RUICOSTA
أحدث المشاركات
Huawei P8
2015-10-05 (10:15:04PM)
الحمد الله بعد طول تفكير ومقارنات بين الموبايلات الحديثة فى السوق . معجب بشركة هواوي ومنتجاتها وقررت اخوض تجربة جديدة مختلفة شوية بعد سنين فى السامسونج
وقررت اخيرا واشتريت P8 من حوالى 3 ايام . وبصراحة مبدئيا الجهاز تحفة من جميع الجوانب .. وانتظروا مني تقييم مفصل بعد اسبوع مثلا اكون فهمت واختبرت الموبايل بالتفصيل
شكرا :)
وقررت اخيرا واشتريت P8 من حوالى 3 ايام . وبصراحة مبدئيا الجهاز تحفة من جميع الجوانب .. وانتظروا مني تقييم مفصل بعد اسبوع مثلا اكون فهمت واختبرت الموبايل بالتفصيل
شكرا :)
Samsung Galaxy S4 mini I9190
2014-04-01 (09:56:43AM)
ايه يا شباب مفيش أى اخبار عن تحديث الجهاز للـ KitKat ?
مؤكد ولا لأ وميعاد نزوله امتى احنا بدءنا اهو شهر 4
مؤكد ولا لأ وميعاد نزوله امتى احنا بدءنا اهو شهر 4
Samsung Galaxy S4 mini I9190
2014-03-15 (03:03:26AM)
السلام عليكم جميعا
من حوالي 4 أيام جالى Update على الفون . وكنت فاتح أجلت التحديث لحد ما روحت الشغل وفتحت من الواي فاي هناك وحملت التحديث ومساحته تقريبا كانت 48 ميجا . وافقت وسيبته يحدث مع نفسه وبعد ما خلص قلبت شوية فى الموبايل مالقتش الا ملفين جداد ظهروا بعد التحديث وهما تطبيقين . واحد اسمه Drive عبارة عن مثلث ملون والتانى اسمه Play Games عبارة عن دراع بلاس ستيشن لونه أخضر .
لكن الغريب واللى لاحظته فى الموبايل بشكل عام ان أداء البطارية بقى غريب جدا وأقوى من المعتاد بكتير . لدرجة انى ممكن أنام حوالى 8 ساعات أصحى ألاقيها نقصت 5 % بس!!!
أقضى اليوم فى الشغل ومع الإستخدام أجى ماشي ألاقي الشحن نقص حاجات بسيطة جدا لا تقارن بقبل كدة إطلاقا .
حد عنده أى تفسير
من حوالي 4 أيام جالى Update على الفون . وكنت فاتح أجلت التحديث لحد ما روحت الشغل وفتحت من الواي فاي هناك وحملت التحديث ومساحته تقريبا كانت 48 ميجا . وافقت وسيبته يحدث مع نفسه وبعد ما خلص قلبت شوية فى الموبايل مالقتش الا ملفين جداد ظهروا بعد التحديث وهما تطبيقين . واحد اسمه Drive عبارة عن مثلث ملون والتانى اسمه Play Games عبارة عن دراع بلاس ستيشن لونه أخضر .
لكن الغريب واللى لاحظته فى الموبايل بشكل عام ان أداء البطارية بقى غريب جدا وأقوى من المعتاد بكتير . لدرجة انى ممكن أنام حوالى 8 ساعات أصحى ألاقيها نقصت 5 % بس!!!
أقضى اليوم فى الشغل ومع الإستخدام أجى ماشي ألاقي الشحن نقص حاجات بسيطة جدا لا تقارن بقبل كدة إطلاقا .
حد عنده أى تفسير
Samsung Galaxy Note Pro 12.2 LTE
2014-02-18 (01:36:31AM)
اللى يخلينى أجيب تابلت زى ده سعره مش هيقل عن 5000 جنيه . طب مانا أجيب بيهم لاب ماركة ملوش حل بإمكانيات محترمة جدا .
بس إختلاف الأذواق بقى وإحتياجات كل فرد :)
بس إختلاف الأذواق بقى وإحتياجات كل فرد :)
Samsung Galaxy S4 mini I9190
2014-02-16 (05:58:21AM)
الأخوة اللي بيقارنوا ومحتارين بين S4 mini والـ S3
انا كنت فى نفس الحيرة وفضلت فترة أقارن بين الجهازين قبل ما اشترى وبعد تفكير طويل قررت واشتريت S4 mini عن إقتناع شخصي مش لأفضلية بين الجهاز فى الإمكانيات .
وأحب أوضحلكم انى والله يوميا ماسك الجهازين كل واحد فى إيد :D لأن واحد زميلى فى الشغل معاه الـ S3 . ومن وجهة نظرى احب أوضحلكم نقاط التفوق لكل جهاز فى الآتى :
S3 يتفوق فى ( 1- الشاشة : نظرا لأن حجمها اكبر من الـ S4 mini بنص بوصة وكمان كثافة الألوان فيها أعلى وأوضح . 2- ذاكرة الهاتف : لأنها 16 جيجا مقابل 8 جيجا فى الـ S4 mini وده حسب اختيارك لأن الموبايلين بيركبلهم كارت ميموري لحد 64 جيجا . 3- الصوت فى النغمة أعلى نسبيا عن الـ 4 mini )
S4 mini يتفوق فى ( 1- أحدث فى التصنيع من S3 بسنة تقريبا فى السوق . 2- نظام الأندرويد اللى عليه نسخة أحدث من S3 وان كانت التحديثات بتلغى الفروق فى النقطة دي مستقبلا . 3- مساحة الرام 1.5 جيجا مقابل 1 جيجا فقط فى S3 مهمة . 4- الكاميرا أفضل نسبيا بفرق مش كبير نظرا لبعض الخصائص والمميزات الجديدة المنقولة من S4 العادي . 5- سرعة ملحوظة فى الأداء العام لأن البرسسيور 1.7 GHz ثنائى النواه مقابل 1.4 فى S3 لكنه أقوى لأنه رباعى النواه )
بإختصار الجهازين جُمال جدا وسعرهم متقارب وفى النهاية إختيارك الشخصي هو اللي هيحدد لأنك انت اللي هتمسك الجهاز وتستخدمه
انا كنت فى نفس الحيرة وفضلت فترة أقارن بين الجهازين قبل ما اشترى وبعد تفكير طويل قررت واشتريت S4 mini عن إقتناع شخصي مش لأفضلية بين الجهاز فى الإمكانيات .
وأحب أوضحلكم انى والله يوميا ماسك الجهازين كل واحد فى إيد :D لأن واحد زميلى فى الشغل معاه الـ S3 . ومن وجهة نظرى احب أوضحلكم نقاط التفوق لكل جهاز فى الآتى :
S3 يتفوق فى ( 1- الشاشة : نظرا لأن حجمها اكبر من الـ S4 mini بنص بوصة وكمان كثافة الألوان فيها أعلى وأوضح . 2- ذاكرة الهاتف : لأنها 16 جيجا مقابل 8 جيجا فى الـ S4 mini وده حسب اختيارك لأن الموبايلين بيركبلهم كارت ميموري لحد 64 جيجا . 3- الصوت فى النغمة أعلى نسبيا عن الـ 4 mini )
S4 mini يتفوق فى ( 1- أحدث فى التصنيع من S3 بسنة تقريبا فى السوق . 2- نظام الأندرويد اللى عليه نسخة أحدث من S3 وان كانت التحديثات بتلغى الفروق فى النقطة دي مستقبلا . 3- مساحة الرام 1.5 جيجا مقابل 1 جيجا فقط فى S3 مهمة . 4- الكاميرا أفضل نسبيا بفرق مش كبير نظرا لبعض الخصائص والمميزات الجديدة المنقولة من S4 العادي . 5- سرعة ملحوظة فى الأداء العام لأن البرسسيور 1.7 GHz ثنائى النواه مقابل 1.4 فى S3 لكنه أقوى لأنه رباعى النواه )
بإختصار الجهازين جُمال جدا وسعرهم متقارب وفى النهاية إختيارك الشخصي هو اللي هيحدد لأنك انت اللي هتمسك الجهاز وتستخدمه
Samsung Galaxy S4 mini I9190
2014-01-09 (05:18:43AM)
بسم الله الرحمن الرحيم
تحية لكل الأعضاء المحترمين وعلى الروح الجميلة الموجودة هنا :)
---------------------------------------------------------
رأيي المتواضع فى S4 mini GT- I9190 بعد استعمال الجهاز حوالي 5 أيام . أذكر الناس انى اشتريته ضمان دولى بـ 2600 جنيه ، وركبت عليه كارت ميموري 8 جيجا كينجستون وجبتله جراب سينسور . وتقييمى ليه بالنقاط كالأتى :
أولا حجم الجهاز والمظهر العام : الجهاز شيك جدا ووزنه خفيف وتقدر تستعمله بيد واحدة بسهولة وتحطه فى جيبك مستريح أووي .ونظرا للخامات لأن الضهر بلاستيك أديله 9 / 10
ثانيا الشاشة : كمقاس أنا شايف ان 4.3 بوصة مناسبة جدا ليا شخصيا وواضحة حتى فى الشمس والألوان روعة . بس شايف ان لو كثافة البيكسلات كانت أعلى شوية من 256 وتوصل مثلا لـ 280 ppi او اكتر كانت هتبقى أجمد بكتير . عشان كده أديله 9 / 10
ثالثا الكاميرا : كويسة جدا والصورة واضحة وفيها مميزات جديدة وجميلة والفلاش قوي وتعتبر جيدة فى الوضع الليلي . أديله فى الكاميرا 8.5 / 10
رابعا البطارية : على حسب استعمالي شايفها جيدة جدا . استعمال متوسط قعدت معايا يوم ونص كحد أقصى . وجيت فى يوم قلت أضغط على الجهاز شوية صورت بالكاميرا كتير وفتحت نت بالواي فاي من الشغل عندى وحملت تطبيقات وألعاب كتير وشغلتها ومع المكالمات . ماكملتش معايا اليوم
وبالنسبة لشحن البطارية . لما فضيت منى خالص شحنت الموبايل بوصلة usb للكمبيوتر قعدت 4 ساعات ونص بالظبط لحد ما اتملت 100% ، ومن الشاحن عادي فى الكهربا قعدت حوالى ساعتين ونص لحد ما اتملت 100% . أديله فى البطارية 8 / 10
خامسا السرعة والأداء العام : من خلال تجربتى الشخصية لحد دلوقت أقدر أقولكم انسوا حاجتين (السخونة ، التهنيج) الجهاز ما شاء الله لا سخن ولا هنج منى ولا مرة سواء بإستعمال خفيف او وانا ضاغط عليه . والآندرويد اللى عليه تحفة وشيك وسريع جدا ، والنت ممتاز والألعاب شغالة تمام بدون أى تقطيع حتى التقيلة زى fifa 14 مثلا وجربتها بنفسي روعة . أديله فى الأداء 10 / 10
سادسا الصوت : 1- بالنسبة للمكالمات جميل جدا ونقى وتسمع اللى بيكلمك بمنتهى الوضوح . 2-بالنسبة للموسيقى لو بالهاند فري روعة وجميل جدا ولو من الجهاز هادي ورقيق وتقدر تقول متوسط . 3 - فى نغمة الرنين واطي نسبيا لكن مسموع وده حسب النغمة اللى انت حاططها
بس فى المجمل العام أديله فى الصوت 7.5 / 10
------------------------------------------------------------
ده رأيي الشخصي فى الموبايل عن تجربة .. اتمنى اكون قدرت افيدكم ولو بمعلومة بسيطة وأى سؤال او استفسار بخصوص الجهاز انا تحت أمركم :) وأسف على الإطالة
وشكرا
تحية لكل الأعضاء المحترمين وعلى الروح الجميلة الموجودة هنا :)
---------------------------------------------------------
رأيي المتواضع فى S4 mini GT- I9190 بعد استعمال الجهاز حوالي 5 أيام . أذكر الناس انى اشتريته ضمان دولى بـ 2600 جنيه ، وركبت عليه كارت ميموري 8 جيجا كينجستون وجبتله جراب سينسور . وتقييمى ليه بالنقاط كالأتى :
أولا حجم الجهاز والمظهر العام : الجهاز شيك جدا ووزنه خفيف وتقدر تستعمله بيد واحدة بسهولة وتحطه فى جيبك مستريح أووي .ونظرا للخامات لأن الضهر بلاستيك أديله 9 / 10
ثانيا الشاشة : كمقاس أنا شايف ان 4.3 بوصة مناسبة جدا ليا شخصيا وواضحة حتى فى الشمس والألوان روعة . بس شايف ان لو كثافة البيكسلات كانت أعلى شوية من 256 وتوصل مثلا لـ 280 ppi او اكتر كانت هتبقى أجمد بكتير . عشان كده أديله 9 / 10
ثالثا الكاميرا : كويسة جدا والصورة واضحة وفيها مميزات جديدة وجميلة والفلاش قوي وتعتبر جيدة فى الوضع الليلي . أديله فى الكاميرا 8.5 / 10
رابعا البطارية : على حسب استعمالي شايفها جيدة جدا . استعمال متوسط قعدت معايا يوم ونص كحد أقصى . وجيت فى يوم قلت أضغط على الجهاز شوية صورت بالكاميرا كتير وفتحت نت بالواي فاي من الشغل عندى وحملت تطبيقات وألعاب كتير وشغلتها ومع المكالمات . ماكملتش معايا اليوم
وبالنسبة لشحن البطارية . لما فضيت منى خالص شحنت الموبايل بوصلة usb للكمبيوتر قعدت 4 ساعات ونص بالظبط لحد ما اتملت 100% ، ومن الشاحن عادي فى الكهربا قعدت حوالى ساعتين ونص لحد ما اتملت 100% . أديله فى البطارية 8 / 10
خامسا السرعة والأداء العام : من خلال تجربتى الشخصية لحد دلوقت أقدر أقولكم انسوا حاجتين (السخونة ، التهنيج) الجهاز ما شاء الله لا سخن ولا هنج منى ولا مرة سواء بإستعمال خفيف او وانا ضاغط عليه . والآندرويد اللى عليه تحفة وشيك وسريع جدا ، والنت ممتاز والألعاب شغالة تمام بدون أى تقطيع حتى التقيلة زى fifa 14 مثلا وجربتها بنفسي روعة . أديله فى الأداء 10 / 10
سادسا الصوت : 1- بالنسبة للمكالمات جميل جدا ونقى وتسمع اللى بيكلمك بمنتهى الوضوح . 2-بالنسبة للموسيقى لو بالهاند فري روعة وجميل جدا ولو من الجهاز هادي ورقيق وتقدر تقول متوسط . 3 - فى نغمة الرنين واطي نسبيا لكن مسموع وده حسب النغمة اللى انت حاططها
بس فى المجمل العام أديله فى الصوت 7.5 / 10
------------------------------------------------------------
ده رأيي الشخصي فى الموبايل عن تجربة .. اتمنى اكون قدرت افيدكم ولو بمعلومة بسيطة وأى سؤال او استفسار بخصوص الجهاز انا تحت أمركم :) وأسف على الإطالة
وشكرا
Samsung Galaxy S4 mini I9190
2014-01-04 (01:18:31AM)
السلام عليكم
بفضل الله اشتريت الجهاز النهاردة موديل S4 mini GT- I9190 اللي بشريحة واحدة . جبته من السراج مول بـ 2600 ضمان دولي جاى من السعودية والكرتونة بتاعته متبرشمة وفتحته بإيدي وأخدت معاه الإسكرينة بتاعة الشاشة فري بالعافية من المحل :D
ده أقل سعر لقيته فى المول كله بعد جولة حوالى ساعة سألت فيها على موديل الـ I9195 اللي بيدعم 4G للأسف ملقتهوش !
أخدت اللون الإسود . وبصراحة الجهاز قمة فى الشياكة وخفيف وحطيته فى جيبى مريح جدا جدا ، وألوان الشاشة روووعة والكاميرا ممتازة .
ان شاء الله إستعمال 3 أيام فقط وانتظروا مني تقرير مفصل عن الجهاز أوضحلكم فيه مميزاته وعيوبه من وجهة نظرى :)
ومتشكر جدا لكل الناس المحترمين هنا على الإفادة ورسالة شكر خاصة للأستاذ zman2yahob على مساعدته .. وبالتوفيق للجميع :)
بفضل الله اشتريت الجهاز النهاردة موديل S4 mini GT- I9190 اللي بشريحة واحدة . جبته من السراج مول بـ 2600 ضمان دولي جاى من السعودية والكرتونة بتاعته متبرشمة وفتحته بإيدي وأخدت معاه الإسكرينة بتاعة الشاشة فري بالعافية من المحل :D
ده أقل سعر لقيته فى المول كله بعد جولة حوالى ساعة سألت فيها على موديل الـ I9195 اللي بيدعم 4G للأسف ملقتهوش !
أخدت اللون الإسود . وبصراحة الجهاز قمة فى الشياكة وخفيف وحطيته فى جيبى مريح جدا جدا ، وألوان الشاشة روووعة والكاميرا ممتازة .
ان شاء الله إستعمال 3 أيام فقط وانتظروا مني تقرير مفصل عن الجهاز أوضحلكم فيه مميزاته وعيوبه من وجهة نظرى :)
ومتشكر جدا لكل الناس المحترمين هنا على الإفادة ورسالة شكر خاصة للأستاذ zman2yahob على مساعدته .. وبالتوفيق للجميع :)
Samsung Galaxy S4 mini I9190
2013-12-24 (10:23:50AM)
أستاذ zman2yahob اولا شكرا على مجهودك ومساعدتك للناس . ثانيا إستفسار أخير بخصوص الموبايل S4 mini لأنى خلاص استقريت عليه وفضلته على الـ S3 وتقدر تقول بقى معايا بنسبة 90% ومش فاضل غير دفع الفلوس واستلم الجهاز يوم الخميس 25/12/2013 بإذن الله . وعلى فكرة جايلي النسخة I9195 اللي فيه خاصية NFC وبيدعم 4G بضمان دولي .
بس اللي قالقنى فعلا من الجهاز ان ناس بتقول صوته واطى فى نغمة الرنين لدرجة انى ممكن ماسمعهوش . ثانيا لمبة الإشعارات اللي مش موجودة ومدى أهميتها . ثالثا وأخيرا هل تحديثات الجهاز هتكون متاحة معايا فى مصر بشكل عام ولا هكون مرتبط بالتحديث الدولى فقط
ولو حضرتك او حد من الاخوة هنا شايف اختيار أفضل من الـ S4 mini بوجه عام يكون فى نفس حدود السعر 3000 أقل أو أزيد حاجات بسيطة ياريت يفيدنى . لأنى مش هفكر أغير الموبايل لفترة طويلة
بس اللي قالقنى فعلا من الجهاز ان ناس بتقول صوته واطى فى نغمة الرنين لدرجة انى ممكن ماسمعهوش . ثانيا لمبة الإشعارات اللي مش موجودة ومدى أهميتها . ثالثا وأخيرا هل تحديثات الجهاز هتكون متاحة معايا فى مصر بشكل عام ولا هكون مرتبط بالتحديث الدولى فقط
ولو حضرتك او حد من الاخوة هنا شايف اختيار أفضل من الـ S4 mini بوجه عام يكون فى نفس حدود السعر 3000 أقل أو أزيد حاجات بسيطة ياريت يفيدنى . لأنى مش هفكر أغير الموبايل لفترة طويلة
Samsung Galaxy S4 mini I9190
2013-12-21 (08:02:47AM)
بعد طول تفكير ومقارانات بين الـ S3 و الـ S4 mini استقريت أخيرا على الموبايل ده S4 mini لأسباب كتير إقتنعت شخصيا بيها . أهمها
1- الحجم ( الإستعمال بيد واحدة بمنتهى السهولة )
2- أحدث من الـ S3 فى التصنيع ( تقريبا فرق سنة بينهم )
3- نظام آندرويد أحدث
4- رام أعلى من الـ S3 وبالتالى أداء أسرع وأعتقد الجميع متفق على كدة عن تجارب فى الأداء بين الجهازين
واستغليت يوم الجمعة الأجازة ونزلت اتمشيت فى شارع مصر والسودان عندنا فى حدايق القبة فيه مجموعة محلات موبايلات مشهورة . سألت على الجهاز لقيت محل عارض منه موديل S4 mini I9195 اللى فيه خاصية NFC وبيدعم شبكات الجيل الرابع 4G بس الراجل قالى انه بضمان دولي وسعره 1700 جنيه . بصراحة عجبنى جدا وقررت أشتريه قولتله طب ممكن حضرتك توريهولى بس ياريت تجيبلى اللون الإسود . قالى للأسف اللى موجود عندى دلوقت الأبيض اللى معروض ده بس . !
قولتله معلش انا محتاج اللون الإسود ضرورى عشان هيناسبنى أكتر . قالى ادينى فرصة يومين او تلاتة بالكتير أكون جبتهولك لإن الدولي بيجى بالطلب ومش متاح أوى فى السوق . أخد رقمى وأخدت رقمه ومنتظر منه مكالمة الأيام الجاية .
1- الحجم ( الإستعمال بيد واحدة بمنتهى السهولة )
2- أحدث من الـ S3 فى التصنيع ( تقريبا فرق سنة بينهم )
3- نظام آندرويد أحدث
4- رام أعلى من الـ S3 وبالتالى أداء أسرع وأعتقد الجميع متفق على كدة عن تجارب فى الأداء بين الجهازين
واستغليت يوم الجمعة الأجازة ونزلت اتمشيت فى شارع مصر والسودان عندنا فى حدايق القبة فيه مجموعة محلات موبايلات مشهورة . سألت على الجهاز لقيت محل عارض منه موديل S4 mini I9195 اللى فيه خاصية NFC وبيدعم شبكات الجيل الرابع 4G بس الراجل قالى انه بضمان دولي وسعره 1700 جنيه . بصراحة عجبنى جدا وقررت أشتريه قولتله طب ممكن حضرتك توريهولى بس ياريت تجيبلى اللون الإسود . قالى للأسف اللى موجود عندى دلوقت الأبيض اللى معروض ده بس . !
قولتله معلش انا محتاج اللون الإسود ضرورى عشان هيناسبنى أكتر . قالى ادينى فرصة يومين او تلاتة بالكتير أكون جبتهولك لإن الدولي بيجى بالطلب ومش متاح أوى فى السوق . أخد رقمى وأخدت رقمه ومنتظر منه مكالمة الأيام الجاية .
Samsung Galaxy S III I9300
2013-12-10 (03:52:27AM)
السلام عليكم
تحية لأعضاء الموقع الرائع ورسالة شكر لكل من يساهم بمعلومة يساعد بيها غيره :)
المشاركة الأولى ليا معاكم
بداية انا من عشاق النوكيا ومن الناس اللى مش بيغيروا موبايلاتهم لفترة طويلة . وجربت أكتر من موديل على مدار السنوات الأخيرة . أخرهم الـ 5800 ومعايا لحد النهاردة بقالو حوالى 3 سنين وبصراحة خلاص زهقت ونويت التغيير بعيدا عن النوكيا عموما .. ونفسي أجرب السامسونج مع العلم انى ماستعملتش أى نظام تشغيل سواء أندرويد او ويندوز موبايل قبل كدة ومن الأخر هتكون التجربة الأولى .
ومن خلال متابعتى المتواضعة للسوق حاليا معجب جدا بموبايل S4 mini و S3 ومحتار جدا بينهم وبقالى فترة متابع تعليقات الناس هنا على الموبايلين
أرجو النصيحة من الأخوة هنا . مع العلم ان الميزانية معايا من 2500 لـ 3000 جنيه او فروق بسيطة جدا فوق كدة .
محلوظة : مايفرقش معايا الضمان من عدمه . سواء محلى أو دولى مش هتفرق . لأن ليا ناس موظفين فى توكيل راية ومش قلقان من الجزئية دي
منتظر الرد وأسف على الإطالة .. وشكرااا
تحية لأعضاء الموقع الرائع ورسالة شكر لكل من يساهم بمعلومة يساعد بيها غيره :)
المشاركة الأولى ليا معاكم
بداية انا من عشاق النوكيا ومن الناس اللى مش بيغيروا موبايلاتهم لفترة طويلة . وجربت أكتر من موديل على مدار السنوات الأخيرة . أخرهم الـ 5800 ومعايا لحد النهاردة بقالو حوالى 3 سنين وبصراحة خلاص زهقت ونويت التغيير بعيدا عن النوكيا عموما .. ونفسي أجرب السامسونج مع العلم انى ماستعملتش أى نظام تشغيل سواء أندرويد او ويندوز موبايل قبل كدة ومن الأخر هتكون التجربة الأولى .
ومن خلال متابعتى المتواضعة للسوق حاليا معجب جدا بموبايل S4 mini و S3 ومحتار جدا بينهم وبقالى فترة متابع تعليقات الناس هنا على الموبايلين
أرجو النصيحة من الأخوة هنا . مع العلم ان الميزانية معايا من 2500 لـ 3000 جنيه او فروق بسيطة جدا فوق كدة .
محلوظة : مايفرقش معايا الضمان من عدمه . سواء محلى أو دولى مش هتفرق . لأن ليا ناس موظفين فى توكيل راية ومش قلقان من الجزئية دي
منتظر الرد وأسف على الإطالة .. وشكرااا
Samsung Galaxy S4 mini I9190
2013-12-10 (03:37:59AM)
السلام عليكم
تحية لأعضاء الموقع الرائع ورسالة شكر لكل من يساهم بمعلومة يساعد بيها غيره :)
المشاركة الأولى ليا معاكم
بداية انا من عشاق النوكيا ومن الناس اللى مش بيغيروا موبايلاتهم لفترة طويلة . وجربت أكتر من موديل على مدار السنوات الأخيرة . أخرهم الـ 5800 ومعايا لحد النهاردة بقالو حوالى 3 سنين وبصراحة خلاص زهقت ونويت التغيير بعيدا عن النوكيا عموما .. ونفسي أجرب السامسونج مع العلم انى ماستعملتش أى نظام تشغيل سواء أندرويد او ويندوز موبايل قبل كدة ومن الأخر هتكون التجربة الأولى .
ومن خلال متابعتى المتواضعة للسوق حاليا معجب جدا بموبايل S4 mini و S3 ومحتار جدا بينهم وبقالى فترة متابع تعليقات الناس هنا على الموبايلين
أرجو النصيحة من الأخوة هنا . مع العلم ان الميزانية معايا من 2500 لـ 3000 جنيه او فروق بسيطة جدا فوق كدة .
محلوظة : مايفرقش معايا الضمان من عدمه . سواء محلى أو دولى مش هتفرق . لأن ليا ناس موظفين فى توكيل راية ومش قلقان من الجزئية دي
منتظر الرد وأسف على الإطالة .. وشكرااا
تحية لأعضاء الموقع الرائع ورسالة شكر لكل من يساهم بمعلومة يساعد بيها غيره :)
المشاركة الأولى ليا معاكم
بداية انا من عشاق النوكيا ومن الناس اللى مش بيغيروا موبايلاتهم لفترة طويلة . وجربت أكتر من موديل على مدار السنوات الأخيرة . أخرهم الـ 5800 ومعايا لحد النهاردة بقالو حوالى 3 سنين وبصراحة خلاص زهقت ونويت التغيير بعيدا عن النوكيا عموما .. ونفسي أجرب السامسونج مع العلم انى ماستعملتش أى نظام تشغيل سواء أندرويد او ويندوز موبايل قبل كدة ومن الأخر هتكون التجربة الأولى .
ومن خلال متابعتى المتواضعة للسوق حاليا معجب جدا بموبايل S4 mini و S3 ومحتار جدا بينهم وبقالى فترة متابع تعليقات الناس هنا على الموبايلين
أرجو النصيحة من الأخوة هنا . مع العلم ان الميزانية معايا من 2500 لـ 3000 جنيه او فروق بسيطة جدا فوق كدة .
محلوظة : مايفرقش معايا الضمان من عدمه . سواء محلى أو دولى مش هتفرق . لأن ليا ناس موظفين فى توكيل راية ومش قلقان من الجزئية دي
منتظر الرد وأسف على الإطالة .. وشكرااا