السلام عليكم

للرجوع الي صفحة سامسونج Galaxy S5 الرئيسية اضغط هنا

ahmedxm

2015-07-09 (08:55:21PM)

انا عندى المستشعر الى جنب السماعه على طول منور وبيظهر قوى لما اشوفه بكاميرا مبايل تانى ده عادى ولا فى مشكله مع العلم تليفونى اس 5 دوس 900fd

ارجو الرد وشكرا مقدما

أحمد محمد

2015-07-10 (12:28:23AM)

ده تقريبا مستشعر القرب proximity sensor
هو مش منور ولا حاجة بس لما بتشوفه بكاميرا بيبان كأنه منور
زي ريموت التليفزيون مثلا لو شوفته بكاميرا و انت بتغير القنوات هتلاقيه كأنه بينور من قدام

إقفل الحركات اللي مشغلها في الجهاز و مش بتستخدمها
الحركات زي مثلا انك تقلب في الصور بأيدك أو تحط الجهاز على وشه يبقا صامت و الحاجات اللي شبه كدا
لو مش عارف تقفلهم ازاي إستنى سمسم يقولك عشان أنا مش معايا الجهاز

semsemSiR

2015-07-10 (06:05:01PM)

تمام كدة زى ماقالك , احمد

ادخل على ال Setting , ثم motion and gesture ثم air browse والغى اى حساسات

ahmedxm

2015-07-11 (01:41:57AM)

شكرا على سرعه الرد يا استاذ احمد ويا استاذ سمسم

بس انا عملت كده فعلا قفلت كل الحركات وعملت ريستارت للجهاز وبرضه رجعت نورت تانى وهى فعلا زى الريموت بتظهر فى الكاميرا وبتظهر فى الضلمه بالعين نور احمر خافت انا خايف يكون عيب فى الجهاز

أحمد محمد

2015-07-11 (06:06:42AM)

لا متخافش يمكن بس الحساس في السامسونج بيبان مضيئ شوية أكتر من الهواتف التانية
أنا كان معايا اس4 و أحيانا كنت بلاحظ الحساس لما يشتغل
فـ ده عادي متقلقش .. مفيش مشكلة بأذن الله

انت في حاجة غلط عندك في الاعدادات
لو الموضوع ده مضايقك أوي جرب إعمل فورمات .. خصوصا لو المشكلة دي مكانتش موجودة لما اشتريت الجهاز

بس الأول إعمل check على الاعدادات كلها ربما تكتشف الخطأ فين
و برضو أتأكد أن معندكش برامج بتستخدم الحساسات

تلك الخدمة مخصصة للأعضاء فقط