تم بحمد الله شراء الموبايل S5 4G

للرجوع الي صفحة سامسونج Galaxy S5 الرئيسية اضغط هنا

gogo2020

2014-11-28 (05:49:48PM)

بعد معاناة طويلة اشتريت موبايل S5 النسخة 4G ب 4350 جم بالضمان لم اجد النسخة 3G

بالضمان اطلاقا فى اى محل محترم

تقييمى للجهاز من خلال تجربتى و بعد يوم عمل شاق :

1- الشاشة : اكثر من رائعة فى وضوح الالوان و الاضاءة

2- شكل الجهاز : شكلة حاجة فخيمة فى اللون الاسود و خفيف فى الايد متحسش انك

شايل موبايل و متانتة جامدة سامسونج ابدعت فى شكلة

3- البطارية : ماشاء الله بتقعد فترة كبيرة عقبال ماتحتاج تشحنها و لما شحنتها خدت ساعة فقط

4- الرمات : استخدام الجهاز 1.1 جيجا مع برامج كتيرة بنوصل 1.4 جيجا من اصل 1.81 جيجا

بس الحمد لله مفيش اى تهنيج فى الجهاز

5- الكاميرا : تصويرها اكثر من رائع و فيها مميزات كتيره

6- الصوت : صوت السماعة الخارجية عالى و اكثر نقاء و الهيدفون الصوت فيها اروع

7- قارئ البصمة : رائع جداا بس لازم تفتحة بنفس الطريقة تحريك صباعك و الا مش هيفتح

عيوبة من و جهة نظرى لاستخدامة :

1- السخونية : الجهاز مع النت او الالعاب يسخن جامد وتوصل درجة الحرارة الى 45 درجة لكن

مع الاستخدام العادى اخرة 35 درجة

2- فلاش الكاميرا : اضائتة ليس كافية بالمقارنة بهاتفى سامونج القديم الاضاءة ضعيفة ليس عيب

فى الجهاز

3- الكاميرا : لا يوجد فيها مانع اهتزاز الصورة يعنى لو ايدك اتحركت وانت بتصور بتبقى مهزوزة

وساعات بلاقى الكاميرا جودتها فى التصوير مش حلوة

دة تقييمى للجهاز من الاخر جامد جداااا ولبى كتييير من احتياجاتى للى بيفكر فى الجهاز

جهاز اكثر من رائع من ناحية اداءة و الابلكيشن ( قارئ البصمة و قياس ضربات القلب .. الخ)

وطبعا ضد المياة و الغبار ( بس عن نفسى مخربتش دى مجازفة ممكن تضيع الموبايل لو مفتوح)

جهاز متكامل من كل حاجة لسة بكتشف فية امكانيات كتيرة و رهيبة

اتمنى اكون بتقييمى افادت للى ناوى يجيب الموبايل

semsemSiR

2014-11-28 (08:28:20PM)

ياباشا الف مبروك على التليفون وربنا يباركلك فية

بالنسبة للمشاكل اللى عندك حلها كالاتى :

1- السخونية , فية عندك تحديث نزل , اعملة هتلاقى الدنيا تمام جداااااااا فى التحديث والنسخة السناب بتسخن شوية عن ال 3جى

2- فلاش الكاميرا قوى جداا, بس فى التصوير لكن لو هتشغلة كشاف مش بيشغل قوتة كاملة للحفاظ علية

3- لأ فيها ياباشا مانع اهتزاز لما تعمل التحديث هتظهرلك

يبقى كدة مشاكلك كلها ان شاء الله اتحلت ومش هتلاقى اى مشكلة

وهو جهاز ممتاز بمعنى الكلمة , وافضل هاتف حتى الان فى فئة السمارت فون

والتليفون مليان اوبشن , واى حاجة عايز تعرفها انا فى الخدمة

saadtaha

2014-11-28 (08:37:36PM)

الف مبروك وربنا يبارك لك فيه

gogo2020

2014-11-28 (09:53:33PM)

الله يبارك فيك يا سامح

انشاء الله انزل التحديث ويزبط الحاجات اللى بتقول عليها بس سؤال انت لما تعمل زووم فى

الكاميرا لغاية الاخر بتبقى الصورة مشوشة و مش وضحها وخاصية اللى بقولك عليها مانع عدم

الاهتزاز مش موجودة فى S5 اللى اسمها Optical Image Stabilization (OIS)

EmadAzmy

2014-11-29 (09:49:05AM)

مبروك ياباشا

semsemSiR

2014-11-29 (10:01:21AM)

لو انت بتصور فى مكان اضائتة ضعيفة هيعمل كدة . مع ال full zoom

لكن لو انت فى اضاءة كويسة , هتلاقى الصورة بنسبة 85% كويسة جداااااا

انت بتتكلم على optical image stabilization دية مش مانع اهتزاز , دية اسمها خاصية المثبت البصرى

وعندك حاجة زيها اسمها image stabilization بتقوم بنفس الخاصية الى حد

لكن مانع الاهتزاز اسمها anti shake

تلك الخدمة مخصصة للأعضاء فقط