تقرير عن تحديث 4.4.2 كيت كات (أحمد محمد)

للرجوع الي صفحة سامسونج Galaxy S4 I9500 الرئيسية اضغط هنا

أحمد محمد

2014-05-02 (06:18:25PM)

بسم الله الرحمن الرحيم
التحديث حجمه 460.80 ميجا
ممكن يتحدث عن طريق الكيز أو من الهاتف نفسه
أنا حدثت من الهاتف

الفروق بسيطة جدا
دي تفاصيل التحديث بتظهرلك بعد إكتمال التحميل و قبل ما تضغط تثبيت

أول فرق هتلاحظه إن البار بقى لون واحد و هو الأبيض
ركز على ال notifications bar فوق
قبل التحديث

بعد التحديث

في ناس شايفة إن كده بقى شكله أحسن
لكن أنا رأيي إن قبل التحديث أحسن

شكل ال lock screen إتغير لما تكون مشغل ال music player
قبل التحديث

بعد التحديث

او لو الاغنية ليها صورة بيعرضها خلفية لل Lock

إستهلاك الرام إتحسن بعد التحديث بفارق بسيط
لما تعمل كلير بعد التحديث :

الأداء إتحسن عن الأول بفارق بسيط
على AnTuTu السكور زاد 1000 بعد التحديث

و البطارية إتحسنت لكن بفارق بسيط أيضا

و الثبات إتحسن كتير جدا

خاصية ال multi window شكلها لم يتغير لكن بقت قريبة جدا من النوت 3 في الخصائص بتاعتها

الجهاز بقى يقرأ الذاكرة كده

لكن مفيش إختلاف فعلي في الذاكرة المتاحة

لما تفتح حاجة و تختار بين التطبيقات
بتلاقيه مظبوط على آخر تطبيق إختارته .... يعني فقط محتاج تضغط على "مرة واحدة فقط"
شوف الصورة دي هتفهم

لما تفتح الإعدادات تلاقيها على آخر صفحة كنت فيها

ده اللي أنا خدت بالي منه لحد دلوقتي
لكن نقدر نقول لو في فروق تانية هتبقى غير ملحوظة للمستخدم

بس أنا حاسس بـ تحسن في الكاميرا في الإضاءة المتوسطة و الضعيفة
و تحسن في قوة الفلاش !!!!!
مش عارف إزاي لكن بجد والله العظيم لاحظت كده و خصوصا الفلاش !

سبحان الله يا أخي ....... مفيش حاجة كبيرة على ربنا :D

اللي خايف من التحديث يتوكل على الله و يحدثه
هو مش هيعمل فروق كبيرة لكن في فروق صغيرة للأفضل إن شاء الله

أحمد محمد

2014-05-02 (06:34:23PM)

طبعا أنا مجاليش جرأة أحدث إلا بعد ما قرات تقييم العضو المميز youssef shabana

إقرأوه برضو لمزيد من الإفادة

youssefshabana

2014-05-02 (08:57:47PM)

شكرا ليك يا باشا علي التقرير فعلاً تقرير متميز وانا استمتعت جدا وانا بقرأه الي اﻷمام دائما :)

أحمد محمد

2014-05-02 (11:51:09PM)

الله يخليك يا يوسف ... و إلى الامام كلنا ان شاء الله

توضيح بسيط يا جماعة ان لما تفتح الاعدادات مش بتلاقيها على آخر صفحة كنت فيها
جربتها تاني مطلعش الموضوع كده