بدور علي ايه؟ اكتب رقم موديل الموبايل الابدور عليه
اعلانات
هذا الموضوع مرتبط بـ C3592
للرجوع الي صفحة الرئيسية اضغط
هنا
☆ تقرير عن سامسونج C 3592 ☆
تلك الخدمة مخصصة لاعضاء الموقع
معلومات سريعة عن Samsung C3592
-
2.4″
2.4 بوصة -
3G
2G / 3G -
2 MP, 16...
-
800mAh
Li-Ion 800 mAh, removable
لمن يفكر فى إقتناء هذا الهاتف الشيك جدا والأنيق من سامسونج ...
الموبايل بإختصار يا جماعة .. صاحب شاشة قوية السطوع وإلى حد ما وسط لا هى كبيرة قوى ولا صغيرة ..
صوته عالى جدا ولكن مش نقى قوى وده للأمانة ..
بيدعم شريحتين ولو واحدة عليها مكالمة التانية بتدى إنتظار للمتصل أثناء مكالمتك من الشريحة أو الخط الأول ..
البطارية عملااااااااااااااقة بدوم بال 5 و 6 أيام كحد أقصى لو شغل مكالمات كتيييييير ، و 4 أيام لو مكالمات مع MP3 برده بكثافة ..
الجهاز عموما قمة فى الروعة والجمال الهيكلى ( شكله شيك شيك جدا ) لكنه ضعيف شوية لكونه فلاته فممكن لو وقع جامد يتكسر ، هو معايا وقع كذا مرة والحمد لله ماجراش له حاجة ، بس وقع وهو مقفول مش والفلاتة مفتوحة تفرق طبعا ..
العلبة معاها سماعة الأذن + الشاحن + كابل ال USB والكاتلوجات ..
الشاشة بتاعة الجهاز بتيجى بإسكرينة عليه جاهزة من المصنع على قد شاشته تماما ..
سماعة المكالمات الداخلية صوتها عالى جدا جدا ، ويتسمع فى أزحم وأكثر الأماكن ضوضاء ( أنا عن نفسى بوطى صوتها عشان قوى على أذنى ) ..
الجهاز بيجى ببعض ال Games بإمتداد Java طبعا ، وممكن تحطله ألعاب .. بس بالنسبة للأندرويد والويندوز فون ماتعتبرش ألعاب
( قديمة قوى ومش مسلية بالمرة ) ياعنى ألعاب على قد الفون كدة وقدراته ..
الكاميرا برده للأسف مش قد كدة .. صورتها متوسطة مش حلوة قوى ..
المجمل / الجهاز سريع جدا فى فتح وقفل الأسماء ، وإستقبال وإرسال الرسائل سواء بلوتوث أو غيرها .. سريع فى إجراء العمليات الداخلية
ماستخدمتهوش للنت بصراحة .. هو مافيهوش واى فاى .. لكن بيدعم 3G لنت الداتا ( الشريحة ) ..
ده كان تقرير بسيط عن الجهاز ، ماعرفتوش غير لما إشتريت الجهاز بنفسى .. ﻷنى سألت قبل كدة ، وماحدش جاوبنى .. فقررت إنى أشتريه للمكالمات وكدة .. جهاز عملى وشيك وأنيق .. أنصح أى حد بيفكر يجيبه مايترددش ، ويتوكل على الله ..
بعتذر على الإطالة ،، تحت أمركم فى أى إستفسارات أخرى ..
تحياتى لكم -:)