سعر و مواصفات Samsung Galaxy S4 I9500

مقارنة

Android

Android OS, v4.2.2 (Jelly Bean)
1080 x 1920 pixels, 5.0 inches (~441 ppi pixel density)
3G

2G / 3G
13 MP, 4...
2GB RAM

16/32/64 GB storage, 2 GB RAM

مقالات مرتبطة

غير متاح

(2188 تقيمات)

موصفات Samsung Galaxy S4 I9500

الموصفات الاساسية

الحجم	136.6 x 69.8 x 7.9 mm (5.38 x 2.75 x 0.31 in)
الوزن	130 جرام
الألوان بالأسواق	اسود,ابيض

الشاشة

نوع الشاشة	Super AMOLED capacitive touchscreen, 16M colors
مساحة الشاشة	1080 x 1920 pixels, 5.0 inches (~441 ppi pixel density)
دعم اللمس المتعدد	لا

الشبكة

دعم 2G	نعم
دعم 3G	نعم
دعم 4G-LTE	لا
دعم 5G	لا
دعم HSCSD	لا
دعم EDGE	نعم
دعم GPRS	Yes

الاتصال

دعم WLAN	Wi-Fi 802.11 a/b/g/n/ac, dual-band, DLNA, Wi-Fi Direct, Wi-Fi hotspot
دعم بلوتوث	v4.0 with A2DP, EDR, LE
GPS دعم	نعم
NFC دعم	نعم
دعم راديو Fm	نعم
دعم USB	نعم

معلومات عن الكاميرا

دعم الكاميرا	13 MP, 4128 x 3096 pixels, autofocus, LED flash
دعم فلاش	نعم
كاميرا امامية	نعم

مساحة الذاكرة

الذاكرة الخارجية	microSD, up to 64 GB
الذاكرة الداخلية	16/32/64 GB storage, 2 GB RAM
الرامات	2 GB

نظام التشغيل

نظام التشغيل	Android OS, v4.2.2 (Jelly Bean)
نوع نظام التشغيل	Android
CPU	Quad-core 1.6 GHz Cortex-A15 & quad-core 1.2 GHz Cortex-A7

معلومات أخري

الرسائل	SMS(threaded view), MMS, Email, Push Mail, IM, RSS
المتصفح	HTML5, Adobe Flash

الخصائص

دعم شرحتين	لا
الشريحة	Micro-SIM
نوع النغمات	MP3, WAV
مخرج صوت 3.5mm jack	نعم
الاهتزاز	نعم
دعم انفراريد	لا
حماية بالبصمة Fingerprint	لا

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع مميزة عن موبايل Samsung Galaxy S4 I9500

تقييم اداء اس 4... 2015-04-11 (09:43:07AM)	semsemSiR
نصائح للتعامل م... 2014-05-20 (03:15:09PM)	أحمد محمد
الاختلافات مابي... 2014-05-04 (11:55:41AM)	semsemSiR
تقرير عن تحديث... 2014-05-02 (06:18:25PM)	أحمد محمد
[تقييم] تقييم اﻷس 4 بعد... 2014-04-29 (12:07:02AM)	youssefshabana
s4 9500 vs s5 2014-04-21 (04:57:08PM)	semsemSiR
تقرير كامل عن ا... 2014-04-20 (12:59:01AM)	أحمد محمد
تقرير كامل عن ا... 2014-04-07 (02:53:05AM)	semsemSiR
تقرير كامل عن ا... 2014-04-02 (12:21:49PM)	semsemSiR
[عام] تقيمي الخاص عن... 2013-05-11 (06:44:31PM)	sayedzayyat

مواضيع و اراء عن Samsung Galaxy S4 I9500

بدون عنوان

بواسطة: alexcat

ممكن حد يجاوي عليا هوة الاس 4 حينزل في مصر امتي تحديدا علشان انا سمعت انو حينزل يوم 26 ابريل مع انجلترا ؟

2013-03-26 (05:41:51PM) / ردود 3

اضف رد

AhmedSaad666

2013-03-27 (10:58:51AM)

ازاي 5000 جنيه
انا لسه شاري جالاكسي نوت 2 من يومين 5500 جنيه من التوكيل
اكيد اس 4 هينزل اغلي من كده

mahmod898989

2013-03-27 (09:09:14AM)

مش لدرجه 6000 صحيح اسعار الموبايلات فى مصر ملهاش علاقه باسعارها فى العالم وبتبقى اغلى بكتير لكن هيبقى مابين 5000 او اكتر شويه وشركه سامسونج اعلنت ان سعر التجزئه لل 16 جيجا هو 580 دولار ده التجزئه يعنى تقريبا 4000 وفهيكون فى مصر تقريبا ب 5000

abosalah

2013-03-27 (01:59:20AM)

فى اخر ابريل و اعملى حسابك فى 6000 جنيه

بدون عنوان

بواسطة: noraalex

الموبايل ده فى الخامات ولا نوكيا لوميا 920 اجدعان ؟

2013-03-26 (02:54:26PM) / ردود 3

اضف رد

alexcat

2013-03-26 (10:05:04PM)

ولا في حد بيجاوبني ولا حد بيساعد ولا اي حاجة خالص لو سمحتو تجاوبوني علي سوالي مش كدة يعني ممكن حد يجاوي عليا هوة الاس 4 حينزل في مصر امتي تحديدا علشان انا سمعت انو حينزل يوم 26 ابريل مع انجلترا ؟

sherif2090

2013-03-26 (08:45:25PM)

الوميا 920

jeneral2014

2013-03-26 (04:46:05PM)

مممم حضرتك سألتي برده عن الخامات بينه و بين ال s3 صح .. :)
علي العموم انا كان ردي هناك ان ال s3 و ال lumia متكافئين تقريبا فى الخامات ..
بس مع ال s4 اظن ال lumia افضل فى الخامات منه (( يعني انشف منه )) لأن من خلال الفيديوهات اللي شفتها افتكر ان خامات ال s4 هتكون سيئة جدا .. :)

بدون عنوان

بواسطة: AHMEDELQOT

شكرا ليكي جدا

2013-03-26 (09:46:34AM) / ردود 1

اضف رد

alexcat

2013-03-26 (01:39:32PM)

العفو

بدون عنوان

بواسطة: AHMEDELQOT

انا من رأي ان سامسونج جلاكسي هي الافضل في الوقت الحالي كل انواع الجلاكسي ممتازة جدا بس هو انا ممكن اعرف ثمن جلاكسي S4

2013-03-25 (06:26:29PM) / ردود 9

اضف رد

mido888

2013-03-25 (09:54:05PM)

وبالنسبه لموضوع الشرلا..انا كنت حاطط الايفون 5 و لوميا 920 ف المقارنه لو تتابع ....
بس استبعدنا اللوميا ..و انا كمان استبعدت الايفون لاني من اسيوط و اي حاجه هتحصل او كده هضطر اسافر وجه بحري عشان اصلح اوواغير او اي حاجه ..ده غير قليل الناس اللي تفهم فيه....

mido888

2013-03-25 (09:50:32PM)

ماشي ي معلم اهلاوي ..هجاوبك..
اولا كتصميم انا من اول الايفون ثري مبحبش تصميمه..
ثانيا شاشته صغيره جدا علي امكاناته ...يعني انا معايا الارك اس 4.2 و بقول صغيره و تعباني ...الايفون يوم.مكبر كبر 4 ..
ثالثا زي مقالك اخمد علي ..الايفون هنا مش واخد حقه بسبب التوكيل و التطبيقات ..
اما بره الايفون ملك...

ahmedaliyossef2010

2013-03-25 (09:25:52PM)

أستاذ أهلاوى الموضوع مش زى ما حضرتك فهمته

الكلام ده بره مصر

يعنى مثلا فى حدفى مصر بيشترى تطبيقات ؟؟؟ هل حضرتك بتشترى تطبيقات الاجابة أعتقد لأ علشان كدة الأيفون مش مناسب ليك و لا ليا

الضمان اللى اتكلم عليه ميدو تحفة فعلا بس هل فى توكيل فى مصر لأبل الاجابة لأ

يبقى الأيفون فعلا موبايل قوى جدا لكن مش هتقدر تستفيد بكل مميزاته فى مصر لأن مينفعش مثلا تنزل تطبيقات بكراك زى الأندرويد

يبقى مميزاته المهمة مش هنستخدمها فى مصر لكن تعالى بقة بره مصر معظم الناس بيشتروا التطبيقات مش بينزلوها مكركة زى هنا فيقدروا بستفادوا من الأيفون بشكل كامل

و عندهم توكيل هناك فانت مستفيد منه

حاجة كمان الأيفون شاشته 4 بوصة علشان يفضل سهل الاستخدام بيد واحدة لكن فى ناس بتحب الشاشة تبقى كبيرة فدى برضه نقطة

sherif2090

2013-03-25 (09:25:40PM)

كلام ميدو صح
يا اهلاوى
اولا كل نظام ولية معجبين ومحبين
يعنى ابل نظام غير الويندوز فون وغير الاندرويد كل واحد بيميل لنظام
انا عن نفسى افضل الاندرويد و ال IOS اما الويندوز فون فا انا لا افضلة
واى حد بيجى يشترى بيشوف هوا بيفضل اية واية الامكانيات اللى عيزها
يعنى ممكن واحد عايز كام ممتازة فا هياخد اللوميا 920 او الزد او الاى فون او الاس4 وهوا مش همة اية النظام هوا همة الافض وخلاص

وزى ما قولتك اللىب بيفصل التفضيل الشخى لان الاداء الاى فون اكتر نظام استقرار وسلسة وقوة فى الاداء رغم ان الامكانيات ليست بنفس امكانيات مستوى المنافيسن من الانظمة الاخرى

ahlawy2

2013-03-25 (09:17:04PM)

وانا مش شايف ابل بتقدم حاجة فى الايفون يشدنى ليه زى اى موبايل تانى يعنى سونى عاملة موبيلها ضد المية وديه حاجة شدانى ليها الوا صوت عالى وديه حاجة شدانى ليها الاس4 سوفت وير جامد جدا وديه حاجة شدانى ليها انما بقى قولى حاجة فى الايفون5 يشدنى ليه يا دام هو فى نفس سعرهم مفيش

ahlawy2

2013-03-25 (09:13:57PM)

طيب يا استاذ ميدو انت مصدق الكلام ده يعنى لو انت معاك 5000 جنيه هتشنرى الايفون 5 لا طبعا انت هدور على الاحسن وكنت هتجيب الزد يا الوان يا الاس4 وانت لما كنت ناوى تجيب موبايل ليه مكنتش حاطط الابفون5 فى دماغك يا دام هو بيقدم كل الحاجات ديه

mido888

2013-03-25 (08:55:59PM)

وكل يوم بشوف فيكي جديد ي دنيا...
ابل غاليه عشان اسم ابل.....ممم كام جامد اوي...
ابل غاليه عشان بتقدم تكنولوجيا من الافضل ف العالم...
ابل غاليه عشان بنظامها ios و معالجها الثنائي اسرع من المعالجات الرباعي الاقوي للاندرويد...
ابل اغلي عشان عامله معالج رسوميات الشركات بتحفي عشان تعمل واحد زيه..
ابل غاليه عشان بتنزل دعم و تطبيقات متعرفش التهنيج...
ابل غاليه عشان موبايلاتها او الاي فونات لو حبينا نتكلم صح احسن من احسن امكانات نزلت ف موبايل عادي ....
ابل غاليه عشان ضمانها الفوق الخيال ..لا تصليح ..تبديل مباشره....
ابل غاليه عشان بتنزل خامات تشيل احسن سامسونج علي الرف...
و علي فكره alexcat....ياريت بلاش تاليف ان سامسونج مقاومه للخدش و الفتي اللي معرفش جايباه منين...
انا كان معايا خمس عدد سامسونج و بضافر صباعي كنت اخربش الشاشه و الكفر اللي ورا ...و اعتقد اوضح منها وضوخ الشمس ان سامسونج غالبا بتاخد اسوا تقدير من لجن التحكيم بخصوص مواد التصنيع ....
كمان المؤتمر اللي فات اللي اتش تي سي ون اخدت اعلي من الايسس فور كتصميم و جوده مواد....
اعتقد مفيش كلام بتقال تاني

mido888

2013-03-25 (08:18:55PM)

سبحان الله....
من امتا ابل ضمانها دولي...
دي اكتر شركه ليها ضمان ف العالم ..كمان نادرا متصلح جهاز ..اغلب شغلهم توديلهم جهاز تعبان يتغير علي طول ...
ي اخوانا اقرو و اعرفو قبل متكتبو

alexcat

2013-03-25 (07:03:51PM)

يعني هوة لسة منزلش بس حيكون تمنو من 5000 ل5500 لان سامسونج مش حتكون اغلي من ابل و ابل الاسباب الوحيدة الي موبيلاتها تعتبر غالية علشانو هو ان ضمانها دولي و اسم شركة ابل

بدون عنوان

بواسطة: ahmed50

طب هو ال LG optimus L9 موبايل وحش ؟

2013-03-25 (05:38:15PM) / ردود 1

اضف رد

ahmed50

2013-03-25 (07:45:39PM)

علفكرة LG ماركة جامدة وموبايلتها تمام بس هو المشكلة فى انها مش تنفع فى مصر عشان الدعم وكدة

بدون عنوان

بواسطة: ahmed50

لو سمحت يا جماعة انا عايز منكم استفسار ياريت حد يجاوبنى عليه

انا عايز اشترى موبايل كويس فى حدود 2000 ل2300

انا محتار دلوقتى بين samsung galaxy s duos و LG optimus L9

ياريت حد يجاوبنى انهى الافضل لو فى اقتراحات تانية يبقى تمام

2013-03-25 (04:40:09PM) / ردود 9

اضف رد

ahmed50

2013-03-26 (08:42:47PM)

انا خلاص قررت ان شاء الله هجيب LG optimus L9 انا شايف انه موبايل كويس

medoyasser

2013-03-26 (08:32:08PM)

نصيحة منى هات Galaxy S Advance لأنه أفضل موبايل فى السعر ده..وابعد عنsamsung galaxy s duos لأنه بطييييييييييييييييييييييييييييئ جدا فى استعماله وكل اللى جابه اشتكى منه

ahlawy2

2013-03-25 (08:14:40PM)

xperia p افضلهم فى كل حاجة وريح نفسك وهو موبيل جميل

ahmed50

2013-03-25 (08:03:20PM)

ارسوا على بر يا جماعة انتو حيرتونى معاكم

thelord

2013-03-25 (06:53:07PM)

بلاش lg علشان دعمها مش كويس

ahlawy2

2013-03-25 (06:44:11PM)

طبعا فيه توكيل lg فى مصر ولو انت هتشتريه بالضمان يبقى متخفش علشان او حصل حاجة هتوديه المحل الانت شريه منه وهو ملزم يصلحوهلك بدون فلوس الا لو كان عيب استعمال من حضرتك

ahmed50

2013-03-25 (06:18:36PM)

طب انا عايز اعرف لو حاجة مثلا باظت فيه هل فى توكيل ل LG هنا فى مصر ولا ولا عشان فى ناس بتقولى انه موبايل حلو بس قطع الغيار وكدة فعايز اطمن

ahlawy2

2013-03-25 (06:00:40PM)

lg optimus l9 افضلهم وعندك xperia p برده حلو

thelord

2013-03-25 (05:35:36PM)

شوف ال s advance و sony xperia p و htc Desire X و لو تعرف حد في الامارات الs2 ب 2300

بدون عنوان

بواسطة: MetaEb

ارجو من السادة الاعضاء ان يكلموا بعض باحترام شوية...اللى هيقول كلمة فيها تقليل احترام من حد هيتوقف عضويته :)

2013-03-25 (07:35:29AM) / ردود 29

اضف رد

alexcat

2013-03-26 (05:53:33PM)

must read :D

sherif2090

2013-03-25 (11:48:53PM)

يا متعب
المشكلة مش هيا و استاذ احمد
لا المشكلة انها دخلت فى الكل ومعملتش حساب لاحد
واكيد قريت كانت كتبة ليا اية انا كمان ... واكيد شوفت الكل رد عليها باسلوب افضل بدون غلط زى ماهيا غلطت فينا انها تصفنا بالجهل وتقول لنا رحوا اقرو الاول وغيرة من كلام فا اظن ان مفيش حد فينا رد بالاسلوب دة

وعلى العموم خلاص يا متعب الموضوع انتها
تقدير ليك ولباقى الاخوة الاعضاء
والاستاذ احمد يوسف حضرتك مغلطتش
اللى فات مات ومضيقش نفيك على اى حاجة

المهم انتا بقا هتجيب اية ؟؟
ههههههههههه

ahmedaliyossef2010

2013-03-25 (09:57:07PM)

بالنسبة للفظ اللى أنا قلته المقصود بيه ان اللى بيألس على كلامى و مش بيحترم الآراء الأخرى يبعد عن تعليقاتى أنا مقصدتش انى افصص الكلمة و لو حد وصله كدة فده غلط منى

jeneral2014

2013-03-25 (09:54:32PM)

و اتمني ان تراعي شعور استاذ احمد لانه اتنرفز زي ما كلنا اتنرفزنا و هو لم يخطيء من وجهة نظري

jeneral2014

2013-03-25 (09:51:34PM)

حصل خير يا استاذ متعب بس اتمني ان بعد كده يكون اسلوب الحوار عندها افضل لان زي ما حضرتك قلت المفروض اننا اكبر من كده

MetaEb

2013-03-25 (09:49:36PM)

عشان حضرتك عضو مميز مكنش المفروض ده يصدر منك وخصوصا اللفظ اللى حضرتك كتبته
وانا افضل ان الكل يتصالح احسن ما حد يتوقف عضويته...انا مبحبش اكون السبب فى وقف عضوية حد
ف لو سمحتوا لو سمحتوا لو سمحتوا...نتصالح يا شباب

ahmedaliyossef2010

2013-03-25 (09:47:14PM)

لو حضرتك يا أستاذ متعب شفت انى غلط فى تعليق من تعليقات أو اتكلمت على حد بعينه اتفضل الغى العضوية أنا معنديش مانع لو أنا غلط عضويتى تتوقف

بس لو حضرتك قريت التعليقات تانى كدة هتلاقينى مغلطش فيها فى ولا كلمة أنا قولت اسلوبك وحش و ده نفس المعنى اللى حضرتك قلته فى تعليقك

و لما قلت تبقى الشخصية دى تطلع برة الموقع أنا متكلمتش عن حد بعينه و اظن انت فاهم أنا اقصد ايه

انت عارف ان أنا عمرى ما اتخانقت فى الموقع ده أو حصل مشاكل منى و لو متابع تعليقاتى تقدر تعرف الكلام ده على العموم اللى انت شايفه صح اعمله أنا بحترم آراءك

MetaEb

2013-03-25 (09:42:35PM)

يا سيدى الفاضل ما انا بقول للكل بلاش الدفاع المستميت واللى عنده دليل على كلامه يقوله اكيد هيفيد نفسه ويفيدنا كلنا
ووالله والله والله انا قريت الكومنتات اللى مسحتها قبل ما امسحها وعارف كان فيها ايه

MetaEb

2013-03-25 (09:40:10PM)

طيب تمام...وانا بكتب الرد بتاعى فى تلات كومنتات اتعملوا
انسة مريم واستاذ احمد يوسف
عشان نجيب بس من الاخر...وده طلب ورجاء شخصى منى
حضراتكم تحبوا نصفوا الموضوع دلوقتى وعفا الله عم سلف ونعتذر لبعض
ولا عضوية حضراتكم انتم الاتنين تتوقف؟
انا اتمنى اننا نخلص الموضوع لاننا ناس اكبر من كده

jeneral2014

2013-03-25 (09:39:32PM)

يا استاذ حضرتك هي طلبت الاراء في البداية من الأعضاء للمقارنة بين كذا هاتف
فكانت النتيجة انها نفسها بتنتقد هذه الاراء !! سبحان الله
لا و كمان بتغلط فينا و بتقلل من معرفتنا عموما
و بتدافع دفاع مستميت عن هاتف معين طب وراي بتطلبي الاراء و انت اصلا مقتنعه هذا الاقتناع
و اخر حاجة مستفزة انها بتشتكي ان احنا اللي بنسخر منها
ارجو الرد

sherif2090

2013-03-25 (09:35:50PM)

تمام يا معتب
كتبت التعليق قبل ما اشوف ردك

كلامك مزبوط ولكن هو ليس دفاع مستميت لشركة او جهاز او اى كان ولكن هو توضيح للحقائق والفروقات بين الشركات والاجهزة
فا نحن لايوجد احد مننا يستفيد من اى من الشركات ولا نعمل فى خطوط الانتاج او التسويق لديهم
ولكن هى توضيح للحقائق فقط

sherif2090

2013-03-25 (09:30:50PM)

ahmedaliyossef2010
jeneral2014

انا بقول اننا نستنا رد من الادارة لان الموضوع كدة زاد اوى والكلام كدة هيكبر
وانا وانتم ننا با انفسنا من هذة الحوار

نرجوا الرد من الادارة

MetaEb

2013-03-25 (09:28:46PM)

طيب..بسم الله
مسحت الكومنتات ليه...لسبب بسيط انى زهقت من التحذير وسبق وقولت فى موضوع سابق قبل كده كان البطل بتاعه استاذ الكاتيل انى مس هسمح تانى بتكرار المهزلة دى..والحمد لله اتكررت لكن بشكل اخف شوية
اوجه كلامى لشخص معين؟؟؟...لا مش بوجه كلامى لشخص معين لان مفيش شيطان واحد والباقى ملايكة...كلنا بنغلط والموضوع كان بين طرفين مكنش واحد بيشد والتانى بيرخى ف الطبيعى انى اوجه كلامى للكل
تالت حاجة ودى الاهم عشان انا جبت اخرى من الموضوع ده...اللى عاجبه حاجة ومقتنع بيها بنسبة مليون فى المية ياريت ياريت ياريت يحترم باقى الاعضاء فى رأيهم وبلاش طريقة الادعاء ان الاخرين جهلة...لان من الاخر محدش فينا يعرف كل حاجة عن اى حاجة واللى بيدعى كده هو الجاهل بعينه
ومينفعش اعمل بوست عشان اطلب منكم نحترم بعض اكتر الاقى الناس بردو بتشد مع بعض
هو فى ايه يا اخوانا؟؟؟؟....ما قولنا دى موبايلات والاختلاف مطلوب وتبادل الخبرات هو المطلوب فى الموقع هنا
انسة مريم...اذا سمحتى انا صحيح بطلب من الكل الاحترام لكن بطلب من حضرتك انتى تحديدا انك تختارى العبارات اللى بتوجهيها للناس اللى مختلفة معاكى فى الرأى وده طلب من حضرتك ليكى الحق تنفذيه او لا زى ما انا ليا الحق امسح البوست الغير مناسب...ف ياريت نراعى احساس الناس زى ما بنطلب يراعوا احساسنا
وياريت يا شباب نبطل حكاية الدفاع المستميت عن اى جهاز ونتكلم بالعقل ونقنع بعض بالدليل
وشكرا...واتمنى ان كلامى يلاقى قبول عندكم

ahmedaliyossef2010

2013-03-25 (09:28:27PM)

طيب أنا مكلمتكيش أنا بتكلم عن الشخصية اللى قالت الكلام اللى أنا كتبته يبقى أخدتيها على نفسك ليه

و على فكرة أنا مقلتش أدبى أنا قولت للشخصية اللى مش عاجبها الناس اللى فى الموقع تطلع منه مش أكتر

jeneral2014

2013-03-25 (09:23:17PM)

سبحان الله !!
طيب حضرتك بتوجهي كلامك للأستاذ MetaEb صح ..
انا كمان لما قولت No comment بوجه كلامي لنفس الشخص .. ايه بقى اللى مضايق حضرتك نفسي افهم .. ؟؟؟؟؟؟؟؟؟؟؟؟؟؟؟
و كمان ايه ده يرد و ده ميردش ؟؟ يعني ايه يعني مش فاهم !!
اظن ان كل واحد حر يكتب كومنت او ميكتبش دي حاجة مش بتخصك !!
انتي شخصية غريبة جدا و مستفزة جدا جدا .. اكيد احنا مش عصابه يعني او عاملين علي حضرتك ربطيه .. احنا مجرد كل واحد بيقول رأيه و هو حر فيه .. بس انتي اسلوبك المستفز و عدم احترامك لأراء الغير + انك بتقولي كلام كتير غلط زي اخر كومنت ليكي ان ابل غالية عشان اسم ابل !!!!!!
بجد يعني مش عارف اوصف الكومنت ده بإيه ؟؟
مش عيب ان الواحد يكون مش عارف .. بس العيب انه يكابر بالغلط لأ و يستهزأ كمان من الشخص اللي بيتحاور معاه !!!
انا بجد كرهت سام كلها و ال s4 بالذات من قبل ما اشوفه اصلا بسبب حضرتك .. !!!

alexcat

2013-03-25 (09:22:53PM)

اتكلم بأدب

ahmedaliyossef2010

2013-03-25 (08:20:19PM)

أولا أنا برد على تعليقات شفتها و أى حد ليه الحق انه يحكم ما دام شاف اللى حصل

و لو تحبى نتكلم بلغة ان فى شخصية و حبة فوازير رمضان دى فمش هتسلكى معايا

و مش أنا لوحدى اللى قولت ان أسلوبك وحش غيرى كتير و لو مكانش وحش مكانتش العضوية القديمة اتمسحت

و لو حد عاجبه موبايل معين يجيبه محدش هيتدخل فى رأيه بس ميقعدش يقول أى هبل و شوية فتى و هو و لا بيفهم أى حاجة فى البطيخ و يقول انت تتكلم لما أسألك أى حد ليه الحق يتكلم فى أى وقت و يعبر عن رأيه مكانش الشخصية دى صاحبة الموقع و لو الشخصية دى مش عاجبها كلامى يبقى fuck off this website

alexcat

2013-03-25 (08:02:48PM)

انا بوجة كلامي لشخص معين هوة بيرد لية بالنيابة عنو الشخصية الي انا بكلمها لية لسان و يعرف يرد مش مبيعرفش و انا اسلوبي مش وحش ولا حاجة ولا بحسس حد بحاجة و واضحة وضوح الشمس انو بيوجهلي الكلام مش محتاجة تفسير

ahmedaliyossef2010

2013-03-25 (07:14:10PM)

alexcat

أسلوبك وحش أوى متحسسناش اننا بنشتغل عندك يعنى ايه متردش غير لما أوجهلك كلام مش فاهم النقطة دى

و الأستاذ جنرال أصلا مجابش سيرة سونى هو كان بيتكلم عن الأيفون 4

و انتى عرفتى منين انه يقصدك لما قال no comment

alexcat

2013-03-25 (07:01:37PM)

انا حرة في رأيي و اجيب الي انا عاوزاة و عاجبني و شايفاة تحفة جدااااااااااااااااااااااااااا و كل سلسة الجلاكسي و النوت تحفة اويييييييييييييييييييييييييييي و محدش يقدر ينكر كدة لاكن انت الي بدافع عن سوني كأنها حاجة نزلت من السما و لتاني مرة انا مكلمتكش و موجهلتكش كلام علشان ترود ماشي

jeneral2014

2013-03-25 (06:27:05PM)

Sure u don't talk to me, and I will tell u why, u know dats just cuz I'm
" مش فاهم حاجة و بقول اي كلام و خلاص "
Right u remember

يا استاذ MetaEb انت اكيد حضرتك قرأت ال comments كويس قبل ما تتمسح فكان افضل بعد المسح ان التحذير يكون مباشر للمخطئين او انك تتخذ اجراءات زي ما قال استاذ sherif2090
لان للاسف بسبب مسح ال comments اصبحنا احنا الطرف المخطيء

alexcat

2013-03-25 (05:37:31PM)

يعني من 5000 ل5500

sayedzayyat

2013-03-25 (05:10:07PM)

ايه يا جماعه . في ايه ؟ حصل خير ... هو الاس 4 حيبقي تمنه كام ؟؟؟؟ :-D:-D:-D:-D

alexcat

2013-03-25 (05:04:44PM)

انا مش بوجة كلامي ليك انت و لو سمحت اما اوجهلك كلام تبقي ترود علية

jeneral2014

2013-03-25 (04:14:14PM)

No comment

alexcat

2013-03-25 (03:41:56PM)

يا استاذ MetaEb انا بقول رايي و كنت زوق معاهم من الاول و اما بقولهم اشتري انتهي سواء اذا كان الاس 4 ولا النوت 2 ولا الون في ناس استظرفت عليا و ناس بتقول لا و مش لا و فكري في الزد و الايفون 5 و الكلام دة كلو انا معايا ايفون و شوفت عيوبو هو اة كويس جدااااااااا لكبار السن انما هوة علي المستوي عموما مش حلو و مش احسن جهاز و السوني نفس الحكاية علشان انا قبل ما اجيب الايفون كان معايا sony ericsson xperia x10 و كان مقرف و اخدت فية مقلب انما بقي حنعيد نفس الحوارات الفاشلة اما انا اقول رايي في حاجة عجباني فعلا و حاجبها شوية ناس تيجي هنا و تقولي لا و مش لا و الكلام الي بتقولية دة غلط و انتي احسنلك تقري شوية و جبتي الكلام دة منين و مش منين و بيحامو دلوقتي لسوني و ايفون يبقي انا اقولهم لا يهاجموني اية دة

sherif2090

2013-03-25 (02:54:12PM)

بعد اذنك يا معتب

سوال يعنى
اولا انتم مسحتم التعليقات وبعدين بتقول هيتوقف العضوية
طيب انا موافق بس هوا مين اللى غلط
ممكن اللى غلط توقف عضويتة من دلوقت وانا اولهم لو كنت غلط لان كلة مرة بيبقا كلام ومفيش فايدة والناس تغلط فينا ولما نرد تحذفوا الردود وتقول نفس الكلام
لا انا عايز اجرء ضد اللى غلط حتا لو كان انا الى غلط

thelord

2013-03-25 (09:55:06AM)

+1 (Y)

jeneral2014

2013-03-25 (08:18:44AM)

I hope so , cuz there r some of them haven't the philosophy of civi. Discussion

بدون عنوان

بواسطة: MAbdElAty

Quad-core 1.6 GHz Cortex-A15 & quad-core 1.2 GHz Cortex-A7 ياعنى اية البروسيسور ده انا مش فاهمة ياريت الى فاهم ياساعدنى

2013-03-24 (10:31:06PM) / ردود 8

اضف رد

MAbdElAty

2013-03-26 (09:32:17AM)

شكرا على الرد و هينزل امتى ان شاء الله و الفرق فى بينة وبين النوت 2 كبير ولا عادى مثلا فى البيكسل بتاع الشاشة و الصوت و سرعة الجهاز بالنسبة للبروسيسور بيتاع الاس 4

sherif2090

2013-03-25 (12:26:15AM)

ههههههههههه
حلو وصف الحلل دة
بس فى نقطة مينفعش النصين يشتغلو مع بعض يا الكبير يا اما الصغير

OnlyOne2013

2013-03-25 (12:04:26AM)

ادق وصف لحكاية البروسيسور في S4 اشبه ما يكون بالبوتاجاز !!!!! اقسميه نصين للحلل التقيلة والتاني للحاجات الخفيفة والاتنين منفصلين وبيشتغلوا في نفس الوقت للتوفير.. اهم حاجة منخبطش في الحلل .......

sherif2090

2013-03-24 (11:49:37PM)

Mahmoudtttt
Seri14
كلامهم صح
البروسيسور يعتبر 2 فى 1 كل واحد بمعمارية مختلفة وسرعة مختلفة
واستحالة ان ال 8 يشتغلو مع بعض والهدف من انة يكون كدة توفير الطاقة فقط
يعنى لايخرج عن كونة معالج 4 النواة لان لو قلنا انة 8 انوية يبقا لازم ان ال 8 يشتغلو مع بعض
والا كنا قلنا على التايجر 3 اللى فى الون اكس انة 5 النواة لانه 4 للاء والشغل و نواة واحدة لوضع الخمول او الاستعداد لتوفير الطاقة

Seri14

2013-03-24 (11:20:31PM)

هو مش بروسيسور ثمانى النواة ولا حاجة هو عبارة عن اتنين بروسيسور رباعى النواة والاتنين مش بيشتغلوا مع بعض اصلا .. يعنى مش اسرع 8 مرات ولا حاجة

alexcat

2013-03-24 (10:49:02PM)

يعني اضربي 1.6 X 8 مرات السرعة

Mahmoudtttt

2013-03-24 (10:48:39PM)

يعنى البروسيسور ثماني النواه وهو منقسم عملياً الى معالجين رباعي النواه واحد قوي يستخدم لمعالجة العمليات المعقدة كالألعاب وغيرها، والآخر أقل سرعة لمعالجة العمليات في الذاكرة بحيث يوفر من إستهلاك الطاقة.

alexcat

2013-03-24 (10:47:52PM)

يعني البروسيسور ثماني نواة و دة معالج سامسونج للنسخة الي حتنزل مصر و دة الي قالتو سامسونج رسميا في الموتمر بتاعها

بدون عنوان

بواسطة: AhmedSaad666

من فضلكم ممكن ترودو علي سؤلي

انا جايلي موبايل سامسونج جالاكسي نوت 2 النهارده

اعرف ازاي انهو صيني ولا اصلي

واول ما يجلي اجرب فيه ايه

واعرف ازاي ان محتاويات العلبه مثل السماعه والبطاريه والشاحن وكابل USB ازاي اعرف ان الحاجه دي اصلي ولا تقليد

واحلي حاجه ضمان الوكيل ولا ضمان التاجر

واحلي حاجه صنع الفتنامي ولا الكوري

معلش انا اسف تعبتكم معيها
انا عارف اني طولت بس يارات تسعادوني

2013-03-24 (09:14:55AM) / ردود 2

اضف رد

mohakoz

2013-03-24 (05:33:44PM)

gebto mn bra bkam ?

sayedzayyat

2013-03-24 (01:28:46PM)

بص يا استاذ احمد عشان شكلك قلقان جداااا . اولا الف مبروك مقدما....
اول حاجه تسمى الله وتطمن ان كل شئ شغال من البلوتوث والواى فاى والشبكه والكاميرا وكله تمام ...
ثانيا موضوع كوري اوفيتنامى متفرقش طالما باي سانسونج
الاصلى بتدخل عالرام حتلاقيه 2جيجا والكاميرا 8ميجا لو قلقت وديه التووكيل وهو حيدلك
اخر حاجه الجهاز رائع من كل النواحى عن تجربه ومبروووووووك

بدون عنوان

بواسطة: 3bdo12

موبايل زي دة مش هيقل تمنه عن 6000

2013-03-24 (12:57:34AM) / ردود 1

اضف رد

hisham3100

2013-03-25 (01:20:31PM)

لا مش للدرجة على فكرة اللى نازل ده لا يدعم الفور جى والكلام ده مكتوب في gsmarena.com والبروسيسور مش اللى هو لان سامسونج منزله منه نسختين النسخة 19500 ده اللى نازل مصر انما النسخة الفور جى هى 19505 مش حتنزل مصر على الاقل حاليا وعلشان اكد لك كلامى ادخل على الرابط ده

الموبايلات

سعر و مواصفات Samsung Galaxy S4 I9500

Android

1080 x 1920 pixels, 5.0 inches (~441 ppi pixel density)

3G

13 MP, 4...

2GB RAM

موصفات Samsung Galaxy S4 I9500

التسجيل بالموقع

دخول الاعضاء

مواضيع مميزة عن موبايل Samsung Galaxy S4 I9500

مواضيع و اراء عن Samsung Galaxy S4 I9500