مساعدة ضرورى من اهل الخبرة

للرجوع الي صفحة سامسونج Galaxy S4 I9500 الرئيسية اضغط هنا

robabekia

2014-07-12 (04:36:56PM)

ضرورى مقارنة بين lg g2 & i9500 & i9505 & i9300 & onetouch idol x من حيث ترتيب الشراء والامكانيات والفروق والسعر

youssefshabana

2014-07-12 (05:09:19PM)

بص يا باشا الافضل بالترتيب كده

1- LG G2

2- S4 I9500

3- S4 I9505

4- S3 I9300

وانا بصراحة مجربتش الوان تاتش عشان أقول رأيي فيه لكن عموما افضل واحد في دول هو الجي 2 افصل في حجم الشاشة والبروسيسور والبطارية تعبر شوية من الاس 4 وطبعاً شكله خرافي اجمل من الاس 4 والاس 3 في نظري والسعر 3700 للجي 2 و 3600 للاس 4 و 2500 للاس 3 وده بالضمان

semsemSiR

2014-07-12 (08:49:35PM)

بالترتيب كدة :

1- 9500 يتفوق على ال g2 بسبب وجود كارت ميمورى - بطارية قابلة للازالة - كاميرا افضل - شاشة افضل - توافر الاكسسوارات بسهولة جدااا - اعادة بيع افضل - صوت اعلى - حجم ارفع واخف

2- 9505 : نفس المواصفات بس اقل من ال9500 فى الرامات - الكاميرا - كارت الشاشة - اقل شوية فى السرعة بس غير ملحوظة

3- ال g2 : كويس جداا ومنافس قوى للاس 4 , ويتفوق علية فى حجم الشاشة - اوبشن منفرد بيها lg

لكن هو على الورق المفروض يكون ال g2 اسرع , لكن فى الواقع الاتنين زى بعض بالظبط

وعلى فكرة ال g2 ب 3550 جنية والاس 4 ب 3650 جنية

4- s3 وال idol كل واحد لية مميزات , يعنى الاس 3 الوان افضل وصوت اعلى

لكن ال idol انا مسكتة كتييييير جداا , رفيع وبيسخن جداا من غير اى حاجة - كاميرا مافيش فيها اى اوبيشن بس كويسة جدا فى النهار وضعيفة شوية فى الاضاءة الضعيفة - لكن شاشة اكبر واسرع شوية من الا 3

robabekia

2014-07-13 (05:24:02PM)

انا راى الشخصى فى ترتيب الشراء بعد المقارنات
i9500
g2
i9505
idol x
s3
ايه رايكم

robabekia

2014-07-13 (05:35:22PM)

طلعوا i9505 من المنافسة
الترتيب الجديد
i9500
g2
idol x
i9300
مع وجود اختلاف فى الراى فى ترتيب اول اتنين

اسمع احلى اراء من احلى اهل خبرة

youssefshabana

2014-07-13 (05:42:14PM)

الجي 2 هو الافضل البروسيسور بتاعه اشد يعني التليفون اسرع وكذلك معالج الرسومات يعني في الجيمز الجي 2 هيكون افضل الشاشة حجمها اكبر وشكله افخم وخاماته بردو افضل والتهنيج فيه قليل جدا وكمان الموقع اللي انتا جايبه بيأكد كلامي ان الجي 2 هو الافضل عيبه ان مينفعش تركبله كارت ميموري لكن تقدر تجيب النسخة ال 32 جيجا بالسعر اللي انا قلته

robabekia

2014-07-13 (05:47:54PM)

بس برضه الواحد بيبص لتوافر اكسسواراتة وبيعة فى المستقبل

youssefshabana

2014-07-13 (05:50:48PM)

اه في دي السامسونج عاماً افضل فيها

لكن لو انتا بتتكلم علي تليفون يستحمل ويعيش معاك ومفهوش عيوب تذكر يبقي الجي 2 هو الخيار اﻷنسب

robabekia

2014-07-13 (05:55:42PM)

وعلى فكرة شاشة s4 احلى واوضح من g2
و s4 اتنين بروسيسور مش واحد
صوت اعلى
والتاتش مش عارف بصراحة

youssefshabana

2014-07-13 (06:06:54PM)

هو بالنسبالي الشاشتين ممتازين جدا وواضحين واضائتهم واحدة

تمام معاك ان الاس 4 في اتنين بروسيسور بس خلي بالك ان الاتنين مش بيشتغلو في نفس الوقت واحد بيشتغلرفي العمليات الخفيفة زي الشات مثلا وواحد للعمليات التقيلة زي الالعاب انتا عارف لو الاتنين بيشتغلوا في نفس الوقت يبقي كان الاس 4 اقوي لكنه مش كده

ومن مميزات بروسيسور الاس 4 انه موفر للبطارية

لكن خلي بالك ان البروسيسور في الجي 2 من انتاج شركة كوالكوم اللي هي اكبر واشهر شركة في صناعة المعالجات صحيح انه بروسيسور واحد لكنه قوي جدا ومن مميزاته بردو انه موفر جدا للبطارية اكتر من الاس 4

علي فكرة صوته مش اعلي شوف الفيديو ده كده

والاتنين التاتش بتاعهم ممتاز مفيش فرق بينهم ده اللي انا لاحظته

youssefshabana

2014-07-13 (06:18:49PM)

وشوف بردو الفيديو ده

semsemSiR

2014-07-13 (06:44:41PM)

الجى 2 , كويس ولكن لا يرقى لمستوى الاس 4

التليفون تقريبا مختفى من السوق بسبب ان مافيش حد بيشترية الا قليل فهتلاقى المحلات مش بتجيبة الا كام جهاز

وعموما هو جهاز كويس جداا ومن افضل ماانتجت lg

kareemkiki

2014-07-18 (05:13:40AM)

يا أستاذ سمسم، مع إحترامي لحضرتك
فوق قولت إنه منافس قوي وفي آخر رد بتقول إنه لا يرقى لمستواه
كلام حضرتك منافٍ تماماً لكل المواقع اللي شكرت في التليفون وبتقول إنه منافس قوي جداً
ثانياً أنا جبت الإس4 وبعته لكثرة السخونية والبطارية التعبانة جداً
أنا مش بقفل النت، جايز حضرتك قعدت معاك 4 أيام من غير إستخدام نت وده شيء طبيعي
لكن مع إستخدام النت يادوب يوم بالعافية

تلك الخدمة مخصصة للأعضاء فقط