بدور علي ايه؟ اكتب رقم موديل الموبايل الابدور عليه
ahmedkingahmed
احدث المشاراكات
-
2013-04-29 (07:05:08PM) Samsung Y Pro Dous B5512
الموبيل ده مش موجود حاليا في السوق خالص تقريبا اتوقف اصداره لكن ممكن تلاقيه في المحلات الغير معروفه في الاماكن البعيده يعني ابعد عن المناطق المعروفه بمحلات الموبيلات
لاني جبته من محل في بلد صغيره اووي كنت مسافر شغل ليها في الصعيد وقالي ده عندي تلاته منه تاني قلتله ده مش موجود في القاهره قالي لا ده انا عندي بقاله اكتر من 6 شهور مبعتش منهم ولا جهاز واحد فمش هتلاقيه غير في محلات زي كده -
2013-04-24 (12:29:41PM) Samsung Galaxy S III I9300
السلام عليكم ورحمه الله وبركاته
انا عندي جلاكسي اس ثري الكبير مش الميني
لون ازرق رخامي
شاريه من توكيل سامسونج بفاتورته ولسه في الضمان وعليه الاسكرين من التوكيل يعني شاشته الاصليه متلمستش خالص لان ركبت عليه لاسكرين في التوكيل وقت ما اشتريته ومحتااج ابيعه دلواتي لو حد حابب يشتريه هو لسه زي ما هو بحالته وكل مشتملاته والضمان معاه باقي فيه كم شهر لسه انا اشتريته 4230 من توكيل سامسونج ومحتاج ابيعه دلواتي لو حد حابب يشتريه انا تحت امره -
2013-04-23 (02:53:16PM) Samsung Galaxy S III mini I8190
السلام عليكم ورحمه الله وبركاته
انا عندي جلاكسي اس ثري الكبير مش الميني
كاميرا 8 ميحا لون ازرق رخامي
شاريه من توكيل سامسونج بفاتورته ولسه في الضمان وعليه الاسكرين من التوكيل يعني شاشته الاصليه متلمستش خالص لان ركبت عليه لاسكرين في التوكيل وقت ما اشتريته ومحتااج ابيعه دلواتي لو حد حابب يشتريه هو لسه زي ما هو بحالته وكل مشتملاته والضمان معاه باقي فيه كم شهر لسه انا اشتريته 4230 من توكيل سامسونج ومحتاج ابيعه دلواتي لو حد حابب يشتريه انا تحت امره -
2013-04-22 (04:18:04PM) Alcatel OT-997D
السلام عليكم ورحمه الله وبركاته
استاذي الفاضل الاستاذ / draboeyad
انا عملت الاب جريد للجهاز من الكمبيوتر اخد معايا حوالي 57 دقيقه بس انا لاحظت ان بس يعتبر الجهاز اتفرمت زي اعدادات المصنع يعني زي ما عملتله قبل كده اعاده ضبط المصنع يا تري بعد الاب جريد هتختفي منه المشكله الي كانت بتظهر فيه ولا ابيعه احسن واريح نفسي بقا منه وخلاص وبعدين عندي برنامج واتس اب نازل على الكارت مش على الجهاز عاوز اشغله بس مش عارف ازاي لانه مش نازل في البرامج لان طبعا انا عامل حساب على لجوجل فبينزل البرامج الي موجوده على حسابي في جوجل بس مش فيهم الواتس اب فبحاول اني اشغله من الكارت بلاقي بس السورس بتاعه لكن التشغيل مش بيكون فعال فهل ليه طريقه لكده ولا لازم برده انزله مره تانيه -
2013-04-21 (02:49:56PM) Alcatel OT-997D
يعني انزله عن طريق الواي فاي ولا اجدد باقه الانترنت علشان يبقا سريع
-
2013-04-21 (12:28:20PM) Alcatel OT-997D
صباح االخير
الاستاذ موجاماي كول انت بتقول في رسالتك
أعمل تحديث بواسطة اداة الترقية one touch upgrade s 2-7-5
ياريت حضرتك تقولي ازاي اعمل التحديث الي حضرتك بتقول عليه ده واعمله منين بالضبط في الموبيل
وشكرا لاهتمامك -
2013-04-21 (01:26:32AM) Alcatel OT-997D
لا انا مش منزل برنامج الفايبر ولا حاجه
هو بيعلق يعمل عدم استجابه يديني رساله ان الاندرويد غير مستجيب وممكن اكون بتكلم في المكالمه عادي بس اول ما بتطلع الرساله دي بيفضل الجهاز كده معلق لغايه ما اشيل البطاريه واحطها مره تانيه غير كده يفضل معلق وعملتله فورمات واعاده ضبط المصنع اكتر من مره يشتغل كم يوم كويس وبعد كده يعملها تاني ودلواتي خففت جدا البرامج الي منزلها عليه تقريبا معنديش غير الواتس اب والفيس وياهو وتراست وانتي فيروس
ومعتقدش ان البرامج دي تقيله عليه يعني للدرجه دي فانا مبقتش عارف ده عيب في الجهاز ده بس ولا في الموديل كله بصفه عامه وبصراحه الموضوع ده زهقني من التلفون بجد وهيخليني افكر ابيعه ده الاس ثري بقاله معايا سنه اهو مفيش فيه اي مشكله زي كده خالص -
2013-04-20 (02:27:11PM) Alcatel OT-997D
السلام عليكم ورحمه الله وبركاته
ازيكم يا جماعه
انا الجهاز عندي رجع تاني يعمل عدم استجابه للاندوريد او عدم استجابه للنظام كان الاول بيعملها وانا بتكلم فيه لمده طويله وفرمته ودلواتي بقا يعملها مع نفسه كده لوحده حتى وانا مش بتكلم فيه ولا مشغل نت ولا اي شئ حد يعرف ايه سبب المشكله دي او اعالجها ازاي مع الرغم اني فرمته وعملتله اعاده ضبط المصنع اكتر من مره لكن بعد كم يوم يرجع يعمل نفس الموضوع تاني وبصراحه انا مش هاروح التوكيل لانهم مش كويسين في التعامل واخرهم برده هيفرمتوا الجهاز مش اكتر -
2013-04-01 (06:04:05PM) Alcatel OT-997D
موجود فين برنامج cloud backup انا دورت عليه في الاعدادت مش موجود ياريت حضرتك تقولي موجود فين بالضبط في الموبيل
-
2013-04-01 (05:51:24PM) Alcatel OT-997D
السلام عليكم ورحمه الله
اولا انا بشكرك يا جماعه بجد على ردكم على استفساري وبجد والله ربنا يخليكم وتكونوا دائما في مساعده الغير وربنا يجازيكم بكل خير والله
بالنسبه لموضوع ضبط المكالمات فانا مش عامل اي تحويل او ضبط للمكالمات لان بالفعل الجهاز كان شغال عادي جدا مفيش في اي حاجه وكانت ممكن تكون المكالمه ساعه كامله بدون اي مشاكل وتاني حاجه ان امبارح لما جربت مره تانيه لقيته عمل نفس التعليق ده بس بعد ما كان على الدقيقه 24 بقا على الدقيقه 33 دقيقه فالموضوع بعيد خالص عن التحويل وضبط المكالمات
وثاني حاجه انا بالفعل عامل حساب على جوجل بلاي فلو عملت رستارت للجهاز بمجرد ما ارجع اسجل الحساب بتاعي مره تانيه على الموبيل هينزلي البرامج ومش هي مشكلتي في البرامج او الاسماء خالص المشكله الي انا بتكلم فيها معني الي بيعمله الجهاز كده انه غير مؤهل انه يتحمل اي برامج تكون عليه ويشغلها لان انا عندي جلاكسي اس ثري وتقريبا هما قريبين جدا من بعض في المواصفات مع اختلاف الذاكره والرام لكن مش بعاني فيه المشكله دي خالص
لكن بالنسبه لبرنامج trust go انا بحثت عنه لقيته برنامج حمايه انتي فيروس فمش عارف اذا كان هو ده الي حضرتك بتقصده او لا
وانا فعلا عاوز اعمل نسخه من البرامج على كارت الميموري ياريت حضرتك تقولي على الطريقه بالتفصيل وبكرر شكري ليكم يا جماعه وبشكر ليك تسجيلك يا استاذي مودي فاير وجزاكم الله كل خير -
2013-03-31 (05:16:46PM) Alcatel OT-997D
وبعدين لو اشتغل من غير تحميل اي برامج يبفا ايه لزمه بقا امكانياته والنت والواي فاي وكل ده لو علشان يشتغل ميكونش عليه برامج
-
2013-03-31 (05:15:07PM) Alcatel OT-997D
انا فكرت في كده فعلا اني اعمل اعاده ضبط المصنع وعملتها مره قبل كده بس كل حاجه على التلفون كده بتتمسح وتبقي كده تاني مره اعمله ضبط المصنع في اقل من اسبوعين ده لو كده يبقا بجد موبيل زباله اوووووي
-
2013-03-31 (05:11:01PM) Alcatel OT-997D
تدخل على السيتنج وبعد كده الاودبو بروفايل وتختار صوت نغمه الرنين وهتلاقي كل النغمات الموجوده على الموبيل وعلى الكارت تختار النغمه الي انت عاوزاها
-
2013-03-31 (05:03:09PM) Alcatel OT-997D
يا جماعه السلام عليكم اولا
انا امبارح حصلت معايا حاجه غريبه جدا في ال 997d ان اثناء المكالمه اول ما يوصل للدقيقه 24 في المكالمه بس تكون المكالمه متواصله طبعا التلفون بتظهر عليه رساله بتقول ان تطبيق الاندرويد غير مستجيب وبيدي اختيارين واحد انتظار والتاني اغلاق التطبيق المهم مع ان المكالمه بتكون لسه شغال يعني سامع صوت الطرف الاخر وهو سامعني كويس لكن بمجرد ما بختار اي اختيار من الاتنين التلفون يعلق كله ويقفل وميرضاش يفتح تاني واسيبه بقا نص ساعه على ما يفتح تاني مع نفسه او اشيل البطاريه واركبها تاني والموضوع ده حصل معايا من امبارح بس واصبح بيحصل في كل مكالمه اول ما توصل للدقيقه 24 لكن لو قفلت قبل الدقيقه 24 بيفضل شغال عادي مفيش حاجه
طبعا الموضوع ده جنني من امبارح لدرجه انه زهقني من التلفون كل شويه هشيل البطاريه واركبها وهو اصلا كفر الغطا بتاعه غبي جدا في فتحه .. ياريت لو حد عنده معلومه او يعرف ايه سبب الموضوع ده الي بيحصل معايا ويا تري حصل مع حد قبل كده مع ان الموبيل مكملش شهر معايا
ومتشكر جدا ليكم -
2013-03-30 (03:37:03AM) Alcatel OT-997D
اسكرين تلغون الاس ثري هتقص منها شويه هتركب معاك على ال 997d وكمان جرابه هيمشي عليه اناا مزبطه عليه وماشي تمام