الاس 4 ميني ازاي أسرع حد يفيدني

للرجوع الي صفحة سامسونج Galaxy S5 الرئيسية اضغط هنا

hamdymohamed

2015-01-16 (01:03:16AM)

الموضوع بكل بساطه انا معايا اس 5 ال4جي g900f وكان آخر سوفت وير هو الكيت كات 442 وسمعت أن اللولي بوب نازل لبولندا عن طريق الاديون نزلته واشتغل اللولي بوب. النهاردة عملت مقارنه بين جهازي الاس 5 وجهاز اس 4 ميني لقيت الاس 4 ميني أسرع وأفضل ف التحميل وكمان ف مشاهده اليوتيوب بيفتح ويحمل أسرع من الاس 5 طيب ازاي نفس الشبكه الواي فأي والأس4 ميني تكسسسسسسب ايه الحل هل أنا نزلت اللولي بوب غلط مثلا ولا ليه الجهاز بطيء اررررررجو الرد

youssefshabana

2015-01-16 (07:39:21AM)

لازم تتأكد انك نزلت كل التحديثات لدولة بولندا لان بولندا نزلها 3 تحديثات للولي بوب في حوالي اسبوع اول تحديث كان فيه مشكلة فعلاً وبيخلي الجهاز بطيء وتاني تحديث خلي الجهاز اسرع وفي بردو تحديث تالت المفروض انه حل المشكلة دي تماماً

فانتا اتأكد انك منزل اخر نسخة للولي بوب

وكمان المفروض بعد ما تحدث التليفون تعمل اعادة ظبط المصنع للتليفون عشان لو في اي مشكلة تتحل

hamdymohamed

2015-01-16 (05:46:35PM)

والله نزلت آخر تحديث وفعلا كلامك سليم هما 3 تحديثات وانا عندي النت وأي فأي ومفيش تحديث جه جديد وآخر تحديث رقمه آخره 9 وبرضه الاس 4 ميني كسب وانتصر ع نفس الشبكه للواي فأي وكمان في اليوتيوب الظاهر ف حاجه غلط

youssefshabana

2015-01-16 (07:36:26PM)

هو ممكن يكون في برامج معينة في الاس 5 مخلياه بطيء او انتا منزل عليه تطبيقات كتير ومخلصة الميموري ووممكن كمان تكون المشكلة في كارت الميموري لو انتا بتستخدمه يكون ماركة مش كويسة او هو في مشكلة او الرامات استهلاكها عالي زيادة عن المعدل الطبيعي او تكون مفعل وضع توفير الطاقة او فاتح كذا تطبيق في نفس الوقت كل الحاجات دي بتبقي من الاسباب الاساسية في بطئ الجهاز

لان المفروض الاس 5 في الوضع الطبيعي اسرع بفرق واضح من الاس 4 ميني في التحميل وسرعة الاستجابة للمهام بشكل عام لان الفرق في البروسيسور والرامات وكارت الشاشة كبير جداً جداً بين الجهازين لصالح الاس 5

عموماً شوف اذا كان في حاجة من اللي قلتها دي في الجهاز ولا ﻷ

ولو انتا معملتش اعادة ظبط المصنع انصحك انك تعمله بس تاخد نسخة من الاسماء والرسائل والحاجات المهمة اللي في الذاكرة الداخلية للتليفون عشان هتتمسح بعد اعادة ظبط المصنع

وكمان حاول تحمل برنامج Antutu Benchmark وقولي الجهاز اداك ايه

وان شاء الله المشكلة تتحل

semsemSiR

2015-01-17 (10:17:34AM)

زى ماقلت لحضرتك فى التليفون يأستاذ محمد , كل اللى عندك دة عيب نسخة لان الجهاز كان شغال تمام بالكيتكات ومافيش فية اى مشكلة تمااما

عموما جرب اللى قولتك علية وان شاء الله المشاكل تتحل

تلك الخدمة مخصصة للأعضاء فقط