجا رام و في نسخة ٢ جيجا رام
كذلك موضوع السماعه
هو بيكون علي العلبة اللي فيها السماعه ستيكر عليه صوره السماعه و مكتوب ان الجهاز معاه السماعة
و لو مكانش في الاستيكر ده يبقا السماعة مش معاه
شوف الصورة دي بتوضح قصدي
و بالنسبة لموضوع جودة الهاتف في مصر زي السعودية زي اي دولة
كله واحد مفيش فرق لانه من نفس خط الانتاج -
2015-07-27 (06:04:39PM) LG G3
لو هتجيب زد 2 لازم تكون عرفت موضوع السخونة
في ناس بتشتكي منها جامد و في ناس مش بتشتكي
انت و حظك بقا .. بس عموما كل الأجهزة بتسخن
و ابقا هاتله جراب علطول
و ابقا دور على جهاز معاه سماعة noise cancellation
لأنها تفرق كتير عن السماعه العادية و مش بتيجي مع كل الأجهزة
و مبروك مقدما -
2015-07-27 (05:58:33PM) LG G3
الزد 2 أفضل لإستخدامك
لأن الg3 مش مناسب اوي لهواة الألعاب الكبيرة -
2015-07-27 (05:51:58PM) LG G3
و بالنسبه للg3 بطاريته كويسة تقضي الغرض الا لو بتحب الالعاب اوي
و الشحن الكامل في حوالي ساعه و 45 دقيقه
او ساعه و 55 دقيقه لو كان فاصل خالص -
2015-07-27 (05:48:38PM) LG G3
البطاريه حسب استخدامك
و موضوع البطاريه الاضافيه ده مش حل عملي يعتمد عليه
البطاريه عموما كويسه إلا في الالعاب التقيله
لو استخدامك تقيل اوي للجهاز و يهمك بطاريه قويه اشتري من البدايه جهاز بطاريته قويه
زي الزد3 و الmate7 و إلى حد ما الm8 و الاس5
بس للعلم الزد بياخد وقت طويل شويه في الشحن
