بدور علي ايه؟ اكتب رقم موديل الموبايل الابدور عليه
احدث المشاراكات
-
2014-09-11 (07:32:55AM) Samsung Galaxy S4 I9500
للأسف كل هذه مشاكل مألوفة وموجودة في أغلب نسخ الإس 4
-
2014-09-05 (02:33:25PM) Samsung Galaxy S4 I9500
لو حضرتك حاططله كارت ميموري جرب تشيلة وجرب التليفون بعدها
-
2014-07-31 (04:30:54AM) Samsung Galaxy S4 I9500
الكاميرا بصراحة ساعات وساعات يعني لو إستخدمت الفلاش الصورة بتبقى تحفه
لكن بالنسبة للآداء زي ما قولت مفيش وجه للمقارنة أصلاً
ومش بإسم البروسيسور يعني ممكن تلاقي الإسم والنوع جامد وتيجي على أرض الواقع تلاقي الآداء ضعيف
البروسيسور فعلاً أسطوري يمكن أفضل تليفون جربته من ناحية الآداء والبطارية
بس كل تليفون له نقاط إيجابية ونقاط سلبية بس المهم إنك تقدر تتعايش مع السلبيات
أنا بصراحة مقدرتش أتعايش مع سلبيات الإس4 وكلها أذواق في الأول وفي الآخر
بالنسبة لسلبيات الجي 2 بصراحة يمكن ساعات الكاميرا بتلقط صور مش تمام قوي
وحلها إني نزلت جوجل كاميرا تقريباً مفيش صورة بتطلع وحشة
والنقطة التانية مفيهوش كارت ميموري وعلى فكرة الإس 4 حرقلي كارت ميموري كنت مشغله عليه ساعة لما جبته والكارت نوعه سامسونج وكان شغال زي الفل على الإس3
المهم أنا جبت النسخة الـ16 جيجا وبصراحة مكفياني جداً
النقطة التالتة صوته مش عالي قوي بس نقي ودي نقطة أنا وضحتها بس المهم في الأمر
إنك تسمعه حتى لو أنت في زحمة وده فعلاً اللي بيحصل بسمع صوت الرنة وأنا في الشارع عادي
بالنسبة للإس4 اللي عجبني فيه وزنه وحجمه وشاشته
وبالنسبة للأستاذ سمسم ربنا يباركلك في جهازك
بس لو فيه شركة نزلت تليفونات كتيرة بايظة ونسخ قليلة بس هي اللي خالية من المشاكل اللي معظمنا بيواجها بصراحة متبقاش شركة محترمة
أنا مش نازل أجيب موبايل صيني مضروب عشان أجرب حظي يكون الجهاز حلو أو وحش
المفروض كل الأجهزة تبقى سليمة وخالية من المشاكل ونسبة قليلة كده فيها عيوب
مش الغالبية يكون فيها عيوب
بصراحة أنا لأول مرة مشيلش هم بطارية تليفوني
ولا أشيل هم إن الجهاز ممكن يهنج مني بعد أيام من إعادة ضبط مصنع
ونقطة أخيرة يتفوق فيها الجي 2 الجهاز فيه 4 جي يعني مش هحمل هم لما الفور جي ينزل مصر -
2014-07-30 (10:54:25AM) Samsung Galaxy S4 I9500
وبالنسبة للصوت فهو لصالح الإس4 بلا منازع الصراحة
صوته عالي جداً سواء في الرنة أو في المكالمة
بس مش معنى كده إن الجي 2 صوته وحش
هو جميل ونقي بس مش في مستوى الإس4 -
2014-07-30 (10:52:45AM) Samsung Galaxy S4 I9500
أنا بصراحة جبت الإس 4 ثقة في كلام الأستاذ سمسم بس بصراحة ندمت ندم شديد
البطارية من أسوأ ما يكون أنا هقارن بينها وبين بطارية الإس3 وبطارية الجي 2
لأن كان معايا قبله الإس3 والآن معايا الجي 2
هي أفضل بصراحة من الإس3 بس لا تقارن بتاتاً ببطارية الجي 2
بطارية الجي 2 خارقة بالفعل مع الإستخدام حوالي بطاريتين من الإس4
بالنسبة للشاشة الجي 2 واقعية فعلاً بس بصراحة شاشة الإس 4 تحسها أفضل بس شاشة الجي 2 مريحة أكتر للعين ودي هتلاحظها لما تعلي إضاءة الشاشتين وتشوف بنفسك
بالنسبة للكاميرا الإس 4 أفضل بفرق قريب مش بعيد
بالنسبة للسخونية والتهنيج حدث ولا حرج وشوف بنفسك شكاوي الناس من الإس 4
في الجي 2 تقريباً السخونية معدومة إلا في الألعاب القوية هي اللي بيسخن فيها بس مش زي سخونية الإس4 إطلاقاً فرق شاسع بين الإتنين لصالح الجي 2
بالنسبة للخامات بصراحة أنا شايف الجي 2 خامته أفضل وشكله أشيك بس نقول برضه إن دي أزواق -
2014-07-18 (05:13:40AM) Samsung Galaxy S4 I9500
يا أستاذ سمسم، مع إحترامي لحضرتك
فوق قولت إنه منافس قوي وفي آخر رد بتقول إنه لا يرقى لمستواه
كلام حضرتك منافٍ تماماً لكل المواقع اللي شكرت في التليفون وبتقول إنه منافس قوي جداً
ثانياً أنا جبت الإس4 وبعته لكثرة السخونية والبطارية التعبانة جداً
أنا مش بقفل النت، جايز حضرتك قعدت معاك 4 أيام من غير إستخدام نت وده شيء طبيعي
لكن مع إستخدام النت يادوب يوم بالعافية -
2014-06-23 (07:49:50PM) Samsung GALAXY SIII Neo+ I9300I
هل الجهاز اللي مع حضرتك شريحتين ولا شريحة واحدة
ونسخة الآندرويد فيه كام
4.3 ولا 4.4؟ -
2014-04-15 (09:41:08PM) Samsung Galaxy S III I9300
يا فندم كده الجهاز يبقى مش جديد ولا حاجة
الجهاز يا إما بينزل بآندرويد 4.1.2 أو بـ4.04
الجهاز كده عليه روت ونسخة كمان غير أصلية
روح رجعه للمحل اللي جبته منه، مجرد نصيحة
فيه أجهزة بتبقى مستعملة وبتتباع على إنها جديدة -
2014-03-24 (12:43:00AM) Samsung Galaxy S III I9300
بعتذر لحضرتك أستاذ مودي أنا مقدرش أفيدك لأني معنديش خبرة في الرومات
أنا حدثت عن طريق برنامج الكيز -
2014-03-23 (08:27:34PM) Samsung Galaxy S III I9300
إستهلاكي أغلبه مكالمات وواتساب
بالنسبة للبطارية في روم 4.1.2 بإستهلاكي كانت هتبقى أضعف من كده -
2014-03-23 (02:54:22AM) Samsung Galaxy S III I9300
أقصد بكلامي روم الإمارات I9300XXUGNB6
-
2014-03-23 (02:53:53AM) Samsung Galaxy S III I9300
بعد إستخدام الجهاز لمدة أسبوع تقريباً
تحسن نسبي في آداء البطارية
سرعة ملحوظة في الجهاز حتى مع وضعية حفظ الطاقة
زيادة نسبية في إستهلاك الرام *بعد تثبيت التطبيقات في روم 4.1.2 كانت بيتبقى حوالي 200 ميجا فاضيين* أما الآن الفاضي حوالي 100 ميجا
تحسن ملحوظ في سرعة الإنترنت سواء وايرلس أو نت الموبايل
بالنسبة لأوبشن الكاميرا هو هو تقريباً مفيهوش تغيير
بس مش عارف حاسس إن جودة الصورة أفضل على روم 4.1.2 *رأيي الشخصي*
