بدون عنوان

للرجوع الي صفحة سامسونج Galaxy S III I9300 الرئيسية اضغط هنا

أحمد محمد

2014-01-28 (12:16:16AM)

الفرق بين الأصلي و الهاي كوبي :
الأصلي إصدار أندرويد 4.1.2 أو 4.0.4 ..... الهاي كوبي غالبا بيبقى 4.1.9

الهاي كوبي بتحس شاشته صغيرة شوية عن الأصلي

بعض الهاي كوبي بيبقى مش ملائم أوي في الجرابات .... يعني لو ركبتله جراب بتحس إن في حاجة غلط :) .... بس مش كله

كاميرة الهاي كوبي الخلفية مش روعة زي الأصلي
و الكاميرة الأمامية بتبقى وحشة جدااااا بشكل ملحوظ .... لكن الأصلي كاميرته ممتازة

معظم الهاي كوبي بيبقى مكتوب عليه إنه مصنوع في كوريا ..... لكن لو لاقيته فيتنامي أو صيني يبقى غالبا أصلي

صوت الهاي كوبي غالبا بيبقى أعلى شوية من الأصلي

صوت سماعة المكالمات في الهاي كوبي وحش و واطي .... لكن الأصلي ممتاز جدا

الهاند فري بتاعة الهاي كوبي بتبقى صوتها واطي خالص ... يعني بتعلي عالآخر عشان تسمعه

غالبا الهاي كوبي بيبقى علبته خفيفة و مش ناشفة زي الأصلي
يعني علبة رديئة شوية ........... و غالبا مبيبقاش مكتوب عليها السيريال بتاع الجهاز
و مش هتلاقي عليها ملصقات أو حتى آثار ليها .... زي البرشامة و لزقة الضمان و السيريال