بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ Galaxy S4 I9500
للرجوع الي صفحة الرئيسية اضغط هنا

تقرير كامل عن الاس 4 9500 (semsemSiR)

semsemSiR
2014-04-07 (02:53:05AM)
للناس اللى عايزة تشترى الاس 4

قبل مابدأ كلامى فى تقييم الهاتف الرائع S4 9500 احب اقول حاجة عشان بس الناس تبقى عارفة انها ماتسمعش لاى كلام وخلاص , لازم تاخد الكلام من ملاك الهاتف

ونبدأ التقييم ونقول " بسم الله الرحمن الرحيم "

1- الشكل : شكل ال S4 رائع وشيك جداااااااااا وخصوصا اللون الابيض بالاطار المعدنى بيديلة شكل رائع الصراحة + ازرارا تعلية الصوت والباور المعدنية بالكامل يعنى معناة انها هتفضل كدة مش هتتغير
وعندك زرار الهوم حوالية اطار من الكرووم بشكل رائع جذاب تحس معاة بالاناقة والشياكة

( 8.5/10 )

2- الخامات : الظهر الخلفى مصنوع من مادة البولى كربونيت , لها ملمس ناعم جدااا , وشكل لامع بيديك احساس انة زجاجى مش بلاستيك , وكمان مرن جداا عنى مش سهل يتسكر وبردة صعب يتخدش الا لو بألة حادة ( 8/10 )

3- الشاشة : شاشة رائعة والوانها روعة بمعنى الكلمة , الى الان ماشوفتش شاشة افضل منها فى الالوان , والتاتش بتاعها رائع بمعنى الكلمة وكمان السطوع بتاع عالى يعنى ماشاء الله قوية الوان واضاءة ( 10/10 )

4- الاداء : يتميز الهاتف بسرعة عالية جدااااااااااااا , يعنى تقريبا شغلت اقوى العاب , وعملت اقوى شغل على الهاتف , والحمد لله الهاتف استجاب بكل مرونة وسلاسة بدون تقصير والحمد لله نسبة التهنيج ( صفر ) وتم عمل اختبار لل ANTUTN BENCHMARK والهاتف سجل 28560 الف بتحديث ال 4.3 , وتم اللعب على الجهاز العاب عالية جداا وقوية جدا فى الجرافيك بتاعها والحمد لله الهاتف حاجة تانية خالص فى الالعاب , تحس انك بتلعبها 3D و بتفاصيل مش موجودة غير على الكمبيوتر
الذى تم تجربتة على الهاتف (REAL RACING 3 - ASPHALT 8 - NFS MW - MOERN COMPACT - FIFA 2014 - SUPWAY SURFER )
(9/10 )

5- الرامات : الجهاز يأتى بأجمالى رامات 2 جيجا , الصافى للمستخدم 1.82 جيجا المستهلك بقى كام 980 ميجا بدون عمل CLEAR RAM وبعد عمل CLEAR RAM بتوصل ل 850 ميجا , ومع فتح البرامج او النت مش بتزيد عن 1 جيجا 300 بالكتير اوى
( 10/10 ) والتقييم دة عشان حاجة واحدة , عمرى مااحتجت اعمل CLEAR RAM وتقريبا مابقيتش بدخل عليها اصلا الا كل فترة للتأكد من سير النظام بصورة سليمة

6- الاوبشن والسينسورز : كل اللى اقدر اقولة ان التليفون دة فية كل حاجة انت محتاجها , انا عن نفسى مابقيتش محتاج انزل برامج او اى حاجة التليفون فية كل حاجة مهما كانت , وكل الحساسات اللى فية بتعمل بشكل مثالى , والصراحة فعلا جهاز متكامل يقدر يشغلك كل حاجة ويقضيلك مهامك بكل سهولة ويسر
( 10/10 )

7- الاصوات : 1- صوت سماعة التحدث : كل اللى هقدر اقولة انها عالية جدااا , نقية جداااااااااااا , وفية اوبشن فيها تخليك تختار ال EQUALIZER بتاعها او تفعل المايك التانى بتاع ال NOISE CANCELLATION واللى فعلا فعلا بيعزل تماما الصوت عندك ومش بيكون واضح غير صوتك انت بس , واى حد بيكلمنى وانا فى الشارع بيفتكر انى فى البيت او فى مكان مغلق
( اديها 10/10 )
2- صوت السماعات الخارجية : الصوت قوى وعالى من مشغل الموسيقى تحس كدة انك بتسمع الحاجة بجمال صوت ونقاء وصوت عالى وواضح , لكن لما بتعمل الاغنية كرنة تنبية , بيكون الصوت منخفض شوية عن مانت بتسمع الاغنية من مشغل الموسيقى , بس بيبقى مسموع وواضح فى اى مكان عادى جداااااااااا ( 9/10 )
3- صوت سماعات الاذن : كل اللى هقدر اقولة حاجة , ماسمعتش صوت فى حياتى بقوة السماعات دية ولا ال OUTPUT بتاع التليفون دة ماشاء الله علية روعة وصوت رائع وجربتة كمان على سماعات عربيتى 6 سماعات ماشاء الله علية ادانى فرق صوت تانى عن الادفانس اللى معايا لانى جربت الاتنين للتجربة ( 10/10 )

8- الكاميرا : اوبشن كتييييييييييير جدااا ورائع , وكاميرا اكثر من ممتازة وضوح واضاءة وسرعة التقاط رهيبة , وتصوير ال HDR فظيع , بيديك قوة الوان ووضح عالى جدااا للصورة
فلاش التليفون قوى جدااا , ولما بيصور وانت بتلقط الصورة كأنك بتستخدم كاميرا احترافية عالية الجودة , وكمان ميزة مهمة جداا وهية ال NIGHT MODE , وفعلا بتديك اضاءة ووضوح عالى جداا كأنك فى النهار وبتفاصيل ممتازة ( 9/10)

9- البطارية : تم استخدام الهاتف فى جميع الظروف معادا فقط الاستخدام الخفيف عشان مش هينفع معايا فكانت النتيجة كالاتى :

1- فى الاستخدام المتوسط : الهاتف عمل يومين و19 ساعة وكانت نسبة الاستخدام ( مكالمات لمدة 3 ساعات وشوية - نت لمدة نصف ساعة - العاب لمدة نص ساعة - تشغيل اغانى لفترة 15 ساعة - تصوير كاميرا لمدة نص ساعة واكتر كمان ) وكل دة والحمد لله باقى فى البطارية 30%

2- فى الاستخدام القوى : الهاتف قعد معايا يوم و20 ساعة وكان الاستخدام كالاتى :
( مكالمات لمدة 5 ساعات ونص - نت لمدة ثلاث ساعات متقطعين - لعب لمدة ساعة - شغل على الهاتف مابين فتح الاستوديو وتشغيل فيديوهات وتصوير ومشاهدة ملفات PDF وتحديد مواقع واستخدام ال GPS ) وفى الحالتين اضاءة الشاشة بتكون على اعلى حاجة , لانى مش بحب اقلل اضاءة الشاشة ( 9/10 )

10- الذاكرة الداخلية : الهاتف مزود باجمالى ذاكرة 16 جيجا , والصافى 9 جيجا
( 7.5/10 ) لان فعلا فية مساحة كتيرة متشالة على الفاضى

التقييم النهائى : الهاتف دة من اروع ماانتجت سامسونج , بجد هاتف متميز ورائع , وفية كل احتياجاتك , اللى وزيادة , وبجد بجد موبايل مش ناقصة حاجة , وخصوصا موضوع البطارية اللى ماشاء الله علية قوى جدااااااااااا , عكس ماكانت كل الناس بتقول

موضوع بقى السخونية , التليفون مش بيسخن اصلا , ولا مع مكالمات او العاب او نت مهما طالت مدة التشغيل

يعنى محدش يشغل بالة بأى حاجة من الحاجات دية ( والله كلة كلام بيتقال وخلاص ومحدش عارف حاجة ) , وعلى فكرة يقدر يتحدى اى تليفون بكل جدارة وبكل قوة , لان فعلا الهاتف من اقوى الهاتف اللى موجودة فى السوق واديلة تقييم ( 9/10 )

ودية شوية SCREEN SHOTS

اضغط هنا لزيارة الرابط

اضغط هنا لزيارة الرابط


اارجو ان يكون التقييم عجبكوا وانا مستعد لاى مناقشة
semsemSiR
2016-09-03 (10:13:59PM)
بروسيسر سامسونج افضل + وكمان معالج الرسوميات افضل من الادرينو 320 او على الاقل زية

نسخة 9500 افضل واقل حرارة وافضل بطارية وافضل كاميرا واحسن فى صافى الرامات

كل الفرق لل9505 هو بس ال 4جى ودة غير متاح فى مصر
mostafas4
2016-09-03 (05:00:37PM)
لكن ازاى حضرتك شايف ان نسخة 9500 افضل من 9505 ؟؟ مع ان التانية المفروض ان افضل
semsemSiR
2016-09-03 (03:14:03PM)
مافيش اى فرق بين الفيتنامى - الكورى - الصينى
mostafas4
2016-09-03 (12:51:12PM)
طيب بيقولوا ان النسخ اللى بتنزل عندنا كلها فيتنامى .. و انها اقل جودة من الكورى و الصينى .... هو دا صحيح و لا مفيش فرق
semsemSiR
2016-09-02 (09:41:47PM)
اة طبعا نسخة 9506 افضل فى البروسيسر وكارت الشاشة فقط, بس للاسف مش بتنزل السوق بتاعنا يعنى قليل ماهتلاقيها

والاس 4 بكل نسخة تم تحديثة لاندرويد لولى بوب ( 5.0.1 )
mostafas4
2016-09-02 (12:06:41PM)
حضرتك نسخة 9506 افضل من دى و لا لا ؟؟
و هل يمكن تحديث الاندرويد للمصاصة مثلا ؟؟
ارجو الرد
semsemSiR
2016-04-08 (08:35:51PM)
ال j7 افضل من حيث ( حجم الشاشة - الكاميرا الامامية - البطارية - السوفت احدث )

الاس 4 افضل من حيث ( الشاشة fhd وكمان عدد البيكسلات وجوريلا جلاس 3 - ir blaster - حساسات وحركات هوائية - رامات اكبر - سرعة النت افضل للباقة - اخف وحجم افضل )

فى الاخر استنى احسن j7 2016 او تشترى ال a5 2016
marwaattia
2016-04-07 (06:57:13PM)
هو افضل ولا الj7
وهو شريحتين ولا شريحة واحدة ولو شريحة واحدة ايه افضل جهاز بشريحتين
semsemSiR
2014-10-09 (02:42:38PM)
الاس 4 طبعا
justone
2014-09-16 (07:58:31PM)
سؤال معلش الاس 4 افضل ولا note 3 neo
semsemSiR
2014-05-22 (08:42:14PM)
الاس 4 فية كل دة

وللمرة المليون , ماينفعش تقارن الاس 4 بالنوت 2 , لان النوت 2 اقل فى حاجات كتير

الاس 4 يتفوق فى الكاميرا والاوبشن + الاوبشن

يتفوق فى قوة الالوان + عدد الpixel يعنى الاس 4 441 ppi مقابل 267 ppi للنوت 2

شاشة الاس 4 قوتها 1080*1920 بيكسل , مقابل 720-1080 بيكسل فى النوت 2 يعنى دة هيفرق معاك جداا بعد كدة

كمان الاس 4 علية طبقة حماية gorning gorilla glass 3 مقابل gorninig gorilla glass 1 للنوت 2

يتفوق فى البطارية لو الاتنين على نفس السوفت وير 4.3

يتفوق فى التحديثات

يتفوق فى الاوبشن + الحساسات

الاس 4 يتفوق فى ال cpu - gpu لان الاس 4 بثمانى انوية

يتفوق فى وجود اشعة تحت الحمراء تعمل كريموت

يتفوق فى سرعة النت لان الاس 4 بتصل سرعة تحميلة الى 42 ميجا فى الثانية الواحدة + خصائص اخرى تجعل النت فائق السرعة على الاس 4 , مقابل 21 ميجا فقط فى النوت 2

وجود mhl 2 + usb host فى الاس 4 , ودول غير موجودين فى النوت 2

عايز تانى ولا اقول كمان
smsmjudo
2014-05-16 (11:53:43PM)
طب انا دلوقتى محتار مابين النوت 2 والاس 4

اكتر اهتماماتى ف التليفون هتكون

1- الانترنت شىء اساسى
2-الكاميرا خصوصا التصوير الفتوغرافى مش الفيديو
3-قراة كتب بصيغة pdf
ويهمنى جدا مظهر الموبايل العام

فياريت مستخدمى النوت 2 والاس 4 يفيدونى لانى محتار فعلا اوى
semsemSiR
2014-04-17 (08:52:05PM)
ahmedaltayeb

شوف ياباشا تقدر تظبطها من حاجتين

هتروح على setting ثم my device ثم call وهتلاقى عندك اوبشن personalize call sound

وعندك وانت بتتكلم فية عندك رسمة ال equalizer على الشمال لو دخلت عليها هيديك نفس الاختيارات دية
ahmadaltayeb
2014-04-17 (07:22:09PM)
ايه موضوع Equalizer سماعة التحدث ده ؟

ده موجود فين بالضبط ؟ وازاى اعرف اضبطه ؟

وشكرا على الرد مقدما
semsemSiR
2014-04-12 (12:13:29PM)
mahmousmasoud

للاسف مافيش امكانية تقدر تعرف بيها غير لما تفتج الهاتف وتشغلة

او تسأل البائع قبل ماتشترى
mahmoudmasoud
2014-04-11 (11:44:35PM)
اذاى بقي يا سمسم أعرف تاريخ تصنيع الجهاز قبل ما اشتريه لإن ده شئ مهم جدا واتمنى تفيدنى فيه؟
semsemSiR
2014-04-09 (07:21:56PM)
mahmoudmasoud

ربنا يخليك ياباشا دة بس من زوقك

نصيحة منى هات الاس 9500 , لانة افضل واسرع فى حاجات كتير وعشان تبقى عارف فى الاتى :

1- صافى الرامات اكتر - اسرع فى الاداء - كاميرا بأحدث سينسور rs مقابل r فقط فى ال 9505 - معالج رسوميات اقوى gpu )

هات الاس 4 9500 , وصدقنى لما تمسك الاتنين هتعرف انك اختارت الاختيار الصحيح ( 9500 ) ودة عن تجربة قبل مااشترى التليفون بتاعى على فكرة , ودية تجربة فعلية مش كلام مواقع

وانا قولتلك ماتسمعش لاى حد , الله انا سمعت عيوب فى التليفون دة كأنك هتشترى تليفون صينى وفى الاخر والله مافية حاجة واحدة طلعت صح

التليفون كانت كل مشكلتة السخونية مع تحديث 4.2.2 اتحلت تماما مع تحديث 4.3

هية دية المشكلة مافيش حاجة تانى

botyyounis

اة الجهاز وهو كان على 4.2.2 كان بيسخن , لكن بعد التحديث الجهاز ل 4.3 درجة حرارة الجهاز بقت طبيعية جدااااااااااا

انا جهازى جايبة ضمان دولى , بس اصدار 2013-12

ونصيحة منى اى حد يجيب جهاز S4 يجيبة اصدار من بعد شهر 8 عشان كان فية مشكلة فى البطارية اول لما نزل وسامسونج غيرت الاصدار تماما بتاع البطارية ببطاريات تانية
botyyounis
2014-04-09 (06:08:28PM)
صديقي سؤال بسيط :)
اولا ايام ما كان الجهاز على 4.2 كان بيسخن؟
ثانياً حضرتك جبته منين ؟
mahmoudmasoud
2014-04-09 (01:01:06PM)
بصراحة تسلم أيديك اقل ما توصف به انك برنس - بس انا دلوقتى الناس كلها والمواقع العلمية بتشكر في الموديل الفور جى؟؟ وبتقول انه اصلا مفيهوش المشاكل اللى اكنت موجودة في ال3 جى واتحالت إنتا ايه رائيك الفور جى ولا ال3 جى؟؟؟ بس بموضوعية والف الف شكر ليك وربنا يباركلك فيه يا باشا
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل
معلومات سريعة عن Samsung Galaxy S4 I9500
  • Android
  • 1080 x 1920 pixels, 5.0 inches (~441 ppi pixel density)
  • 3G
    2G / 3G
  • 13 MP, 4...