هذا الموضوع مرتبط بـ Galaxy S4 mini I9190

بدون عنوان

gedr007

2014-02-16 (10:53:10PM)

الحمد لله اشتريت النهارده s4 mini بعد ما استقريت عليه بناءا على ارشاداتكم القيمة و بصراحة هو ده فعلا اللي انا كنت عاوزه من الموبايل و لما قارنته ب s3 لقيت انه من وجهة نظري احسن بكتير و كفاية حجمه الممتاز مع امكانياته الكبيرة و الحاجات اللي المفروض ان s3 بيتفوق عليه فيها انا بعتبرها حاجات هامشية و غير اساسية
كثافة الالوان : مستحيل الانسان يميزها بعينه المجردة و الفرق مش رهيب لدرجة التباين
كبر حجم الشاشة : انا بعتبره عيب مش ميزة لان بالتالي يخلي حجم الجهاز اكبر و لو المستخدم محتاج شاشة كبيرة فأسهله يجيب تابليت هيكون اكبر و اوضح و ارخص
الكاميرا : الاتنين 8 ميجابيكسل و الاتنين لسامسونج و معظم مواقع المقارنة بيدولهم تقييم واحد و ان كان فيه فرق فاعتقد برضو انه هيكون مش كبير و غير ملاحظ بالعين المجردة...مع ملاحظة ان امكانيات التصوير في السوفتوير في s4 mini احسن و اكتر منها في s3
الصوت : في s4 mini انا شخصيا شايف انه ممتاز و نقي و ارتفاعه مناسب جدا و معقول ومهما كان دي سماعة موبايل صغيرة ماهياش سماعات دي جي
اخيرا ......عملت تست للاتنين على antutu 4 و كانت النتيجة تفوق s4 mini بسكور 19985 يعني حوالي 20000 مقابل 18100 بالعافية ل s3 بعد قفلنا كل حاجة ممكن تكون ساحبة من سورسات الجهاز

اشكر كل اللي نصحوني ب ال s4 mini

عندي سؤال اخير...نسخة الاندوريد على الموبايل 4.2.2 فهل هناك نسخة 4.3 بتدعم العربي و انزلها منين ؟؟ لاني جربت عن طريق الابديت من داخل الجهاز about device و قالي ان كده الجهاز متحدث للاخر......ولا ما فيش اصلا نسخة 4.3 لسه لل s4 mini لو حد نزلها ياريت يقولنا منين و هل هي كويسة ولا الواحد يطنش و مالهاش لازمة

happier

2014-02-17 (02:39:23PM)

الف مبروك gedr007 وأهلا بيك في العيلة....
فعلا الجهاز روعة وعن قناعة وبالنسبة للتحديث فلسه منتظرين .

midojeep94

2014-02-17 (07:49:27AM)

مبروك أ gedr007 علي الجهاز وانا برضة عندي نفس الاندرويد 4.2.2 ودة اخر تحديث حتي الان وان شاء الله عن قريب هينزل 4.3 ...... والف مبروك

gedr007

2014-02-17 (05:22:52AM)

RUICOSTA
اخي العزيز اسف ما شوفت ردك الجميل لاني كنت بكتب في ردي الاولاني
و بصراحة شرحك لتجربتك معاه كانت هي اساس اختياري ليه

gedr007

2014-02-17 (05:17:51AM)

zman2yahob
الله يبارك فيك و شكرا على مساعداتك الدائمة و فعلا الاصلي مافيش احسن منه و بالنسبة للاصدار 4.2.2 اللي على الموبايل اعتقد انه هو فعلا النسخة الاماراتي لان على كرتونة الموبايل استيكر ضمان سامسونج السعودية لاني عملت بنصيحة المجربين و اشتريت اللي من غير ضمان و الفرق 250 جنيه ممكن الواحد يشكل بيهم شوية اكسسوارات للموبايل كفر و شاحن عربية و اسكرينة و يفضل فلوس
ahk252
الله يبارك فيك و اكيد طبعا ان ال s3 حلو و انا ما قولتش وحش انا دايما بقول من وجهة نظري و هو مطلوب في السوق و الدليل انه اغلى حوالي 300 جنيه .. لكن كل واحد له تفضيلاته و احتياجاته و اللي انا عايزه من الموبايل ال s4 mini قدمه بتفوق و اكتساح

RUICOSTA

2014-02-17 (05:10:22AM)

اهلا بيك فى العائلة :D
جهاز جميل وشيك وحجمه مناسب جدا وسعره متوافق مع إمكانياته . والـ S3 برضك جهاز ممتاز ويكفى سمعته وسط المستخدمين وانه على ما أعتقد أخد جايزة أفضل موبايل فى العالم عام 2012

أستاذ zman2yahob يسمع منك ربنا وينزلنا تحديث 4.4 Kitkat

ahk252

2014-02-17 (02:01:57AM)

الف مبروك يا عم علي الموبايل .. وعلي فكرة الاس ثري حلو بردو

zman2yahob

2014-02-17 (01:22:50AM)

مبروك اخي الكريم علي الهاتف الجميل

تحديث 4.3 غير متوافر وان كنت اعتقد بشدة ان الهاتف سيتم ترقيته بشكل مباشر الي اصدار كيت كات
مثلما وعدت سامسونج

متوفر فقط الاصدار 4.2.2 نسخه الامارات لا تختلف عن ماهي علي هاتفك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S4 mini I9190

مقارنة

Android
4.3″

4.3 بوصة
3G

2G / 3G
8 MP, 32...
1900mAh

Li-Po 1900 mAh غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S4 mini I9190

Android

4.3″

3G

8 MP, 32...

1900mAh