بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

YoUsSeF1

2014-02-02 (12:41:37AM)

انا عايز اعرف ايه الاحسن الs3 mini و لا HTC desire 500
بس ردوا بسرعة علشان انا نازل اشتري بكرة الاحسن من حيث كل
حاجة نت و العاب و برامج و تصوير و صيانة و اكسسوارات
و يريت يا جماعة لو بيحصل لاي واحد فيهم هما الاتنين اللي هيا
الموت المفاجئ يبقي يقول

ArchieDeacon

2014-02-02 (01:02:38AM)

نصيحة أخ ، أنا شايف إن الإس ثرى مينى أفضل .. فى إيه ؟؟؟

فى الشاشة ونوعها
فى مدى الواى فاى
فى الدعم وسوق البيع واشراء
فى السعر
فى الذاكرة الداخلية
بس كد ة ، ودول إنت هاتحتاجهم ضرورى فى أى موبايل ، أما ال 500 فهو أقوى شوية فى الروسيسور بس الحقيقة أنا ماستخدمهوش
ولو حد سألنى على رأى ، هاختارله الأس ثرى مينى ، عشان سوفت وير رائع من سامسونج ( محلى الأندرويد صراحة ) وسوق للبيع والشراء ، لو حبيت تبيعه مستعمل بعد كدة .. ياعنى الحقيقة ده رأى إن الأس ثرى مينى أجمل وأحلى وأرخص كمان
وإنت حضرتك براحتك ، واللى تحبه وتختاره

فى خدمتك دايما -:)

YoUsSeF1

2014-02-02 (01:13:31AM)

شكرا لردك بس بردو انا عايز موبايل اداء مش سوق

AshrafAshry

2014-02-02 (01:34:05AM)

ArchieDeacon < يعم شوف الواتس اب لهعورك فى وشك

AshrafAshry

2014-02-02 (02:20:44AM)

اللى بيقول اداء مش سوق دة ع اساس ان الاس سرى ميني مش اداء !! بتهزر !!

semsemSiR

2014-02-02 (12:50:30PM)

الفرق بينهم كالاتى :

1- الشاشة كحجم : يتفوق ال htc

2- الشاشة كألوان : ال S3 mini يتفوق

3- السرعة : ال htc desire افضل قليلا , يعنى فرق غير ملحوظ

4- المساحة الداخلية : ال S3 mini يتفوق بفرق 3 جيجا ونص لان المتاح من ال htc فقط 1 جيجا

5- من حيث الصوت : ال htc اعلى

6- كارت الشاشة فى ال s3 mini افضل

7- الكاميرا : صدقنى لو قولتلك ان كاميرا السامسونج ال 5 ميجا افضل من ال desire 500 8 megapixel وبفرق واضح كمان

8- الخامات : طبعا ال htc افضل وبفرق ملحوظ جدا فى الخامات

9- البطارية : ال htc يتفوق بس بفرق قليل

10- التليفون دة بشريحتين

11- مايميز ال htc عن اى تليفون اخر من سامسونج فى نفس الفئة هو ان التليفون بيسمح بنقل الالعاب والداتا بتاعتها الى كارت الميمورى + انة بينزل معاة كارت ميمورى 16 جيجا

12- طبعا سعر التليفون 2475 جنية يعنى اغلى من تمن ال s3 mini بحوالى 650 جنية يعنى انت دخلت فى فئة تانية المفروض لو هتقارن بالسعر يبقى تقارنة بال s4 mini مش بال s3 mini

YoUsSeF1

2014-02-02 (02:04:38PM)

اصل في ناس بتقولي سامسونج زبالة و HTC احلي

AshrafAshry

2014-02-02 (02:13:04PM)

تصدق ان بعد لفظ زباله دي ابقى انا زباله لو رديت عليك فى حاجه تانى !!

semsemSiR

2014-02-02 (02:43:49PM)

استاذ يوسف , معلش هية سامسونج مش كدة ابدا , والا ماكنتش انتشرت كل الانتشار الرهيب دة

وعموما يمكن htc افضل فى الخامات من سامسونج

لكن معلش كجهاز واستخدام واستعمال , لا يمكن ان يضاهى سامسونج ابدا

YoUsSeF1

2014-02-02 (04:52:18PM)

AshrafAshry يا عم معلش انتا زعلت كدة ليه خلاص هوا
انا قولت حاجة حرام

A7medGamal

2014-02-02 (08:45:53PM)

استاذ يوسف معلش .. اصل كلمه (.... ) بيكون ليها معاني كتير
المهم يا صاحبي HTC اكيد موبيل ممتاز بس خد بالك من نقطه مهمه
لان كل موبيلاتها خامتها غاليه جداا .. ممكن الموبيل يكون امكانياته تعبانه بس خامته ممتازه
طب انا هستفاد ايه من الخامه ؟
انا افضل اجيب موبيل مواصفاته حلوه .. واجيبله جراب هارد يستحمل
وبكده ضربت الشجره كلها مش عصفورين بس :)
انا شوفت مواصفات ال500 .. لقيته Qualcomm بمعالج سناب دراجون واللي يعتبر اقوى حاجه ف السوق دلوقتي .. بس طبعا مع اختلاف اصدارته لان السناب دراجون اللي فيه 200
عامتا انا افضلك انك تقارن ال2 وجه لوجه احسنلك
وساعتها هتقدر تحدد انت محتاج ايه
وموفق ان شاء الله

YoUsSeF1

2014-02-02 (11:27:14PM)

A7medGamal يعني من الاخر كدة ايه الاحسن

و معلش تاني علي الشتيمة انا اقصد بيها ان خامات سامسونج بلاستك مش بتستحمل

مش اكتر وبعتذر تاني

A7medGamal

2014-02-03 (04:56:44AM)

ولا يهمك وحصل خير
عامتا زي ما قولتلك طالما محتار .. انزل امسك الجهازين عشان تعرف تحكم بنفسك
انا بصراحه مشفتش الHTC قدام عيني عشان احكم عليه
بس كل اللي اعرفه انها شركه ممتازه .. بس اللي مغليها خامتها فقط
يعني ممكن تلاقي حاجات احسن ف الفئه السعريه لما تقارن اي موبيل تاني ب HTC

semsemSiR

2014-02-03 (12:25:20PM)

ياباشا , مانا عملتلك مقارنة شاملة مابين الاتنين فى كل حاجة

واختار اللى يعجبك , بس ماينفعش تقارن ال s3 mini مع ال htc لان فرق السعر كبير

انت لو عايز ممكن تقارن ال s4 mini مع ال htc 500

تلك الخدمة مخصصة للأعضاء فقط