هذا الموضوع مرتبط بـ Note 3 n9005

معلومات عن اسعار الموبيل

ben_fathy

2015-02-11 (08:30:23AM)

السلام عليكم
قررت انشترى الموبيل ده ان شاء الله - وبالاستفسار عن اسعاره
...::: بضمان :::...
- بضمان فى سيلكت ( جراب + سكرينة + سماعة بلوتوث ) هدية = 4888
- بضمان فى سيلكت وبدون هدايا = 4450
- بضمان فى هايبر وان = 4777
...::: بدون ضمان :::...
- بدون ضمان سمعت فيه اسعار ( 3600 - 3700 - 3900 - 3950 - 4150 )
وهو فيتنامى والكرتونة متبرشمة وضمان دولى
لسه لم اقرر هشترى ايه :(
وشكرا

soha

2015-02-20 (11:14:39AM)

تسلم ياذوق ومبروك الموبيل وعقبالنا يارب

Medo055

2015-02-17 (07:55:19AM)

ريبارك ليك فى العدة
بس ياترى جبتلها اسكرينة ضد الكسر انهى نوع ومنين وبكام؟
كمان اشتريت ليه سمارت كفر ولا لا ومنين بردوا وبكام؟
كمان انا بسافر كل يوم وبحب اسمع الراديو فى الطريق وللاسف النوت 3 مفهوش راديو بس قالوا ليا اقدر انزله برنامج راديو يشتغل عن طريق النت فكنت عايز اعرف لو نزلته يستهلك قد ايه من الرصيد ؟
يعنى لو شغلته مثلا ساعة يسحب قد ايه من الرصيد؟

ben_fathy

2015-02-15 (04:06:19PM)

العدة اكثر من ممتااااااااااازة
وانا كلمت هارد فعلا وقالى انهم عاميلين اتفاق مع الوتيدى وان الموقع له خصم
بس لما كلمت الوتيدى قالى 4150 ضمان دولى ( يعنى بدون ضمان )
وسيلكت 4500 ج بضمان محلى 12 شهر من وكيل سامسونج فى مصر ( يونيون جروب )
فانا بصراحه لو كان المبلغ وصل لفوق ال4000 ج كنت هزود ال300 ج واجيب الضمان المحلى المضمون 100%
اما انا اشتريت موبيل بدون ضمان وفرق اكتر من 1000 ج عن اللى بدون ضمان بردوا
الموضوع يرجعلك انت وامكانياتك المادية
لكن بصدق العدة اللى انا جبتها اكثر من رائعة وربنا يبارك فى الناس المحترمة

Medo055

2015-02-15 (01:12:24PM)

بص يا سيدى انا سالت هارد تايم وقالى على محل الوتيدى وانه محل محترم وهلاقى عنده اللى عايزه وبسعر 3850 وكمان معاه فاتورة وضمان 14 يوم
اما شارع عبد العزيز والسراج مول انا مفكرش اروح هناك ابدا واجيب منهم سواء بالضمان او بدون ضمان لان كتير بيشتكى منهم فعشان كده مكبر دماغى منهم
بس ممكن تقولى اخبار العدة معاك ايه بعد تجربتك ليها وعامله ايه فى ادائها وسرعتها على النت وكشغل عادى

ben_fathy

2015-02-15 (12:34:29PM)

بص يا ميدو
انا قلقت من موضوع الضمان الدولى ده خصوصا ان خلاص الموبيل مش موجود منه اصلا جديد وفى ناس شككونى فى الجديد اللى موجود فى مصر وان المصريين هما اللى مغلفينه وانه مش جديد
- فانت عندك حل من اتنين
1- تروح تشتريه من سيلكت ب4500 ج بضمان محلى ( يونيون جروب ) وده طبعا ما فيش فيه شك
2 - تشتريه من الامارات او السعودية

- انا بالنسبالى ربنا كرمنى واتعرفت على واحد فى عين شمس بيجيب من الامارات بدون كرتونة بس معاه السريال طبعا ، والموبيل زيرو ومعاه كل مشتملات العلبة ( ادابتور اوريجينال ثلاثى + سماعة + وصلة usb3 ) ، انا رحتله عين شمس وكان عنده جهازين 4G اشتريت واحد منهم بسعر 3400 ج والموبيل اصلى ورحت به لواحد جارى بتاع موبيلات بعد ما انا اختبرته وفعلا شكرلى في الموبيل الحمد لله ، عيب اخونا ده ان الشغل لو خلص هتنتظر فترة كبيرة على ما يجيب تانى

- بخصوص الجديد اللى بدون ضمان فى ناس على النت ( دوبيزل ) بتعرض ب3600 بالكرتونة متبرشم وده سعر لم اسمعه قط وسعر يقلق لانى نزلت شارع عبد العزيز سمعت سعر 3850 و 3950 و 4050 - بس اللى كان عنده ال4050 ده بصراحه تغليفه كان مختلف تحس انه فعلا اوريجنال عن الباقى اللى انا شوفته فى السوق وعلى النت ومارضيش ينزل عن 4050 بعد ما كان طالب 4100 ولو كان وافق على 3900 كنت اشتريته

ده ملخص تجربتى الفترة اللى فاتت دى
وربنا ييسرلك امورك يا رب

Medo055

2015-02-15 (12:39:25AM)

عايز اشتريه يا جماعه بس بدون ضمان ياريت حد يقولى على افضل مكان باقل سعر اشتريه منه بدون ضمان وكمان اجيب انهى اسكرينة ازاز اللى ضد الكسر ليه ومنين وكمان سمارت كفر بتاعه اجيبه منين؟

ben_fathy

2015-02-14 (02:37:20PM)

النسخة متوفرة هناك وموجودة على سوق كوم الامارات
النسخة دى قليلة جدا هنا فى مصر
وبخصوص الS5 فانا بحب النوت بشكل عام عشان مرونة القلم لانى بستعمله كتير

soha

2015-02-13 (06:59:24PM)

طب نسخه ال4g هتبقى متوفره فى الامارات ولا قليله زى هنا وانت متاكد من السعر ده فى الامارات لان فى فرق كبير اوى بين سعره هناك وهنا
وبالنسبه لل s5 احسن ولا نوت 3 بصفه عامه لانى لاحظت ان كاميرا s5 اعلى من النوت 3
وشكرا على ردك

ben_fathy

2015-02-13 (10:35:32AM)

فى الامارات فى حدود ال1700 درهم بما يعادل 3400 ج
وسعره لسه عالى لان الNote 4 نازل قريب جدا من مواصفات الNote 3 مع فارق بسيط فى البروسيسور وفارق عالى فى السعر مما يعطى الحياة للNote 3 لفترة اطول
الجهاز ده سيظل ينافس لاكثر من ثلاث سنوات قادمة

soha

2015-02-12 (01:54:10PM)

شكرا على الافاده بس هو ليه سعره لسه عالى كده ده نازل بقاله فتره ونزل النوت فور....وياتري عندك فكره فى الامارات هيبقي بكام؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Note 3 n9005

مقارنة

Android
5.7″

5.7 بوصة
3G

2G / 3G
13 MP, 4...
3200mAh

Li-Po 3200mAh قابلة للازالة

مزيد من المعلومات

الموبايلات

معلومات عن اسعار الموبيل

التسجيل بالموقع

دخول الاعضاء

معلومات سريعة عن Samsung Note 3 n9005

Android

5.7″

3G

13 MP, 4...

3200mAh