تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ iPhone 7 Plus
للرجوع الي صفحة الرئيسية اضغط هنا

تقييم ايفون 7 بلس

jecko
2016-11-27 (04:39:02PM)
الحمد لله تم شراء هاتف ايفون 7 بلس 128 جيجا اسود مط
وده تقييمي للجهاز بعد استخدامي ليه حوالي ٢٠ يوم

المميزات :-
بالنسبه لخامات وشكل الجهاز طبعا كالمعتاد من شركة أبل انها اكتر شركات الهواتف اللي بتهتم بجودة الخامات من خامات داخليه وخارجيه

وكالعاده كل سنه أداء الايفون 7 وال 7 بلس أسرع اجهزة سمارت فون على مستوى العالم وبدون مبالغه وتقارير وريفيوهات جميع المواقع تشهد بذلك ، وللعلم ابل على مدار سنوات عديده فاتت كانت اسرع هاتف على مستوى العالم وهي بتستخدم معالج ثنائي النواه ورام ١ جيجا او ٢ جيجا العام الماضي فقط فمابالك بقى لما يكون المعالج الجديد رباعي النواه والرام ٣ جيجا لك ان تتخيل

الكاميرا تحفه وهي اقرب شئ للكاميرات المتخصصه واضافت ابل كاميرا اضافيه خلفيه لخاصيه الزوم البصري وفعلا بقدر اعمل زوم الى 2x بدون ما افقد شئ من جودة الصورة (شكرا ابل) والكاميرا فيها تحسن عن الموديل السابق بالرغم من ان الايفون 6s كاميرته ممتازه وتم زياده حجم البيكسل ، وهناك تحسن ملحوظ جدا في الكاميرا الاماميه وتم زياده عدد البيكسلات الى 7 ميجابيكسل لهواة التصوير السيلفي .

شاشة الجهاز جميله جدا والوانها ساطعه اكثر بقليل من الموديل السابق . ولو حد هيقولي في شاشات دلوقتي 2k و 4k فصدقوني دي كلها للدعايا فقط لأن شاشه الايفون 401 بيكسل في كل أنش ومفيش حد قبل كده اشتكى من قلة جودة الشاشه بالعكس دي من افضل الشاشات واكتر شاشه تظهر الصور على طبيعتها زي ما الانسان بيشوفها بعينه .

البصمة : سريعه سرعه غير عاديه وممكن وانت بتفتح الموبايل بالبصمه متلحقش تشوف ال lock screen . انا اول ما جبت الجهاز جربتها وهي عليها البلاستيك بتاعها وبرده اشتغلت . وفعلا افضل قارئ لبصمة الاصبع في سمارت فون على مستوى العالم

زرار الهوم الجديد : تطور جميل جدا في الجهاز وافضل بكتير من الزرار العادي اللي ممكن مع الاستخدام لفترت طويله يتقل او يبوظ وتحتاج تغيره لكن الزرار الجديد ده مش زرار اصلا ده قطعه ازاز زيها زي الشاشه وشغاله بخاصيه ال 3d touch ولما تيجي تدوس عليها الموبايل يهتز ويديك احساس كأنك دوست على زرار عادي وميزتها انها عمرها اطول بكتير من الزرار العادي

خاصية Taptic engine اسلوب جديد لنظام الاهتزاز وجعله متفاعل مع العديد من المهام في الهاتف

خاصية ال 3d touch بتختصر عليك حاجات كتير وفي برامج كتير جدا بدأت تستخدمها والعاب وهتلاقي نفسك اتعودت على استخدامها . فعلا ابل مش بتحط حاجه في الموبايل الا لما تبقى حاجه مفيدة للمستخدم مش مجرد اوبشن للدعايا فقط وغير مفيد في الاستخدام اليومي .

اصبحت هواتف ابل الجديده مقاومه للماء والغبار بمعيار ip 67 ودي خاصيه عمليه جدا ولكن من راي انها خاصيه للطوارئ فقط لو الجهاز مثلا وقع عليه مياه او ماشابه ذلك ولكن لا يعتمد على هذه الخاصيه في التصوير تحت الماء مثلا ، لأن ابل اعلنت ان ضمانها للجهاز لا يشمل الاعطال الناتجه عن المياه

اضافت ابل في هواتفها الجديده سماعتين سبيكر ستريو ، ومن وجهة نظري دي من اهم الاضافات في الهاتف ، صوتهم نقي جدا وعالي جدا وال bass قوي كسماعه موبايل

البطاريه اداءها ممتاز ، تكفي ليومين استخدام فوق المتوسط ، وتكفي ليوم كااامل استخدام مكثف


العيوب :-

الغاء منفذ السماعات ال 3.5mm

طول مدة الشحن اللي بتوصل من ٣ ساعات ونصف الى ٤ ساعات

حجم الهاتف كبير بالنسبه لحجم الشاشه فلا يوجد استغلال للمساحات الخارجيه بشكل جيد

بروز الكاميرا الخلفيه اصبح اكبر من السابق ، وذلك يتطلب العنايه في اختيار جرابات تكون مستواها اعلى من بروز الكاميرا للحفاظ عليها

واخيرا سعر الهاتف الحقيقه عالي جدا ، ولكن ده بقى حال كل الاجهزه حاليا


اتمنى يكون تقييمي للجهاز أفاد حضراتكم . واي استفسارات انا في الخدمه Jecko
marwan999
2018-03-30 (02:22:39AM)
بعد اذن حضارتكو.
انا معايا جهاز Oppo f3 وليا زميل عايز يبدل معايا الجهاز ب iPhone 6 plus استعمال 3 اشهر ولسه جايبه من بره اعمل اي انا محتار ابدل ولا جهازي احسن ولا اي ارجو الرد
mob4me
2018-04-03 (03:36:38PM)
marwan999 لو عندك تجربة مع نظام تشغيل IOS توكل علي الله لاكن لو ما عندكش منصحكش بالموضوع لانه مختلف خالص عن نظام الاندرويد
rozena
2016-12-05 (05:40:26AM)
تقييم ممتاز ورائع تسلم....ربنا يباركلك فيه يارب ويبعد عنك شره ويحفظك ويحفظ الفون من كل شر مبرووووووووووووك
rozena
2016-12-05 (05:40:21AM)
تقييم ممتاز ورائع تسلم....ربنا يباركلك فيه يارب ويبعد عنك شره ويحفظك ويحفظ الفون من كل شر مبرووووووووووووك
mob4me
2016-11-28 (03:21:14AM)
الف مبروك الموبايل ... ربنا يباركلك فيه
jecko
2016-11-28 (04:48:33PM)
الف شكر ياباشا الله يبارك فيك
jecko
2017-01-18 (02:37:54PM)
Rozena
الف شكررر ربنا يخليكي :)
Nouraramadan
2017-10-02 (01:15:19PM)
ممكن اعرف حضرتك اشتريت بكام ومنين
عوزة مكان موثوق فيه ف القاهرة وميكونش غالى ويكون مش تجميع
Nouraramadan
2017-10-02 (01:19:14PM)
وهل فيه توقيت معين للشراء يكون الاجهزة ارخص نقول موسم يعنى
ناس قالولى اشترى فى مارس او ابريل بتكون موديلات جديده نزلت والأسعار قلت فى القديم
ياترى ده صحيح او لا
ارجو الرد وشكراً
jecko
2017-10-05 (04:04:10PM)
انا اشتريت من السنه اللي فاتت
الجهاز حاليا سعره نزل عشان الموديل الجديد نزل
وأفضل سعر الايفون ٧ بلس ١٢٨ جيجا ١٤٥٠٠ جنيه
marwan999
2018-03-30 (02:22:23AM)
بعد اذن حضارتكو.
انا معايا جهاز Oppo f3 وليا زميل عايز يبدل معايا الجهاز ب iPhone 6 plus استعمال 3 اشهر ولسه جايبه من بره اعمل اي انا محتار ابدل ولا جهازي احسن ولا اي ارجو الرد
mehany
2017-10-26 (05:18:51PM)
كنت عايز اعرف يعنى ايه موبيل من غير جافا وايه فايدة الجافا دى مع خالص الشكر
mob4me
2017-11-12 (01:04:07AM)
الجافا دي كان بيتعمل بيها العاب و تطبيقات في الموبايلات القديمة ... زي لعبة الدودة الا في موبايلات نوكيا
mehany
2017-11-18 (08:34:23PM)
يعني لو في قدامي موبيل بس من غير جافا اشتريه ولا لا؟
mob4me
2017-11-19 (12:08:28AM)
الجافا حاليا مش مستخدمة اصلا .. تقدر تشتريه طبعا
mehany
2017-11-20 (07:14:30PM)
الف شكر تعبتك معايا
mob4me
2017-11-21 (03:59:22PM)
تحت امرك في اي وقت
porsche
2017-11-29 (09:00:44PM)
طب لو اودامى 6 اس بلاس ...اشتريه ولا الفرق يستاهل واجيب 7 بالمرة ؟ يعنى مقارنة كده بسيطة بين الاتنين فى البطارية والصوت والشاشة إلخ ...
jecko
2017-12-01 (04:00:35PM)
ال ٦ اس بلاس تليفون جميل طبعا

بس ال ٧ بلس اقوى منه بكتير
من حيث
الكاميرا الاماميه والخلفية والنوم
صوت سماعه المكالمات والسبيكر الستريو تحفه
زرار الهوم الجديد رائع
الوان الشاشه افضل
شكل خلفي افضل
أداء الجهاز اسرع بشكل ملحوظ
jecko
2017-12-01 (04:00:46PM)
ال ٦ اس بلاس تليفون جميل طبعا

بس ال ٧ بلس اقوى منه بكتير
من حيث
الكاميرا الاماميه والخلفية والنوم
صوت سماعه المكالمات والسبيكر الستريو تحفه
زرار الهوم الجديد رائع
الوان الشاشه افضل
شكل خلفي افضل
أداء الجهاز اسرع بشكل ملحوظ
porsche
2017-12-04 (06:34:13PM)
أشكرك JECKO كثيراً
mehany
2017-05-26 (12:23:18AM)
طب انهى احسن ايفون 7 بلس ولا ايفون 7 ؟
mob4me
2017-05-28 (01:55:28AM)
الافضل ايفون 7 بلس
jecko
2017-05-31 (03:53:47PM)
الايفون ٧ بلس افضل لعده اسباب :

حجم الشاشه
الرامات
البطاريه
الكاميرا الخلفيه المزدوجه
jecko
2017-12-28 (04:38:22PM)
العفوا يافندم
jecko
2017-12-28 (04:38:32PM)
العفوا يافندم
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك