stylish_samo
أحدث المشاركات
Motorola Moto G
2014-08-27 (08:06:27PM)
السلام عليكم ... لسة شارى الموبايل اول امبارح لاختى ... و حبيت اشارككم تجربة الشراء فقط و اسبوع كده هانقلكم فكرة كاملة عن الجهاز ...اشتريت الموبايل من موقع امازون عن طريق شركة ادفعلى ...تمنه شامل الضرائب و الجمارك و الشحن من امريكا الى مصر و نسبة الشركة 1700 جنيه نهائى خالص مخلص ...الموبايل وصلنى فى خلال 10 ايام من طلبه على الموقع ...الشركة بتبلغك اول باول بكل مرحلة فى عملية الشراء على الميل...الموبايل بيوصل لحد البيت عن طريق شركة runner's express ...الموبايل شريحة واحدة فقط و انا شخصيا اختارته لانه - بعد مراجعة اراء الناس على جى اس ام ارينا - افضل من اللى بشريحتين عشان الدوال سيم مشاكله كتير ...الموبايل صنع فى الصين و العلبة بيجى فيها بس وصلة يو اس بى ...بدون شاحن او سماعات ...على عكس اللى بشريحتين بيجى معاه سماعات و شاحن و الوصلة...الموبايل مساحته 16 جيجا و رام 1 جيجا و ده اغلى ب 300 جنيه من اللى مساحته 8 جيجا من على نفس الموقع مع العلم انه مبيركبلوش كارت ميمورى ...الشريحة بتاعته نانو يعنى لازم تغيرها فى الفرع او تقصها عند مختص ...الموبايل خاماته جميلة جدا ...كاميرا تحفة بالنسبة ل 5 ميجا ..شاشة تحفة و طبقة حماية جميلة و هو ضد المياه water proof...بيور اندرويد و ظبطه على مزاجك ...الكاميرا الامامية جميلة جدا ...صوته عالى و مسموع بوضوح و نقاء مذهل ...بصراحة الموبايل فاجئنى بالنسبة لسعره ... مع العلم انا كان معايا اس 3 و جراند 2 و اس 4 مينى و حاليا نوت 2 و ده طبعا فابلت يختلف عن باقى الموبايلات ...البطارية بشحن كامل 100 % تقعد معاك تقريبا 12 ساعة متواصلة وانت فاتح : البلوتوث - واى فاى - ميوزيك بلاير - موبايل 3جى داتا - بالاضافة ل 4 ساعات مكالمات منهم - ساعة ساب واى ...بيشحن بالكامل فى ساعة و ربع من 0% الى 100 % - الحرارة غير ملحوظة تقريبا - الشبكة جميلة جدا و افضل من كل الموبايلات اللى ذكرتهالكم ما عدا النوت 2 و طبعا ياريت نخرجه من المقارنة اصلا ...من افضل الاختيارات للبادجيت المتوسط ...راجعلكم كمان اسبوع
Sony Xperia SP
2014-08-01 (06:28:24PM)
محتار بين moto g 16 جيجا شريحة واحدة ..... و بين sony xperia sp 16 جيجا ... الاتنين قريبين جدا من بعض فى المواصفات ...و سعر الموتورولا بضمان دولى نفس سعر السونى بضمان محلى 1900 تقريبا او ممكن فرق بسيط ...ياريت حد استخدم واحد من الموبايلين يقولى ايه اهم عيوبه و شكرا جزيلاااا
Motorola Moto G
2014-08-01 (06:26:05PM)
محتار بين moto g 16 جيجا شريحة واحدة ..... و بين sony xperia sp 16 جيجا ... الاتنين قريبين جدا من بعض فى المواصفات ...و سعر الموتورولا بضمان دولى نفس سعر السونى بضمان محلى 1900 تقريبا او ممكن فرق بسيط ...ياريت حد استخدم واحد من الموبايلين يقولى ايه اهم عيوبه و شكرا جزيلاااااا
Samsung Galaxy Note 3 Neo
2014-07-26 (09:01:03AM)
كل سنة وانتم طيبين...انا بدور على موبايل بخطين و دخلت على صفحة note 3 neo duos ملقيتش حد متابعها و بصراحة قولت اكتب سؤالى هنا .... ايه الفرق بين النيو العادى و الدوز ...و هل الدوز اصلا فيه مشاكل او حد بيشتكى منه .... يعنى لو قارنته ب htc 816 تفتكروا مين يكسب؟؟ و شكرا جزيلا
Samsung GALAXY Note 3 Neo Duos
2014-07-26 (08:58:05AM)
كل سنة وانتم طيبين يا جماعة ...انا بدور على موبايل بخطين و دخلت على صفحة note 3 neo duos ملقيتش حد متابعها و بصراحة قولت اكتب سؤالى هنا .... ايه الفرق بين النيو العادى و الدوز ...و هل الدوز اصلا فيه مشاكل او حد بيشتكى منه .... يعنى لو قارنته ب htc 816 تفتكروا مين يكسب؟؟ و شكرا جزيلا
Samsung Galaxy S III I9300
2013-01-31 (06:30:38AM)
تحـــــــــــذيــــــــــــــر هــــــــــــــااام....
فى شركة صينية بتعمل موبايل اس 3 نفس الشكل و مواصفات تقريبا 70 % من ال اس 3 الحقيقى , و دايما التيكت مكتوب عليه مصنوع فى فيتنام ... شركة سامسونج رفعت قضية على الشركة دى لان التقليد للموبايل الاصلى عالى جدا و ممكن اى شخص ماستعملش الاس 3 الحقيقى ينخدع فيه ... الموبايل بيتباع فعلا فى السعودية بسعر 700 ريال يعنى تقريبا 1250 جنيه مصرى ... هاتعرف الموبايل ده من حاجتين مهمين جدا فى السوفتوير...
اول حاجة : ادخل بالترتيب على
setting >>>about device >>>status >>>serial number
هتلاقى مكتوب not available ...
تانى حاجة : اكتب #06#* فى اى موبايل ايا كان نوعه بيظهرلك رقم اسمه IMEI و الرقم ده زى البصمة لكل موبايل مش ممكن ابدا يتكرر...فوت اول رقم من اليمين و عد من بعده 6 ارقام بالضبط.. هى دى ارقام السيريال بتاع الموبايل اللى هتلاقيه فى الطريقة الاولى اللى ذكرتها و هى نفس الارقام على علبة الموبايل... فى الموبايل المضروب ده هتلاقيه مكتوب مرتين فوق بعض و بينتهى بالارقام دى غالبا 4 او 7 او 2 ( و ربنا يقدرنى و اجيب الرقم تحديدا)... المفروض انه يتكتب فى الموبايل الاصلى مرة واحدة / شهر الاصدار
اما فى الشكل الخارجى افتح ضهر الموبايل هتلاقى الخط و الكارت فى الموبايل المضروب مكانهم فوق البطارية ناحية الكاميرا ...اما فى الموبايل الاصلى هتلاقى الخط مكانه تحت البطارية...
و علشان تتاكد من كلامى و تعرف ان شبيه جدا بالموبايل الاصلى تقدر تدخل على اليوتيوب و تدور على samsung s3 clone
... انا مش خبير فى الموبايلات ولا حاجة بس اتعرض عليا الموبايل بسعر رخيص جدا و مغرى جدا و دورت شوية بنفسى لان اصحاب المحلات نفسهم ماعرفوش ده ايه و كله اجمع على انه مش صينى .... لدرجة ان توكيل سامسونج ماعرفوش ده ايه اصلا ... الحمدلله وصلت لشوية معلومات بسيطة على قدى و اللى تهمنى و اخدث قرار بعدم شراؤه و قررت انى اوضح تجربتى للناس علشان ماحدش ينخدع فيه... اسف على الاطالة و شكر !!
فى شركة صينية بتعمل موبايل اس 3 نفس الشكل و مواصفات تقريبا 70 % من ال اس 3 الحقيقى , و دايما التيكت مكتوب عليه مصنوع فى فيتنام ... شركة سامسونج رفعت قضية على الشركة دى لان التقليد للموبايل الاصلى عالى جدا و ممكن اى شخص ماستعملش الاس 3 الحقيقى ينخدع فيه ... الموبايل بيتباع فعلا فى السعودية بسعر 700 ريال يعنى تقريبا 1250 جنيه مصرى ... هاتعرف الموبايل ده من حاجتين مهمين جدا فى السوفتوير...
اول حاجة : ادخل بالترتيب على
setting >>>about device >>>status >>>serial number
هتلاقى مكتوب not available ...
تانى حاجة : اكتب #06#* فى اى موبايل ايا كان نوعه بيظهرلك رقم اسمه IMEI و الرقم ده زى البصمة لكل موبايل مش ممكن ابدا يتكرر...فوت اول رقم من اليمين و عد من بعده 6 ارقام بالضبط.. هى دى ارقام السيريال بتاع الموبايل اللى هتلاقيه فى الطريقة الاولى اللى ذكرتها و هى نفس الارقام على علبة الموبايل... فى الموبايل المضروب ده هتلاقيه مكتوب مرتين فوق بعض و بينتهى بالارقام دى غالبا 4 او 7 او 2 ( و ربنا يقدرنى و اجيب الرقم تحديدا)... المفروض انه يتكتب فى الموبايل الاصلى مرة واحدة / شهر الاصدار
اما فى الشكل الخارجى افتح ضهر الموبايل هتلاقى الخط و الكارت فى الموبايل المضروب مكانهم فوق البطارية ناحية الكاميرا ...اما فى الموبايل الاصلى هتلاقى الخط مكانه تحت البطارية...
و علشان تتاكد من كلامى و تعرف ان شبيه جدا بالموبايل الاصلى تقدر تدخل على اليوتيوب و تدور على samsung s3 clone
... انا مش خبير فى الموبايلات ولا حاجة بس اتعرض عليا الموبايل بسعر رخيص جدا و مغرى جدا و دورت شوية بنفسى لان اصحاب المحلات نفسهم ماعرفوش ده ايه و كله اجمع على انه مش صينى .... لدرجة ان توكيل سامسونج ماعرفوش ده ايه اصلا ... الحمدلله وصلت لشوية معلومات بسيطة على قدى و اللى تهمنى و اخدث قرار بعدم شراؤه و قررت انى اوضح تجربتى للناس علشان ماحدش ينخدع فيه... اسف على الاطالة و شكر !!
G-TIDE G12
2013-01-18 (04:07:41AM)
حزنت جدا للى حصل ده ... و بجد حاجة سخيفة ان حد يعمل هاك على موقع بيقدم خدمات لناس كتير من غير حتى توضيح اسباب ... مجرد انهم شوية عيال فرحانين بالهاك ... انا باطلب من الموقع انه يقدم شكوى او محضر رسمى فى شرطة الانترنت و اكيد مصممين الموقع يقدروا يثبتوا اللى حصل ده ... لان فعلا ماحدش بقى بيحترم قانون ولا خصوصية حد ... و اصبح فى تسيب اخلاقى و عدم احترام لاى مبادئ او اشخاص او اى قيم ... عموما حمدا لله على سلامة الموقع و نتمنى تحسنوا من برامج الحماية و الخدمات كمان ... و شكرا
Nokia 6260 slide
2009-11-13
يا جماعة التليفون دا كويس جدا بس هوا فيه حاجتين مش تمام اوى : الكاميرا بتاعته كفائتها مش زى الموبايلات اللى فيها نفس الكاميرا زى n95 او n85 بس هيا احسن من كاميرا 3.2 ... تانى حاجة السوفتوير بتاعه جافا مش سيمبيان و مفيهوش بروسيسور يعنى ميحملش عليه برامج كتير و دا بالنسبة للناس اللى بتحمل برامج كتيير جدا لكن الموبايل بيشغل ريل بلاير و وينامب و اى بادى وليه الالعاب بتاعته و ممتعه جدا ... استخدام عادى ... بس صوته حلو و شكله شيك اوى خصوصا الاسود ... وسعره 1300 جديد دا بعد عرض كارفور اللى خلص طبعا ... اسف طولت عليكو