بدون عنوان
للرجوع الي صفحة سامسونج Galaxy S III mini I8190 الرئيسية اضغط
هنا
loleta1
2013-12-08 (04:33:40PM)
مرسى اوى يااستاذ ArchieDeacon و يااستاذ AshrafAshry على اهتمامكوا وردكوا عليا - هو ال s3 mini احسن من ال Galaxy Core ولا الكرو احسن - وممكن حضرتك لو تعرف تقولى سعر s3 mini بكام ف ستور سامسونج- وهل ستورز سامسونج الفرع اللى ف الشارع ده تبعهم (شارع نوبار باب اللوق) ولا لا
AshrafAshry
2013-12-08 (06:09:06PM)
حضرتك الاس سرى ميني أفضل من الكور و الايس ب مراحل كتيرة جدا وبردة مافيش وجه مقارنة نهائى الاس سرى ميني افضل اعلى كفائه مليون مرة بس هقولها لحضرتك تانى لو عايزة موبايل شات فيس نت مكالمات يبقى وفرى الفرق واشترى الدوس لكن لو بنت بقى ليكي فى الالعاب و الافلام و الضغط على الموبايل و شات ونت وشغل على الموبايل خليكي معى الاس سرى ميني
بالنسبة ل سؤال حضرتك الخاص ب العنوان للاسف مش اعرف بس روحى واكيد حضرتك لو المكان كله سامسونج بس وموظف خدمة العملاء لابس لبس و شعار لبسة سامسونج وهيديكي فاتورة ضريبية يبقى اكيد هو
انا موبايلى اشتريته من ستور سامسونج فى فيصل جنب بي تك :)
وحضرتك تقدرى تستفسرى اكتر من رابط سامسونج مصر ع الفيس بوك
بالنسبة ل سؤال حضرتك الخاص ب العنوان للاسف مش اعرف بس روحى واكيد حضرتك لو المكان كله سامسونج بس وموظف خدمة العملاء لابس لبس و شعار لبسة سامسونج وهيديكي فاتورة ضريبية يبقى اكيد هو
انا موبايلى اشتريته من ستور سامسونج فى فيصل جنب بي تك :)
وحضرتك تقدرى تستفسرى اكتر من رابط سامسونج مصر ع الفيس بوك
mahmoudmsy
2013-12-08 (06:44:14PM)
ده رابط لجميع اماكن سامسونج ستورز
loleta1
2013-12-08 (07:43:13PM)
شكرا لرد حضرتك بص انا مش عارفة نوع شغلى هيبقى عليه اية بس انا عاوزه موبايل جامد ويعيش عشان مش عاوزه اغيرة وبما ان حضرتك شايف ان سامسونج اس 3 مينى احسن فاانا ان شاء الله هشترية بس معلش هو يعنى اية الفاتورة الضريبية اعرفها ازاى حضرتك تقصد الضمان يعنى ولا دى حاجة تانية
AshrafAshry
2013-12-08 (08:20:21PM)
حضرتك طلاما هتشترية من ستورز سامسونج اكيد هيديكي فاتورة ضريبية بيبقى فيها اسمك و اسم الفرع و التاريخ و التمن الموبايل و لون الموبايل و السريال بتاعه فايدتها اول 14 يوم تقدرى ترجعى الموبايل لو ي اى مشكلة بعد كده حضرتك هيبقى معاكى ضمان لمدة سنة ومن غير الفاتورة الضريبية يعتبر مافيش ضمان لان اول ما بتحتاجى للضمان اول سؤال فين الفاتورة الضريبية الخاصه ب الموبايل
وحضرتك اشترى الاس سرى ميني وخلى بالك فى فروع مبقاش موجودة فيها لانه هيتوقف تصنيعه على اخر الشهر عشان الاس فايف نازل
وحضرتك اشترى الاس سرى ميني وخلى بالك فى فروع مبقاش موجودة فيها لانه هيتوقف تصنيعه على اخر الشهر عشان الاس فايف نازل
AshrafAshry
2013-12-08 (08:24:15PM)
و الاس سرى ميني نازل فى قائمه الموبايلات اللى هيتم تحديثها فى نظام كيتكات يعنى هتشترى الموبايل و انسى انك تغيرى او تجيبى احسن ل 3 سنين قدام ان شاء الله
AshrafAshry
2013-12-08 (08:25:29PM)
mahmoudmsy << طيب طلاما أفدتك قول كلمة شكرا حتى يا راجل فى البوست بتاعك :/
ArchieDeacon
2013-12-08 (09:03:49PM)
loleta1 بصى حضرتك مافيش أحسن من الأس ثرى مينى فى السعر ده .. ودى أمانة وأنا عاوز أوصلهالك .. وعشان تكونى عارفة حاجة .. أنا جبت الأيس ثرى مباشرة أول ما نزل لأختلى وأختى قاعدة معايا طبعا في بيت واحد وأنا شغال علي موبايلها طول النهار ومعايا الأس ثرى مينى .، وكان معايا قبله غيره موبايلات كتير .. فلو أنا شايف أن الأس ثرى مينى مش أفضل أختيار ليكى ومش أفضل جهاز بالسعر ده يحتمل معاكى الشغل المكثف .. تلقائى كنت هارشحلك الأيس ثرى أو أى جهاز تانى من اللى بتسألى عليهم .. طب هاتقوليلى أمال جبت لأختك الأيس ثرى ليه ؟ هاقولك عشان هي ما كنتش عاوزة غير موبايل بخطين ياعنى ياخطين يابلاش .. فهى حسمت الأمر بالنسبالى .. وماقداميش غير أفضل موبايلين أنتاجتهم سامسونج بخطين حتى الآن وهما الأس فور مينى و الأيس ثرى .. دول أفضل موبايلين بخطين .. فعشان كدة جبتلها الأيس ثرى وهو أحسن من الجلاكسى كور كتير على فكرة لكن بعد التجربة لو هانيجى للأداء الفعلى .. ما أنا معايا الجهازين .. هتلاقى الأس ثرى مينى أفضل فى ألوان الشاشة فى كارت الشاشة وأحتمال الشغل الشديد والألعاب وكدة .. لأن فعلا فى ألعاب كتيرة أشغلت على الأس ثرى مينى وما أشتغلتش على الأيس ثرى .. وهكذا
أنا كتبت الكلام ده كله وشرحتلك الفرق عشان تبقى الأمور واضحة قدامك .، وماتجبيش حاجة غير وأنت حباها ومقتنعة بيها تماما .. دى الفكرة
الأس ثرى مينى جهاز جميل جدا .. يستحمل شغل كتير وجامد وعياش وشكله شيك جدا ورائع .، وأظن أنه هايلبى جميع طلباتك وهايديكى أفضل أداء تتمنيه ..
بالنسبة للفاتورة الضريبية .. دى بتبقى فاتورة لها سجل تجارى هاتلاقى مكتوب عليه كدة
س.ت 123456 .. أى رقم يعنى يكون .. دى فاتورة تجارية تقدرى تحطيها فى عين التخين بعد كدة لما تجيبى الجهاز ولقدر الله لو حصل فيه أى حاجة بتوديه الضمان وبتريحى نفسك لو حد فى الضمان غلس وقالك الجهاز جيباه منين ؟ طب فين الفاتورة ؟ كدة بتشترى دماغك ياعنى .،
وبرده لو ماجبتيهاش مش مشكلة ياعنى .. مش فى كل الأحيان هاتحتاجيلها ومش كل المحلات أو التجار ماشيين بيها .، أنا أشتريت قبل كدة بفاتورة ضريبية وعادية ومن غير فاتورة أحيانا فعادى ماضيقيش نفسك اللى تلاقيه قدامك هاتيه .، أهم حاجة تتأكدى من علبة الجهاز متبرشمة ومقفولة وأفتحيها بأديكى وشوفى فديوهات للموبايل هتلاقى كتير على اليوتيوب .. بس كدة .. أتمنى أكون أفدتك :)
ومبروك مقدما .. تحياتى .،
أنا كتبت الكلام ده كله وشرحتلك الفرق عشان تبقى الأمور واضحة قدامك .، وماتجبيش حاجة غير وأنت حباها ومقتنعة بيها تماما .. دى الفكرة
الأس ثرى مينى جهاز جميل جدا .. يستحمل شغل كتير وجامد وعياش وشكله شيك جدا ورائع .، وأظن أنه هايلبى جميع طلباتك وهايديكى أفضل أداء تتمنيه ..
بالنسبة للفاتورة الضريبية .. دى بتبقى فاتورة لها سجل تجارى هاتلاقى مكتوب عليه كدة
س.ت 123456 .. أى رقم يعنى يكون .. دى فاتورة تجارية تقدرى تحطيها فى عين التخين بعد كدة لما تجيبى الجهاز ولقدر الله لو حصل فيه أى حاجة بتوديه الضمان وبتريحى نفسك لو حد فى الضمان غلس وقالك الجهاز جيباه منين ؟ طب فين الفاتورة ؟ كدة بتشترى دماغك ياعنى .،
وبرده لو ماجبتيهاش مش مشكلة ياعنى .. مش فى كل الأحيان هاتحتاجيلها ومش كل المحلات أو التجار ماشيين بيها .، أنا أشتريت قبل كدة بفاتورة ضريبية وعادية ومن غير فاتورة أحيانا فعادى ماضيقيش نفسك اللى تلاقيه قدامك هاتيه .، أهم حاجة تتأكدى من علبة الجهاز متبرشمة ومقفولة وأفتحيها بأديكى وشوفى فديوهات للموبايل هتلاقى كتير على اليوتيوب .. بس كدة .. أتمنى أكون أفدتك :)
ومبروك مقدما .. تحياتى .،
loleta1
2013-12-08 (10:34:21PM)
بجد انا مش عارفة اشكر حضرتكوا ازاى بجد(AshrafAshry-ArchieDeacon) انتوا حببتونى ف الموبيل اكتر ماانا كنت حاباه وان شاء الله هجيبة قريب اوى بس معلش هتقل عليكوا ف طلبين ممكن لو حضرتكوا تعرفوا سعرة دلوقتى كام تقولولى وممكن لما اجيبة حتى لو تكلمونى ع الخاص عشان تشرحولى اية اللى المفروض اعملة فية والتحديثات والبرامج عشان انا والله مش فاهمة حاجة خالص من الحاجات دى معلش ممكن ولو مفيهاش قلة ذوق منى
AshrafAshry
2013-12-09 (12:20:49AM)
ان شاء الله بس اسئلى عليه فى اقرب ستورز ليكي الاول و السعر بيختلف من هنا لهنا ونصيحة بسرعه عشان ممكن تنزلى مش هتلاقية غير عند تجار لان سامسونج هتوقف انتاجه هو و النوت 2 قريب جدا
loleta1
2013-12-09 (01:03:43AM)
شكرا لرد حضرتكAshrafAshry انا ان شاء الله ع الاسبوع الجاى هنزل اشترية بااذن الله بس لا قدر الله لو مالاقتهوش ف ستورز سامسونج حضرتك تفضلى انهى محل يكون مضمون ومحترم
AshrafAshry
2013-12-09 (01:49:00AM)
loleta1 < لا ان شاء الله معاكي ل اخر الشهر و نصيحة ليكي ! مافيش تاجر مضمون لان اغلبهم ومش كلهم بيبدلوا الهاند فرى اللى تمنها 350 جنيه و البطارية اللى ب 250 جنيه الاصليين ب واحدة هاى كوبى ف اشترى من ستورز سامسونج عشان مش تيجي تشتكى وتقولى احنا قولنالك الموبايل كويس وطلع وحش ستورز سامسونج بس :D
loleta1
2013-12-09 (02:05:51AM)
هههههههههههههه ان شاء الله هشترى من ستورز سامسونج -والفرع اللى انا كنت قولتلك عنوانة فوق سالت حد اشترى من عنده موبايل وقولتلة هو بيبيع سامسونج بس ولا ماركات تانية معاه قالى لا سامسونج بس فاده يبقى فرع من فروع ستورز سامسونج صح؟وهل برده لما اجى اشترى الموب ان شاء الله اسالة برده احتياطة معاه فاتورة ضريبية ولا لا عشان اتاكده ولا انت رايك اية؟ معلش انا اسفة انا عارفة انى ازعجتك بس انا فعلا جاهلة جدا ف قصة الموبايلات والشراء ومش عاوزه يتضحك عليا
loleta1
2013-12-09 (02:07:40AM)
وانا كلمت الدليل عشان اخد منهم رقم فروع ستورز سامسونج قالولى مالهمش ارقام متسجلة عندنا فافى طريقة تانية ممكن اسال بيها عن سعرة عشان سالت كمان ع الصفحة بتاعتهم وماحدش رد
loleta1
2013-12-09 (02:12:17AM)
وانا لو لاقدر الله مالاقتهوش ف ستورز سامسونج اجيبة من راية ولا لا راية برده بتخش ف الموبايلات ؟
AshrafAshry
2013-12-09 (03:27:20AM)
ما شاء الله البوست دة عدي صفحة ونص :D طيب الموبايل متوفر ان شاء الله بس كلام ArchieDeacon كله صح معدا انه بيقول فاتورة ضريبية مشكلة انك لو مش جبتيها !! لا طبعا مشكلة يا صحبى لان ليا ناس اصحابى جاوبا الموبايل من تجار وبضمان واول ما راحو سكاى او غيرة اول حاجه طلبها الفاتورة الضريبية يا راجل اذا كانت شهادة الضمان بتقولك تجيب الفاتورة الضريبية وانته جي ازاى مش مهمه !!!
AshrafAshry
2013-12-09 (03:33:20AM)
طلاما بيبيع سامسونج بس يبقى اكيد اكيد اكيد ستورز سامسونج واى ستورز سامسونج هتديكي فاتورة ضريبية تلقائيا من غير ما تطلبيها بتبقى نسختين ورقة بيضة و تحته ورقة صفراء ^^ واسئلى عادي زي ما انتى بتسئلى احنا بردة قبل ما نجيب الموبايل سئلنا كتير طبعا ولاقينا اللى يفدنا وكلها شهر وهتبقى معانا بتساعدى الباقى اجيال بتسلم اجيال :D
loleta1
2013-12-09 (05:20:02PM)
هههههههههههه اه فعلا البوست كبير جدا والحمدلله ان الموبيل اطمنت انة متوفر وان الفرع جدا اتاكدت من الكلام اللى قولتة انة فرع ستورز سامسونج ومرسى بجد لردك واهتمامكوا (AshrafAshry-ArchieDeacon) وان شاء الله ع ايديكوا وبعد ماتفهمونى كل حاجة ف الموب ان شاء الله ممكن يكون ف امل ان الواحد لو اتسأل سؤال يرد لاكن خبرة مستحيــــــــــــــــــــــــــــــــل هههههههه
AshrafAshry
2013-12-09 (11:57:12PM)
بالتوفيق ديما ان شاء الله :D
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
معلومات سريعة عن Samsung Galaxy S III mini I8190
-
Android
-
4.0″
4.0 بوصة -
3G
2G / 3G -
5 MP, 25...
-
1500mAh
Li-Po 1500 mAh, قابلة للازالة