هذا الموضوع مرتبط بـ Galaxy S5

مقارنة بين الاس 5 و الزد 2

sherif2090

2014-02-26 (06:04:22AM)

ahmedreda19
معلش بعد اذنك
احترم رئيك ووجهة نظرك واقدها ولكن

اولا الاس5 متفوقش على الزد 2 الا فى البصمة لو هنتكلم هاردوير
اما الباقى اما متساويين او الزد اعلى
مثال الشاشة الاتنين واحد فى الجودة والزويا و ووو والدقة ووو ووووو وو

البروسيسور الاثنين نفس الموديل ولكن السام تردد اعلى ولكن نتائج البانش مارك المبدئية تقول ان التفوق للزد 2 ,,, ايضا ارتفاء التردد يكون على حساب الحرارة ...

الرام التفوق للزد 2 بعيدا عن كلام الكيت كات بيستهلك رام قليل والكلام دة وجميعنا يعلم من
الاساس كيف سوفت سام تقيل

الذاكرة الداخلية منصافة بين الاثين فى اسواق العالم ولكن هنا ومعظم الدول العربية التفوق للزد 2 بسبب ان الذاكرة الداخلية المتبقية للمستخدم فى الزد 2 هى 12 جيجا فى حين ان المتبقى للمستخدم فى الاس5 حوالى 7.5 جيجا !!!!!!!!!!!!!!!!!!!!

هنقول انة متوافر منة 32 ودى لصالح الاس5 وان الزد2 اقل فى النقظة دى ولكن قلت ان احنا فى الاسواق العربية انسا الكلام دة التاجر مبيجبش الا الاقل ولو جاب الاعلى هيكون بسعر عالى جدااا

الكام لصالح الزد2 ,,, واختلافات السوفت وير فى الكام باتت قليلة جدااااااا فى ظل تحديث سونى للسوفت الخاص بالكميرا واضافة العديد من المميزات

مقاومة الماء لصالح الزد 2 لانة يقاوم الغمر بالماء ويظل تحت الماء لمدة 30 دقيقة على عمق 1.30 متر ونصف ,,,,,,,,, اما الاس5 يقوم رزاز الماء وليس الغمر بمعنى يقاوم المطر تمسكة وايدك مبلولة كدة انما انة ينزل المية وتسيبة يبقا مع السلامة .

نبضات القلب لا ارى لها اى 30 لازمة هوا انا جايب موبيل ولا عداد كمان فى طرق كتير ان الانسان يعد نبضات القلب بنفسة بدون اى ادوات + ان معظم الاكسسوار الاصلية الان فيها الميزة دى

البطارية لصالح سونى بكل تاكيد فرق 400 ملى امبيار

اتفق معك فى انة لا داعى اطلاقا للشاشات ال2 ك ,,, للاسبب التى ذكرتها وايضا لاستهلكها الكبير للبطارية ... ولن تكون بفارق كبير من الاساس ,,,,

اختلف معك فى التصميم
بص انتا بتقول مينفعش تغير الشكل تغير جزى وان العربيات بردك كدة والكلام دة
اديك مثل شوف مثلا لانسر 2005 و لانسر 2014 ولا 2012 ؟؟؟؟
اكيد فية تغير كبيرررررر

نيجى للموبيلات الشركة بقلها 5 سنين على نفس التصميم برغم انة ليس جيد ؟ لية ؟
الشركة لو بتلبى طلبات العملاء هتنجح اكتر واكتر وشعبيتها هتكتر انما هيا مصرة على شكل معين وعلى خامة معينة بسبب سهولة وسرعة التصنيع ... ودة تصريح رسمى لمدراء فى الشركة
انا مستهلك انا ملى بسرعة التصنيع ..........

على العكس شوف شركة زى سونى اول لما طلعات واحسبها من اول الزد ,,,, لان دة اول جهاز من انتاج الشركة لوحدها بعد الانفصال عن اريكسون ..

الناس الشاشة وحشة الشاشة زبالة عملوا اية ؟؟؟ غيرو مرة فى التقينة بتاعت الشاشة مجبتش نتيجة رحوا مغيرين الشاشة نفسها بدل tft خلوها ips فى الزد 2 ,,,, الصوت ياجمعة واطى ,,, سمعتين ستريو فى الزد 2 ...

هكذا شوف شعبية سونى انهاردة زى من سنة ..,... زى من 2 ..... لالالا طبعا
الناس اللى كانت بتشترى سونى انهارد اد اللى كانوا امبارح لالالالا طبعا اكتررررررر
شوف سامسونج الخسارة ارباح الاس4 لية ؟؟؟؟؟؟؟؟؟؟؟؟؟
لانها مبتعملش اللى الزبون عيزة بتعمل اللى هيا عيزاة
وفى مثل بيقولوك الزبون ديما على حق ولا اية ؟؟؟؟

ArchieDeacon

2014-02-26 (07:40:12PM)

تمام يا أستاذ شريف كلام حضرتك مظبوط جدا .،
وفى الأول والآخر دى موبايلات .، ودى تكونولوجيا وفى تطور مستمر .، وإحنا كمان فى سوق وكل حاجة متوقعة ..

بس فى النهاية أنا بشكر حضرتك على المناقشة المفيدة دى ، وفعلا أنا إستفدت منها ..

تقبل تحياتى ^ـــــ^ ،

sherif2090

2014-02-26 (07:12:39PM)

اولا شكرا لكم جميعا
احترم ارئكم واقدها
شكرا لك استاذ hardtime
استاذ AliAfify بالعفعل انا ارى ان سونى تنتج ما يستخدم فعليا حتا فى الاكسسورات تنتج افضلها و تتميزا نة يعمل مع جميع اجهزة الاندوريد غير شركات اخرى تجعل الاكسسوار حصرى لها

استاذ ahmedreda19
شكرا لردك ورئيك
بس احنا مبنقرنش الاس5 مع الاس4
احنا بنقول الاول الفرق بينة وبين الاس4 ولكن بنقارن مع اخر حاجة نزلتها الشركة وهى النوت 3
بنقارن مثلا الرام لية فى النوت 3 وهنا 2 ؟؟؟ رغم ان الجميع يعلم شراسة اجهزة سام فى الرام .

الشاشة فى الاس5 متغيرتش عن الا4 فى اى شى الا ال1 انش الزيادة

معظم الامكنيات متغيرتش بردك كتير عن الاس4 ولكن لما نقارن بالنوت 3 لا انا ارى التفوق للنوت فى كل شى معادا البصمة ,
ودة مش معناه ان الجهاز وحش ولكن زى ما قولت فى الاول ميفرق كتير عن المنافسين مبيتفوق الا ب البصمة وحساس النبضات وانا راى ان حساس النبضات ملهوش لازمة انا بششترى موبيل مش صيدلية ..

اما البروسيسور ان فى الزد2 ميفرقش عن الزد 1 كتير معاك نفس الكلام ميفرقش الاس5 على النوت3 كتير

استاذ ArchieDeacon
نفس الكلام اللى فوق لوكن ليا تعليق على ان الشركة لازم تراعى ظروف السوق والفئات الاقتصادية
اولا دة فلاق شيب يعنى بيبقا اقوى واغلى حاجة فى الشركة للى معاه وعايز
وبيبقا فية وانتا نازل اجهزة اخرى لحد 600 جنية لكل فئات المجتمع وجميع انواع الاسواق

كمان مش معنى انها تدينى خامات كويسة وامكنيات كويسة انها تغلى سعر الجهاز
شوف الاتش تى سى وان كلة الومنيوم كان بكان اول لما نزل 5600 تقريبا ,
شوف الزد 1 والزد2 و و و و و شوف النوكيا ال 1520 كان بكام مع العلم انة بلاستك ولا تقفل وشكل افضل
شوف دول كانوا بكام ,وشوف اجهزة زى الاس4 كان بكام شوف الاس5 بكام دولقت فى انجلترا بدون ضريب ب 500 جنية استرلينى يعنى حوالى 5800 جنية شوف الزد 2 يكام بردك هناك 470 جنية استرلينى الخامى لصالح مين التقنيات متقاربة جداا فيما عدا البصمة ونبضات القلب ,

اما الاى فون احنا كلنا عرفين سبب ان سعرة بيبقا غالى هنا هوا التجار اللى عيزين مكسب وخلاص
الجهاز بينزل فى العالم كلة بسعر واحد وهوا 700 دولار يعنى 4900 جنية . انما التجار لازم يكسب الضعف .
شوف مثلا حاجة تنية البلاى ستيشن 4 برة بكام وهنا بكام هنا اقل سعر لية 5000 جنية فى السعودية ب 2700 ريال فى امريكا ب 400 دولار يعنى 2800 جنية ,,,, دى سرقة من تجار مش اكتر . فا منخدهاش اساس.

موضوع الخامات مش علشان السعر ولكن علشان الانتاج بتاع الشركة والمسئولين فى الشركة بنفسهم قالو الكلام دة ان البلاستك بيوفر وقت كبير فى الانتاج للشركة , انا كا مستهلك ميهمنيش اطلاقا الوقت بتاع الانتاج انا يهمنى الجودة .....

مرة اخرى
أنا بحترم جميع الاراء ووجهات النظر المختلفة , وأرجو ان تتقبلو مناقشتى

ArchieDeacon

2014-02-26 (05:22:25PM)

ahmedreda19 تمام كلام حضرتك مظبوط وهو ده بالفعل اللى أنا أقصده ..

الجهاز فى إضافات يا جماعة عن الإس فور ، وهو كدة يبقى مختلف وأفضل .. أفضل بروسيسور .. أفضل كاميرا .. مش هاتطلع منه نسخ تانية زى الإس فور أكتف
والإس فور زوووووم جمعتهم فى جهاز واحد الإس 5 كاميرا ممتازة مع مقاومة للماء .. واى فاى ميمو .. Ultra Power دى لوحدها إبداع وحكاية ، لما جهازك وهو 10 % يفضل معاك بالخاصية دى 24 ساعة .. أمال بقى لو إتفعلت وهو 50 % هايفضل قد إيه .. البصمة .. مستشعر ضقات القلب ،
كل ده ياجماعة مش تغييير ولا إضافة .. وخلوا بالكوا من حاجة 2 جيجا رام DDR 3 غير 2 رام DDR 2 النوع برده بيختلف ، وأنا متأكد إن رام الإس 5
DDR3 ، كل دى مميزات للإس 5 عن الإس 4 .. بلاش ندخله مع النوت 3 خالص ، ولا حتى أى نوت .. لكنه هو كجهاز متميز وفيه إضافات تخلينى أبيع الإس فور وأجيبه .. ويا أستاذ شريف الشركة لو مارعتش كل طبقات المجتمع وظروف المستهلك الإقتصادية والمادية ، ماهى سهل تعمل جهاز نفس مواصفات الإس 5 كدة بس تخلى بقى الجسم معدنى ، والرام 3 ، والبروسيسور نفسه بتردد 3 جيجا ، والكاميرا نفسها بس 20 ميجا .. زى ال Z2 والوميا 520 كدة .. تمام ، وأنا بقى
كمستهلك آجى أشتريه .. ألاقى سعره زى الآى فون كدة أول مابينزل 8 ألاف و 9 ألاف جنيه ، وعلى مايثبت فى السوق يبقى بسعر 7 ألاف ..
كم واحد هايشتريه ؟ دى النظرية وأنا متأكد من ذكاء الناس دى ، وحكمتها فى ترويج المنتجات بصورة صحيحة .. وهى بكدة أكتر شركة بتنتج هواتف متعددة فى السوق حاليا ، واكلة السوق بمعنى أصح ..

أنا بحترم رأيك جدا ، وكلامك مظبوط ، وأرجو تتقبل مناقشتى
تحياتى ليك ، :D

ahmedreda19

2014-02-26 (02:52:29PM)

ولو علي الشكل زي مابتقول انه بيتغير وقلت مثال اللانسر 2006 والفرق بينها وبين 2012 ولا 2013 انت كده بتثبت كلامي اللي الشكل مش بيتغير الا كل 4 سنين ده كمان الفرق بين الانسر 2006 و2012 6 سنين لكن شوف الانسر 2004 و2005 و2006 و2007 و2008 كلهم نفس الشكل والهيكل الا تغير طفيف جدا دي منظومه مينفعش الشركه تغير رمز وملامح مره واحده والدليل علي كده انك بتعرف نوع العربيه مش شرط من العلامه بتاعتها ممكن كن شكلها ولو غيرت الشكل مره واحده كش هتعرف نوعها الا من العلامه وده اللي مينفعش يحصل مره واحده ومش معني كلامي ان انا ضد تفير الشكل لا بالعكس انا من اول الناس اللي عايزه الشكل يتغير بس تغير بسيط مع السنين هتلاقي الشكل اتغير كله لكن مينفعش مره واحده عشان دي منظومه وملامح منتج وشركه

ahmedreda19

2014-02-26 (02:43:55PM)

احترم وجهه رأيك جدا وهيا في الاول والاخر ازواق ورراحه نفسيه بس كل ده كلام علي الورق بكره هينزلو علي الطبيعه والناس تجرب ونشوف مين هيتفوق بس عندي سؤال ايه المميزات اللي زودتها سوني لل Z2 عن Z1 مش هتلاقي غير الرام والشاشه فقط وفرق البيكسلات كمان للشاشه القديمه ولسه الجديده تحت الاختبار محدش جربها والبروسيسور فرق مش ملحوظ اصلا والشكل زي ماهوا وبالرغم من كده عاجب الناس اوي لكن سامسونج زودت عن s4 لل s5 حجات كتير جدا محترمه كاميرا بمميزات جباره وتثبيت بصري الاسرع في العالم حاليا 3 جزء من الثانيه وبروسيسور يعتبر الاقوي حاليا وبصمه الصابع وجهاز نبضات القلب ومقاومه المياه والغبار و البطاريه واليو اس بي 3 واستيعاب كارت لغايه 128 غير بقا السوفت وير في الكاميرا وخاصيه ultra power saver وعلي فكره سامسونح مش مقاومه بس لا ده بينزل متر وبغضل تحت المايه 30 دقيقه وادخل علي اللينك واتأكد بنفسك

و كل ده مش عاجب !!!!!! الواحد مستغرب الصراحه

AliAfify

2014-02-26 (02:37:44PM)

الله ينور sherif2090 : تقرير رائع ومتميز .. برغم إنى كنت من عشاق سامسونج وأكتر موبايلات شيلتها كانت من سامسونج , إلا إنى بحس إنها كشركة بتشتغلنى وتستكردنى كعميل !
السونى Z2

أبهرنى جدا بصراحة كإمكانيات وشكل وتصميم أكتر من رائع , وبإذن الله يكون تليفونى القادم إن شاء الله ... ولما دخلت على موقع سونى

وشفت منتجاتها عموما ولقيت منتجات وأفكار أنا كنت محتاجها فعلا .. بدأت أقتنع بيها جدا وحسيت إنها كشركة بتبدع إبداعات منطقية وليها لازمة فعلا .. مش فكرة إنها بتعمل حاجه جديدة ومختلفة وخلاص !

sherif2090

2014-02-26 (09:59:34AM)

اولا يا اشرف بتقول متستخدمش كلمة زبالة طيب وبالنسبة للى انتا قيلة دة اية ( حراقة )

كمان محدش لية دخل ببروفيل حد كل واحد حر فى رئية و توجهة زى مابحترم رئيك تحترم راى
ولكن مش لازم اقتنع برئيك وا انتا تقتنع براى علشان نبقا بنحب ولا بنكرة شركة .

كمان انا لما اتكلمت بتكلم بكلم تقنى يعنى 1+1=2
يعنى لما نقول ان الاتين شاشة واحدة يبقا مفيش حد يقول لا شاشة فلانة احسن لان اللى بيحكم هنا الزوق مش التقنية والعلم

اما ان الاس5 يتفوق وولا لا دة يرجع للشغل الفعلى زى ما قال ArchieDeacon

ويا ArchieDeacon
ولا يضحك علينا ولا عليك احنا مش اصحاب الشركة ولا بناخد منها حاجة علشان نهجم ولا ندافع
كل واحد لية رئية
اما ان الاداء الفعلى حاجة والورق حاجة الكلام دة لسمسونج شوف التعليق والتهنيج اللى بيبقا فى اجهزتها .
اما ان الشركة منزلتش علشان النوت 3 ميخسرش ولا علشان اللى جاى
فا انا كا مستهلك مليش دعوة بالكلام دة المستهلك ديما عايز الافضل لية مش للشركة
متفق معاك انها سوق وسياسية ومينفعش تطلع كل اللى عندها .

ولو رجعتوا كلامى الكلام ياريت تقولولى اية اللى بيتفوق فية الاس5 غير اللى قلتة

اية فى كلامى غلط

ArchieDeacon

2014-02-26 (08:42:17AM)

طب صدقونى إس 5 ليضحك عليكوا كلكوا ويبقى أسرع من النوت 3 ، وبكرة تقولوا إنى قولتها .. ياجماعة الأداء الفعلى حاجة ، والكلام على الورق حاجة تانية .. سيبكوا من الأرقام الكبيرة ، الجهاز ده جبااااار وإبداع صدقونى .. كاميرا خرافية ، ميزات إضافيه فى سمارت فون ﻷول مرة بين باقى الهواتف التانية .. إنتوا ليه كنتوا عاوزينه يبقى أفضل من كدة ، على فكرة الشركة بتفكر صح ، لو كانت نزلت الجهاز بنفس توقعاتكوا كدة .. كانت عملت حاجتين غلط ، الأولى ضربط النوت 3 ﻷنه هايبقى أعلى منه ، وبالتالى فتسطه فى السوق ، والتانية .. حرمتنا من إبداع حقيقى منتظر على آخر السنة فى النوت 4 .. هى أضافة مميزات جميلة فى الإس 5 بس ما طلعتش كل اللى عندها ، يا جماعة ده سوق ودى سياسة وشغل كبييييييير إنتوا بتقولوا إيه ياجماعه .. ماتقول حاجة ياعم أشرف -:)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S5

مقارنة

Android
5.1″

5.1 بوصة
3G

2G / 3G
16 MP, 5...
2800mAh

Li-Po 2800 mAh غير قابلة للازالة

مزيد من المعلومات

الموبايلات

مقارنة بين الاس 5 و الزد 2

التسجيل بالموقع

دخول الاعضاء

معلومات سريعة عن Samsung Galaxy S5

Android

5.1″

3G

16 MP, 5...

2800mAh