هذا الموضوع مرتبط بـ Galaxy S III mini I8190

بدون عنوان

accamr

2014-03-16 (02:56:57AM)

السلام عليكم لو سمحتم انا معاى الفون من 3 ايام وشغال تمام الحمد لله بس في حاجة غريبة البطارية بتخلص علطول بزات لو فاتح نت وكدة حتى لو استعامل عادى بتقل 1 و 2% كل شوية مش عارف عاوزة ضبط او حاجة وبحس انها بتقل من غير ما استخدمة دة ممكن تكون حاجة مفتوحة ؟ واعمل ايه عشان احافظ على البطارية اطول مدة مشحونة ؟

semsemSiR

2014-03-16 (07:34:43PM)

ARCHIEDEACON

عامل اية ياباشا يارب تكون بخير

هقولك لية ياريس

عشان لما بتكون شاحن التليفون وهو مقفول ويخلص شحن وتيجى تفتحة , كل البرامج اللى كانت مقفولة بترجع تتفتح تانى من اول وجديد ودية بتستهلك من البطارية , عشان كدة رامات الهاتف عند اعادة تشغيل الجهاز مثلا بتكون 400 ميجا وبعديها بثوانى معدودة بتلاقيها 540 او 550 ميجا ودية معناها ان فية برامج اتفتحت , ودية طبعا بتستهلك من البطارية

لكن تعالى مثلا اشحن التليفون وهو مفتوح , خلاص هية كدة كدة البرامج مفتوحة من فترة كبيرة , ومش هتستهلك طاقة اخرى اثناء اعادة تشغيلها

دة من وجهة نظرى

وعموما ممكن بردة تجربها بالطريقة بتاعتى وتشوف هل هتلاقى فرق ولا مين افضل

ArchieDeacon

2014-03-16 (04:21:28PM)

كلام حضرتك مظبوط جدا يا أستاذ سامح ، بس عندى إستفسار صغير فى نقطة بسيطة عشان الكل يستفاد بعد إذنك :

ليه حضرتك قولت ..يتشحن وهو مفتوح ( أفضل بالنسبالى ) ؟

على الرغم إن أغلب الآراء تتفق على شحن الجهاز ، وهو مغلق أفضل .. لتغذية أفضل لل Battery وعدم إجهادها بأى عمل ،،

تحياتى لحضرتك -:)

AshrafAshry

2014-03-16 (03:30:44PM)

وعليكم السلام ورحمه الله وبركاته

مبدأيا إضافه ل كلام سامح semsemSiR

حضرتك اما بتشترى الفون جديد طبيعي بنخلص الشحن اللى فيه كلة وبعدين يتقفل خالص باور و يتحط ع الشاحن 8 ساعات

وبعدين نفتح الفون ونسيبة خمس دقايق ع الشاحن عشان لو فيه شحنه صغيرة اتفرغت عند فتح الهاتف

حضرتك بتشحن الموبايل اول ما يوصل 20 فى الميه دي افضل نسبها وجربتها سواء على الاس ثرى ميني الاس ثرى او النوت ثرى

طول ما حضرتك فى البيت خلى الاضائه اقل حاجه خالص اذا عايز تحافظ ع البطارية

ادخل على الضبط وخلى غلق المفاتيح Always Off ديما مغلق

وخلى اضائه الشاشه 15 ثانيه اقل حاجه

الغى الطقس اللى بيبقى فى الباك جرواند الخاصه للموبايل بتاعك

فعل خاصيه ال Power saving اذا هتستعمل الموبايل فقط شات نت مكالمات العاب خفيفة

اعتقد كده الموبايل هيكسر معاك ال 24 ساعه ان شاء الله

لو رفعت كفائه الشاشه على اعلى حاجه و لاغيت خاصيه Power Saving و لعبت العاب متواصله هيقعد معاك ان شاء الله من 5 ل 7 ساعات

طبعا ب جانب انك تعمل كلير للرام عن طريق الضغط على الزرار اللى فى النص الهوم و هتلاقى التطبيقات المفتوحة هتحرك صباعك عليها و تسحبها يمين او شمال هتتقفل يلا فى امان الله ماتش ليفربول و مانشستر يونايتد هيبدأ بس قولت اجاوبك قبل ما اروح اتفرج :D سلام وبالتوفيق

semsemSiR

2014-03-16 (10:28:54AM)

لما تستخدمى التليفون , لازم تكون الشاشة على درجة سطوع مش اكتر من 40%

حاولى تقفلى اى برامج مفتوحة , عن طريق setting ثم application manager وتعملى force stop للبرامج اللى عندك

تشيلى ال application اللى انتى فتحتيها من ال recent files عن طريق الضغط مطولا على زرار ال home هيطلعلك قائمة فيها البرامج اللى انتى فتحتيها وعلى اليمين من التحت اختيار علية حرف x

دوسى علية كلهم هيتمسحوا وهتلاقى الجهاز خرج اتوماتيك من القائمة دية ولو دخلتى عليها تانى مش هتلاقى حاجة مفتوحة ( دية تتعمل بأستمرار بعد ماتخلصى شغل على التليفون ) او هتبتدى تتصفحى نت او تلعبى العاب عشان يبقى التليفون خفيف معاكى

- تشحنى التليفون اول لما يوصل ل 15% او اقل وتسيبية لحد مايكمل 100% ويفضل عدم استخدامة اثناء فترة الشحن اللى هية 2:50 دقيقة بالظبط ويتشحن وهو مفتوح ( افضل بالنسبالى )

- خلى بالك لو التليفون لسة جديد , المفروض تشحنية وهو مقفول لمدة 8 ساعات متواصلة حتى مع اكتمال الشحن ( ودة اول مرة فقط )

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S III mini I8190

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S III mini I8190

Android

4.0″

3G

5 MP, 25...

1500mAh