سعر و مواصفات Samsung Galaxy S4 mini I9190

موضوع لذيذ ... ^_^

بخصوص نسخه الاندرويد كيت كات . للهاتف اس3 واس4 ميني وميجا 6.3

ان شاء الله هيوصلهم التحديث تباعا بناءا على كلام سامسونج الرسمي . يعنى مش اراء شخصيه او افتراضات
والى مش هيوصلو التحديث . ان شاء الله هجيبلو التحديث عن طريق الاودين
والى بعد التحديث للهواتف الاخرى واخلت سام بوعدها
بردو هيوصلو منى التحديث بروم سينوجين مود بطريقه التحديث

ابتسمو . انتو فى عالم اندرويد السهل .
سام قالت انها هتوصل التحديث لآس3 ميني

شكرا سام واتمنى لكم جميعا الاستمتاع بأفضل نظام مفتوح المصدر هو الاسرع والاكثر امانا الى الان

الجهاز ده تصميمو مدايقني اوى وصغير علي سعرة
يعنى هو رفيع وطويل :3

انا بجد احتررررررررت جدا بعد مارسيت على اس فور مينى لقيت ناس بتشكر ف ميجا 6.3 وانا نفسى ف فون كبير ... عايزه اعرف انهى احسن والفرق اللى بينهم كبير ولا ايه؟ بلييييييييييييز

الحمد لله اشتريت النهارده s4 mini بعد ما استقريت عليه بناءا على ارشاداتكم القيمة و بصراحة هو ده فعلا اللي انا كنت عاوزه من الموبايل و لما قارنته ب s3 لقيت انه من وجهة نظري احسن بكتير و كفاية حجمه الممتاز مع امكانياته الكبيرة و الحاجات اللي المفروض ان s3 بيتفوق عليه فيها انا بعتبرها حاجات هامشية و غير اساسية
كثافة الالوان : مستحيل الانسان يميزها بعينه المجردة و الفرق مش رهيب لدرجة التباين
كبر حجم الشاشة : انا بعتبره عيب مش ميزة لان بالتالي يخلي حجم الجهاز اكبر و لو المستخدم محتاج شاشة كبيرة فأسهله يجيب تابليت هيكون اكبر و اوضح و ارخص
الكاميرا : الاتنين 8 ميجابيكسل و الاتنين لسامسونج و معظم مواقع المقارنة بيدولهم تقييم واحد و ان كان فيه فرق فاعتقد برضو انه هيكون مش كبير و غير ملاحظ بالعين المجردة...مع ملاحظة ان امكانيات التصوير في السوفتوير في s4 mini احسن و اكتر منها في s3
الصوت : في s4 mini انا شخصيا شايف انه ممتاز و نقي و ارتفاعه مناسب جدا و معقول ومهما كان دي سماعة موبايل صغيرة ماهياش سماعات دي جي
اخيرا ......عملت تست للاتنين على antutu 4 و كانت النتيجة تفوق s4 mini بسكور 19985 يعني حوالي 20000 مقابل 18100 بالعافية ل s3 بعد قفلنا كل حاجة ممكن تكون ساحبة من سورسات الجهاز

اشكر كل اللي نصحوني ب ال s4 mini

عندي سؤال اخير...نسخة الاندوريد على الموبايل 4.2.2 فهل هناك نسخة 4.3 بتدعم العربي و انزلها منين ؟؟ لاني جربت عن طريق الابديت من داخل الجهاز about device و قالي ان كده الجهاز متحدث للاخر......ولا ما فيش اصلا نسخة 4.3 لسه لل s4 mini لو حد نزلها ياريت يقولنا منين و هل هي كويسة ولا الواحد يطنش و مالهاش لازمة

شكرا zman2yahob على اهتمامك وردك.... بس عندى سؤال تانى من فضلك هو جراند 2 نزل ولا لا وبكام والاقيه فين؟
وهو احسن ولا اس فور مينى؟؟

لو سمحتو انا محتاره بين الفون ده وبين ميجا 5.8 حد يقولى انهى احسن. او لو فى فون احسن منهم ف نفس السعر ده بس يكون خطين.....بليييييييييز ردو بسرعه عشان هجيب الفون خلال ايام ان شاء الله

موضوع لذيذ ... ^_^

ازاى المقارنه بتتم بين اس4 ميني والرائع اس3

موضوع شاغل بال ناس كتير خصوصا ان الاتنين تقريبا بسعر واحد مقارب جدا
واوقات بنصح بال4 ميني واوقات بنصح ب3
لازم تعرف انك وانت بتشترى هاتف او اى جهاز عموما انت بتشترى افضل حاجه تلبي احتياجاتك مش الاحدث .. لآنى لما بدور على الاحداث هيبئى فى اختيارات بالتأكيد مش هيكون اس3 ولا اس4 ميني منهم ولا حتى اس4 نفسه

طيب تمام .. اتفقنا على نقطة بدور على احتياجاتى دى

1>>
فلو احتياجاتى فى المقام الاول هو الكاميرا والالعاب . فورا هاروح على اس3 الى بيتميز بكاميرا بدرجه نقاء اعلى من اس4 ميني سواء فى التصوير العادى او الفيديو
ومعالج رباعى جيد جدا فى الالعاب على عكس ثنائى الانويه فى اس4 ميني حتى مع انه من سناب دراجون لكن يظل اداءه ليس بالكفاءه الموجودة فى اس3

2>>
لو احتياجاتى فى بطاريه قويه وتعيش معايا فتره طويلة لآنى بستخدم الهاتف لوقت طويل . فورا هاروح لآس3 الى بيقدملى بطاريه بقوة 2100 مقابل 1900 فقط فى 4ميني

3>>
لو احتياجاتى فى تنزيل رومات وبحب اجرب سينوجين وغيرها . فورا هاروح لآس3 بسبب توافر عشرات الرومات الرائعه والى بتجلب مميزات رائعه للهاتف

4>>
لو احتياجاتى شاشه افضل فى العرض وبيكسلات اعلى هاروح لآس3 فورا


اما امتى اس4 اختيار افضل .. لو حد بيقولى انا عايز موبايل فيه كل حاجه وانا مستخدم جديد ودى اول تجربه .. او حابب شكل اس4 ميني والى هو فعليا اقل من اس3 شكلا وان اس3 انحف منه بفرق بسيط ودى حاجه حلوة لآس3

لازم تعرف . ان لو اس4 المعالج 4 جيجا مثلا .. دى مش حاجه هتميزة على اس3
هيرجع الموضوع بردوه لآحتياجاتك وهل اس3 هيقصر معاك او لا
ماتبقاش رايح تشترى تلفزيون مثلا لمجرد ان معاه اتنين ريموت
فكر قبل ماتشترى ولا تستشير اصحاب الاهواء الشخصيه
واولا واخيرا .. انت حر فيما تملك لآنك الى هتستخدم الهاتف مش حد تانى
فكر وقرر واعقد وتوكل .. ومبروك لكل الناس ايا ماكان اختيارهم

السلام عليكم انا معايا S4 mini وعلية اندرويد 4.2.2 وانا سمعت ان فية تحديث لاندرويد 4.3.0 بدخل علي الظبط وبعدين علي التحديث بيقولي دي اخر تحديث مش عارف اعمل اية....ولكم جزيل الشكر

الأخوة اللي بيقارنوا ومحتارين بين S4 mini والـ S3
انا كنت فى نفس الحيرة وفضلت فترة أقارن بين الجهازين قبل ما اشترى وبعد تفكير طويل قررت واشتريت S4 mini عن إقتناع شخصي مش لأفضلية بين الجهاز فى الإمكانيات .
وأحب أوضحلكم انى والله يوميا ماسك الجهازين كل واحد فى إيد :D لأن واحد زميلى فى الشغل معاه الـ S3 . ومن وجهة نظرى احب أوضحلكم نقاط التفوق لكل جهاز فى الآتى :

S3 يتفوق فى ( 1- الشاشة : نظرا لأن حجمها اكبر من الـ S4 mini بنص بوصة وكمان كثافة الألوان فيها أعلى وأوضح . 2- ذاكرة الهاتف : لأنها 16 جيجا مقابل 8 جيجا فى الـ S4 mini وده حسب اختيارك لأن الموبايلين بيركبلهم كارت ميموري لحد 64 جيجا . 3- الصوت فى النغمة أعلى نسبيا عن الـ 4 mini )

S4 mini يتفوق فى ( 1- أحدث فى التصنيع من S3 بسنة تقريبا فى السوق . 2- نظام الأندرويد اللى عليه نسخة أحدث من S3 وان كانت التحديثات بتلغى الفروق فى النقطة دي مستقبلا . 3- مساحة الرام 1.5 جيجا مقابل 1 جيجا فقط فى S3 مهمة . 4- الكاميرا أفضل نسبيا بفرق مش كبير نظرا لبعض الخصائص والمميزات الجديدة المنقولة من S4 العادي . 5- سرعة ملحوظة فى الأداء العام لأن البرسسيور 1.7 GHz ثنائى النواه مقابل 1.4 فى S3 لكنه أقوى لأنه رباعى النواه )

بإختصار الجهازين جُمال جدا وسعرهم متقارب وفى النهاية إختيارك الشخصي هو اللي هيحدد لأنك انت اللي هتمسك الجهاز وتستخدمه

منقول من عضو هنا للافادة !! :)

نصائح للتعامل مع جهاز الأندرويد سواء سامسونج او غيرة :

1- عدم ترك ال 3G (بيانات الهاتف) مفتوحة عند عدم إستخدامها لأنها تقوم بإستهلاك باقة الإنترنت و طاقة البطارية

2- يجب إستخدام جراب للموبايل و لاصقة على الشاشة للحفاظ على الجهاز بدون خدوش أو كسور و زيادة عمره الإفتراضي
و لا أنصح بإستخدام الجرابات الفليب التي يتم تركيبها بإزالة غطاء الظهر و تركيبها مكانه لأنها لا تغطي حواف الجهاز (الفريم) و مع الوقت ستخدش و تتقشر الطبقة اللامعة

3- يفضل إستخدام سطوع شاشة منخفض للحفاظ على النظر و عمر البطارية

4- يفضل إستخدام كروت الذاكرة عالية الجودة و المشهورة ... مثل كينجستون لأن كارت الذاكرة التالف قد يسبب توقف الجهاز (تهنيج) و أيضا قد تفقد البيانات الموجودة فيه ولا يمكن إسترجاعها

5- أذا كنت تريد إرسال عدة ملفات بالبلوتوث لجهاز آخر يفضل إستخدام ال Wi-Fi Direct لأن سرعتها عالية جدا و مداها كبير (خاصية ال Wi-Fi Direct لها إستخدامات أخرى مثل اللعب الجماعي بين الأجهزة والطباعة اللاسلكية وغير ذلك )

6- قبل إزالة كارت الذاكرة من الجهاز يجب إلغاء تحميله من خلال خيار unmount من إعدادات التخزين
و ذلك للحفاظ عليه و تتجنب فقد البيانات
و نفس الأمر عند توصيل فلاش ميموري للجهاز بإستخدام كابل USB OTG
لكن نضغط safe remove من ال notification bar

7- يفضل في الكاميرا جعل مكان حفظ الصور و الفيديو في الذاكرة الداخلية
لأن كروت الذاكرة التي تباع في السوق سرعتها قليلة في نقل البيانات و قد تؤثر سلبا على دقة و سرعة التصوير

8- يوجد وضع توفير الطاقة في معظم الأجهزة و أنصح بتشغيله بشكل دائم ..... و هو ليس له أي أضرار و مميزاته إنه يطيل عمر البطارية و يقلل سخونة الجهاز بشكل كبير جدا

9- لا أنصح بضبط ال play store على تحديث التطبيقات تلقائيا لأنه كثيرا ما ستجده يقوم بالتحديث و يستهلك سرعة الواي فاي أو باقة ال 3G الخاصة بك الأفضل أن تقوم بتحديثها بنفسك عندما تريد

10- يعتبر الجهاز سخن إن وصلت حرارته ل 40 درجة و يجب تركه للراحة إن وصلت الحرارة ل 45 درجة و أي جهاز لا يصل لتلك للأرقام .... يبقى مبيسخنش :)
"يمكنك معرفة درجة حرارة الجهاز من خلال بعض البرامج مثل برنامج Battery "

11- يجب إعادة تشغيل الجهاز مرة على الأقل كل 100 ساعة تشغيل
"يمكنك معرفة عدد ساعات التشغيل من ... الإعدادات > حول الجهاز > الحالة"

12- مهما حدث يجب عدم إستخدام الجهاز أثناء الشحن
لأن ذلك يقصر من عمر البطارية و يطيل من زمن الشحن عموما ..... حتى عند عدم إستخدامه
و مع الوقت قد يصل زمن الشحن ل 5 ساعات بدون إستخدام ! ... "عن تجربة شخصية"

13- أي برنامج يظهر رسائل إنه توقف فجأة أو إنه لا يستجيب
فمن الأفضل إزالته حتى يقوم المطور بتحديثه و حل المشكلة لأنه قد يتسبب بتوقف الجهاز "تهنيج"

14- لا تستخدم جرابات و إكسسوارات بها مغناطيس
و لا تضع الجهاز في أي مجال مغناطيسي .... لأنه قد يسبب إنحراف دائم للبوصلة "عن تجربة "

15- من الأفضل عدم تحديث الجهاز بإصدارات الأندرويد الجديدة فور توفرها له
حتى إن كانت رسمية ......... و الأفضل الإنتظار و الإستماع لتجارب المستخدمين الآخرين
لأن تحديثات الأندرويد غالبا ما تحمل معها المشاكل في البداية


16- إذا توقف الجهاز "هنج" يمكن عمل ريستارت من زر الباور .... إضغط عليه لمدة 15 ثانية
" غير متوفرة في بعض الأجهزة "

17- لا تستخدم widgets كتير .... لأنها تستهلك جزء كبير من شحن البطارية و الرام
خصوصا إن كانت وظيفتها عرض المعلومات و ليس فعل شيئ معين عند الضغط عليها
" مثل widget الطقس و الساعة "

18- يفضل عدم تحميل تطبيقات مكررة (لها نفس الإستخدام) ... أو تطبيقات لا تستخدمها لأن زيادة عدد التطبيقات تؤثر سلبا على الأداء و البطارية

19- إحتفظ بنسخة إحتياطية من الأسماء و الرسائل الهامة

20- إستخدم برنامج أنتي فايرس لمقاومة برامج التجسس "برامج التجسس موجودة على المتجر أيضا " برامج الأنتي فايرس مثل Dr.web أو Trust Go .......... و يعتبر الأفضل هو 360 mobile security

21- يفضل عدم زيادة عدد التطبيقات عن 150 و ال 150 منهم برامج السيستم .......... أي أن القائمة تحتوي على 150 أيقونة

22- إغلق الإتصالات التي لا تستخدمها مثل الواي فاي و ال GPS و ال NFC و البلوتوث و بيانات الهاتف و ال Hotspot و S beam و المزامنة

23- حافظ على وجود مساحة خالية من الذاكرة الداخلية و لا تملؤها كلها

24- ستجد دائما مجلدات كثيرة لا تعرفها في ال file manager
لا تقوم بمسح مجلدات إلا بعد معرفة ما يحتويه

25- لا تستخدم الرومات المعدلة و الروت ... إلا إذا كنت على قدر كبير من الخبرة بما تفعل

26- لا تستخدم شواحن و بطاريات غير أصلية

27- لا تتعامل مع مراكز صيانة غير مضمونة !!.