بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ iPhone 6
للرجوع الي صفحة الرئيسية اضغط هنا

تقييم شامل لل Iphone 6

jecko
2015-01-28 (08:25:23PM)
اولا هبدأ بمميزات الجهاز :-

- في البدايه اي حد هيمسك الايفون هيعرف يعني ايه جوده الخامات ، لما بستخدم الايفون بحس اني ماسك في ايدي موبايل نضيف خامات وشكل ، ومفيش طبعا خامات احسن من الالمنيوم اللي يعملوا بيها الموبايل ، وزجاج الكاميرا وزرار البصمه من زجاج الياقوت .
- اداء الجهاز مفيش بعد كده الصراحه ، في اجهزه تانيه في السوق سريعه وادائها كويس لكن مجربتش قبل كده جهاز بأداء الايفون 6 ، وبجانب اداء الجهاز كهارد وير ، سوفت وير ابل بيتميز بالعمليه والسلاسه وبيديلك كل اللي انت محتاجه مبيحطش حاجه ملهاش لازمه عشان متعملش زحمه على الفاضي وتتقل الجهاز .
- بالنسبه للكاميرا ، بدون مبالغه افضل كاميرا في سمارت فون هي كاميرا الايفون 6 ، انا قارنتها بنفسي مع اعلى هاتف من شركه سامسونج ال note 4 واعلى هاتف من شركه سوني ال z3 واعلى هاتف من شركه اتش تي سي ال m8 ولقيت ان اقلهم جوده كاميرا الاتش تي سي واعلاهم الايفون 6 ،، لما عملت مقارنه بين الايفون 6 والنوت 4 ومع ان الايفون 8 ميجابيكسل فقط والنوت 16 يعني الضعف بالظبط !! ولكن فعلا المقارنه دي اثبتتلي ان جوده الصوره مش بعدد الميجابيكسل على قد ما هو بنوع وجوده العدسه المستخدمه ،، صور الايفون تحس انها صور طبيعيه جدا، والمنظر اللي هتصوره زي مانت شايفه بعينك هيبان قدامك على شاشه الايفون بنفس الالوان ، لكن كاميرا السامسونج هتلاقي الالوان مختلفه تحس انها مصفره كده والالوان مبالغ فيها ، ده ميمنعش ان كاميرا النوت حلوه ولكن الايفون احلى .
- من اقوى الاسباب اللي خلتني اغير من ال 5s ( برغم انه جهاز ممتاز ) حجم الشاشه ، حجم الشاشه من وجهة نظري ده الحجم المثالي لجهاز محمول لو اكبر من كده بعتبره مبالغ فيه لأن ده في الاول والاخر موبايل مش تابلت ،، والوان الشاشه اصبحت اكثر وضوحا وسطوعا ، ورزيليوشن الشاشه 326 بيكسل لكل بوصه ومفيش حد هيحتاج عدد بيكسلات اكتر من كده ، لان اكتر من 300 بيكسل في البوصه لا يرى بالعين المجرده يعني محتاج عدسه عشان تشوفه ، يبقى ايه لازمتها الشاشات اللي وصلت لاكتر من 500 بيكسل في البوصه ، دي من رأيي دعايا للهاتف ليس اكثر ، انا بستخدم الايفون حاليا وعمري ماحسيت ان رزيليوشن الشاشه قليل ،، وطبعا التاتش مش هتكلم عليه ( افضل تاتش في سمارت فون ) .
- صوت الاسبيكر من الحاجات اللي عجبتني جدا في الموبايل صوته انقى واعلى من الموديل السابق ومجسم بتسمع صوت ال bass اللي في الاغنيه ، يعتبر افضل صوت موبايل بعد الاتش تي سي طبعا .
- الجهاز طبعا كأداء في الالعاب ومعالجه الرسوميات قوي جدا مفيش حاجه اسمها لعبه تقيله ولعبه بتهنج الجهاز وكل الكلام ده .
- الجهاز سمكه رفيع جدا ووزنه خفيف وزوايا الجهاز دائريه من جميع الجوانب وده بيدي راحه في استخدامه ، ومفيش اي قلق من موضوع ان الجهاز يتني وهو في الجيب والكلام ده انا كل يوم بخرج بيه وهو في جيبي .
- البصمه طبعا من اكتر المميزات اللي بيتميز بيها الايفون ، وسريعه جدا في الاستجابه ، ومفيش اي جهاز اخر من الاجهزه اللي حاولت تعملها عارفه تخليها بنفس الاداء اللي موجود في الايفون .

ثانيا بالنسبه للعيوب :-
- بروز الكاميرا الخلفيه ، وده بسبب سمك الجهاز الرفيع جدا ، والكاميرا مكونه من 6 عدسات فوق بعض ،، ولكن تقدر تتغلب على العيب ده بالجرابات ، لما تيجي تركب جراب تتأكد ان الكاميرا مبقتش بارزه منه عشان في جرابات بتبقى رفيعه جدا .
- البطاريه بعض الناس شايفاها ضعيفه ، لكن انا شايفها ادائها مرضي جدا ، وافضل قليلا من الموديل السابق ، وميزه البطاريه انها بتعيش لفتره طويله معاك بالسنين ، اجهزه تانيه كتير البطاريه مبتكملش سنه واقل وتبوظ ،

وكتقييم عام ومن وجهة نظري الجهاز ممتاز وفعلا يستحق الاقتناء
lozan
2015-12-09 (11:31:42PM)
سلام عليكم انا هابعت اجيب ايفون 6 بلس من امريكا فاكتورى انلوكد فمعروض عليا جديد ومعروض عليا معاد تصنيعه ايه الفرق؟؟ وثانيا ايه الفرق بين 6s and 6 plus??
jecko
2015-03-26 (02:23:49AM)
bassemking1023 على فكره كاميرا النوت ٤ قويه جدا برده م وبغض النظر عن الفيديوهات اللي فيها مقارنه بينهم انا جربت بنفسي كاميرا الموبايلين وعجبني كاميرا الايفون اكتر حسيتها طبيعيه اكتر، وطبعا دي وجهات نظر

omdamedo انا بالنسبالي الايفون ٦ افضل سمارت فون موجود حاليا ، وممكن ميكونش اعلى في كل حاجه ولكن اجمالا هو الاقوى ،، وحجم شاشته مناسب جدااا لتصفح النت والالعاب وكل حاجه
omdamedo
2015-03-18 (10:02:49PM)
تقييم رائع ياجيكو لاكن من استخدامك للايفون 6 وتجربتك له هل ترى انه افضل سمارت فون موجود حاليا مع العلم النوت4 من سامسونج منافس له وفى نفس المستوى وتقريبا سعرهم متقارب فهل الايفون6 متفوق على النوت4 فى كل شى وهل حجم شاشة الايفون6 كافية لتصفح الانترنت وعرض الصور والافلام
bassemking1023
2015-02-10 (02:30:31AM)
يااستاذ jecko انت بتقول ان كاميرا بتاعة الايفون 6 احسن من كاميرا بتاعة النوت4 ازاى على العموم ده فيديو يثبت العكس اضغط هنا لزيارة الرابط
jecko
2015-02-03 (09:21:45PM)
العفوا ياباشا :)
Elfwa7
2015-02-03 (01:40:24PM)
الف الف شكر يا جيكو ، وجزاك الله خيراً
jecko
2015-02-02 (10:08:21PM)
انا الشريحه بتاعتي كنت قاصصها وشغاله تمام ، اهم حاجه تقصها مظبوط ، او ممكن تروح اي محل موبايلات وتديله الشريحه وهو عنده زي جهاز صغير كده بيقص الشرايح لحجم النانو أو المايكرو
Elfwa7
2015-02-02 (09:50:45PM)
جزاك الله خير ع الرد ،، طيب معلش الشريحة المقصوصة ممكن تأثر على الموبايل ،، لانى مش لاقى شريحة نانو فى فرع اتصالات عندى هنا تكون جاهزة ،، ولا اركب الشريحة المقصوصة عادى ،
jecko
2015-02-02 (08:54:56PM)
Elfwa7 الله يبارك فيك ياباشا :) ،، ومبروك مقدما انشاء الله

بص بالنسبه للجيلبريك انا رأيي بعد ما يجيلك الجهاز انشاء الله وتستخدمه وحسيت ان التليفون في حاجه ناقصاه وعايز تزودها يبقى ساعتها اعمل الجيلبريك ، لقيت اوبشن التليفون انت مكتفي بيه يبقى بلاش تعمله
ولو عملت الجيلبريك دي حاجه متقلقش لأنه في اسوء الظروف لو تقلك الجهاز او وقع السوفت ممكن بسهوله تحمل سوفت جديد من الايتونز ويرجع الموبايل كأنه جديد
Elfwa7
2015-02-02 (06:54:56PM)
الف الف مبروك ياباشا وكنت منتظر تقييمك للجهاز ،،
وحابب أضيف حاجه مع احترامى لاراء الجميع ،، انا جربت اجهزة كتيرة وأنواع كتيرة واشكال كتيرة وأحجام مختلفة ،، لكن بصراحة او جهاز اشتريته وغير رأى خااااااالص عن جميع الأجهزة اللى مسكتها قبل كده كان الوحش ايباد 4 وبصراحة الفخامة والتميز لشركة ابل كان واضح جدااااا ابتداء من الخامات الى التناسق بين السوفت وير والهارد وير وطبعا ده بينعكس على اداء الجهاز بين أديك ، وده مش مميزات الايباد بس لان كان معايا ايفون 5s وكان نفس النظام فى القوة والشياكة والفخامة والاداء الرائع ،، وسيبك ياباشا من المواصفات على الورق وأمسك بإيدك اى جهاز ايفون وقارنه مع اى جهاز تانى ،، بجد قبل ماتبدأ المقارنة هتلاحظ الفرق فى التصميم وده أيد هينعكس على اداء الجهاز ،، بصراحة ابل شركة عملاقة واجهزتها تستحق الاقتناء بجدارة وده رأى الشخصى ،،
أدعيلى يا جيكو ان شاء الله الجهاز جايلى من دبى يوم ٢/٥ يعنى بعد ٣ ايام ان شاء الله ،، بس عاوز رايك فى الجلبريك يا جيكو اعمل للايفون جلبريك ولا لأ ؟ رأيك يهمنى يا باشا .
jecko
2015-02-01 (01:49:22PM)
هواوي ولينوفو والحاجات دي مش متفوقه على الايفون ولا حاجه ،، ممكن بس يكونوا بيعملوا بطاريات كبيره وبتعد فتره طويله ، لكن كأداء وسلاسه وكاميرا وكل حاجه مينفعش نقارن اصلا
HellMaker
2015-02-01 (02:54:57AM)
بس ازاي هواوي تتفوق عل ايفون انا عايز مقارنة فعلية ما بين الجهازين دة و mate 7 مش مقارنة ب كلام علي الورق
jecko
2015-01-29 (02:33:37AM)
Ahmed11refaat الله يبارك فيك ، وعلى فكره البطاريه اداءها كويس مش وحش بس طبعا الايفون 6 بلس بطاريته اقوى ،، ومبروك مقدما

SemsemSiR الله يبارك فيك :) ،، وانا قارنت بنفسي كاميرا الايفون 6 مع كاميرا النوت 4 وبالنسبالي كاميرا الايفون افضل لأن صورها بتبقى طبيعيه اكتر من السامسونج ، وطبعا دي وجهات نظر ،،
وانا مجربتش بصراحه البصمه بتاعت الهواوي ، ومعلش برده مش هقارن الهواوي بالايفون 6 ،، الحاجه الوحيده اللي جربتها كده بالصدفه في الهواوي الكاميرا الاماميه وكانت 5 ميجا بيكسل وقارنتها بالايفون اللي هي 1.2 ميجا بيكسل وكان في فرق شاااااسع لصالح الايفون !! فقفلت الجهاز وقولت انا ايه بعمله ده بقارن ايه بأيه ،، وطبعا دي وجهة نظري مع احترامي لكل وجهات النظر الاخرى
semsemSiR
2015-01-28 (10:15:06PM)
مبروك على الجهاز , بس هقولك لحضرتك تعليقين

السامسونج سواء اس 5 او نوت 4 افضل كاميرا فى السمارت فون حتى وقتنا هذا

البصمة , الايفون فقد الصدارة فى الموضوع دة , لان هواوى ascend mate 7 تفوق على الايفون 6

فى البصمة , واصبح الان افضل هاتف فى ( finger print )
AHMED11REFAAT
2015-01-28 (09:38:00PM)
تسلم علي تقيم يا باشا و مبروك تاني مره بس انا غيرت راي مش هشتري اي فون 6 عشان بجد حاسس انو مش مرضي بنسبا للبطارية و حجم ف هشتري اي فون 6 بلس و حكاية انو بيتني دي ناس كتير اعرفها معاها موب بتقولي موب مع جراب 10 / 10 و مفيش مشاكل و كمان قوه البطارية و حكم فى العاب و فيديوها و تصفح هيكون جميل جدا جدا جدا عن اي فون 6 ف قرارت اشتري اي فون 6 بلس
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل
معلومات سريعة عن Apple iPhone 6
  • IOS
  • 4.7″
    4.7 بوصة
  • 3G
    2G / 3G
  • 8 MP, 32...
  • 1810mAh
    Li-Po1810 mAh غير قابلة للازالة