بدون عنوان

للرجوع الي صفحة سامسونج Galaxy S III mini I8190 الرئيسية اضغط هنا

ginger

2013-09-26 (05:52:15AM)

لو سمحتم انا محتار بين كذا موبايل خصوصا ان اسعارهم متقاربة ومش عارف اوصل للافضل ياريت تساعدونى
1- galaxr grand
2- galaxy s3 mini
3- galaxy s2 plus
4- galaxy ace3
ياريت حد يقدر يفيدنى مع ذكر مميزات وعيوب كل جهاز او ترتيب الاجهزة على حسب الافضل

AshrafAshry

2013-09-26 (08:13:01AM)

بص يا باشا اولا حضرتك تقدر تتابع الكومنتات اللى فاتت وهتعرف اجابه ل سؤالك بس انا هساعدك

من وجه نظرى المتواضعه أكيد طبعا galaxy s3 mini

رأى أخويا المحترم ArchieDeacon

الاس ثرى مينى يتفوق فى نقاط بسيطة وهى :
1. نوع الشاشة ( مع العلم بأن شاشة الأيس رووعة وجميلة جدا )
2. مدة بقاء البطارية أو أستهلاك الطاقة .، وده طبعا عشان المينى بخط والأيس بخطين
3. الذاكرة الداخلية للمينى أكبر
4. مدى الواى فاى فى المينى أكبر ( ثنائى الحزمة ) بيلقط أشارة على بعد من مكان الراوتر

أنما الأيس يمتاز حاليا عن الأس ثرى مينى بالنظام الأحدث والواجهة ( 4.2.2 ) بينما المينى ( 4.1.2 )
الأيس جسم الموبايل أكبر بسنة بسيطة ويجعلك تشعر بأنه أكبر منه ... ( رؤية شخصية )

والخلاصة : معاك فلوس المينى توكل على الله .، مش معاك غير 1800 جنيه يبقى متضغطتش على نفسك وأنت أولى بكل جنيه .. وكمان هتتمتع بالايس بما أنه

أحدث .، وجميل بكل المقاييس .، وشكل تحفة يعنى لو جبته لن تندم مطلقا .

الاس ثرى مينى أعطيه 8 من عشرة
الأيس ثرى أعطيه 7 من عشرة

بالنسبه ل S2 Plus الميني افضل منه ف بكسلات و كفائه الشاشه

اخيرا الجراند ميطحتش فى مقارنه لانه بيهنج ويسخن وكبيييييييييييييييير الا اذا انته حابب الحجم الكبير بس ك أداء الميني

ArchieDeacon

2013-09-26 (05:30:27PM)

ginger تمام .. زى ما أستاذ أشرف قال لحضرتك كدة .، طلع الجراند من حسبانك خالص .. لأنه موبايل سئ جدا لأبعد الحدود ( وده كلام اللى أستخدموه شخصيا )

الأس ثرى من وجهة نظرنا هنا ( يتفوق على S2 Plus )

وزى ما قولت تحت الاس ثرى مينى يتفوق على الأيس فى حاجات .، مع العلم بأن الحاجة الوحيدة التى يتفوق بها الايس على الأس ثرى مينى هى الجيلى بين ( 4.2.2 ) وسيحصل عليها الأس ثرى مينى قريبا جدا ..... ( يبقى هى تعتبر ميزة حاليا فقط ) .، وبالتوفيق

ginger

2013-09-27 (06:46:31AM)

شكرا ashrafashry and archiedeacon انا مقتنع بكلامكم جدا بس بما ان معاكم s3 mini خلونى استغل شوية معلومات منكم بخصوص
حجم الشاشة كبير ولا زى s duos وقوة الوان الشاشة زيها ولا اقوى
بالنسبة للبطارية اخبارها ايه
التهنيج والسخونة فى الموبايل

وفيه بعض الامكانيات فى الجراند الناس بتقول عليها عايز اعرف موجودة فى ده ولا لأ زى ان الاضاءة تظل مادمت تنظر الى الشاشة وان لماتيجى تتصل بحد الموبايل بدون ضغط على اتصال بمجرد وضع الموبايل على الاذن مش عارف الامكانيات دى واقعية ولا لا

وبخصوص gpu فى الاس 3 مينى كويس ولا لأ وهل لو قاعد على الفيس وشغلت فيديو هايدعم الفلاش ولا لأ

معلش اسئلة كتير بس مهم الواحد يعرفها بصراحة كفاية انه من عائلة s

AshrafAshry

2013-09-28 (04:04:20AM)

بص يا صحبى ب اختصاااااااااااار مينفعش تجيب ال S3 ميني ب مقارنه معى اى موبايل سامسونج دوز Dous مهما حصل لان الدوز مهما كان بيهنج بالنسبة ل بيكسلات الشاشه و كفائتها بسم الله ما شاء الله تعتبرى من اقوى 5 شاشات من انتاج سامسونج بعد ال اس فور و النوت 3 و اخويا لو حابب يضيف حاجه ArchieDeacon او نيو ورلد اللى اختفى دة :D

AshrafAshry

2013-09-28 (04:08:16AM)

وبالنسبة للشاشه اللى بتبصلها تفضل تنور موجودة و اما تحط الموب ع عينك الشاشه بتقفل اضائتها دي موجودة وممكن تخلى لوحة المفاتيح مش تفتح غير على وشك يعنى تحط الموب قدام وشك تفتح وش حد تانى متفتحش هى الفكرة ب اختصار عايز موبايل شيك جداااا مش يهنج محترم يبقى ال اس سرى ميني عايز موبايل شاشته كبيرة يبقى اشترى الجراند واستحمل تهنيجه وارفة

AshrafAshry

2013-09-28 (04:12:56AM)

بالنسبه للبطارية انا معايا الموب دة و كان معايا الجلاكسى اس فور وبعته و هجيب النوت سرى بعد اسبوع اما سعرة يثبت ف انا هقولك معلوماتى بالنسبه ل بطارية ال سامسونج جلاكسى اس سرى ميني هتعلى كفائه و اضائه الشاشه جداااااااااااااااااااااااااااااا تشغل اغانى ام بي سرى او تتفرج ع فيلم و تفتح واى فاى ونت و العاب تمام متواصله و مكالمات هتقعد معاك 6 ساعات انا بقى عامل ايه

بشغل الشاشه اضائه متوسطة عشان عنيا تمام بشغل ام بي سرى و ببقى فاتح واى فاى ع طول وعامل ان الموبايل يبقى 2 جي مش 3 جي ودي بتخلى البطارية فترة اطول يعنى لو شغاله طحن عليه هتقعد يوم ونص او يوم يلا سلام وبالتوفيق اه وفى لونين الكحلى و الابيض انا شارى الكحلى و خطيبتى الابيض :D

ginger

2013-09-28 (06:39:07AM)

والله انت برنس ياباشا طمنتنى كتير ومعلش تعبتك معايا بس اى لون اشيك الكحلى ولا الابيض

ArchieDeacon

2013-09-28 (03:27:44PM)

برنس يا أشرف من يومك .. أيه الحلاوة دى .. D:

بص يا استاذ ginger عشان ترتاح .، لأن الواحد ذاق طعم الحيرة دى قبلك كذا مرة :

1. بالنسبة لحجم الشاشة ( مناسب ومريح جدا ) وألوان الشاشة رائعة جدا والشاشة قوية ومزودة بطبقة مضادة للبقع .، ودى مش موجودة فى الأس دوس .، يعنى لو أنت ضغط جامد بصبعك على أى شاشة بتعمل بقع كدة مكان الضغطة ولما بتشيل أيدك بتروح ( ولو جربتها فى شاشة كمبيوتر ( LED )
هتبان معاك أكتر .، ودى موجوده فى الأس دوس بس بسيطة يعنى .، أنما الأس ثرى مينى لو عصرت الشاشة تحت أيدك مش هتبان لان ( السطح عليه طبقة مضادة للبقع ) يعنى الشاشة قوية وجميلة

2. بالنسبة للبطارية .، زى ما أخويا الاستاذ أشرف قال لحضرتك وضيف كل كلامه على هذا

3. بالنسبة للتهنيج ( أى موبايل ولو راماته 2 جيجا مش واحد ) وحضرتك أستخدمته وفتحت نت وألعاب وصور ويوتيوب وغيره .، ومنضفتش ومسحت الرامات باستمرار وأول ما تخرج من تطبيق تقفله طبيعى الموبايل هايهنج معاك ولو راماته 2 جيجا .. ( يبقى دى نقطة عند المستخدم مش عند الموبايل ) وواحد جيجا رام كافية جدا على الأندرويد لحد 4.2.2 ( يعنى الموبايل جميل ومش بيهنج )

4. السخونيه الموبايل مع الشغل المكثف وخصوصا فى الصيف ( بيسخن بسيط مش جامد ) يعنى عندك مثلا الاس فور النسخة 9500 بتولع مش بتسخن ( المينى مابيسخنش ربعه )

5. كل المميزات اللى حضرتك قولت عليه دى موجودة في الأس ثرى مينى .، وموجودة كمان فى الأيس 3 ( وعاوز أقول لحضرتك على حاجة المميزات دى كلها تبع نظام الجيلى بين كله على كل الموبايلات السامسونج فقط لان دى تبع السوفت الخاص بسامسونج ) والمميزات دى واقعية على فكرة ..

6. ال Gpu اللى موجود فى الأس ثرى مينى جميل جدا وعلى فكرة زيه زى اللى موجود فى النوت والنوت 2 والاس تو والأس ثرى ( أيه رأيك بقى تطمن أنه كويس ولا لأ )

7. هو بيشغل فديوهات وبيدعم الفلاش على اليوتيوب وغيره .

والخلاصه زى ما قولت لحضرتك قبل كدة :

(( ماتجبش موبايل شاشته TFT ال Pixel Density فيه أقل من 233 .، ولو الشاشة سوبر أمولد بلس من أول 200 حلوه وجميلة أقل من كدة لأ .، ولو الشاشة سوبر أمولد بس بتبدأ الشاشة تبقى رائعة من أول 220 بيكسل فى كل أنش .، ودى بقى نصيحة من أخ جرب موبايلات كتير وخسر كتير ضيفها لمعلوماتك الشخصية ومتنسهاش كل لما Pixel Density بتزيد فى كل أنش .. كل لما شاشة الموبايل بتزداد روعة .. عشان بقى ما تفكرش فى الجراند نهائى .، ده بالأضافة طبعا لعيوب التهنيج فيه .... الخ )) .، الأس تو 9100 .، والأس ثرى مينى والأيس ثرى ... التلاته موبايلات ممتازة فكر كويس وعلى مهلك وأختار اللى يعجبك واللى ترتاحله شكلا وموضوعا وكل حاجة .، وبالنسبة للون أنا بفضل الأبيض لأنه شيك وبتليق عليه أى خلفية بتعملها لشاشة القفل وكمان الأبيض بيعطيك أحساس بأن حجم الموبايل كبير وحلو مش صغير .، وبرده دى أذواق .، وأحنا هنا تحت أمرك دايما وبالتوفيق .، تحياتى

ginger

2013-09-29 (02:55:35AM)

والله انا مش عارف اشكرك ازاى على ذوقك ياباشا بترد عليا هنا وفى الصفحة التانية انت عملتلى غسيل دماغ من ناحية الجراند وشكلى كده هنزل على الاس ثرى مينى لان شكلة اشيك من الاس تو بلس بس هى gpu ايه دى انا بصراحة مش عارفها

وشكرا ليكم تانى على الرد تعبتكم معايا

AshrafAshry

2013-09-29 (04:15:11AM)

تلميذك يا صحبى <3

ArchieDeacon

ArchieDeacon

2013-09-29 (11:46:04PM)

Ginger ال Gpu اللى هو كارت الشاشة اللى حضرتك سألت عليه .، وأنا قولت أنه زى اللى فى النوت والنوت 2 والأس تو والأس ثرى والأس أدفانس كمان وأسمه ( Mali 400 ) وهو من أفضل Gpu فى العالم ولكن طبعا فى أحدث منه وأفضل منه .؛ وبعدين أسأل براحتك ولا يهمك حاجة .. أحنا هنا لخدمتك

تلك الخدمة مخصصة للأعضاء فقط