ارجو المساعدة s4 ولا sony z1

شوف يا باشا

الاس 4 متفوق في البطارية و الصوت والشاشة والحساسات اللي بتنفرد بيها سامسونج وتوافر الاكسسوارات في كل حتة وبردو الزد 1 اكسسواراته متوفرة بس مش بكثرة زي الاس 4

اما الزد 1 متفوق في البروسيسور ومعالج الرسومات يعني الزد 1 اداءه افضل واسرع من الاس 4 وبيشغل اﻷلعاب بسلاسة اكتر + انه فيه راديو وعلي فكرة التحديثات فيه بتوصل اسرع من الاس 4 الجهاز دلوقتي عليه اندرويد 4.4.4 اما الاس 4 عليه 4.4.2 بس الاتنين هينزلهم قريب Android L وكمان ضد المياة والتراب يعني جهاز قوي جداً وبيستحمل البهدلة وطبعاً خاماته افضل من الاس 4 فانا شايف الزد 1 افضل واقوي من الاس 4 ( في نظري )

مشكلة السخونية اتحلت من زمان في الاس 4 بعد نزول تحديث ال 4.3

ومبروك مقدما ايا كان اختيارك :)

s4 افضل فى :

1- شاشة

2- صوت

3- بطارية

4- كاميرا

5- اوبشن حساسات

6- شكل الواجهة بتاعتة

7- حجم اخف واصغر واسهل فى الايد وانحف

السونى z1 يتفوق فى :

1- خامات افضل

2- ضد المياة

3- راديو

بالنسبة بقى للاداء فهو واحد فى الاتنين

وياريت بس الناس تبقى عارفة حاجة , محدش يقارن سرعة الواجهة بتاعة السونى , بسامسونج ويتخيل ان السونى اسرع عشان البروسيسر , لأ دة كل الموضوع ان واجهة سونى خفيفة وفاضية من اى انيميشن او حركات بعكس سامسونج , ومع ان بردة سامسونج بيؤديها بكل سهولة بس مش بسرعة السونى فى الحركة

shiko2007

شوف يا باشا من الاخر عاوز تليفون سريع ومش بيهنج وبيستحمل الشغل التقيل هات الزد 1 ولو يهمك الحساسات والحركات والواجهة تكون شكلها حلو خلاص هات الاس 4

وفيه بردو جهاز احسن من الاتنين وسعره زي الاتنين بردو هو LG G2 جهاز جبار بمعني الكلمة واحسن من الاتنين تقريبا في كل حاجة معادا الخامات افضل شوية في السوني

انصحك جدا بالجي 2 لانه بيجمع بين مميزات الاس 4 والزد 1

جهاز سريع جدا ومش بيهنج زي الزد 1 والواجهة بتاعته ممتازة زي الاس 4 ويمكن افضل

وكمان شكله اشيك من الاتنين في رأيي والكاميرا بتاعته ممتازة وكذلك البطارية افضل من الاتنين وشاشته اكبر من الاتنين

هو عيبه انه مينفعش تركبله كارت ميموري عشان كده انصحك تجيب النسخة ال 32 جيجا عشان متشيلش هم الذاكرة بعد كده

تمام الجى 2 حهاز كويس جداا زى ماقال الاخ يوسف

بس مش افضل من الاس 4 هو قريب منة جدااا

يعنى مثلا :

الاس 4 بيتفوق علية فى :

1- الشاشة كالوان

2- الكاميرا

3- السينسورز

4- البطارية افضل فى الاداء وكمان قابلة للازالة

5- امكانية تركيب كارت ميمورى

6- الصوت اعلى وانقى

7- توافر الاكسسوارات

ال lg g2 يتفوق :

1- حجم الشاشة اكبر

2- فية اوبشن وحركات افضل زى مثلا خاصية ال knock

3- ممكن يكون اخف شوية فى السوفت من الاس 4 عشان بردة يعتبر خام وبدون حركات ولعب زى السامسونج

فى النهاية الجهازين ممتازين جداااااااااااا

بس انا عملت مقارنة قبل ماااشترى الاس 4 9500 , واستقريت تماما على الاس 4 لانة كان افضل فى نقاط كتير بالنسبالى

ولك بردة حرية الاخنيار و حاول تجرب الجهازين وتشوف انت مستريح لمين

الاس 4 كويس جدا لكن لا يقارن بالجي 2 اطلاقا في اي حاجة الجي 2 اعلي منه في كل حاجة تقريبا ومشاكله اقل من الاس 4

اولا الشاشة بتاعته اكبر ومفهوش فريم تقريباً وده مخليه شكله شيك جداااااااااا فعلاً من افضل الهواتف شكلاً حاجة فخمة :)

ثانيا شاشة الجي 2 ممتازة والوانها واقعية جداً وانا شوفت الاتنين بنفسي علي اعلي اضاءة مفيش فرق غير في واقعية الالوان في الجي 2 فعلا شاشته رهيبه سواء كحجم او كالوان لكن بردو شاشة الاس 4 ممتازة جدااااااا

والكاميرا اﻷتنين ممتازين وتقريبا نفس الخصائص اللي في الاس 4 موجودة في في الجي 2 لكن كاميرا الجي 2 افضل سواء تصوير عادي او فيديو التفوق واضح للجي 2 والصور في الجي 2 اقريب للواقع من الاس 4 الحقيقة لكن بردو كاميرا الاس 4 ممتازة

والبطارية في الجي 2 افضل من الاس 4 علي ارض الواقع لكن قريبين من بعض بس بردو الجي 2 افضل في البطارية

وكمان بتتشال عادي لكن في التوكيل

والصوت الاس 4 يمكن اعلي حاجة بسيطة جداااااا لكن الجي 2 انقي وبردو عالي جداااااا ومسموع فالاتنين تقريبا يعتبروا واحد

والواجهة بتاعته ممتازة وفيه مميزات وحركات مش موجودة في الاس 4 علي فكرة وبرغم ذلك خفيف جداااااااااا ومش بيهنج اطلاقا

فطبعا السرعة هتكون في صالح الجي 2 مفهاش كلام

وكمان الجي 2 فيه راديو اما الاس 4 ﻷ

وكمان خامات الجي 2 افضل من الاس 4

فلو في حاجة هيتفوق فيها الاس 4 فهي البطارية القابلة لﻹزالة والحساسات اللي في الاس 4 لكن صدقني مش مهمة خالص والاكسسوارات متوفرة اكتر لكن بردو اكسيوارات الجي 2 متوفرة لكن مش بكثرة زي الاس 4

من الاخر يا باشا زي ما قالك الاخ سمسم جرب الاتنين قبل ما تشتري واحد فيهم وشوف اللي انتا مستريحله اكتر وهاته وان شاء الله مش هتندم لو جبت اي تليفون فيهم سواء الجي 2 او الاس 4 او الزد 1 لان كل تليفون فيهم فيه حاجة بتميزه عن التاني

لكن لو عاوز رأيي يا باشا

فهيكون اﻷفضل بالترتيب كده

الجي 2

الزد 1

الاس 4

لكن شوف اللي انتا مستريحله اكتر وجيبه

تحياتي ليك :)

مع احترامى لرأيك ياخ يوسف

1- الشكل انا مش هتكلم فية دية ازواق , بس انا مبيعجبنيش شكل ال lg اصلا , وكمان حركة الزراير الخلفية وزرار الباور دية رخمة جدااااااااا

2- حجم الشاشة ماشى , لكن الوان معلش لا يضاهية , انا مش عارف ازاى انت بتقول كدة , الاس 4 يتفوق فى الشاشة مافيش نقاش

3- الكاميرا : لأ طبعا كاميرا الاس 4 افضل والفرق واضح وبردة وفى كل الظروف

4- البطارية : حضرتك ممكن تدخل على قسم اللى جى وتشوف مشاكل البطارية مع الجهاز اللى هيفيد بالموضوع دة اكتر هما اصحاب الجهاز , بس انا عن نفسى الاس 4 افضل بكتير فى البطارية

وعند حضرتك التقرير بتاع البطارية بتاعتى

5- الصوت اعلى بفرق واضح , موضوع بقى النقاء دة هما الاتنين نقائهم عالى , بس الاس 4 صوتة انقى

6- تمام فية حركات مش موجودة هنا والعكس

7- خامات اللى جى 2 افضل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عموما مش هتفرق الاتنين بلاستيك

8- الجى 2 مش متوفرة ولا حاجة , واللى هتلاقية موجود , حاجة واحدة مافيش تنوع يعنى مضطر تشترية , عشان كدة الناس بيشتروا حاجاتة من الخارج , اذا كان اصلا الجهاز قليل جدااا فى السوق بسبب قلة مبيعاتة , هيكون لية اكسسوراات منين

مع احترامي يا اخ سمسم

لكن زي مانا قلت الاس 4 لا يقارن بالجي 2 من اساسه في اي حاجة ﻷن الجي 2 متفوق وبجدارة كمان

الشكل الصراحة انتا الوحيد اللي بيقول كده لكن انتا حر وفي اﻷخر دي اذواق لكن الجي 2 افخم واشيك بكتير من الاس 4

الوان الشاشة في اﻷتنين ممتازين زي ما قلت لكن الجي 2 اقرب للواقع

الكاميرا افضل في الجي 2 بفرق واضح والصور فيه بردو بتبقي اقرب للواقع ده اللي انا شوفته

الصراحة مشوفتش حد بيشتكي من بطارية الجي 2 قد مالناس بتشتكي من بطارية الاس 4 والتعليقات في الموضوع ده ياما راجع الصفحات وانتا تتأكد وبعدين كل الناس بتقول ان بطارية الجي 2 ممتازة مش انا بس

والله شوفته مليون مرة مش محتاج انك تقولي وانا ومش شايف انها معجزة ال 4 ايام و 16 ساعة دي في اجهزة كتير جدااااااااااا بتكسر الرقم ده انا عندي سامسونج جالكسي نوت 10.1 بيقعد معايا احيانا بالاسبوع من غير شحن وبشتغل عليه كمان عادي والنوت 3 بردو بيوصل ل 4 ايام من غير شحن وكذلك الزد 2 وتليفونات كتير مش لازم اقولها كلها لكن عموماً انتا حر في رأيك

الصوت زي ما قلت الاس 4 اعلي حاجة بسيطة جدااااااا بس الجي 2 صوته انقي فالاتنين يعتبرو زي بعض بالنسبالي

ايوا خامات الجي 2 افضل وبلاستيك عن بلاستيك يفرق والجي 2 بيستحمل عن الاس 4

ﻷ متوفرة صحيح مش زي الاس 4 لكن مش صعب انك تلاقيها أبداً

والجهاز اداءه احسن من الاس 4 سواء في التصفح او في سرعة فتح التطبيقات او اداءه في الجيمز وده طبيعي عشان البروسيسور ومعالج الرسومات فيه افضل من الاس 4

ده الصراحة اللي انا شايفه

الاس 4 كويس لكن لا يقارن بالجي 2 أبداً ده حاجة وده حاجة تانية خالص

الجي 2 تقارنه بالزد 1 والنوت 3 لكن لا يقارن مع اﻷس 4 أبداً

ده رأيي

الصراحة ياباشا , رأيك دة اول مرة اشوفة واسمعة , عموما انت حر فى رأيك

انا الصراحة بشوف منك تقييمات مختلفة تماما عن اى تقييمات موجودة سواء على ارض الواقع او على النت

وانت بتقول متوفق وبجدارة ؟؟؟؟!!!!!!!!!!!!!!

وعموما ياباشا ممكن تبص كدة على الفيديو دة عشان تشوف اللى بيتفوق علية بجدارة

هههههههههههههههه لا يا راجل

انا بردو اللي تقيماتي غريبة ومختلفة عن المواقع

الصراحة انا اللي مشوفتش اغرب من تقيماتك للتليفونات صحيج كل واحد حر يقيم اللي هو عاوزه

لكن بصراحة كلامك غريب جدااااااااا ومش موجود ولا في المواقع ولا علي ارض الواقع

والدليل علي كده ان انتا بتقول ان الاس 4 احسن تليفون واي حد محتار بينه وبين اي تليفون تاني تقول الاس 4 افضل حتي لو الفرق بينهم شاسع لصالح التليفون التاني وانتا والله الوحيد اللي شوفته بيقول كده

ولما حد بيقول انا محتار بين مثلاً الزد 2 وال M8 تقوم رادد وتقوله ولا ده ولا ده هات الاس 4 او الاس 5

خلي بالك ان في ناس بتشتري بناءً علي كلامنا إحنا فمينفعش نقولهم معلومات غلط ﻷن ده الصراحة مش المفروض انه يحصل وكده بنكون بنضر الناس مش بننفعهم ويبقي كده حرام علينا

وانا ممكن اجيبلك الف فيديو والف موقع يأكدوا كلامي بس انا مش هعمل كده ﻷني عاملته كتير قبل كده خاصاً في المناقشة بتاعت الزد 2 وبردو مفيش نتيجة وده اللي خلاني اطلع برا المناقشة ﻷني عارف انها مش هتفرق ولو كنت كملت كنا زمانا كتبنا يجي 1000 بوست وبردو مكنتش هتقتنع والله

وكمان عشان انا متأكد اني مهما جبتلك من ادلة انتا مش هتقتنع وهتفضل مصر علي رأيك يبقي ايه لازمتها بقي اﻷدلة


وانا الصراحة معنديش استعداد اني ابذل وقت ومجهود وفي اﻷخر كأني معملتش حاجة

هههههههههههههههههههههه

فى اول سؤال , فى التخيير مابين الزد 2 وال m8 , انا قولت هات الاس 5 , ماقولتش هات اس4 او اس 5 , مع الفرق مابينهم قليل , بس انا قولت هات الاحدث

انت اللى مش عاجبك ولا اس 4 ولا اس 5

عموما ياباشا مافيش حاجة اسمها اس 4 , افضل من كل اللى فى الساحة بس انا قولتلك كلمة وهفضل هقولها

لسة ماجاش التليفون اللى يخلينى اقول ان فعلا التكنولوجيا اتغيرت , لما تيجى ساعتها هقول ان الاس 4 فعلا قدم والاس 5 كمان

لكن مشكلتلك انك حتى لو شايف ان الحاجة دية افضل , بتبالغ فيها جدااا , يعنى مثلا جاى تقول ان ال g2 يتفوق على الاس 4 بجدااااااااااااااارة , فلما تقول كدة , يبقى انت بتبالغ

وعندك الفيديو اللى انا باعتهولك , حتى لو مش مقتنع بية بس اهوة واقع قدامك , وموجود

وصدقتى لو جيبت افضل فيديو مقارنة مابين الاتنين ومطلع الاس 4 اسوء هتلاقى الفرق مابين اى حاجة لا يتعدى ال 0.2 ثانية , يعنى شىء عبيط لا يذكر اصلا

وانا بردة مش بقول ان الجى 2 وحش , بالعكس انا بقول قريب جداااا من الاس 4 , وقولت نقاط التفوق هنا وهنا , لكن انت مقارنتك بتكون بكلام غير مطابق للواقع

وقعدت تقولى انت تليفونك اللى الحمد لله مافيش فية مشاكل , ادينى جيبت تليفون تانى والحمد لله زى الاولانى , يعنى الحمد لله الاس 4 زى الفل اهوة ولا لازم استنى 7 شهور زى مانت قولت عشان اختبر التليفون ؟؟

شوف ياباشا انا تقييماتى واقعية , انا بمسك الاتنين جنب بعض , ويكون نفس التطبيقات هنا وهنا , والاغانى هنا وهنا , ويتم الاختبار , وبطلع بالنتيجة اللى انت بتشوفها دية

وبعدين ماانت عارف انا لسة جايب اس 4 ( تانى ) يعنى انا لو شايف ان الجى 2 افضل ماهو اقل من تمن الاس 4 كنت جيبتة وريحت نفسى , لكن زى ماقولتلك مش هو التليفون اللى شايفة يتفوق على الاس 4

وانا بردة ياباشا بقول كدة عشان الجدالات بتروح فى موضوع تانى خالص

عموما ياريت صاحب السؤال , ينزل يجرب الجهازين واللى شايفة افضل بالنسبة لية , مبروك علية

هههههههههههههههههههههه

فى اول سؤال , فى التخيير مابين الزد 2 وال m8 , انا قولت هات الاس 5 , ماقولتش هات اس4 او اس 5 , مع الفرق مابينهم قليل , بس انا قولت هات الاحدث

انت اللى مش عاجبك ولا اس 4 ولا اس 5

عموما ياباشا مافيش حاجة اسمها اس 4 , افضل من كل اللى فى الساحة بس انا قولتلك كلمة وهفضل هقولها

لسة ماجاش التليفون اللى يخلينى اقول ان فعلا التكنولوجيا اتغيرت , لما تيجى ساعتها هقول ان الاس 4 فعلا قدم والاس 5 كمان

لكن مشكلتلك انك حتى لو شايف ان الحاجة دية افضل , بتبالغ فيها جدااا , يعنى مثلا جاى تقول ان ال g2 يتفوق على الاس 4 بجدااااااااااااااارة , فلما تقول كدة , يبقى انت بتبالغ

وعندك الفيديو اللى انا باعتهولك , حتى لو مش مقتنع بية بس اهوة واقع قدامك , وموجود

وصدقتى لو جيبت افضل فيديو مقارنة مابين الاتنين ومطلع الاس 4 اسوء هتلاقى الفرق مابين اى حاجة لا يتعدى ال 0.2 ثانية , يعنى شىء عبيط لا يذكر اصلا

وانا بردة مش بقول ان الجى 2 وحش , بالعكس انا بقول قريب جداااا من الاس 4 , وقولت نقاط التفوق هنا وهنا , لكن انت مقارنتك بتكون بكلام غير مطابق للواقع

وقعدت تقولى انت تليفونك اللى الحمد لله مافيش فية مشاكل , ادينى جيبت تليفون تانى والحمد لله زى الاولانى , يعنى الحمد لله الاس 4 زى الفل اهوة ولا لازم استنى 7 شهور زى مانت قولت عشان اختبر التليفون ؟؟

شوف ياباشا انا تقييماتى واقعية , انا بمسك الاتنين جنب بعض , ويكون نفس التطبيقات هنا وهنا , والاغانى هنا وهنا , ويتم الاختبار , وبطلع بالنتيجة اللى انت بتشوفها دية

وبعدين ماانت عارف انا لسة جايب اس 4 ( تانى ) يعنى انا لو شايف ان الجى 2 افضل ماهو اقل من تمن الاس 4 كنت جيبتة وريحت نفسى , لكن زى ماقولتلك مش هو التليفون اللى شايفة يتفوق على الاس 4

وانا بردة ياباشا بقول كدة عشان الجدالات بتروح فى موضوع تانى خالص

عموما ياريت صاحب السؤال , ينزل يجرب الجهازين واللى شايفة افضل بالنسبة لية , مبروك علية

ودة فيديو تانى بيؤكد كلامى , وياريت تسمع كمان هو بيقول اية

عشان بس تعرف مين اللى كلامة غريب

لانك بتقول شاشة ال lg افضل

أنا بصراحة جبت الإس 4 ثقة في كلام الأستاذ سمسم بس بصراحة ندمت ندم شديد
البطارية من أسوأ ما يكون أنا هقارن بينها وبين بطارية الإس3 وبطارية الجي 2
لأن كان معايا قبله الإس3 والآن معايا الجي 2
هي أفضل بصراحة من الإس3 بس لا تقارن بتاتاً ببطارية الجي 2
بطارية الجي 2 خارقة بالفعل مع الإستخدام حوالي بطاريتين من الإس4
بالنسبة للشاشة الجي 2 واقعية فعلاً بس بصراحة شاشة الإس 4 تحسها أفضل بس شاشة الجي 2 مريحة أكتر للعين ودي هتلاحظها لما تعلي إضاءة الشاشتين وتشوف بنفسك
بالنسبة للكاميرا الإس 4 أفضل بفرق قريب مش بعيد
بالنسبة للسخونية والتهنيج حدث ولا حرج وشوف بنفسك شكاوي الناس من الإس 4
في الجي 2 تقريباً السخونية معدومة إلا في الألعاب القوية هي اللي بيسخن فيها بس مش زي سخونية الإس4 إطلاقاً فرق شاسع بين الإتنين لصالح الجي 2
بالنسبة للخامات بصراحة أنا شايف الجي 2 خامته أفضل وشكله أشيك بس نقول برضه إن دي أزواق

وبالنسبة للصوت فهو لصالح الإس4 بلا منازع الصراحة
صوته عالي جداً سواء في الرنة أو في المكالمة
بس مش معنى كده إن الجي 2 صوته وحش
هو جميل ونقي بس مش في مستوى الإس4

يعنى حضرتك بتقول ندمت ندم شديد, انك جيبت الاس 4 وفى التقرير اللى حضرتك عاملة مابين الجهازين ال g2 اللى هو انت تمتلكة لقيت الاتى :

1- الاس 4 صوتة افضل بلا منازع على حسب كلامك

2- الكاميرا افضل فى الاس 4

3- الشاشة افضل فى الاس 4 , وطبيعى كلنا عارفين ان شاشات السامسونج الالوان فيها اتقل شوية بس فى الاس 4 بيجمع مابين الواقعية وجمال الالوان

يعنى تقريبا مشكلة التليفون معاك من السخونية والبطارية

طيب ياباشا , انا مش بتكلم من فراغ , انا دائما بدعم كلامى بسكرين شوت , وكمان فية تقرير للاخ
المشرف : احمد محمود بيؤكد كلامى + انى كمان معايا جهاز تانى اس 4 , والحمد لله بطاريتة زى الفل
طيب فين المشكلة : المشكلة ياباشا ان ممكن يكون جهازك من النسخ القديمة اللى البطارية فيها تعبانة , واحنا نبهنا على الكلام دة كتير , ان النسخ القديمة من الاس 4 فيها مشاكل فى البطارية

موضوع السخونية , الاس 4 بيسخن زى اى تليفون , درجة حرارتة مش بتعدى ال 35 ولو عدت اخرها 38 فى اسوء الحالات , اعلى من كدة يبقى عيب نسخة

كمان نزل تحديث الكيتكات حسن موضوع السخونية جدااااااااااااااااا بشهادة كل الناس

وانا معايا جهازين اس 4 واحد معايا من 7 شهور تقريبا , والتانى بقالة اسبوعين , والحمد لله مافيش اى شكوى من اى نوع

وعموما مشكور ياباشا على التقرير وعلى الحيادية فى التقرير

التقارير اللى بتكون من ملاك الهاتفين بتكون ادق تقارير

KareemKiki

انا اتفق معاك كلياً ان الجي 2 افضل من الاس 4 بفرق مش قليل ومشاكله اقل بكتير من الاس 4 ده اذا اصلا لو كان فيه مشاكل

وكويس ان حضرتك كان معاك الاس 4 قبل كده ودلوقتي معاك الجي 2 فانتا اكتر واحد عارف انهي اﻷفضل

وكل الناس مقتنعة ان الجي 2 اقوي واحدث من الاس 4 او بلاش نقول كلهم لكن اغلبهم رأيه ان الجي 2 افضل

بس انا اختلف في بعض النقاط بس يمكن انا اكون غلطان فيها لاني مش معايا الجي 2 يومياً

وشايف ان الكاميرا فيه افضل من الاس 4 هما الاتنين ممتازين طبعاً بس انا شايف ان الصور في الجي 2 بتبقي الوانها هي اﻷقرب للواقع اما الاس 4 هو ممتاز بردو بس مش بيطلع الصور زي الحقيقة بالظبط وانا معايا الاس 4 وعارف كاميرته كويس وقارنته مع كاميرات كتير اخرهم الزد 2 وكان متفوق علي الاس 4 تقريباً في جميع اﻷوضاع سواء تصوير نهاري او ليلي بفلاش او بدون

وشايف نفس النظام تقريباً في المقارنة بين كاميرا الجي 2 و الاس 4

اذا كان كاميرا الجي 2 تكاد تكون متفوقة علي كاميرا الاس 5 يبقي مش هتتفوق علي كاميرا الاس 4 :))

شوف حضرتك المقارنة دي كده

بس دي بردو تعتبر اذواق في ناس شايفة ان كاميرا الجي 2 افضل وفي العكس

وانا متفق معاك تماماً ان البطارية افضل في الجي 2 من الاس 4 سواء بقي نسخة قديمة او جديدة

وانتا بتقول كمان ان حضرتك استخدمت بطاريتين اس 4 وبردو الجي 2 متفوق

وانا بردو غيرت البطارية ومحستش بالفرق الرهيب يعني وبردو بطارية الجي 2 متفوقة علي الاس 4

والصوت معاك ان الاس 4 يمكن اعلي حاجة بسيطة لكن كنقاء الجي 2 افضل حاجة بسيطة بردو فبالنسبالي اﻷتنين واحد

وبصراحة انا مشوفتش حد بيشتكي من تهنيج في الجي 2 إلا نادراً ودي بتبقي مشكلة خاصة بجهاز معين لكن مش كل الاجهزة بتهنج

والسخونية الجي 2 مش بيسخن وانا عندي الاس 4 بردو مش بيسخن بس ساعات بيوصل 40 او 42 لما الجو يكون حر

والشكاوي فعلا كتير من الاس 4 بسبب التهنيج والسخونية والكلام موجود في الصفحة هنا عشان بس في ناس بتقول بتجيب الكلام ده منين في اعضاء كتير بيشتكوا من الحكاية دي هنا في الموقع وفي الصفحة دي

وانا منهم بس الشكوي عندي من التهنيج لما بتقل شوية علي الجهاز بيبتدي يهنج لكنه في الوضع العادي من غير استخدام بيبقي كويس

والشاشة والله الاتنين ممتازين بس انا اتفق معاك ان شاشة الجي 2 مريحة اكتر للعين والوانها واقعية جدا

وبردو شاشة الاس 4 ممتازة بس بحس ان الوانها مش طبيعية وبحسها فاقعة شوية مش معتدلة زي الجي 2 لكنها ممتازة مفيش كلام

والخامات انا معاك فيها وزي ما انا قلت الاتنين بلاستيك بس بلاستيك عن بلاستيك يفرق :)

وانا شايف ان الجي 2 متفوق تقريباً في كل حاجة علي الاس 4 بجداااارة ده رأيي الشخصي

بس ده ميمنعش ان الاس 4 وحش ﻷ هو كويس بس لا يرقي للجي 2 إطلاقاً

المشكلة يايوسف باشا ان كل واحد بيتكلم على حسب التليفون اللى معاة .
عموما انا محترم راى الاستاذ كريم جداا. والمشاكل اللى هو اتعرضلها دية مشاكل عارضة مش فى اى تليفون
انا معايا اس 4 بقالة 7 شهور مهنجش منى مرة واحدة الحمدلله مع انى هارية شغل
بس يايوسف باشا ربنا يخليك لو انت شايف ان الجى 2 افضل مافيش مشكلة بس ماتقولش لايرقى عشان نقاط التفوق للاس 4 كتير اوى
ياريت تتقبل راى دة

هو فعلا الاس 4 لا يرقي للجي 2 ابدا ولا يقارن بيه اطلاقا في معظم الأمكانيات مش هقول كلها لكنه لا يتفوق عليه في اي شيء ولا قي سرعة ولا في بطارية ولا غيره

يمكن انتا شايف ان الصوت و الشاشة افضل في الاس 4 بس انا شايف ان الاتنين تقريبا واحد في الصوت وكمان الشاشة اقرب للواقع في الجي 2

وبردو الكاميرا نفس الكلام واظن الفيديو اللي انا جبته مبين قد ايه كاميرا الجي 2 ممتازة ومتفوقة في اغلب الصور علي الاس 5 مش 4 كمان

وانا بصراحة مش شايف نقاط التفوق الكتيرة اللي انتا بتقول عليها دي لأ كمان مفيش اي حاجة يتفوق فيها الاس 4 غير ان البطارية بتاعته قابلة للإزالة

مش عارف انتا بتجيب الكلام ده منين الصراحة

وعادي يعني مانا معايا الاس 4 بقاله اكتر من سنة وعارف كل مميزاته وكل عيوبه كويس اوي وهو مش وحش بس شايف انه لا يقارن بأي تليفون لعام 2014 وبردو بعض التليفونات لعام 2013 منهم الجي 2 والزد 1 والنوت 3 وبصراحة مفيش حد من اللي معاهم الاس 4 او اللي مش معاهم بيقولوا انه احسن تليفون زي ما بتقول

والاستاذ كريم اهو كان معاه الاس 4 ودلوقتي معاه الجي 2 وهو اكيد اكتر واحد كلامه هيكون صحيح في المقارنة بينهم وقال رأيه ان الجي 2 افضل عاما يبقي انتا بتجيب الكلام ده منين وبتقول ان الجي 2 لا يرقي للأس 4 ههههههههههههههههههههه

والشكاوي ياما من الاس 4 وتقريبا ده اكتر جهاز الناس بتشتكي منه هنا في الموقع سواء بقي شكاوي في البطارية او السخونية او الخامات الرديئة او التهنيج كل ده وتقولي مشكلة خاصة بالأجهزة بتاعتهم هههههههههههههههه امال ايه السليم بقي في الأجهزة دي طالما معظم الناس بتشتكي منه

ومتقوليش مشكلة البطارية عشان تليفونه من النسخ القديمة ما هو بيقولك استخدم بطاريتين اس 4 وانا كمان علي فكرة غيرت البطارية بتاعتي والتانية علي وشك بردو انها تتغير او اغير الجهاز نفسه واخلص وبردو البطارية مش شايفها بالقوة اللي انتا بتقول عليها دي

وفيه تليفونات كتيرة جداااااااااااااااااااااااااااااااااااااااا احسن من الاس 4 بكتيير في البطارية

مش عارف علي اي اساس يا باشا بتقول انك مشوفتش بطارية زيها يبقي كده انتا ممسكتش ولا الجي 2 ولا الزد 2 ولا النوت 3 ولا النوت 2 ولا ال m8 وتليفونات غيرهم كتير لانهم احسن في البطارية من الاس 4 بكتير بشهادة كل الناس مش انا بس وكل المواقع بتقول كده كمان

وعاوزني اصدق ان بطارية الاس 4 احسن بطارية

ولو قلتلي انا معايا جهازين اس 4 مفهومش حاجة من دي هقولك ان اغلب الناس اللي معاهم التليفون بيشتكوا منه وباين اوي ان اغلب التعليقات شكاوي من الجهاز ولا انتا شايف غير كده يا باشا ؟؟؟

وبعدين انا مش عارف انتا ليه نافخه اوي كده ومحسسني انه جهاز محصلش ومفهوش غلطة ومفيش جهاز اقوي منه

مفيش جهاز مفهوش غلطة ده اذا كان اقوي الاجهزة اللي في السوق فيهم عيوب يبقي الاس 4 اللي هو لا يقارن بأي تليفون فيهم مفهوش غلطة سبحان الله

كل ده وتقولي متقولش انه لا يرقي للجي 2 كل ده وشايف انه متفوق عليه وكمان الجي 2 هو اللي لا يرقي للأس 4 ههههههههههه

والله انا مش عارف اقولك ايه تاني وانا عارف بردو انك مش هتقتع بكلامي حتي لو الادلة موجودة

عارف ليه يا باشا

لأنك معجب اوي بجهازك فطبيعي انك متقتنعش بكلامي وانا والله كنت بقول زيك انه احسن تليفون بس بعد ما مسكت تليفونات تانية زي الزد 1 والنوت 3 وغيرهم كتير عرفت فعلا ان انا غلطان وان في الاحسن منه بكتير كمان

وانا علي فكرة مش بهاجم التليفون او شركة سامسونج عاما

بس انا بقول اللي علي ارض الواقع واللي انا شايفه قدامي ومليش دعوة بحاجة تانية

واللي شايفه قدامي ان الاس 4 يعتبر جهاز عادي جدا بالنسبة لأجهزة كتير زي اللي قولتهم

ومتقوليش ان انا بتكلم علي حسب التليفون اللي معايا وخلاص مانا جربت اجهزة اس 4 تانية وبردو نفس النظام مفيش فرق

عموما يا باشا رأيك يحترم بس انا بصراحة مش مقتنع بيه خالص

الكاميرا بصراحة ساعات وساعات يعني لو إستخدمت الفلاش الصورة بتبقى تحفه
لكن بالنسبة للآداء زي ما قولت مفيش وجه للمقارنة أصلاً
ومش بإسم البروسيسور يعني ممكن تلاقي الإسم والنوع جامد وتيجي على أرض الواقع تلاقي الآداء ضعيف
البروسيسور فعلاً أسطوري يمكن أفضل تليفون جربته من ناحية الآداء والبطارية
بس كل تليفون له نقاط إيجابية ونقاط سلبية بس المهم إنك تقدر تتعايش مع السلبيات
أنا بصراحة مقدرتش أتعايش مع سلبيات الإس4 وكلها أذواق في الأول وفي الآخر
بالنسبة لسلبيات الجي 2 بصراحة يمكن ساعات الكاميرا بتلقط صور مش تمام قوي
وحلها إني نزلت جوجل كاميرا تقريباً مفيش صورة بتطلع وحشة
والنقطة التانية مفيهوش كارت ميموري وعلى فكرة الإس 4 حرقلي كارت ميموري كنت مشغله عليه ساعة لما جبته والكارت نوعه سامسونج وكان شغال زي الفل على الإس3
المهم أنا جبت النسخة الـ16 جيجا وبصراحة مكفياني جداً
النقطة التالتة صوته مش عالي قوي بس نقي ودي نقطة أنا وضحتها بس المهم في الأمر
إنك تسمعه حتى لو أنت في زحمة وده فعلاً اللي بيحصل بسمع صوت الرنة وأنا في الشارع عادي
بالنسبة للإس4 اللي عجبني فيه وزنه وحجمه وشاشته
وبالنسبة للأستاذ سمسم ربنا يباركلك في جهازك
بس لو فيه شركة نزلت تليفونات كتيرة بايظة ونسخ قليلة بس هي اللي خالية من المشاكل اللي معظمنا بيواجها بصراحة متبقاش شركة محترمة
أنا مش نازل أجيب موبايل صيني مضروب عشان أجرب حظي يكون الجهاز حلو أو وحش
المفروض كل الأجهزة تبقى سليمة وخالية من المشاكل ونسبة قليلة كده فيها عيوب
مش الغالبية يكون فيها عيوب
بصراحة أنا لأول مرة مشيلش هم بطارية تليفوني
ولا أشيل هم إن الجهاز ممكن يهنج مني بعد أيام من إعادة ضبط مصنع
ونقطة أخيرة يتفوق فيها الجي 2 الجهاز فيه 4 جي يعني مش هحمل هم لما الفور جي ينزل مصر

شوف ياباشا انا مش هستفاد حاجة لما اعظم فى تليفون ولا هاخد من دول فلوس ولا هاخد من دول فلوس يعنى من الاخر ماليش مصلحة
طيب تيجى بقى انك بتقولى انى بعظم جامد فى الاس 4 انا ماقولتش كدة ولا ينفع اقول كدة
وعموما عشان تبقى عارف ادى ياعم عيوب الاس 4
1.الذاكرة متاخد منها كتير
2.مافيش راديو
3.الخامات بلاستيك
4. بعض الناس بيشتكوا من مشاكل سخونية وبطارية
5.الفلاش مش قوى خصوصا فى الكشاف
6.بعض الناس بتعانى ارتفاع استهلاك الرامات
7.التحرك داخل الجهاز مش بسلاسة السونى والاتش تى سى
غير كدة الجهاز مافيش كلام علية
طيب انا عموما دية الحاجات اللى مضايقانى فى الجهاز باستثناء الرامات والسخونية والتهنيج والبطارية لان الحمد لله دول عندى فل الفل
وموضوع السخونية انا عملت سكرين شوت للحرارة وانا بلعب العاب عادية جاب 28.5 درجة
والعاب hd جاب 32.5 درجة
وانا على النت جاب 30 درجة
والجهاز بيتشحن جاب 36.8 درجة
يعنى الحمد لله مافيش كدة سخونية من اى نوع وكل الاختبارات دية فى غرفة بدون تكييف
ولو عايز الاسكرين موجود
انا دلوقتى بكلمك من نت التليفون بقالى 44 دقيقة سحب 8%
دة ياباشا الاس 4 اللى معايا ودة اللى بتكلم بناء علية

لا محدش قال انك هتاخد فلوس لما تطلع ده احسن او ده بس مش معقول اي حد يقول انا محتار بين الاس 4 واي جهاز تاني تقوله هات الاس 4 ايا كان نوع الجهاز التاني حتي لو كان سامسونح بردو ده اللي انا مستغرب منه لانك عمرك ما فضلت تليفون علي الاس 4 ولو الاس 4 مش موجود في المقارنة بردو بتفضل السامسونج عن اي ماركة تانية حتي لو الفرق كبير لصالح التليفون التاني دي كل الحكاية

يعني انتا بتقول عيب كمان مش موجود في الاس 4 اصلا هههههههه

يعني بتقول ان الفلاش ضعيف خصوصاً في الكشاف فلاش الاس 4 يعتبر اقوي فلاش شوفته ومثلا لو النور قاطع وشغلت الفلاش وحطيت التليفون في اﻷوضة بينور اﻷوضة كلها زي الكشاف الحقيقي ده دي تعتبر من اهم مميزات الاس 4 بس الفلاش بتاعه في التصوير بيطلع الصور مش طبيعية والوانها غريبة وده في كل السامسونج علي فكرة

ومتقوليش بعض الناس بيشتكوا من البطارية والسخونية ده اغلب الناس بتشتكي من البطارية والسخونية اظن ان تعليقات الناس اللي معاهم التليفون مبينة ده اوي انا مش بجيب كلام من عندي وانا قدامك اهو واﻷستاذ كريم بردو بنعاني من البطارية واحيانا الحرارة عندي توصل 42 لو الجو حر

والتحرك داخل الجهاز مش بسلاسة خالص زي ال htc و السوني مفيش مقارنة وفي سرعة فتح التطبيقات مبيبقاش 0.3 زي مانتا بتقول ده في تطبيقات السوني وال htc وال lg بردو بيفتحهوها اسرع من السامسونج ب 3 ثواني ويمكن اكتر

وأحياناً الاس 4 بيطلع برا اللعبة ده بشوفه كتير جداً حتي في الفيديوهات اللي علي اليوتيوب

الرامات فعلا تعتبر عالية حتي بعد الكيت كات مش بيقل عن 800 ميجا وده يعتبر عالي بالنسبة ﻷجهزة كتير انا عندي مثلا samsung galaxy note 10.1 استهلاك الرام بيبقي 295 ميجا من اصل 1.78 جيجا ويوم ما بيعلي اوي بيوصل 500 ميجا ولا حاجة ومع ذلك محمل علي تطبيقات والعاب بالهبل وهاريه شغل فما بالك بقي لو الجهاز فاضي هيكون عامل ازاي ونفس الكلام ينطبق علي النوت 2 خاصاً بعد الكيت كات استهلاك الرام ممتاز جداً

هههههههههه علي فكرة الجهاز اصلا من غير ما يكون مفتوح بيبقي 30 درجة ومع النت وكده بيوصل 34 ومع اﻷلعاب بيوصل ما بين 36.5 : 39 حسب اللعبة وحسب مدة اللعب ولما بيكون بيشحن ممكن يوصل 40 او 41

وانتا بتقول مع اﻷلعاب التقيلة بيبقي 32.5 امال من غير استخدام بيبقي كام يا باشا لو فعلا الكلام ده صحيح يبقي كده ممكن يوصل 20:22 درجة من غير استخدام هههههههههههه D:

عموما ربنا يحفظهولك بس بصراحة اﻷرقام اللي انتا بتقول عليها دي غريبة إلا بقي في حالة واحدة لو انتا بستخدم الجهاز في التكيف ممكن تكون الارقام دي صحيحة لكن حتي التكيف ميعملش الفرق الفظيع ده هههههههه ده الجي 2 مش كده يبقي اﻷس 4 يبقي كده اللي في ناس بتشتكي انه بيوصل ل 45 واكتر حتي بعد التحديث

والكلام ده بقي بناءاً علي استخدام اجهزة اس 4 مش واحد بس وبردو بناءً علي كلام اغلب الناس اللي في الموقع هنا

شوفوا كده الفيديو ده يا جماعة



وشوفوا ده كمان

شوف انا عمرى ماقولت لواحد الاس 4 افضل كدة وخلاص
اى مقارنة بقول مميزاتة وعيوبة وكل واحد ياخد اللى يريحة وانسب لية
دة فى اى مقارنة انا بعملها
موضوع الفلاش انا اقصد الكشاف لان كان معايا الادفانس اقوى من الاس 4 بس فى الجينجر بريد مش الجيلى بين
لكن كتصوير .فلاش الاس 4 فلاش الة تصوير محترفة
موضوع الرامات انا معايا الاس 4 بالكيتكات راماتة بدون فتح برامج 485 ولو عايز اسكرين موجود
الجهاز اللى معايا راماتة 750 ميجا
النوت 3 اللى معايا راماتة 1.5 من 2.66
رامات الاس 5 1.1 جيجا
كل دول بدون فتح برامج

موضوع السخونية والله مختبرة وانا قافل التكييف والشاحن قعد على الجهاز من 2% لحد 48 % وبشوف الحرارة لقيتها 36.8 درجة وعملت اسكرين شوت
وفتحت لعبة ولعبت اكتر من 15 دقيقة والحرارة 32.5
وانت بتقول فيها جهازى من غير مالمسة مابين 24 الى 26 على حسب الغرفة وساعات اقل
وكل دة عندى بسكرين شوت هرفعة قريب جداا عشان انا بتكلم من الموبايل دلوقتى ودية باقة داتا موبايل مش واى فاى
والله دة اللى حاصل عندى انت عارف مش بقول كلام غير مدعم بسكرين شوت عشان محدش يشكك فى اى حاجة ولو عايز للجها زين مافيش مشكلة
شوف ياباشا اتخن تليفون فتح اسرع من الاس 4 اللى معايا بفرق 0.5 ثانية ومش فى كل الالعاب كمان
عمر مافية لعبة معايا خرجت لوحدها او هنجت او الجهاز سخن جامد او اى حاجة الحمد لله
واى العاب واتقل العاب

اة انا شوفت الفيديو , مش فاهم منة حاجة

غير ان الاس 4 دة نازلة سوفت غير السوفت الاصلى بتاعة

وحتى لو عمل كدة فى اللعبة بالسوفت الاصلى مافيش مشكلة خالص اجيبلك اى جهاز انت عايزة بيعمل force stop

وان الاتنين واحد فى كل حاجة

لأ انا جايبه عشان انتا بتقول ان الاس 4 عمره ما خرج برا اي لعبة وجبتلك الدليل اللي يثبت ان كلامك مش صحيح وان الاس 4 بيخرج برا اللعبة

هههههههه ودلوقتي بقي عادي ان اي جهاز يخرج برا اللعبة امال مقولتش كده ليه علي الزد 2 لما خرج من لعبة spider man 2 وقلت ان الاس 4 مش بيخرج برا اللعبة خالص هههههههههه

عموما المناقشة والكلام الكتير مش هينفع ومش هيجيب نتيجة وهتفضل متمسك برأيك مهما جبتلك من ادلة

وانا جبت الفيديو مش عشان اللعبة قفلت في الاس 4 وخلاص انا جبته عشان اثبت ان اداء الجي 2 في الألعاب افضل من الاس 4 بفرق ملحوظ خاصا في الالعاب التقيلة واظن ده واضح اوي في الفيديو

انا الحمد لله بقالى 7 شهور بلعب اقوى العاب , وعمر مافية مرة واحدة لعبة قالتلى force stop وخرجت وانا بلعب

وانا بقولك انت جايب سوفت غير اصلى , رووم معدل للاس 4 , يعنى لا يمكن التطبيق علية

وبردة عشان تبقى عارف , انا جيبتلك كدة على ال z2 عشان انت بردة كنت بتقول ان الجهاز مابيخرجش برة اللعبة

فقوللتك لأ فية , بس المرة اللى انا جيبتها كانت بالسوفت الاصلى لية مش سوفت معدل

عموما ياباشا , انا ماشوفتش اى فرق مابينهم , انت عايز تقنع نفسك بحاجة مش موجودة على ارض الواقع , انت حر , دة فى الاول وفى الاخر مش هيقلل حاجة ولا هيزود حاجة من الجهاز

عشان الاس 4 حتى الان اجهزة 2014 لم تتفوق علية كليا يمكن تفوقت علية فى جوانب , وهو تفوق عليهم فى جوانب ( طبعا بأستثناء وجهة نظرك ) لانك ليك رأى تانى

وحتى لو تفوقت علية فى السرعة , هيكون الفرق زى ماقولتلك لا يتعدى ال 0.5 ثانية ومش فى كل الحالات كمان

يعنى انا ماروحش ادفع 1500 جنية زيادة , عشان اجيب جهاز اسرع من الاس 4 بنص ثانية , يبقى انا برمى فلوسى من الاخر

انت بقى مش شايف دة كلة بردة وجهة نظرك وتحترم ( دة رايك )

وكل واحد بيقول رأية بناء على الجهاز اللى معاة

عموما كلها يومين ان شاء الله , وانزلك صور الجهاز ونشوف السخونية بتاعة الاس 4 بتوصل لكام فى جميع الحالات ( وعامل كمان اختبار سخونية للجهاز وهو فى غرفة مكيفة ) ومش هقولك هو جاب كام درجة بس هسيب الادلة تتكلم

وهوربك بردة رامات الاس 4 بالكيتكات عشان انت بتقول 800 ميجا , هوريلك بردة هية درجة تشغيلها كام