بدور علي ايه؟ اكتب رقم موديل الموبايل الابدور عليه
AliAfify
احدث المشاراكات
-
2016-04-05 (11:29:44PM) Samsung Galaxy Note 5
تسلم يا باشا .. ربنا يعزك ويبارك فى عمرك يا رب .
الحمد لله على كل شيئ .. أنا مش زعلان طالما بتعلم . :) -
2016-04-04 (06:02:55PM) Samsung Galaxy Note 5
أشكركم جدا يا شباب .. أنا خضت التجربة بنفسى ، وبعد إستخدام الأيفون ( iphone 6s plus ) أقل من إسبوعين .. رجعت تانى لسامسونج Note5 ، وطبعا مش هتكلم عن الخسارة اللى خسرتها فى النوت اللى قبل الأيفون ، والخسارة اللى فى الأيفون اللى لسه متبعش وأكيد هخسر فيه كتييير برضه
-
2016-03-13 (03:36:16PM) Samsung Galaxy Note 5
عموما أكتر حاجه بتهمنى فى التليفون بعد أداء الجهاز السلس :
- الكاميرا .
- البطارية .
- الشبكة وخصوصا ال3G ( إشارة النت ) .
- الشاشة .
ويا سلام لو متاح مع ده كله خامات تصنيع جيدة وتصميم راقى .
وأعتقد اﻷيفون ( على شهادة أصحابى اللى إستخدموه ، وخصوصا ال6s plus ) اﻷقرب للمواصفات دى ! -
2016-03-12 (09:10:22PM) Samsung Galaxy Note 5
طبعا كعادة موبايلات سامسونج .. البطارية والشبكة !
-
2016-03-09 (10:01:40AM) Samsung Galaxy Note 5
السلام عليكم
بصراحة النوت 5 لم يبهرنى إطلاقا ، وقررت أبيعه بعد مرور أسبوعين فقط من إستخدامه ، وبإذن الله هشترى iphone 6s plus .
النسخة اللى معايا ال64 جيجا .. وارد السعودية Note 5 - 64 GB - Black Sapphire
هوه كلفنى بالظبط 6188 جنيه ( 2600 ريال × 2.40 ) ، وعارضه للبيع ب5500 جنيه -
2016-02-26 (05:56:07PM) Samsung Galaxy Note 5
شكرا جزيلا يا باشا .. إستلمت الموبايل أول إمبارح - نوت 5 ( 64 جيجا ) اللون ( Black Sapphire ) , وإنطباعاتى الأولية عنه كويسة مش بطاله !
-
2016-02-10 (01:53:08AM) Samsung Galaxy Note 5
ألف مبروك عليك
بإذن الله أنا هشترى النوت 5 من السعودية برضه ( ليا صديق بيعمل عمره وهيشتريه معاه وهوه جاى إن شاء الله ) بس نسخة الـ64 جيجا وتمنها 2500 ريال ... بس محتار بين الألوان !
أنا بفضل الأسود/الأزرق , ومحتار بينه وبين الأبيض وممكن الرصاصى .. لكن الذهبى مش مستظرفه خالص ( أذواق طبعا ) .
إنتا رأيك إيه فى موضوع الألوان ده بما إن الجهاز معاك ومعاك منه لونين !!؟ -
2015-11-02 (08:48:01AM) Huawei G8
الحمد لله إشتريت الجهاز إمبارح ، والإنطباع الأول رائع جدا ...
-
2015-10-19 (09:32:00PM) Huawei G8
مفيش أخبار عن سعر الجهاز ده ، وموعد نزوله السوق المصرى !!؟
-
2015-10-17 (08:06:18PM) Huawei Ascend G7
الجهاز ده شكله جامد وبدأت أقتنع بيه جدا .. بس للأسف مش متوفر حاليا .. موجود فى بعض الأماكن وبألوان محدودة !
ده عرض للجهاز بواسطة شاب مصرى أتمنى يعجبكم :
-
2015-08-26 (12:56:57PM) Samsung Galaxy Note 5
بعد تجربة مريرة للأندرويد بشكل عام وسامسونج بشكل خاص مع أقوى تليفونات سامسونج كلها سلسلة النوت من أول نوت 1 حتى نوت 4 وموديلات تانية فى سامسونج - ده غير كام تجربة مع سونى.. أقدر أنصحك بانك تخليكى مع iphone 6 plus أنا بايع النوت 4 من أسبوعين وتقريبا وماشى دلوقتى ب S5 .. كنت هشترى ال6plus ﻹقتناعى التام بنظام apple وبمنتجاتهم وقد إيه راقية وقوية وسلسة .. بس بإذن الله منتظر ال iphone 6s plus أول شهر سبتمبر القادم إن شاء الله .
-
2015-08-22 (07:48:00PM) Samsung Galaxy Note 5
أنا شايف Sony Xperia Z2 جهاز كويس بالنسبة للسعر المكتوب , وممكن برضه Samsung Galaxy Note3 4G اللى مع حرف دهبى .. الاتنين الرامات 3 جيجا وأداء وكاميرا محترمة , وخصوصا بعد تحديث إصدار الأندرويد الأخير , وممكن كمان Huawei Ascend Mate7 ورامات 3 جيجا برضه وأداء محترم .
-
2015-08-21 (01:19:05PM) Samsung Galaxy Note 5
شكرا جزيلا أخى الفاضل BlackCrow ☺
-
2015-08-21 (02:03:54AM) Samsung Galaxy Note 5
أعلنت يوم 13 الجارى " يعنى من أسبوع تقريبا " عن هاتفيها Galaxy Note5 و Galaxy S6 edge plus تليفونين يعتبروا نسخة مكبرة من هاتفيها السابقين Galaxy S6 edge و Galaxy S6 بإستثناء إن الرامات أصبحت 4 جيجا وطبعا القلم اللى مع النوت , وبطارية مخيبة للأمال Non-removable Li-Po 3000 mAh .. النوت 4 كان معايا لغاية من أسبوعين تقريبا , وبطاريته كانت أكبر نسبيا بحوالى 220mAh يعنى كانت 3220mAh وكنت بشحنه بمعدل مره ونصف لمرتين يوميا .. ده غير إنه كان بيتقل كتير وبيهنج أحيانا , وده كان المفروض ميحصلش مع تليفون راماته 3 جيجا والبروسيسور بتاعة أوكتا كور يعنى ثمانى النواة بمعمارية 64-bit !
بصراحة محستش أبدا إنى بستخدم شاشة QHD يعنى 2650x1440 pixels اللى هيا ضعف الشاشة الـHD فى عدد البيكسيلات فيها ! لأنى كنت علطول عامل إضائة الشاشة تلقائى مع وضع توفير الطاقة " يعنى تقريبا الشاشة مضلمة " ده كان علشان البطارية اللى كانت بتطير .. على عكس النوت3 واللى بطاريته كانت أفضل بكتير عن بطارية النوت4 واللى هيا أكيد هتكون أفضل برضه من بطارية النوت5 !
توقعاتى للنوت 5 لما ينزل السوق المصرى أو السوق العربى عموما .. إنه هيكون غالى جدا ومش هيحقق المبيعات اللى حققها النوت 4 , واللى هيا أقل بكتير من مبيعات النوت 3 !
وده أكيد هيرجع لقلة إقبال المهتمين والمتابعين للتقنية والناس اللى زى حالاتى اللى كانوا بينخدعوا فى أرقام وتقارير وإعلانات سامسونج المضروبة !
ده فيديو لإختبار سقوط النوت5 من إرتفاع 1 متر , وقد إيه الشكل الزجاجى الجديد إتبهدل :
وده فيديو تانى لنفس إختبار السقوط بين Galaxy S6 وبين iphone 6 :
-
2015-04-30 (06:56:57PM) LG G4
تقرير محترم ...