بدون عنوان

للرجوع الي صفحة سامسونج Galaxy S5 الرئيسية اضغط هنا

abdomeme

2014-03-20 (12:40:32PM)

أنا حاليآ معايا Galaxy S3 وهغير أن شاء الله بس محتار بين الثلاثة دول
Samsung Galaxy S4
Sony Xperia Z1
Lg g2
أنا أسف لتكرير البوستات لكن أنا عايز أستفيد بأكتر عدد من أرائكم

AshrafAshry

2014-03-20 (12:44:26PM)

Samsung Galaxy S4 طبعااااااااااااااااااااااااااا بلا مناااااااااااااااااااااااااااااااازع

alhoseny

2014-03-20 (02:11:50PM)

طيب نوت 3 بلا مناااااااااااااااااازع

hardtime

2014-03-20 (02:50:13PM)

abdomeme
بص يابشا اعتقد ان انا واحد من الناس اتكلمت فى الموضوع دة قبل كدة وعملت تقرير عنوا
المهم انا من عشاق سامسونج بس اكيد انتا لو اشتريت سامسونج مش هتيجى هى اخر الشهر وتدينى حاجة
لكن انتا لو نصحتك وقولت ليك نصيحة من اخ هات ال جى جى2
هتيجى فى الاخر وتدعليى وصلت يا باشا؟

ArchieDeacon

2014-03-20 (04:02:20PM)

هات LG G2 بس ياريت لو تعرف تجيب النسخة 32 أفضل ،، ولو كدة يبقى الخيار التانى ليك هو الإس فور بس الجى تو أفضلهم ،،

تحياتى ،

semsemSiR

2014-03-20 (05:19:21PM)

شوف ياباشا

زى ماقولت قبل كدة , وبقولها كتير , لو هتمشى ورى كلام المواقع صدقنى عمرك ماهتعرف تقرر صح

افضل حاجة ليك انك تنزل تجرب الاجهزة عملى , عشان مافيش جهاز فيهم كامل ( الكمال لله وحدة )

فهتلاقى عيب فى دة وميزة فى دة

طيب هنيجى بقى للتجربة الفعلية

هتلاقى ان ال S4 يتمتع بأكثر جهاز فية خصائص وحساسات , وكمان واجهة جميلة جداا وشاشة فائقة الجمال + بطارية اطول + صافى رامات افضل + اكسسورات منتشرة وافضل ولية الاولوية فى نزول كل ماهو جديد نظرا لانتشار وسمعة اسم سامسونج + بطارية قابلة للازالة + امكانية تركيب كارت ميمورى + كاميرا افضل واحدة فيهم تصوير واوبشن + اعادة بيع افضل + قطع غيار موجودة عندى اى محل حتى بعد انتهاء فترة الضمان ( دة السامسونج بأختصار

- ال lg : موبايل جميل جداا وممتاز جدا ووصل فعلا انة يقدر ينافس الكبار ويتفوق كمان , بس عيوبة اكتر من مميزاتة ( مافيش كارت ميمورى - ذاكرة قليلة 16 جيجا والصافى 10.5 جيجا طبعا ضعيفة جداا ودية اللى متاحة فى مصر على فكرة - بطارية غير قابلة للاذاالة ودة بتسبب مشكلة لان عمرها مش طويل - اكسسواراتة قليلة جدا ولو لقيتها هتكون محدودة مش متنوعة فهتكون مجبر تشترى - شكل الجهاز على غير العادة فشوف انت هتبقى مستريح لية ولا لأ

- ال z1 : نفس عيوب ال g2 مع زيادة بقى ( الكاميرا مش 20 ميجا ابداااااااا , الكاميرا متواضعة - صوتة منخفض - تقيل كوزن - الهاتف متعب فى مسكتة - شاشة الوانها بهتانة مقارنة بمنافسية

دية كدة شوية عيوب فى الاجهزة

وانا هقولك حاجة والله احسن من اى كلام انا او غيرى هنقولة , انزل واختار اللى انت تستريحلة

onlyone2013 : على فكرة اشرف كلامة سليم جداااااااا , ال S4 افضل عمليا وتجربة فعلية

يمكن يفتقر بس انة مش بجودة تصنيع السونى كخامات لكن غير كدة الجهاز يعتبر الافضل كاستخدام

youssefshabana

2014-03-20 (06:03:50PM)

من اﻷخر

عايز دعم ممتاز وتوافر الاكسسوارت في كل حته هات اﻷس 4

عايز خامات ممتازة وموبايل ضد المية ويستحمل عن أي تليفون تاني هات الاكسبيريا زد 1

عايز موبايل شكله فخم وكاميرته ممتازة هات الجي 2

والتلاتة ممتازين من ناحية السرعة واﻷداء و اﻷلعاب يعني مش هتندم لو جبت أي واحد فيهم

تحياتي ليك :)

hardtime

2014-03-20 (08:42:00PM)

AshrafAshry
(ممكن تجيب لى التعليق اللى بيستهزء بيك الاخ OnlyOne2013
او تجيب اسكرين شوت لة)
وبعد كدة حضرتك حد غلط فيك خد اسكرين
وابعتوا لاى حد من الادارة علشان يتم اتخاذ الازم

OnlyOne2013

2014-03-20 (10:07:04PM)

اولا انا متريقتش انا والله كان هزار مش استهزاء...دي تفسيرك و انتا حر فيه.
الاخ اللي بيقول الزد1 مليان عيوب..احب اقوله انا شلت الزد1 لمدة شهرين وعارف كويس اوي يعني زد1
انتا حر تحب اس4 ولا غيره بس مش هكدب عيني و استخدامي و كلام المواقع عنه ومعلش يعني اصدقك انتا...طيب تيجي ازااااي؟؟؟
الزد1 اللي مش عجباك الكاميرا بتاعته دي احسن كاميرا جهاز شفتها...مش ذنبي انك مش هتعرف تستخدمها ازاي و مش ذنبي انك متعرفش ان سوني متخصصة كاميرات.
الاخ نفسه ان بيقول الجهاز مش عملي...حرام عليك..الجهاز مصفح مهما يقع او يتخبط زي ما هو مبيتأثرش و كفاية اني بحميه معايا كل يوم و جهاز في قمة العملية و بطاريته بتعد لحد 3 ايام بشغل متوسط..
الاس4 ميخصنيش اصلا فهفضل عدم الكلام عنه.
فبصراحة مش شايفله عيوب.
الال جي جي2 هو التاني في الترتيب لانه مالوش ميموري كارد..

اهم نقطة ان تم توضيح الامر لاشرف على الخاص....
وبلاش البروبجندا دي والنبي من بقية الاعضاء...ده بدل ميهدوا النفوس.

hardtime

2014-03-20 (11:02:28PM)

OnlyOne2013
بص يابشا انا مش عارف مين اللى مسح الكومنت بتاعك
بس انا بما انى مشرف من ضمن المشرفين للموقع المحترم دة مسمحشى ليك انتا
او غيرك انك تخرج برة حدود الادب وتغلط فى حد فينا
دة تحذير .

abdomeme

2014-03-20 (11:11:16PM)

معلش ياجماعة على التأخير وأسف أكون سببت أى أزعاج
وبشكر كل ألاعضاء اللى ردوا عليا
وأنا كدا أن شاء الله طلعت الزد وان من المقارنة وزى ماقال ألاخ semsemSiR أنا هنزل وأمسك الجهازين فى أيدى
واللى أنا مرتحله هجيبه فى النهاية أنا المستخدم
بانسبة للأخ mhmmed ماينفعش نتدخل فى رد حد فى النهاية هو هيفدنى برد وأنا اللى هشترى
وأنا كده لو أخترت الجى2 أو S4 مش هاندم

hardtime

2014-03-20 (11:20:24PM)

طيب
اولا انا مش شوفت كومنت حد ومفيش داعى انى اتستر على حد
ثانيا انتا قولت امسح الكومنت بتاعى علشان ملهوش لازمة وتم المسح
ثالثا انا سيبت باقى الكومنتات بتاعتك لانها خاصة بالسؤال بتاع اليوست
رابعا لما حد يغلط فى حد فى حاجة اسمها ادارة وفى حاجة بسيطة اوى نقدر نعملها اما تجيب لى اسكرين بالحاجة دى او تجيب لى الصفحة اللى فيها الشتيمة دى مثلا
واعتقد انك ولا جيبت لى صفحة فيها اهانة من حد ليك
وكمان مجبتش لى اسكرين علشان اقدر اتخذ اجراء ضد العضو دة
خامسا واخيرا سوف يتم مسح جميع الكومنتات التى ليس لها علاقة بالبوست الرئيسى
وشكرا

sherif2090

2014-03-22 (07:43:24AM)

نصيحة
افضل جهاز فيهم هو ال جى جى 2
بس حاول تجيبة من برة مصر النسخة ال32 جيجا
هنا سعر غلى و مساحة 16 فقط
البطارية غير قابلة للازالة اة ولكن اقوى بطارية فى كل الاجهزة دى سواء رقم او اداء فعلى
ومشوفتش حد اشتكا منها , دعم نزلة كيت كات
كاميرا ممتازة ( وخلينا نتفق انهم كلهم الكام ممتازة ولكن بتفرق من جهاز لجهاز فى الاعدادات )
سوفت وير هوا هوا نفس سوفت الاس4 مع اضاافات اخرى مثل النقر مرتين على الشاشة للتشغيل
وسوفت خفيف مفيش تهنيج ولا تقل .

نقطة كمان الزد 1 مش وحش فى الكام ولا المسكة ولا الوزن

ولكن انزل بنفس وشوف الاجهزة وجربها واحكم بعد كدة بنفسك

تلك الخدمة مخصصة للأعضاء فقط