عايز نصيحة الخبراء

للرجوع الي صفحة سامسونج GALAXY Note 3 Neo Duos الرئيسية اضغط هنا

stylish_samo

2014-07-26 (08:58:05AM)

كل سنة وانتم طيبين يا جماعة ...انا بدور على موبايل بخطين و دخلت على صفحة note 3 neo duos ملقيتش حد متابعها و بصراحة قولت اكتب سؤالى هنا .... ايه الفرق بين النيو العادى و الدوز ...و هل الدوز اصلا فيه مشاكل او حد بيشتكى منه .... يعنى لو قارنته ب htc 816 تفتكروا مين يكسب؟؟ و شكرا جزيلا

waleedsunny

2014-07-26 (03:45:52PM)

وحضرتك طيب
سبب عدم المتابعه فى الصفحه ان انا كاتب تقرير مفصل وواضح زياده عن اللزوم للموبايل ومقارنه بينه وبين ال 816 ومع ذلك بلاقى اعضاء تدخل على الصفحه تسأل أسئله متجاوب عنها فى التقرير
فعشان كده الواحد بيحس ان التقرير والتقييم للموبايل مالوش لزمه لان ماحدش من الاعضاء عايز يقراه لان لو كان قراه كان عرف اكتر من اللى هو محتاجه

stylish_samo

2014-07-28 (10:21:13AM)

معلش استاذ وليد ... اعذر جهلى لانى مليش او فى تصفح الموقع ده و يادوب باعرف ادخل اشوف اسعار الموبايلات و تعليقات الناس... و كدا كدا الامكانيات باعرفها من جى اسم ارينا ...و كتر خيرك يا سيدى على الرد ... بس انا بعدت عن النوت الدوال لان بصراحة لما اتفرجت عليه لقيت ان خامته وحشة جدا ...و لقيت فى موبايلات فى سعره تقريبا بامكانيات احسن حتى ولو كانت شريحة واحدة ... زى نيكسس 5 و جى 2...و كل سنة و انت طيب

waleedsunny

2014-07-28 (04:29:50PM)

انا مش عارف اللى انت شوفته ده ايه جايزيكون هاى كوبى
لان الجهاز خامته ماتفرقش خالص عن النوت ٣ العادى الفرق فى السعر بسبب اختلاف المواصفات فقط لاغير
ال جى طبعا ماركه محترمه جدااااا
لكن النيكسس ٥ شاشته اصغر من النوت والناس بتشتكى من البطاريه
وال جى جى ٢ طبعا جهاز جبار بس خلى بالك مابيركبلوش كارت ميمورى ومن غير قلم
غير ان فى قاعده عامة الشاشة السوبر اموليد مش هاتلاقى فى جودتها
الحاجه التانيه ان الاوبشن فى سامسونج تقريبا ضعف الاوبشن فى اى ماركة تانيه
غير توفر الاكسسوارات والدعم وقطع الغيار والصيانه بره التوكيل عادى وباسعار عاديه
لكن برده ال جى ماركة محترمه جدااااا واصبح ليها شعبيه وتواجد عالى فى السوق
والاختيار حسب اللى انت طالبه فى الموبايل يكون ايه
سعر
مقاس شاشه ونوعها
بخط ولا بخطين
بتفضل ماركة معينه ولا كله عادى
بتغير موبايلات بسرعه ولا بتثبت على موبايل كذا سنه
استخدامك للموبايل بشكل اساسى هايكون نت ومكالمات والعاب اد ايه
انت اللى بتحدد اللى هاتشتريه فى ضوء الاختيارات دى

تلك الخدمة مخصصة للأعضاء فقط