هذا الموضوع مرتبط بـ Galaxy S4 mini I9190

بدون عنوان

RUICOSTA

2013-12-24 (10:23:50AM)

أستاذ zman2yahob اولا شكرا على مجهودك ومساعدتك للناس . ثانيا إستفسار أخير بخصوص الموبايل S4 mini لأنى خلاص استقريت عليه وفضلته على الـ S3 وتقدر تقول بقى معايا بنسبة 90% ومش فاضل غير دفع الفلوس واستلم الجهاز يوم الخميس 25/12/2013 بإذن الله . وعلى فكرة جايلي النسخة I9195 اللي فيه خاصية NFC وبيدعم 4G بضمان دولي .
بس اللي قالقنى فعلا من الجهاز ان ناس بتقول صوته واطى فى نغمة الرنين لدرجة انى ممكن ماسمعهوش . ثانيا لمبة الإشعارات اللي مش موجودة ومدى أهميتها . ثالثا وأخيرا هل تحديثات الجهاز هتكون متاحة معايا فى مصر بشكل عام ولا هكون مرتبط بالتحديث الدولى فقط

ولو حضرتك او حد من الاخوة هنا شايف اختيار أفضل من الـ S4 mini بوجه عام يكون فى نفس حدود السعر 3000 أقل أو أزيد حاجات بسيطة ياريت يفيدنى . لأنى مش هفكر أغير الموبايل لفترة طويلة

happier

2013-12-25 (04:36:05PM)

ونحن مستنين تقريرك على أحر من الجمر....خصوصا في موضوع الصوت
لانو في ناس بتقول الصوت واطي وفي ناس بتقول الصوت كويس ...

RUICOSTA

2013-12-25 (06:18:48AM)

متشكر جدا لردودكم الجميلة . بصراحة انا اكتر حاجة شدتنى للجهاز هو حجمه الرائع وإمكانياته من حيث الكاميرا والرام والبروسيسور وإصدار الآندرويد الحديث اللى عليه نظرا لسعره . ومش مهتم بمشكلة التهنيج دي لأنى مش من هواة الألعاب والتطبيقات الكتيرة . ده انا ممكن ماستعملوش الا فى المكالمات والدخول ع النت من وقت للتانى بس .
ومش قلقان من حكاية الضمان أو عدمه لأنى زى ما ذكرت فى بوست سابق انى ليا زمايلى فى توكيل راية فقلت أجيب النسخة الـ I9195 اللي بيدعم 4G أفضل بقى .

بس من الواضح فعلا ان مشكلة صوت الجهاز فى نغمة الاتصال واطي . حسب أراء الناس ! ياترى مفيش حل مناسب ؟
ان شاء الله الجهاز هيكون معايا فى خلال يومين . وبعد فترة استعمال قصيرة جدا هكتبلكم تقرير مبسط هنا عن مميزات الجهاز وعيوبه حسب رأيى الشخصي :)

وبالنسبة للأستاذ trekam النسخة ال4G موجودة عند محل فى شارع مصر والسودان فى حدايق القبة اسمه فودافون لايف جنب ستوديو هيلتون . حتى اللى مش عنده ممكن يجيبهولك زى ما حصل معايا لأنى لقيت اللون الأبيض وانا كنت عايز الإسود . عشان كدة استنيت الكام يوم دول

trekam

2013-12-25 (12:26:46AM)

طب هي النسخة ال 4g موجودة فين؟

omr khaled11

2013-12-24 (11:55:58PM)

RUICOSTA
الجهاز ممتاز في كل حاجة
من حيث الشاشة روعة ومن حيث الحجم ممتاز ومن حيث الامكانيات ممتازة ومفهوش تهنيج او سخونية بس المشكلة الكبري اللي فية وخلتني ابيعة هوا صوت الجرس واطييييييييييييييي جداا يعني لو انتا في الشارع يبقي من الصعوبة انك تسمعة

AshrafAshry

2013-12-24 (10:40:34PM)

MAROHILMY < اى موبايل ب خطين طبيعي كده اشترى الاس سرى افضل انا معايا اس سرى ميني و النوت سرى مفهمش تهنيج نهائى

MAROHILMY

2013-12-24 (05:30:48PM)

@zman2yahob لو سمحت من فضلك هو عاجبنى اوى بردو ومش مشكله عندى الصوت اوى يعنى ... لكن انا قريت كتير عن التهنيج اللى فيه وانه بيهنج ف الالعاب الخفيفه كمان فما بالك من الالعاب التقيله ... يعنى اس 3 اقدم لكن بيشغل اى حاجه ... دى بس الفكره .. ف ايه رأى حضرتك ف الكلام اللى انا قريته دا

zman2yahob

2013-12-24 (01:27:37PM)

اخى الكريم شكرا لكلامك الطيب

اس4 مينى اختيار محترم جدا ومتوسط بين كل حاجه وده مايميزه بشده

يعنى اختيار جيد فى الكاميرا 8 ميجا جوده لازالت عاليه جدا
معالج 1.7 رائع وقوى وسريع ومتكامل مع رامات 1.5 لأداء افضل فى كل شئ
حجم شاشه ممتاز 4.3 مناسب جدا لكل حاجه سواء تصوير او تصفح او لعب
صوت الهاتف زيه زي اى سمارت فون بيكون صوت عادى ومسموع دى حاجه من صفات السمارت فون اصلا
بخصوص لمبه الاشعارات لازم حضرتك اخى الكريم تبئى باصص للفون عشان تاخد بالك منها
طب وانا هحط الفون فى عيني يعنى عشان اشوف اللمبه نورت لو جاتلى رساله ولا حاجه
مافيه رنه زى الفل بتعرفنى
وبطاريه الهاتف جيده

الاعلى منه فى الكاميرا فقط هيبئى اس3 بس اقدم ومعالج اقل فليه اعمل كده
هيكون معاك هاتف حديث وهينزلو قريبا تحديث الكيتكات ومش هتحتاج بعدها لتحديث
لآن التحديثات الجديده ماقدمتش مميزات تفتقدها

توكل على الله ولما تجيبه تجيب معاه جراب جميل عشان حمايه الهاتف وشاشه حمايه
ومبروك مقدما اخى الكريم

MAROHILMY

2013-12-24 (01:20:36PM)

انا محتار زيك بردو بينه وبين ال s3 بس ممكن اعرف حضرتك فضلته ليه عن ال s3 ؟؟ لانه عاجبنى بردو حجمه وانه بخطين بس خايف م التهنيج وناس تقولى بيهنج ف الالعاب فمش عارف

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S4 mini I9190

مقارنة

Android
4.3″

4.3 بوصة
3G

2G / 3G
8 MP, 32...
1900mAh

Li-Po 1900 mAh غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S4 mini I9190

Android

4.3″

3G

8 MP, 32...

1900mAh