بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

loleta1

2013-12-06 (10:17:03PM)

ممكن بعد اذنكوا تقارنولى بين ال s3 mini وال S Duos S7562 من ناحية الحجم والاماكنيات وكل حاجة عشان انا مش بفهم ف الموبايلات وعاوزه اعرف الفرق بين الاتنين

ArchieDeacon

2013-12-06 (11:06:24PM)

بصى يا ست الكل .، هو طبعا المقارنة ظالمة جدا للأس دوس .. لأن الأس ثرى مينى يتفوق عليه بمراحل .. والمقارنة أهى

وأهى تانى برده

والمقارنة يتبين فيها الآتى :

1. الأس ثرى مينى يمتاز فى نوع الشاشة عن الأس دوس فى المينى سوبر أموليد بينما الدوس TFT وهى مش وحشة ولا حاجة بس السوبر أموليد أحسن منها فى الألوان ودقتها وفى زوايا رؤيتها وفى توفيرها للطاقة ولها سطح مضاد للبقع وكدة عن ال TFT

2. الأس ثرى مينى ذاكرته الداخلية 8 جيجا بينما الدوس ذاكرته 4 جيجا بس ..

3. الأس ثرى مينى راماته 1 جيجا بينما الأس دوس راماته 768 ميجابايت .، وكل ما الرام بتقل فى الأندرويد كل لما التهنيج يزيد والعكس صحيح ..

4. الأس ثرى مينى الواى فاى فيه أحدث شبكته ثنائية التردد والحزمة يعنى بيلقط أشارة من على بعد ومش بيقطع نهائى على عكس الأس دوس .. لازم معاه ماتبعديش عن راوتر الواى فاى عشان الأشارة وكده
ده غير أن الأس ثرى مينى يمتاز بسرعة نقل بيانات الداتا الخاصة به أسرع من الأس دوس 14.4 ميجا للمينى و7.2 للدوس الضعف يعنى ..

5. أصدار البلوتوث فى الأس ثرى مينى أحدث من الأس دوس فى المينى V4 بينما فى الدوس V3

6. الكاميرا فى المينى أوضح وأجمل ولها خواص كتير عن كاميرا الأس دوس زى خاصية أفضل صورة وهكذا .، ده غير أنها بتصور فيديو بجودة أتش دى 720 بيكسل بخلاف الأس دوس طبعا وكل ده واضح فى المقارنات اللى فوق اللى بعتها لحضرتك ..

7. أهم نقطة طبعا .. وهى البروسيسور فى الأس ثرى مينى أعلى وأقوى طبعا 1 جيجا ثنائى النواة من معمارية أحدث من معمارية بروسيسور الأس دوس ال 1 جيجا أيضا ولكن أحادى النواة وهنا الأداء بيقل والسرعة أيضا بتقل وهكذا ..

8. كارت الشاشة ومعالج الرسوميات للأس ثرى مينى أعلى من اللى فى الأس دوس وهو نفسه المستخدم فأجهزة عملاقة مثال الأس ثرى الأوريجنال والنوت 2 وغيرهم ..

9. البطارية واحد فى الجهازين 1500 ميللى أمبير .، ولكن الأداء بيختلف فى أستنفاذ الطاقة وهو أقل فى الأس ثرى مينى عن الأس دوس لأن الدوس بخطين وبيسحب بطارية أكتر طبعا عشان الخطين ده غير كثرة التهنيج اللى موجودة فى الأس دوس بسبب قلة الرامات مع البروسيسور الضعيف والخطين .. أذن المحصلة ستكون تهنيج شديد جدا وهذا ما يعانى منه أصحاب الأس دوس حتى لو حضرتك دخلتى صفحة الأس دوس هاتشوفى ده بنفسك ..

الأس ثرى مينى جهاز رائع ويمتاز عن الأس دوس كتيييير جدا .، وأعلى منه فى الأداء والأحتمال ونظام التشغيل كمان .، أرجو أن أكون أفدت حضرتك لو بتفكرى تجيبيه ..

بالتوفيق دايما .. تحياتى .،

AshrafAshry

2013-12-06 (11:30:18PM)

مش هقدر اضيف حاجه بعد اللى قالها اخويا وصحبى ArchieDeacon

بس ممكن اقولك جمله صغيرة الفرق بين الدوز و الاس سرى ميني زي الفرق بين كفر الشيخ وشرم الشيخ :D

ArchieDeacon

2013-12-06 (11:50:42PM)

ههههههههههههه حلو دى يا أشرف .. طب ما نقول الفرق بين الأس ثرى مينى والأس دوس نفس الفرق بين ...... الكحك البلدى والبتي فور :)

AshrafAshry

2013-12-06 (11:57:09PM)

ArchieDeacon ههههههههههههههههههههههه بس يعم جوعتنى والله :D

ArchieDeacon

2013-12-07 (12:10:44AM)

خد يا أشرف كل .،

وخد دى كمان ..

AshrafAshry

2013-12-07 (12:26:24AM)

عملت نيسكافيه وقاعد فاتح بوئى ومتنح فى الشاشه ههههههههههههههه تسلم يا صحبى طول عمرك كريم :D

ArchieDeacon

2013-12-07 (12:29:25AM)

تعيش يا حبيبى .. ده أنت تأمر فى كيكة كمان لو عاوز .. ههههههههههههههههه

AshrafAshry

2013-12-07 (01:31:33AM)

ArchieDeacon تسلم يا باشا :D

loleta1

2013-12-07 (02:28:41AM)

انا بشكر حضرتك جدا جدا بجد وانت شاء الله هجيبة من غير تفكير . هو الموب صوتة عالى صح - وتقريبا حجمة نفس حجم الدوس صح- ومعلش عاوزه اعرف يعنى اية الخاصية دى دعم Kies وKies Air

AshrafAshry

2013-12-07 (06:22:34AM)

الموبايل صوته مش عالى ولا ضعيف بس صوتة نقى ولو على الصوت العالى يبقى الصيني يكسب بس هو صوتة كويس بالنسبالى انا مزعج و نقى جدا

وبالنسبة ل Kies وKies Air ان حضرتك تقدرى تنقلى ملفات من الكمبيوتر على الموبايل باستخدام شبكة Wi-Fi لعمل نسخة احتياطية لمدير المعلومات الشخصية و ضيف يا باشا ArchieDeacon :D

تلك الخدمة مخصصة للأعضاء فقط