ArchieDeacon

اخر زيارة:

تاريخ الاشتراك: 2013-06-17

عدد التعليقات: 689

الدولة: مصر

احدث المشاراكات

2019-01-09 (11:53:43AM) OPPO F9

أنا أنصحك بال Honor 8X أفضل من ال F9

2019-01-09 (11:49:18AM) OPPO Find X

الجهااااز ده وهم بما تحمله الكلمة من معني .. أداء خرافي ، شاشة وكاميرا رهيبة جدا مشاء الله أوبو أبدعت ىفي التصميم بلمسات جمالية ممتازة جدااااا ، السعر عالي شوية لأنه طبعا فلاج شيب ويعيبه فقط ضعف بطاريته قليلا ، كنا نتمني أن البطارية تكون أكبر من كدة قليلا .. ولكن بشكل عام أدي تقييم للجهاز ده 92% ، حظ موفق لكل مقتنييه .. واللي هايشتريه إطلاقا مش هايندم أبدا

تحياتي ،،

2019-01-09 (11:44:23AM) Samsung Galaxy J6 Plus

بصفتي مراجع قديم ، وبشتغل في مجل ال Smart Phones من سنين مانصحش حد بالجهاز ده إطلاقا يا جماعة الجهاز أنا جربته وأشتغلت عليه فاااشل بكل المقاييس وهايوضح فشله ده للجميع قريبا .. سعره أغلي بكتير من أمكانياته وللأسف جهاز محبط بكل المقاييس حقيقي ، لا شاشة ولا بصمة ولا معالج ولا أي حاجة تستاهل أنك تدفع 3000 جنيه في موبايل زي ده .. المميز فيه بس هو شكله وتصميمه وماعتقدش إن في حد ممكن يشتري جهاز ب 3000 جنيه علشان شكله أو تصميمه وللا حتي علشان هو براند سامسونج .

تحياتي ،،

2019-01-09 (11:44:18AM) Samsung Galaxy J6 Plus

بصفتي مراجع قديم ، وبشتغل في مجل ال Smart Phones من سنين مانصحش حد بالجهاز ده إطلاقا يا جماعة الجهاز أنا جربته وأشتغلت عليه فاااشل بكل المقاييس وهايوضح فشله ده للجميع قريبا .. سعره أغلي بكتير من أمكانياته وللأسف جهاز محبط بكل المقاييس حقيقي ، لا شاشة ولا بصمة ولا معالج ولا أي حاجة تستاهل أنك تدفع 3000 جنيه في موبايل زي ده .. المميز فيه بس هو شكله وتصميمه وماعتقدش إن في حد ممكن يشتري جهاز ب 3000 جنيه علشان شكله أو تصميمه وللا حتي علشان هو براند سامسونج .

تحياتي ،،

2015-02-07 (09:20:32PM) Samsung Galaxy Core Prime

لو معاك فلوس الجراند برايم هاته ، لو مش معاك يبقى هات الكور برايم

2014-12-20 (01:25:08AM) Samsung Galaxy Note 4

سمسم .. إزي حضرتك عامل إيه ؟ أنا نشكر ربنا الحمد لله ، ويارب أشوف نشاطك دائم فى خدمة الأعضاء ..

من جهة السناب ، و Exynos معنى كدة إن النوت 3 حضرتك فى ال 4G أقل من ال 3G ﻷن معالج سامسونج أفضل من معالج كواكوم ..
أنا أعرف إن كوالكم زى Intel كدة .، رائدة صناعة البروسيسورات على مستوى العالم ، فكيف يكون معالج سامسونج أفضل ، وحتى عمليا النوت 3 4G أفضل من ال 3G وعن تجربة .. ولكن بفرق بسيط جدا جدا .. لكنه أفضل ،،

أستاذى المحترم يوسف :

أنا متفق مع حضرتك فى كل كلمة قولتها لكن .. ممكن يكون الفرق لصالح exynos عشان خاطر البروسيسور ثمانى النواة ، والمرة دى ممكن سام تكون نجحة فى إن البروسيسورين يعملوا مع بعض ، مش واحد للعمليات التقيلة والأخرى للخفيفة .. الإثنين مع بعض ، وطبعا بتردد عالى ( 1.9 ، 1.3 ) وطبعا بمعمارية متقدمة جدا ..
فممكن يكون أسرع فعلا ، ولكن بفرق بسيط غير ملحوظ .. وأعتقد إن أغلبية الآراء ، وتقيمات المواقع لو طرح لديها الأمر وهذة المقارنة .. هاترجح سناب دراجون 805 ، أدرينو 420 .. وأتمنى باقى الأعضاء تقول رأيها فى الموضوع ده ..

بشكر حضرتك جدا على مجهود ، وسعة صدرك ..
وأحترم رأيك جدا ،، ﻻنك حقا جدير بذلك -: )

2014-12-18 (10:09:43PM) Samsung Galaxy Note 4

يوسف باشا .. أحييك على مجهودك الرائع .. لك جزيل الشكر ،،

أنا من قبل ما أشوف الفيديوهات وأنا عارف إن ال 805 أفضل وأسرع وكمان كارت الشاشة أفضل وبعد ما شوفتها إتأكدت ، ومن الآخر كدة ماحدش هاياكل مع Qualcom خالص ، وسناب دراجون هو الأقوى على الإطلاق ولو بفرق بسيط ..

تحياتى -:)

2014-12-15 (03:21:15PM) Samsung Galaxy Grand Prime

لا يا باشا مش أوبشن ، ولا حاجة دى حاجة فى الموبايل نفسه ، وهى كانت موجودة فى الموبايلات السامسونج
اللى بتعمل بأندرويد الجيلى بين من أول 4.1.2 لغاية 4.3 والأجهزة اللى إتحدثت للكيت كات برده زى ماهى فيه الخاصية دى .. أما الأجهزة اللى نازلة بالكيت كات رسمى من سامسونج زى البرايم كدة والإيس 4 والستار بلس 2 وغيرهم مع تحديث الكيت كات الرسمى الجديد مابقتش موجودة الخاصية دى للأسف وهى حركة غبية ومالهاش أى لازمة من سامسونج إنها تعملها ، وكذلك أيضا إتلغت خاصية ال Clear Memory من ال Task Manager ومابقتش موجودة كلمة كلير .. ودى هاتلاقيها لما تيجى تمسح الرمات من مدير المهام ..

فامتقلقش ده مش عيب فى الجهاز ده مع التحديث هو بقة كدة ، وكمان مش بتتظبط من الإعدادات ..

تحياتى -: )

2014-12-13 (10:52:32PM) Samsung Galaxy Grand Prime

شوف يا فندم .. محل دريم 2000 محل محترم جدا ومعتمد لو جبت منهم يبقى كويس خالص .. بس الأهم مش محل بعينه .. الأهم إنك تشترى جهازك فى علبته متبرشمة ومقفولة إنت اللى تفتحها بإيدك
مش هو يديك علبة مفتوحة قبل كدة ..

لأ طبعا بينزل منه فيتنامى وصينى والإتنين واحد على فكرة مافيش أى إختلاف إطلاقا لأن سامسونج هى اللى مصنعة .. فاسيبك من موضوع صينى وفيتنامى دى بس برده اللى ترتاحله إنت هاته
مادمت بتخاف من التقفيل الصينى خلاص هاته فيتنامى عادى جدا مافيش مشكلة والإتنين موجودين .. وهو كجهاز مش وحش جهاز إلى حد ما كويس ومناسب لسعره جدا ..

أتمنالك التوفيق وربنا معاك ، وأى إستفسار أنا فى الخدمة ..

To You My Greetings :)

2014-12-13 (04:47:22PM) Samsung Galaxy Grand Prime

شوفوا بقة .. سيبكم من الكلام الكتيييير .،
الجراند برايم أفضل من السونى m2 ، وده كلام أكيييد ..
عاوز تجيب حاجة سونى ، وحلوة .. هات Z2 أو Z3 .. أو T2 غير كدة بلاش ..

2014-12-09 (03:28:36PM) Samsung Galaxy Tab 4 7.0 3G

لا يا باشا للأسف مافيش وهو ده عييييييب الجهاز الوحيظ ، والتاب 3 بيتميز عنه بوجودهم ..

2014-12-09 (03:25:44PM) Samsung Galaxy Grand Prime

الأس 3 نيو أفضل يا باشا فى كل حاجة .. أفضل فى الخامة والحجم المناسب ، وفى الشاشة وفى الرمات والبروسيسور بس بيسخن شوية ..

البرايم أفضل من النيو فى الكاميرا الأمامية فقط .، عشان الصور السيلفى ..

لكن بوجه عااااام الإس 3 نيو أفضل .. من وجهة نظرى .. بالتوفيق فى أى منهم ..

2014-12-05 (12:15:56PM) Samsung Galaxy Note 8.0 N5100

شيلوا الجرابات اللممغنطة يا جماعة ، ﻷنها هاتبوظ القلم ..

2014-11-30 (12:35:37PM) Nokia 225

نوكيا 225 .. الهاتف الجديد من الفئة المتوسطة .....

الموبايل ده بإختصاااار شديد رااااااااائع جدا ، من حيث الشكل الإنسيابى الشيك جدا ، وأيضا الخامة الجيدة مع حجم الشاشة المناسب للرؤيا خصوصا للناس الكبيرة سنا واللى بتحتاج موبايل شاشته كبيرة وكلماته كبيره ومرئية ومايكونش تاتش وصوته عالى .، والشاشة بيأتى عليها لزقة حماية جاهزة ملزوقة على الموبايل ...

صوت الموبايل .. عالى ونقى جدا ، وفيه كل تطبيقات النت من فيس بوك وتويتر وسكايب وماسنجر ....... إلخ
جاية مع الجهاز برامج ثابته ، بس طبعا للأسف الموبايل مافيهوش 3G ...

الموبايل سرعته جميلة جدا فى الفتح والقفل وباقى المهمام من تسجيل الأسماء حتى 1000 إسم متاح على ذاكرة الهاتف ، وأيضا ممكن تركبله كارت ميمورى حتى 32 جيجا بدون أى قلق ،،

صوت سماعة المكالمات الداخلية للموبايل عالى ونقى وواضح جدا ..

أيضا بطارية الموبايل راااااااائعة حدا ، تدوم من 3 ل 4 أيام عمل مكالمات و MP3 ( نسبة مرضية جدا )

الموبايل متوفر بعدة ألوان ( الأسود - الأحمر - الأصفر - الأخضر ) وسعر الموبايل فى مختلف المحلات من 390 حتى 425 ( طبعا بيختلف السعر من تاجر ﻵخر )

2014-11-27 (06:57:08PM) Samsung Galaxy Grand Prime

حضرتك الجراند 2 أفضل .. معظم اللى إستخدموا الجراند برايم من صحابى مش بيشكروا فيه ولا فى أدائه ..

وفى حل أسهل برده ممكن تروحى أحد المولات الكبيرة وتجربى الإتنين قبل ماتشتريهم ..

بالتوفيق .. اى ما كان إختيارك ..