افضل نسخة 3g ولا 4g

للرجوع الي صفحة سامسونج Galaxy S5 الرئيسية اضغط هنا

gogo2020

2014-11-02 (07:25:40PM)

اعزائى الكرام انا عاوز اجيب الموبايل بس محتار بين النسخة 3g & 4g

عرفت ان البرسيسور فى النسخة 3g برسيسور ( Exynos 5 Octa 5422 )

النسخة 4g برسيسور ( Snapdragon 801 )

النسخة 3g البرسيسور 8 core و النسخة 4g برسيسور 4 core

شوفت فيديو على النت بتبين ان كل ما كان core اكتر كل ما كان احسن

وشوفت فيديو بتبين ان سناب دراجون احسن فى الاداء انا محتار جدا

بردو سناب دراجوب بيستخدم رمات اكتر من برسيسور اوكتا

ياريت يا جماعة تنصحونى باية عشان نازل اجيبة اخر الاسبوع

اسف على الاطالة وياريت اللى جرب النسختين يقولى

saadtaha

2014-11-02 (08:10:24PM)

إن شاء الله انا هجيب النسخة العالمية كواد كور

بس مش دي المشكلة المشكلة اني خايف من سامسونج عموما
التهنيج وكدة :3

و يارب يكون فعلا ال s5 ذي ما بيقول الاعضاء هنا

abdo20112

2014-11-03 (07:38:49PM)

النسخه ال 4g احسن
و بالاخص الgpu في ال 4g احسن من ال 3g

semsemSiR

2014-11-04 (11:45:23AM)

gogo 2020

شوف ياباشا انا كنت زيك كدة قبل ماخد قرار شراء الاس 5 , كنت محتار مابين النسخة ال 3g وال 4 g

وكنت على وشراء النسخة ال 4 جى

لكن رجعت فى القرار واشتريت ال 3 جى للاسباب الاتية

1- الفرق مابين ال 3 جى وال 4 جى مش كبير فى الاداء لكن الفرق كان لصالح النسخة ال 3 جى , ودة مش كلام مواقع اللى هما اصلا بردة مطلعين النسخة ال 3 جى اسرع من ال 4 جى , لكن دة الواقع فعلا , فى سرعة الفتح وبرنامج ال antutu - geek3 كل دة خلى النسخة ال 3 جى افضل

2- استهلاك البطارية فى ال 3 جى افضل من ال 4 جى , ودة بعد عمل اختبار بردة للجهازين , وكفاية ان برنامج cpu-z جايب ال cpu load للنسخة ال 3 جى بيتراوح مابين 7% الى 10% مقابل 47 الى 50% للنسخة ال 4 جى ,فدة طبعا بيأثر على الاستهلاك

3- السخونية : النسخة ال 3 جى اقصى درجة حرارة وصلتلها مع ( النت - الالعاب ) 32 درجة وعمرى ماحسيت ان التليفون حتى سخن شوية الحمد لله , بعكس ال 4 جى درجة حرارتة اعلى بس مش اوى بردة هية بتوصل ل 38 بحد اقصى

4- كارت الشاشة : اللى بيشتغل هنا بيشتغل هنا بكل كفاءة وكل سلاسة , فية مواقع بتقول ال adreno افضل , وفية العكس, بس انا هقولك حاجة مع تجربتى لل Adreno وال mali انا بفضل ال mali بكتير عن ال Adreno كاداء ومابيسحبش بطارية زى ال adreno ودية مش هيحسها غير اللى استخدم الاتنين

5- الرامات : استهلاك الرامات متقارب مابين الاتنين يعنى فرق 200 -150 ميجا مابين الاتنين لكن صافى الرامات فى النسخة ال 3 جى افضل واكتر بفرق 150 ميجا تقرييا , يعنى فى الاخر ال3 جى يكسب

6- انت محتاج اية من ال4 جى ( هية اصلا مش موجودة فى مصر ) والسعر غالى بحوالى 500 جنية

طيب مانت اولى بفرق السعر , وكلها 6 شهور ان شاء الله وينزل الاس 6 فية 4 جى لكل النسخ وبردة مش هتكون الشبكة اشتغلت فى مصر , يبقى اوبشن عندك على الفاضى وخلاص

احسبها صح قبل ماتشترى

gogo2020

2014-11-04 (05:59:57PM)

اشكرك اخى العزيز على ردك و الشرح الاكثر من رائع

انا معاك ان النسخة 3g بتستهلك بطارية ورمات اقل و السخونية من 4g

بس كذا موقع قالك ان برسيسور سناب دراجون اقوى فى الاداء و الشغل التقيل

بردو حد وضح قبل كدة ان النسخة 4g الكاميرا فيها افضل معرفش الكلام دة صح ولا لأ

بس سؤال انت جبت موبايل 3g ب 4000 جم منين اصلى لقيت واحد بيبع النسخة

3g و 4g بنفس السعر 4250 جم بالضمان معرفش دة اشتغالة ولا اية

semsemSiR

2014-11-04 (06:54:10PM)

شوف هتدور على المواقع هتلاقى هنا بيطلع دة احسن وهتلاقى هنا بيطلع دة احسن

والفروقات سواء هنا او هنا بتكون قليلة جدااااااااااا , والاتنين ماشاء الله ممتازين يعنى من اسرع الاجهزة الحالية

بالنسبة للكاميرا لأ طبعا انا مسكت الاتنين جنب بعض فى التصوير والاتنين بجودة واحدة , مافيش اى تغير ولو حتى 1%

لان الاتنين بكاميرا واحدة من سامسونج بتكنولوجيا ال iso cell

ال 3 جى موجود فى كل مكان فى وسط البلد ب 4000 جنية بالضمان بس قليل شوية , ولا يمكن الاتنين يكونوا بسعر واحد ابدا , ال 4g اغلى من ال 3g

gogo2020

2014-11-04 (07:17:05PM)

بس الموقع دة موجود ضمن المواقع اللى تبع شراء جديد (الهندسية للالكترونيات)

بس عارض النسخة 4g ب 4250 جم

انا خلاص قررت اتكل على الله و اشترى النسخة 3g لانى قريت تعليقات المستخدمين

على موقع gsmarena كلة بيشكر فى النسخة 3g عكس النسخة التانية كلها مشاكل

semsemSiR

2014-11-05 (09:41:02AM)

انت اهم حاجة تشترية من مكان مضمون , انا ماتعاملتش مع الهندسية قبل كدة , بس ممكن تسأل هل المحل دة كويس ولا لأ ؟؟

gogo2020

2014-11-05 (05:24:01PM)

اسال مين على المحل كويس ولا وحش انا اتصلت بيهم قالولى مفيش عندهم غير النسخة

4g ب 4250جم بضمان sky اصل متردد لانى بجيب موبايل كل فين وفين

انت معرفش تفتكرنى ولا لأ من ايام لما موبايل s advance نزل من ساعتها مغيرتش الموبايل

لانى بحب اجيب الحاجة تعيش معايا سنتين الى تلاتة

لان موبايل s advance اتهلك منى لانى بحتاجوا فى شغل ونت جامد

تلك الخدمة مخصصة للأعضاء فقط