gogo2020

احدث المشاراكات

• 2015-10-12 (07:33:44PM) Samsung Galaxy S5

  ممكن موبايل ا/ اسامة فى محل المهدى للمحمول اللى فى وسط البلد او اى تليفون للمحل ضرووورى

---

• 2015-01-16 (10:42:26PM) Samsung Galaxy S5

  السلام عليكم شباب
  
  كنت عاوز اشترى غطاء خلفى للموبايل عشان يحمية اسمة
  
  Armor-Heavy-Duty-Hybrid-Stand-Case-Cover
  
  دى صورتة
  
  
  
  حد يعرف محل فى المعادى او وسط البلد اجيب من الغطا

---

• 2015-01-16 (10:36:53PM) Samsung Galaxy S5

  السلام عليكم شباب
  
  كنت بدور على غطاء خلفى للموبايل s5 عشان يحمية لما يقع لقيت واحد جامد
  
  بس مش عارف اجيبة منين لو حد يعرف محل ممكن يبيعة اسمة الكوفر
  
  Armor Heavy Duty Hybrid Rugged Hard Stand Case Cover
  
  ودة صورة لية
  
  

---

• 2014-12-04 (06:21:22PM) Samsung Galaxy S5

  بس يا باشا
  
  من الاخر مش هتلاقى النسخة 3g خالص فى السوق او بمعنى اصح فى المحلات المحترمة
  
  لو لقيتة هتلاقى اغلى من النسخة 4g لان الطلب كان علية جامد او ممكن تلاقية من غير
  
  ضمان وانا بنصحك بلاش لو طلع فية مشكلة هتلبس فى الحيط
  
  جيب النسخة 4g زى الفل مفيش فرق جامد فى الاداء وكمان ادائها احسن فى الجرافيك
  
  و الالعاب و الشغل التقيل
  
  من المحلات الممتازة فى وسط البلد وجبت منة موبايلى المهدى يعمل 4350 جم بالضمان
  
  فية التميمى بس اغلى 4600 جم

---

• 2014-11-28 (09:53:33PM) Samsung Galaxy S5

  الله يبارك فيك يا سامح
  
  انشاء الله انزل التحديث ويزبط الحاجات اللى بتقول عليها بس سؤال انت لما تعمل زووم فى
  
  الكاميرا لغاية الاخر بتبقى الصورة مشوشة و مش وضحها وخاصية اللى بقولك عليها مانع عدم
  
  الاهتزاز مش موجودة فى S5 اللى اسمها Optical Image Stabilization (OIS)

---

• 2014-11-28 (05:49:48PM) Samsung Galaxy S5

  بعد معاناة طويلة اشتريت موبايل S5 النسخة 4G ب 4350 جم بالضمان لم اجد النسخة 3G
  
  بالضمان اطلاقا فى اى محل محترم
  
  تقييمى للجهاز من خلال تجربتى و بعد يوم عمل شاق :
  
  1- الشاشة : اكثر من رائعة فى وضوح الالوان و الاضاءة
  
  2- شكل الجهاز : شكلة حاجة فخيمة فى اللون الاسود و خفيف فى الايد متحسش انك
  
  شايل موبايل و متانتة جامدة سامسونج ابدعت فى شكلة
  
  3- البطارية : ماشاء الله بتقعد فترة كبيرة عقبال ماتحتاج تشحنها و لما شحنتها خدت ساعة فقط
  
  4- الرمات : استخدام الجهاز 1.1 جيجا مع برامج كتيرة بنوصل 1.4 جيجا من اصل 1.81 جيجا
  
  بس الحمد لله مفيش اى تهنيج فى الجهاز
  
  5- الكاميرا : تصويرها اكثر من رائع و فيها مميزات كتيره
  
  6- الصوت : صوت السماعة الخارجية عالى و اكثر نقاء و الهيدفون الصوت فيها اروع
  
  7- قارئ البصمة : رائع جداا بس لازم تفتحة بنفس الطريقة تحريك صباعك و الا مش هيفتح
  
  عيوبة من و جهة نظرى لاستخدامة :
  
  1- السخونية : الجهاز مع النت او الالعاب يسخن جامد وتوصل درجة الحرارة الى 45 درجة لكن
  
  مع الاستخدام العادى اخرة 35 درجة
  
  2- فلاش الكاميرا : اضائتة ليس كافية بالمقارنة بهاتفى سامونج القديم الاضاءة ضعيفة ليس عيب
  
  فى الجهاز
  
  3- الكاميرا : لا يوجد فيها مانع اهتزاز الصورة يعنى لو ايدك اتحركت وانت بتصور بتبقى مهزوزة
  
  وساعات بلاقى الكاميرا جودتها فى التصوير مش حلوة
  
  دة تقييمى للجهاز من الاخر جامد جداااا ولبى كتييير من احتياجاتى للى بيفكر فى الجهاز
  
  جهاز اكثر من رائع من ناحية اداءة و الابلكيشن ( قارئ البصمة و قياس ضربات القلب .. الخ)
  
  وطبعا ضد المياة و الغبار ( بس عن نفسى مخربتش دى مجازفة ممكن تضيع الموبايل لو مفتوح)
  
  جهاز متكامل من كل حاجة لسة بكتشف فية امكانيات كتيرة و رهيبة
  
  اتمنى اكون بتقييمى افادت للى ناوى يجيب الموبايل

---

• 2014-11-15 (12:08:45AM) Samsung Galaxy S5

  شرح اكثر من رائع
  
  سؤال دلوقتى انا عاوز اشترى موبايل S5 النسخة 3G فية محلين بيبيعوا بثمن مختلف
  
  التميمى فى وسط البلد ب 4300 جم بضمان اسكاى
  
  التوحيد فى عين شمس ب 3775 جم بضمان اسكاى
  
  انا مش عارف فرق السعر دة ازاى المشكلة ان لو عملت الطريقة دى وفتحت العلبة
  
  مش هيرضى يرحع الموبايل انت اية رايك

---

• 2014-11-12 (10:40:48PM) Samsung Galaxy S5

  تسلم يا غالى هو رقم IMEI بيبقى مكتوب على العلبة من برة على الاستيكر المتبرشم

---

• 2014-11-12 (07:45:04PM) Samsung Galaxy S5

  انت لما جيبت الموبايل بتاعك و كتبت IMEI فى الموقع دة اداك نوع موبايلك بالظبط
  
  اصلى نازل اشترى و عاوز اتاكد من انة اصلى مش مضروب لانى جربت الموضوع دة
  
  فى GALAXY tab 4 ادانى موبايل تانى خالص

---

• 2014-11-08 (10:14:57PM) Samsung Galaxy S5

  اخى الفاضل
  
  فى رائى الشخصى النسخة 3g افضل لانة البرسيسور افضل من ناحية استهلاكة
  
  للبطارية و الرمات اقل و كمان بيمتاز انة 8 كور يعنى ممكن تعمل 8 عمليات فى وقت واحد
  
  كمان انت فى مصر مش هتحتاج 4g لانة قدامة سنة او اكتر عقبال ما يدخل مصر
  
  وطبعا بيجى معاه شاحن usb 3 فى العلبة بينقل اسرع فى البيانات و بيشحن اسرع

---

• 2014-11-08 (10:06:56PM) Samsung Galaxy S5

  تقييم اكثر من رائع
  
  بس سؤال انت ازاى خليت الرمات اقل من 800ميجا انا جربت كذا واحد مع اصحابى
  
  اخرة 1.18 جيجا استخدام حتى لو عملت ريستارت للجهاز

---

• 2014-11-05 (05:24:01PM) Samsung Galaxy S5

  اسال مين على المحل كويس ولا وحش انا اتصلت بيهم قالولى مفيش عندهم غير النسخة
  
  4g ب 4250جم بضمان sky اصل متردد لانى بجيب موبايل كل فين وفين
  
  انت معرفش تفتكرنى ولا لأ من ايام لما موبايل s advance نزل من ساعتها مغيرتش الموبايل
  
  لانى بحب اجيب الحاجة تعيش معايا سنتين الى تلاتة
  
  لان موبايل s advance اتهلك منى لانى بحتاجوا فى شغل ونت جامد

---

• 2014-11-04 (07:17:05PM) Samsung Galaxy S5

  بس الموقع دة موجود ضمن المواقع اللى تبع شراء جديد (الهندسية للالكترونيات)
  
  بس عارض النسخة 4g ب 4250 جم
  
  
  
  انا خلاص قررت اتكل على الله و اشترى النسخة 3g لانى قريت تعليقات المستخدمين
  
  على موقع gsmarena كلة بيشكر فى النسخة 3g عكس النسخة التانية كلها مشاكل

---

• 2014-11-04 (05:59:57PM) Samsung Galaxy S5

  اشكرك اخى العزيز على ردك و الشرح الاكثر من رائع
  
  انا معاك ان النسخة 3g بتستهلك بطارية ورمات اقل و السخونية من 4g
  
  بس كذا موقع قالك ان برسيسور سناب دراجون اقوى فى الاداء و الشغل التقيل
  
  بردو حد وضح قبل كدة ان النسخة 4g الكاميرا فيها افضل معرفش الكلام دة صح ولا لأ
  
  بس سؤال انت جبت موبايل 3g ب 4000 جم منين اصلى لقيت واحد بيبع النسخة
  
  3g و 4g بنفس السعر 4250 جم بالضمان معرفش دة اشتغالة ولا اية

---

• 2014-11-02 (07:25:40PM) Samsung Galaxy S5

  اعزائى الكرام انا عاوز اجيب الموبايل بس محتار بين النسخة 3g & 4g
  
  عرفت ان البرسيسور فى النسخة 3g برسيسور ( Exynos 5 Octa 5422 )
  
  النسخة 4g برسيسور ( Snapdragon 801 )
  
  النسخة 3g البرسيسور 8 core و النسخة 4g برسيسور 4 core
  
  شوفت فيديو على النت بتبين ان كل ما كان core اكتر كل ما كان احسن
  
  وشوفت فيديو بتبين ان سناب دراجون احسن فى الاداء انا محتار جدا
  
  بردو سناب دراجوب بيستخدم رمات اكتر من برسيسور اوكتا
  
  ياريت يا جماعة تنصحونى باية عشان نازل اجيبة اخر الاسبوع
  
  اسف على الاطالة وياريت اللى جرب النسختين يقولى

---