بدون عنوان

للرجوع الي صفحة سامسونج Galaxy S4 mini I9190 الرئيسية اضغط هنا

RUICOSTA

2014-03-15 (03:03:26AM)

السلام عليكم جميعا
من حوالي 4 أيام جالى Update على الفون . وكنت فاتح أجلت التحديث لحد ما روحت الشغل وفتحت من الواي فاي هناك وحملت التحديث ومساحته تقريبا كانت 48 ميجا . وافقت وسيبته يحدث مع نفسه وبعد ما خلص قلبت شوية فى الموبايل مالقتش الا ملفين جداد ظهروا بعد التحديث وهما تطبيقين . واحد اسمه Drive عبارة عن مثلث ملون والتانى اسمه Play Games عبارة عن دراع بلاس ستيشن لونه أخضر .
لكن الغريب واللى لاحظته فى الموبايل بشكل عام ان أداء البطارية بقى غريب جدا وأقوى من المعتاد بكتير . لدرجة انى ممكن أنام حوالى 8 ساعات أصحى ألاقيها نقصت 5 % بس!!!
أقضى اليوم فى الشغل ومع الإستخدام أجى ماشي ألاقي الشحن نقص حاجات بسيطة جدا لا تقارن بقبل كدة إطلاقا .
حد عنده أى تفسير

happier

2014-03-15 (04:25:11AM)

وعليكم السلام ورحمة الله وبركاته

المشكلة في الاس4 ميني هو خاصية Hibernate وتعني السبات أو النوم العميق وهو ان الجوال لما مايستخدم لفترة بيطفي الشاشة وبوقف عمل البرامج في الخلفية عشان يوفر البطارية...

الاس4 ميني عنده مشكلة في دي الخاصية فبتظل البرامج شغالة في الخلفية حتى وأنت ما تستخدم الجوال ...
وبصراحة إنت فرحتني بكلامك لان المشكلة دي مضايقتني ....إن شاء الله أنا كمان أحدث جوالي قريب وأجرب...الف شكر لك على الخبر المفرح...

RUICOSTA

2014-03-15 (04:53:20AM)

ان شاء الله وتسلم يا صديقي
مع العلم ان نظام الاندرويد بعد التحديث لم يتغير زى ما هو 4.2.2
لكن أداء البطارية اتغير للأفضل بشكل ملحوظ . وده اللى خلانى اكتب ملاحظتى دى فى تعليق جديد لعل الناس تستفيد أو الاقي أى تفسير

ومنتظرين الكيت كات :)