هذا الموضوع مرتبط بـ Galaxy S III mini I8190

بدون عنوان

nnmnn

2014-03-14 (01:13:45AM)

السلام عليكم لو سمحت انا كان عندي استفسار بين الs3 mini و ace3
انا من خبري المحدوده في الموبايلات عملت مقارنه ما بينهم ولقيت
مميزات ace3 انه في 4g وبروسور 1.2 واندرويد 4.2
مميزات s3 mini افضل في الشاشه بفرق كبير Super AMOLED بس مش شايف اي فرق تاني
فكنت عاوز اعرف هل الفرق دا يعمل الفرق الكبير في السعر كدا
وكنت عاوز اعرف ايه افضل في الالعاب والنت واستعمال جامد يعني وليه ؟
شكراا :)

nnmnn

2014-03-14 (02:09:26PM)

انا الي حصل معايا اني طلبت الموبايل من حد من قرايبي من قطر جابهولي منغير ما يفتحه هناك اانا الي فتحته فللاسف اتلاقيته كدا وللاسف محدش مسافر قطر تاني بس الحمدلله انا بعت الموبايل بس خسرت فيه بس الحمدلله
شكرراا علي تعليقاتك

yoseif2009

2014-03-14 (04:38:52AM)

علي فكرة الـS3 mini جميل جدااااااااااااا غير طبعا النسخة المضروبة اللي كانت معاك دة بس فعلا في النت فيييييييييييييع تحفة بجد كنت ببقي بعيد عن الراوتر بيجي 3 متر او اكثر شوية و بلاقية لاقط 3 شرط او 4 شرط و في الـYouTube سريع جدااااااااا مفيش حاجة أسمها تقطيع حتي لو سرعة النت عندك 512 و انا جربت كل الجيمز علية زي Batman و The Amzing-SpiderMan و Modern Combat 3,4 و ِAsphalt 7,8 وشغالين زي الفل من غير اي تهنيج خاااالص ولو حتي 0,01 اللعبة شغالة 100% كأنك ماسك S4 :) بأستثناء الحجم طبعا :D

AshrafAshry

2014-03-14 (02:09:34AM)

وبالمناسبه انا معايا النوت ثرى و الاس ثرى يعنى مش منحيز ل موبايل معايا الفكرة ان قبل كده قولنا اللى مسعر الموبايل دة فعلا مسعره صح لانه يستاهل ك إمكانيات أكتر من كدة

AshrafAshry

2014-03-14 (02:07:27AM)

nnmnn < انته اتضحك عليك بقى دي مش مشكلتنا ولا مش ذنبنا احنا ديما بننصح اما نشترى من مكان يكون موثوق فيه مش نشترى من اى مكان ونيجي نقول عيب موبايل متيجش تنصح حد وانته مش خبرة يا صحبى وتقول جراند افضل

اما انا كنت فى بدايه علاقتى ب الاندرويد مكنتش بقول نصيحتى لحد لاني مش واثق فى كلامى

الاس ثرى ميني افضل من الجراند و افضل من الايس 3 و الكور و كل الناس مجمعه ع كده واللى مساوى ليه يعتبر شوية الادفانسد تحياتى

AshrafAshry

2014-03-14 (02:04:52AM)

يوسف قال كل حاجه كنت هقولها

مينفعش نقارن الاس ثرى ميني معى الايس 3

لان المقارنة بين شرم الشيخ وكفر الشيخ

الاس ثرى ميني كارت شاشه زي اللى موجود فى النوت 2

اقوى رام بروسيسور شاشه بطارية وانا شرحت ليه اقوى فى استفسار الراجل اللى فوق و يوسف كمل الباقى

nnmnn

2014-03-14 (02:02:47AM)

شكرا لحضرتك
انا مشككتش في امكانيات الاس3 ميني
بس انا حصل معايا موقف كدا زعلني من الموبايل دا اني اشتريه من قطر بس حسبنا الله ونعم الوكيل بعد اما اجا لي مصر اتلاقيت الواي فاي بايظ مبيلقطش من علي بعد 2 او 3 متر والبطاريه سيئه جدااااااا مبتكملش 5 ساعات و كان بيهنج وحاجات كتير بس هوا دا الي دايقني من الموبايل ففكرت ان كل الاس 3ميني كدا بس هوا الاصدار الي معايا هوا الوحيد الي كدا يلا الحمدلله انا بعته بس الحمدلله نصيب

ArchieDeacon

2014-03-14 (01:43:45AM)

بص هاجيب لحضرتك من الآخر بحكمى مسكت الجهازين أطول وقت ممكن :

أول حاجة نسخة ال 4G من الإيس 3 اللى حضرتك شوفتها دى للأسف مش موجودة عندنا فى مصر ، اللى موجود ال 3G فقط ..
واللى بروسيسورها 1 جيجا Dual Core فقط من غير ال .2 دول ....

الأس ثرى مينى أفضل بمرااااااحل من الإيس 3 ، وفى فرق كبير على فكره مابينه ، وبين الإيس 3 .. طب فى إيه ؟! عد معايا حضرتك :

1. شاشة الأس ثرى مينى ، أنقى وأفضل ومفرة للطاقة ، ولها سطح مضاد للبقع ، وألوانها أعمق وأكثر جاذبية ، وكل ده بحكم كونها سوبر أموليد .. بخلاف طبعا الإيس 3 اللى TFT

2. كارت الشاشة ( GPU ) اللى فى الإس ثرى مينى ، أفضل بمراحل من كارت الإيس ثرى ، وهو نفسه اللى موجود فى الإس ثرى الأوريجنال ، والنوت 1 ، والنوت 2 ، والنوت 8 ، والأدفانس ..
وخلى بالك كارت الشاشة المسؤل عن تشغيل الألعاب التقيلة والخفيفة كمان بأفضل جرافيك مع جمال الشاشة طبعا ، وفى ألعاب هنجت ، وماشتغلتش معايا على الإيس ثرى زى Riptide GP 2 ، وده بسبب كارت الشاشة ، على العكس إن مافيش لعبة على المينى إسمها ماتشتغلش ......

3. المينى ذاكرته الداخلية أكبر من الإيس ، والذاكرة مهمة جدا جدا للألعاب والبرامج ، فى المينى تقريبا 4.5 جيجا ، والإيس 1.77 جيجا ، ودول المتاحين للإستخدام فى كلا الجهازين .....

4. المينى أفضل فى كارت الواى فاى ، مداه أفضل فى إلتقاط الإشارة وكدة عن الإيس ثرى ، فى المينى ثنائى الحزمة ....

وتقريبا باقى المواصفات من الكاميرا الأمامية ، والخلفية ، والبطارية وكدة واحدة فى الجهازين ..

اللى يميز الإيس 3 حاليا ، هو إصدار الأندرويد أحدث فيه عن الأس ثرى مينى .. بس المينى هايتحدث قريبا ، وإحتمال ياخد الكيت كات على كلام سامسونج بس لسة مش عارفين الدنيا فيها إيه ...

الخلاصة .. الإس ثرى مينى جهاز رائع ، قوى ، ويعيش معاك ، حجمه مثالى ، لو هتقارنه بالإيس ثرى .. يبقى أنصحك بيه هو فعلا يتفوق على الإيس 3 ، وعلى فكرة ده أول مانزل كان ب 2800 جنيه ، ولو سألت الأستاذ / أشرف يقول لحضرتك إنه كان شاريه ب 2750 ..

تحياتى لحضرتك ، بالتوفيق دايما -:)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S III mini I8190

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S III mini I8190

Android

4.0″

3G

5 MP, 25...

1500mAh