بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ Galaxy Note 8.0 N5100
للرجوع الي صفحة الرئيسية اضغط هنا

تقرير شامل كامل عن الجلاكسى نوت 8

ArchieDeacon
2014-05-18 (07:55:47PM)
تقرير عن سامسونج جلاكسى نوت 8 بعد إستخدام مدة 7 شهور متواصلة .، ولازال الجهاز معى .. للرد على أى إستفسار عن أداء الجهاز أو مميزاته ..
نبدأ التقرير :

الحقيقة النوت 8 هو هو النوت 2 فى أداء الهارد وير وكذلك أيضا السوفت وير والرام .، خلينا نتكلم عن الأداء :

1. الأداء ممتاز جدا فى كل شئ من نت أو Games أو ....... أو ...... كل شئ خاص بالأداء ممتاز ومافيش أى تهنيج نهائى فى أى تطبيق أو أى شئ خاص بأداء الجهاز

2. نتكلم عن الشاشة : الحقيقة شاشة الجهاز نقية جدا وسطوعها عالى جدا جدا جدا ، بيشتغل عليها أى فيديو Full HD ولكن مشكلتها الحقيقة إنها نوعها TFT وده الحقيقة العيب الوحيد مش فى الدقة أو السطوع أو الرزيليوشن لكن فى الإستهلاك الشديد جدا جدا للطاقة وللبطارية .، لو كانت من نوع سوبر كلير أو حتى أموليد بلاش سوبر أموليد لأنها كانت هاترفع من سعر الجهاز قوى كانت بقت أفضل كتييييير ﻷن ال TFT من عيوبها الشديدة إنها غير موفرة للطاقة بالمرة غير إنها غير مزودة بسطح مضاد للبقع وليست قوية كالأموليد أو السوبر أموليد

3. القلم : القلم ممتاز جدا وله إستخدامات كتير .، وفيه سينسور للتصفح من غير مايلمس الشاشة على بعد 2 سم كدة عن الشاشة .

4. الصوت : الصوت عالى ونقى .، ولكن صوت التاب 3 8 أنقى وأعلى حاجة بسيطة .، وده عن أداء تجربة بين الإتنين

5. حجم الجهاز مثالى جدا .، ووزنه مش تقيل ، لا هو تكبير قوى فى حمله ، ولا صغير ( حجمه مثالى )

6. الرام : الحقيقة إستهلاك الرام أصبح ممتاز جدا بعد تحديث جيلى بين 4.2.2 ، كان فى الأول فى الإصدار القديم 4.1.2 ممكن توصل الرام ل 1.22 جيجا من أصل 1.79 جيجا ، لكن حاليا الرام لا يزيد عن 850 ميجا فى أشد الإستخدام من أصل 1.79 جيجا ، ياعنى حوالى 1300 ميجا بايت فرى رام .، ياعنى إنسى أى حاجة إسمها تهنيج حتى لو فتحت 10 تطبيقات وألعاب مع بعض ومش هاتحتاج تعمل كلير للرام كل شوية .

7. البروسيسور : طبعا من أقوى البروسيسورات لسامسونج وهو نفسه المستخدم فى النوت 2 .، سريع جدا ويشغل أى أمر بسرعة وبدون سخونية .

8. كارت الشاشة : من أفضل كروت الشاشة اللى أثبتت كفائتها فى أداء أعلى البرامج والالعاب جرافك مثل أسفلت 8 وغيرها .، بدون أى تهنيج أو لاج نهائى

9. التاتش : سريع وممتاز جدا جدا ، زى النوت 3 والنوت 2 تماما .، فالتاتش مافيهوش كلام .

10. الألوان أصبحت أكثر عمقا ووضوحا بعد تحديث السوفت وير ل 4.2.2 وأصبح الجهاز أسرع وأخف و إستهلاك الرام أصبح قليل جدا كما ذكرت لذلك أنصح الجميع بالتحديث ﻷنه أضاف كتير وفعلا أحلى من 4.1.2 بكتيييييييير

11. السرعة : الجهاز سريع جدا .، فى كل شئ سواء ألعاب أو برامج أو تصفح نت أو شات ......... إلخ

12. البطارية : هى دى الحقيقة اول عيب حقيقى فى الجهاز مقياسها مش بالميللى أمبير خالص الحقيقة ﻷن بطارية التاب 3 7،8 بوصة الإتنين بطاريتهم تفوقت بكتير على بطارية النوت 8 فى قلة أستهلاك الطاقة ، والحقيقة أنا مش عارف السبب ياعنى أخلى سطوع الجهازين على اعلى حاجة ، وأحطهم جانب بعض .، وتلاقى التاب 3 بينقص 1 % من البطارية والنوت 8 بينقص بال 2 % مع بعض مش عارف ليه مع إن الإتنين مش مفتوح هنا تطبيقات ولا هنا تطبيقات ياعنى فى الوضع العادى واحد للإتنين ، ولو جينا للكلام على الورق هاتلاقى إن النوت 8 أقوى بطارية فيهم من حيث الميللى امبير 4600 ميللى أمبير

ده بخلاف إن كارت الواى فاى اللى فى النوت 8 بيسحب اكتر من نت الباقة + الشاشة ال TFT زى ماقولنا فوق كل دول بيخلو النوت 8 يفضل شغل متواصل نت أو ألعاب 6 ساعات بالعافية .، ولو لعبة مثلا زى أسفلت 8 يبقى كبيرها على البطارية ساعتين وشكرا ..

أخيرا : الجهاز ممتاز جدا فى كل حاجة من صوت واداء وقوة هارد وير وسوفت وير وقلم وشاشة نقية ....... إلخ
لكن العيب الوحيد هو فى البطارية ، بتخلص بسرعة قوى وهاتضطر تمشى يا إما بالشاحن لو إستخدامك كبير أو تجيب باور بانك تشحن بيه الجهاز وإنت ماشى
غير كدة الاداء ممتاز جدا فى كل حاجة .

ده كان تقرير بسيط عن الاداء والجهاز ، وإنتظروا منى قريبا حل لمشكلة البطارية دى .، وﻷى مشكلة تواجهكوا
أخوكم : ArchieDeacon


G R EE TI NGS -:)

^_^ .. ^_^ .. ^_^
davidabdelnour
2015-11-20 (07:14:52PM)
انا جايب الجهاز من سنة تقريبا و كان شغال كويس معايا لغاية من شهر كده وابتدي يصل لما البطارية توصل 40 % يفضل ينور ويطفي لغاية ما يفصل .. ايه الحل ؟ولا زي ما سمعت ان البطارية فعلا بتبوظ بعد سنه وملهاش حل
hagergogo
2014-08-05 (06:32:05AM)
Drmourad@ ممكن اعرف حضرتك اشتريته بكام ؟!
Drmourad
2014-07-31 (11:58:41AM)
ممكن بعد اذنك طريقه مفصله ازاي انزل الكتكات على note 8 gt-n5100 وشكرا..انا لسه جايبه من السعوديه بس لما اجي اعملو ابديت بيقولي no new updates for this device
ArchieDeacon
2014-06-18 (06:22:55PM)
لا الكيبورد مش هاتأثر ولا هاتسحب من ال Battery نهائى .. زيها زى الهاند فرى تماما ، وكذلك الماوس ..
maimo
2014-06-14 (01:38:22AM)
اه معلش ..و لو هستقر على النوت 8 بدل ال فشلا 10 ...الكيبورد هتعمل ايه مع البطارية هتضعفها اككتر و لا ايه ؟؟
maimo
2014-06-14 (01:36:13AM)
انا محتاجة مساعدة حضراتكم .. اكثر حاجة محتاجها الشاشة الكبيرة يعنى انا بفضل ال 10 انش .... رينج السعر يكون فى حدود ال 1500 ريال انا هجيبه من السعودية ان شاء الله ....لكن لو مش هيكون كويس ال 10 انش خلاص 8 انش ...يبقى نوت ولا tab 3 ولا فى اختيارات تانية ولا ايه ..و ايه عيوب كل واحد . مبلعبش games نهائى ...لكن الاووية النت ثم النت ثم النت ...و فتح الملفات العادية الورد و البى دى اف ..و هكذا ....شكر لحضرتكم ..
ArchieDeacon
2014-05-25 (02:29:19AM)
أم يوسف ،،

متشكر لحضرتك كتييييييير على ذوقك ، وأنا اللى بتعلم منك يا فندم

G r eet ings -:)
omyoussef
2014-05-25 (01:22:21AM)
تقرير ممتاز
وفعلا هى مشكلته الوحيدة البطارية غير كده زى الفل بصراحة وحجمه حلو جداااااا
mahmoud5570
2014-05-22 (12:11:44AM)
الف شكر
ArchieDeacon
2014-05-21 (04:14:27PM)
لا بيركبله عادى ، بس بتبقى أحلى على النوت 8 عشان الشاشة الكبيرة ، لكن النوت 2 موبايل .. فشاشته أصغر من التاب ( دى الفكرة )


تحت أمر حضرتك ، وفى خدمتك دايما ^_^ .. ^_^ .. ^_^
mahmoud5570
2014-05-21 (03:05:08PM)
شكراا كتير بس سؤال اخير هو النوت 2 مبيتركبلوش كيبورد او ماوس او ..... !
ArchieDeacon
2014-05-21 (09:16:47AM)
بص فى الأداء الإتنين واحد ، ياعنى فى السرعة والألعاب والنت وكل حاجة واحد هنا وهنا .. النوت 2 هو هو النوت 8 فى الهارد وير والسوفت وير ، فى السرعة ، والبروسيسور ، والرامات ، وكل شئ متساويين .. لكن :

النوت 2 يتفوق فى البطارية >>>>>> أفضل بكتييييييير
يتفوق فى الكاميرا >>>>>>>>>>> 8 ميجا بيكسل ومزودة بفلاش LED ، لكن النوت 8 5ميجا ، ومن غير فلاش
النوت 2 يتفوق فى نوع الشاشة اللى مش بتستهلك بطارية كتيييييير ( Super Amoled ) لذلك الإتنين بيكملوا بعض ، شاشة حلوة ، وبطارية قوية ، لا الشاشة
تسحب كتير من البطارية ، وللا البطارية تخلص بسرعة ، وكلامى عن تجربة سابقة للنوت 2 ، وحاليا النوت 8

النوت 8 يمتاز فى حجم الشاشة مثالى ورائع فى الألعاب .. فى مشاهدة الفديوهات والأفلام .. فى النت والتصفح والشات .. بيركبله كيبورد وماوس مع بعض ، ودراع Play Station وايرلس و USB للألعاب وال FiFa .. القلم فى النوت 8 أكبر وأحدث من اللى فى النوت 2 ، مريح فى مسكة اليد

الصوت فى النوت 2 أعلى وأنقى سنة بسيطة عن النوت 8 .
دى كل الفروق مابينهم .. الجهازين ممتازين جدا جدا جدا ، لكن شوف حضرتك مثلا عاوز إيه أكتر ، ياعنى أنا رأى :

1. عاوز موبايل بكاميرا حلوة >>>>>{ يبقى نوت 2 }
2. عاوز تابلت شاشته كبيرة ومريح للشغل المكتبى أكثر >>>>>>>{ يبقى نوت 8 } ، وربنا يرشدك للأفضل ليك

تحياتى لحضرتك -:)
mahmoud5570
2014-05-20 (06:15:28PM)
طيب نوت2 ولا نوت 8 من حيث الافضل في الاستخدام
ArchieDeacon
2014-05-20 (05:44:16PM)
ملحوظة .. النوت 10 بردهسعره متراوح ما بين 4200 حتى 4800 حسب كل محل ، وعلى حسب الضمان كمان ، سواء بضمان وللا بدون ضمان
ArchieDeacon
2014-05-20 (05:27:09PM)
MohamedAdelKomy متشكر لحضرتك على ذوقك ، ولا شكر على واجب .. تقبل تحياتى


mahmoud5570 وعليكم السلام ،،
بص يا أستاذ محمود ، بلاش أى جهاز إكسبيريا بخلاف الزد 2 ، ﻷن أول جهاز حقيقى محترم لسونى فى نظرى هو xperia Z2 ، غير كدة بلاش ده بالنسبة للسونى ، أما النوت 10.1 لو قاصدك على النسخة 2014 Edition فهى جميلة وكل حاجة ، لكن أيضا يعيبها البطارية ، مش قد كدة ، إنما النوت 2 ، ده جهاز جبااااااااار شغل ، وممتاز فى كل حاجة وهو هو نفس أداء النوت 8 كما سبق وذكرت فى التقرير ، لكن النوت 2 أحلى طبعا فى الكاميرا ، والبطارية ، ونوع الشاشة ، والباقى زى بعض .. والأسعار من أول 3500 جنيه لحد 4800 للنوت 10.1 2014
mahmoud5570
2014-05-20 (12:06:36AM)
السلام عليك انا عايز اسالك بما ان حضرتك فاهم فالاجهزه انا عايز اشترى جهاز جديد و كنت اشتري اكسبريا z بس شوفت تقرير عن بعض عيوبه التي ليست مؤثره بحد كبير ولكن بعد رؤيه تقريرك اعدت النظر و الان اطلي نصحتك مابين note 10.1 (عشان lled flash ) و z ,و note 2 و ايضا اريد معرفة سعر كل واحد و شكرا ارجو الرد
MohamedAdelKomy
2014-05-19 (09:37:25PM)
شكرا جدا على التقرير الرااااااائع
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل
معلومات سريعة عن Samsung Galaxy Note 8.0 N5100
  • Android
  • 8.0″
    8.0 بوصة
  • 3G
    2G / 3G
  • 5 MP, 25...
  • 4600mAh
    Li-Ion 4600 mAh, غير قابلة للازالة