ben_fathy

احدث المشاراكات

• 2016-09-16 (11:15:05PM) Sony Xperia Z3 Dual

  جهاز sony Z3 Dual استعمال حريمى خفيف
  الحالة واضحة فى الصور
  الموبيل يعمل بكفاءة عالية جدا Like New
  لا يوجد به اى خدوش
  فقط قطعة البلاستك الصغيرة المغطية لفتحة الشاحن بتنفصل عن الموبيل
  الجهاز بكل مشتملاته الاوريجينال
  والعلبة
  وجراب ضهر اصلى وبحالته
  الموبيل ضد الخدش ومع ذلك تم تركيب اسكربن بروتكشن له
  
  مطلوب : 2500
  
  الصور على الرابط ده
  

---

• 2015-02-25 (12:40:13PM) Samsung Galaxy E7

  اجيب له جراب منين يا جماعة ؟

---

• 2015-02-20 (09:07:05PM) Samsung Note 3 n9005

  اعتقد لم يعلن عن ميعاد محدد لكنه فى القريب العاجل لانه وصل لبعض الدول الاوروبية والاسيوية

---

• 2015-02-18 (05:31:23PM) Samsung Galaxy Note 3 N9002

  السلام عليكم
  هل الموبيل ده مازال يباع جديد حتى الان ؟ ام لا ؟

---

• 2015-02-18 (01:40:26AM) Samsung Note 3 n9005

  النوت افضل فى الرامات لان يمتلك رام 3 جيجا بينما ال7 يمتلك 2 جيجا رام
  النوت اكبر فى الشاشة 5.7 اما ال7 شاشته 5.5
  النوت يمتاز بالS Pen القلم التحفة فى الاستخدام واللى بيسهل حاجات كتير
  النوت يمتلك بروسيسور 2.3 رباعى بينما ال7 يمتلك اتنين بروسيسور رباعى 1.5 و 1 وبيشتغلوا الاتنين فى بعض التطبيقات تقريبا دون الاخرى
  النوت شريحة واحده بينما ال7 شريحيتن
  النوت غير متوفر بكثرة هذه الايام خصوصا نسخة ال4G بينما ال7 متوفر وبالضمان

---

• 2015-02-17 (09:49:13AM) Samsung Note 3 n9005

  الله يباركلك يا استاذ ميدو
  - جبت فعلا اسكرينة زجاج ضد الكسر من الاخ اللى اشتريت من الموبيل وما اعرفش نوعها بس هى ب25 ج وبتتباع فى المحلات فوق ال40 ج
  
  - مش بحب الاسمارت كافر بس طلبت من احد اقاربى فى المقيم فى كندا انه يحجزلى كفر معدن بس رائع واتحجز وجايلى قريبا ان شاء الله ، شوف الكفر المعدن من الفيديو ده
  
  
  - اما بخصوص الراديو فهو بصراحه مش من اهتماماتى عشان كده عمرى ما جربت انزل اى سوفت له او حتى استعمل الراديو فى الموبيلات اللى كان فيها راديو ، لكن بصفه عامة فاستهلاك الصوت من النت شئ بسيط جدا ما تقلقش من استهلاكه خالص
  
  وشكرا وربنا ييسرلك امورك كلها

---

• 2015-02-15 (04:06:19PM) Samsung Note 3 n9005

  العدة اكثر من ممتااااااااااازة
  وانا كلمت هارد فعلا وقالى انهم عاميلين اتفاق مع الوتيدى وان الموقع له خصم
  بس لما كلمت الوتيدى قالى 4150 ضمان دولى ( يعنى بدون ضمان )
  وسيلكت 4500 ج بضمان محلى 12 شهر من وكيل سامسونج فى مصر ( يونيون جروب )
  فانا بصراحه لو كان المبلغ وصل لفوق ال4000 ج كنت هزود ال300 ج واجيب الضمان المحلى المضمون 100%
  اما انا اشتريت موبيل بدون ضمان وفرق اكتر من 1000 ج عن اللى بدون ضمان بردوا
  الموضوع يرجعلك انت وامكانياتك المادية
  لكن بصدق العدة اللى انا جبتها اكثر من رائعة وربنا يبارك فى الناس المحترمة

---

• 2015-02-15 (12:34:29PM) Samsung Note 3 n9005

  بص يا ميدو
  انا قلقت من موضوع الضمان الدولى ده خصوصا ان خلاص الموبيل مش موجود منه اصلا جديد وفى ناس شككونى فى الجديد اللى موجود فى مصر وان المصريين هما اللى مغلفينه وانه مش جديد
  - فانت عندك حل من اتنين
  1- تروح تشتريه من سيلكت ب4500 ج بضمان محلى ( يونيون جروب ) وده طبعا ما فيش فيه شك
  2 - تشتريه من الامارات او السعودية
  
  - انا بالنسبالى ربنا كرمنى واتعرفت على واحد فى عين شمس بيجيب من الامارات بدون كرتونة بس معاه السريال طبعا ، والموبيل زيرو ومعاه كل مشتملات العلبة ( ادابتور اوريجينال ثلاثى + سماعة + وصلة usb3 ) ، انا رحتله عين شمس وكان عنده جهازين 4G اشتريت واحد منهم بسعر 3400 ج والموبيل اصلى ورحت به لواحد جارى بتاع موبيلات بعد ما انا اختبرته وفعلا شكرلى في الموبيل الحمد لله ، عيب اخونا ده ان الشغل لو خلص هتنتظر فترة كبيرة على ما يجيب تانى
  
  - بخصوص الجديد اللى بدون ضمان فى ناس على النت ( دوبيزل ) بتعرض ب3600 بالكرتونة متبرشم وده سعر لم اسمعه قط وسعر يقلق لانى نزلت شارع عبد العزيز سمعت سعر 3850 و 3950 و 4050 - بس اللى كان عنده ال4050 ده بصراحه تغليفه كان مختلف تحس انه فعلا اوريجنال عن الباقى اللى انا شوفته فى السوق وعلى النت ومارضيش ينزل عن 4050 بعد ما كان طالب 4100 ولو كان وافق على 3900 كنت اشتريته
  
  ده ملخص تجربتى الفترة اللى فاتت دى
  وربنا ييسرلك امورك يا رب

---

• 2015-02-15 (12:13:04AM) Samsung Note 3 n9005

  فعلا يا سامح الموقع اتأخر شوية على ما نزل الموبيل بتعنا بس ما اتاخرش كتير ده سنة وكام شهر بس هههههه

---

• 2015-02-14 (02:37:20PM) Samsung Note 3 n9005

  النسخة متوفرة هناك وموجودة على سوق كوم الامارات
  النسخة دى قليلة جدا هنا فى مصر
  وبخصوص الS5 فانا بحب النوت بشكل عام عشان مرونة القلم لانى بستعمله كتير

---

• 2015-02-13 (10:35:32AM) Samsung Note 3 n9005

  فى الامارات فى حدود ال1700 درهم بما يعادل 3400 ج
  وسعره لسه عالى لان الNote 4 نازل قريب جدا من مواصفات الNote 3 مع فارق بسيط فى البروسيسور وفارق عالى فى السعر مما يعطى الحياة للNote 3 لفترة اطول
  الجهاز ده سيظل ينافس لاكثر من ثلاث سنوات قادمة

---

• 2015-02-11 (08:30:23AM) Samsung Note 3 n9005

  السلام عليكم
  قررت انشترى الموبيل ده ان شاء الله - وبالاستفسار عن اسعاره
  ...::: بضمان :::...
  - بضمان فى سيلكت ( جراب + سكرينة + سماعة بلوتوث ) هدية = 4888
  - بضمان فى سيلكت وبدون هدايا = 4450
  - بضمان فى هايبر وان = 4777
  ...::: بدون ضمان :::...
  - بدون ضمان سمعت فيه اسعار ( 3600 - 3700 - 3900 - 3950 - 4150 )
  وهو فيتنامى والكرتونة متبرشمة وضمان دولى
  لسه لم اقرر هشترى ايه :(
  وشكرا

---

• 2014-11-16 (07:43:07AM) LG Nexus 4 E960

  السلام عليكم
  انا الحمد لله نزلت اخر نسخة من اندرويد وهى Lollipop وشغالة ممتاز على الموب ده - لكن فى مشكلة بتقابلنى من ايام الكيت كات اللى كان مع الموبيل اول ما اشتريته وهى ان حرف الI فى الكيبورد الانجليزى وحرف الميم و الحاء فى الكيبورد العربى لا يعملوا فى الوضع الرئسى للموبيل ولابد من تحويل الموبيل للوضع الافقى كى اتمكن من كتابة هذه الاحرف
  فهل احد قابل هذه المشكلة ؟
  وهل لها حل ؟
  وجزاكم الله خيرا
  
  اخيرا - رابط تحمل نسخة Lollipop الاصلية من على جوجل لمن يريد تنزليها على موبيله
  

---

• 2014-11-16 (07:37:11AM) LG Nexus 4 E960

  موجود الان على سوق كوم ب1500 ج تقريبا - بعد ان كان مختفيا

---

• 2014-08-15 (07:42:44PM) LG Nexus 4 E960

  السلام عليكم
  اشتريت الموبيل جديد من سوق السعودية
  
  فى عندى مشكلتين
  
  بعد اضافة العربى اكتشفت ان حرف ( خ ، م ) مش شغالين فى الكيبورد وهى بالوضع الراسى وبتشتغل لما اعمل تدوير للموبيل فتشتغل فى الوضع الافقى والحرفين يشتغلوا
  
  المشكلة التانية وهى صعوبة فى فتح المكالمة عند اتستقبالى لمكالمة - بعد 4 او 6 سحبات لفتح الخط تفتح ويمكن ما تفتحش لغاية ما الرنة تنتهى
  
  انا عملت ابديت ب4.4 فهل ده من الابديت ؟
  
  ارجوا الافادة من اهل الخبرة
  
  المشكلتين دول عمليلى قلق فعلا

---