بدون عنوان

اولا كده احب اعرفك بنفسى عمرو
واجاوب على مقارنتك اللى مش محتاجة اجابة اصلا
♥بسم الله الرحمن الرحيم♥
اولا الشاشة :
شاشة الميجا مقاسه
540 x 960 pixels, 5.8 inches
اما الأس 3
720 x 1280 pixels, 4.8 inches
يبقا الميجا اكبر وافضل من حيث مساحة الشاشة
نوع شاشة الميجا TFT اما الاس 3 Super Amoled
يبقا الأفضل الأس 3
بيكسلات شاشة الميجا 190 اما الأس 3 بتكون 306 وديه خاصة بالكفاءة والريزليوشن
يبقا الأس 3 افضل
شاشة الميجا غير مضادة للخدش اما شاشة الأس 3 فهى مضادة للخدش وواخدة النوع التانى المقاوم الأكثر من الخدش على عكس زمان وده بيكون اسمها Corning Gorilla Glass 2
يبقا الأفضل هنا الأس 3

المساحة والرام :
مساحة الداخلية الميجا 8 جيجا ومتاح يركبلوه لحد كارت ميمورى مايكرو من نوع SDxc 64 جيجا
مساحة داخلية الأس 3 16 جيجا وفيه منوه 32 و 64 جيجا كمان ومتاح يركبلوه لحد كارت ميمورى مايكرو من نوع SDxc 64 جيجا
الأفضل هنا الاس 3
الرام فى الميجا 1.5 جيجا الأس 3 1 جيجا فقط
الأفضل هنا الميجا طبعا يتفوق ديه
الأتنين بالنسبة للبلوتوث واوضاعه ومعماريتوه واحد
الأتنين بالنسبة للواى فاى واوضاعه ومعماريتوه واحد
الأتنين بالنسبة لــ 3G وسرعتوه واحد
خاصية ال NFC متوفر فقط فى الأس 3 غير موجود فى الميجا
معناها Near field communication وديه خاصية جامدة جدا خاصة بماكينة الصرف الألى زى ATM وكمان ممكن تعملى منها مشاركة ملفات مع اى جهاز فى نفس الخاصية ديه وهتوصل فى اقل من ثانية سريعة جدا
الأفضل هنا الأس 3 طبعا لآعتماده هذه الخاصية
كلا الأثنين نفس مخرج اليو اس بى 2.0 الميجا والاس 3 لكن بأختلاف ان الأس 3 يوجد فيها خاصية ال OTG وديه اختصار لجملة on the go بما معناه ان الأس3 اقدر اوصل عليه فلاشة ماوس زراع بلاس استيشن او كيبورد
لا توج هذه الخاصية فى الميجا
الأفضل هنا الأس 3
نجى لآهم جزئية فى الموبيل الكل بيسأل عليها
المعالج او البروسيسور :
الميجا معالج ثناء النواة بتردد 1.4 جيجا هيرتز فى الثانية عالى لكن فى النوت غير مذكور نوع الشريحة وحتى لو ذكرت مش هتفرق لآن الأس3 اقوى بكتير بالضعف ولا حتى كارت الشاشة مذكور وحتى لو ذكر هيكون مقارنتان بألاس 3 اقل طبعا
الأس 3 معالج رباعى النواة بتردد 1.4 جيجا هيرتز فى الثانية قوى جدا من انتاج شركة سامسونح نوع الشريح بتاعتتوه بأسم Exynos 4412 Quad وطبعا نزل الأحدث منها فى النوت 3 والأس4
نوع كارت الشاشة هنا قوى Mali-400MP ويعتبر من كروت الشاشة العالية اللى قادرة تشغل العاب بجرافيك وكفاءة عالية جدا
طبعا هنا واضح مين الأفضل الأس 3 اكيد
الموبيلات كلها بتمتع بكذا نمط من السينسور سيسنور الاضاء وسينسور الحركة اللى هو الدوران
الميجا والأس 3 فيهم 3 انواع من السيسنور
لكن الأس 3 فيه سيسنور بأسم barometer على حد علمى للكلمة ديه انها خاصة بحالة الطقس او الحراة لكن هى فى الأول والاخر ميزة تحسب للآس 3 وان كونا مش هنستخدمها او مش هتفرق معانا
طبعا الافضل هنا الأس 3
الأتينن فيهما نفس انظمة الـ GPS
الأتنين فيهما الراديو
الاتنين يدعمون الجافا ومحاكى الجافا وان كون ديه مش هتفرق إلا مع ناس معينة جدا اللى يعرفوها فقط
الأس 3 بيدعم خاصية ال HDTV او بمسمى تانى MHL وديه عبارة عن وصلة علشان توصليه بال TV على مخرج HDMI ويعرض FUll HD الميجا غير موجودة فيها
يبقا اللى يفوز فى ديه الأس3
الأس 3 فى مساحة على موقع ال Dropbox
50 جيجا مساحة تخزينية وديه فى حد ذاتها كبيرة جدا ممكن الواحد يعين عليها ملفاتوه كلها الخاصة بالموبيل
الميجا لا يوجد فى هكذا الأفضل هنا الأس3
الأس 3 بيقدر يشغل الطبيعى بتاعه على برنامج الفيديو بلاير اللى جاى على الجهاز اصلا بيشغل الأمتدادت العالية جدا
اللى هى بالأسم ده DivX/XviD
الميجا لاء مش فيه كده
يبقا الأفضل هنا الأس 3 طبعا

نجى لجزء اهم واخير
الكاميرا :
الكاميرا فى الأتنين بدقة 8 ميجا بيكسل يعنى تقدرى تصورى صور بمقاس 3264x2448 pixels
الأتنين فيهم ليد فلاش نوع الفلاش اسموه LED
الكاميرا ذو ال 8 ميجا بيكسل تقدر تصور فيديوهات Full HD بدقة 1080P مع 30 اطار فى الثانية اى نعم لفترة ما كانت الأفضل ومازلت طبعا لاكن فى ظل التكنولوجيا فى الأجدد طبعا والاقوى من هذا لآن سامسونج دايما فى جديد بسرعة الصاروخ
مميزات واوضاع كاميره الجلاكسى اس 3 اقوى من الميجا بكثير
و سرعة التقاط الصور فى الأس 3 اسرع بمراح من اى موبيل تانى لآنوه هو امتاز بهذه الخاصية منذ صنعوه
الأفضل فى الكاميرا الخلفية هو الآس 3 طبعا
اما لو جين من ناحية الكاميرا الثانوية او الأمامية فنهلاقى ان الأتنين بنفس دقة بعض وهى 1.9 ميجا بكسل لأكن يمتاز الاس 3 فى ان الكاميرا الأمامية عنده قدرة التصوير بدقة الـ HD وهى بلغة الأرقام تكون على هذا الشكل 720P مع 30 اطار فى الثانية
وديه حاجه قوية جدا ان الكاميرا الامامية تصور بالريزليوشن والدقة العالية ديه فى ظل زمن وفترة كون بنحتقر فيها الكاميرا الأمامية من بعد ما كون اتعودنا عليها انها Vega
طبعا الأفضل هنا الأس 3
نجى بقا لجزء اخير
البطارية :
فى الميجا 2600 ميلى امبير الأس 3 2100 ميلى امبير
طبعا يتفوق فيها الميجا لكن هى كبيرة فى الميجا لآنوه شاشة اكبر واستهلاك اكثر ومقارنتا يعتبروا الاتنين واحد لكن هنا ايضا يتفوق الأس 3 الناس هتقولى ليها على الرغم من تفوق الميجا فى قوة الميلى امبير
لآن فى بطارية شركة سامسونج انتجتها بقوة 3000 ميلى امبير مخصصة لموبيل سامسونج جلاكسى اس 3 اصلية صناعة كورية وليس اى صناعة تانى البطارية ديه جامدة جدا ثوية جدا طبعا بيدى معاها فى العلبة بتاعتها كافر خلفى علشان الواحد يشغل البطارية ديه هيضطر يشيل الكافر الخلفى بتاع الموبيل ويركب الكافر الخلفى اللى جاى مع البطارية ذو ال 3000 ميلى امبير هيقولى ليها هقولها علشان البطارية ديه حجمها سميك زيادة عن البطاريات المتعارف عليها واللى هى اصلا بتيجى مع الموبيل الأس 3 وللعلم ايضا الكافر الخلفى المدمج مع البطارية القوية اللى هى 3000 ميلى امبير اصلى ايضا توضيح يمكن فى حد يكون حبب يعرف ومتوفر بالونين الأزرق و الابيض الكافر وليست البطارية
من وجهة نظرى من حيث البطارية يتفوق الأس 3
الناس ممكن هنا تختلف وجهة نظرها يقولك وانا جايب موبيل علشان اغيرلوه بطارية فهيضطر يشوف ان الميجا اقوى فى الحالة ديه
ديه وجهات نظر...............
قدرات البطارية فى الأثنين
فى الميجا
وضع Stand-by
بالنسبة ل 2G أو 3G بتكون لحد 440 ساعة
TalkTime
بالنسبة ل 2G أو 3G بتكون لحد 12 ساعة
اما فى الأس 3
وضع Stand-by
بالنسبة 2G بتكون 590 ساعة اما 3G بتكون 790 ساعة
Talk Time
بانسبة 2G بتكون 21 ساعة و 40 دقيقة اما 3G بتكون 11 ساعة و 40 دقيقة
من الواضح تفوق الأس 3 طبعا
نيجى للسماعات يتفوق الأس 3 عن الميجا فى الصوت من حيث النقاء بفاصل درجتين
ومن حيث نغمة الرنين بفاصل 4 درجات ومن حيث صوت الأغانى بفاصل 9 درجات
يعنى الأفضل فى الصورت والاسبيكر هو الجلاكسى اس 3
♥
♥
♥
اسف ليكم اطالت عليكم النقاش لكن الخلاصة ان
الميجا يتفوق فى كبر حجم الشاشة فقط
يتفوق فى قوة الرام فقط
يتفوق فى قوة البطارية وانا اختلف فى هذه وشرحى فوق كاتب فى اختلافى وان الأس3 افضل حتى بالبطارية زو ال 2100 امبير اللى هى بتيجى معاها اصلا
♥
♥
♥
اما بالنسبة لجلاكسى اس 3 فهو يتفوق فى كل شئ ميعاد ما تم ذكره من اثنيبن فى الميجا وهى الرام وكبر حجم الشاشة
♥
يعنى من الأخر الأس 3 هو الموبيل اللى الواحد يشتريه بدل الميجا يعنى من الأخر عليك وعلى الاس 3 اشتريه واتكل على الله
فى اخر الحديث اتمنى انى اكون وفيت فى الشرح والمقارنة كلها وشم يكون فى حاجه راحت منى واسف كمان مرة اخرى على الأطالة
♥
♥
♥♥♥وكلنا هنا فى الخدمة♥♥♥

تصحيح الاخطاء
لا توج هذه الخاصية فى الميجا
الصح كده
لا توجد هذه الخاصية فى الميجا

الميجا معالج ثناء النواة بتردد 1.4 جيجا هيرتز فى الثانية عالى لكن فى النوت غير
الصح كده
الميجا معالج ثناء النواة بتردد 1.4 جيجا هيرتز فى الثانية عالى لكن فى النوع غير


جامدة جدا ثوية جدا طبعا بيدى معاها فى العلبة بتاعتها كافر
الصح كده
جامدة جدا قوية جدا طبعا بيجى معاها فى العلبة بتاعتها كافر

أولا شكرا لللأستاذ manshy2 على المقارنة الممتازة


و معلش يا استاذة mira2008 أنا ردي إتأخر عشان كنت مشغول بس

شوفي بقى
هو صعب أقولك كلمة واحدة و إن موبايل أحسن من التاني
لأن أنا عادة مبعملش كده و مبحبش أنصح حد بحاجة و أشيل مسئوليتها قدامه
و فعلا معظم الناس بتشكر في الجهاز اللي معاها ... و صعب تلاقي رأي حيادي

انا ممكن أساعدك في قرارك .... يعني هوضح الفرق بينهم و إنتي إختاري
و هحاول أشرح الكلام اللي مش واضح أوي

1- ال s3 شاشته 4.8 بوصة .... و الميجا شاشته 5.8
الفرق في الأرقام 1 بوصة
يعني في الأرقام هتلاقي مساحة الميجا أكبر من ال s3 ب 17.24% بس
لكن في الواقع هتلاقي شاشة الميجا أكبر ب 49.47%
يعني تقدري تقولي شاشة الميجا قد شاشة ال s3 مرة و نص ...... و ده فرق كبير طبعا

و كده حجم شاشة الميجا أفضل

2- ال resolution بتاع ال s3 هو 720x1280
و ال resolution بتاع الميجا 540x960
يعني ال s3 اعلى

و ال resolution ده يعني عدد البكسلات في الشاشة
و البكسلات دي يعني الخلايا الصغيرة اللي بتنور في الشاشة ... و لما كل واحدة تنور بضوء معين هيجمعوا مع بعض الصورة اللي معروضة على الشاشة
و معني الرقم 720x1280 إن الشاشة عرضها 720 بكسل و طولها 1280 بكسل
و الرقم 540x960 زيه

و ال resolution الأعلى بيخلي الصورة دقيقة أكتر و تفاصيلها أوضح
و كمان في برامج و ألعاب عالية الدقة و مش هتشتغل على شاشة الميجا عشان ال resolution بتاعها قليل
زي برنامج الفوتوشوب


3- كثافة البكسلات في شاشة ال s3 هي 306
و دي بتتحسب من عدد بيكسلات الوتر على حجم الشاشة
و كثافة البكسلات في الميجا 190

و كل ما زادت الكثافة كانت البكسلات أصغر و الصورة أعمق .... يعني لو قربتي عينك من الشاشة متشوفيش البيكسلات خالص

يعني كده كثافة البكسل في ال s3 أحسن

4- ال s3 شاشته مقاومة للخدش لكن الميجا لا

5- الميجا فيه خطين .... لكن ال s3 خط واحد

6- الذاكرة الداخلية في ال s3 بتبقى 16 جيجا لكن الميجا 8 جيجا

7- الرام في الميجا 1.5 جيجا و ال s3 الرام 1 جيجا
و الرام هي الذاكرة العشوائية اللي البروسيسور بيعالج فيها البيانات
و كل ما تكون أكبر بينفع تشغلي حاجات أكتر في نفس الوقت
و ال 1.5 جيجا رام بتعتبر ضعف ال 1 جيجا رام
لأن الرام المتاحة في ال s3 هتبقى في حدود 400 ميجا
لكن في الميجا هتبقى في حدود 800 ميجا
يعني الميجا فيه ضعف رامات ال s3

يعني كده الميجا أحسن في الرام
لكن ال 1 جيجا رام في ال s3 تعتبر كويسة .. مش وحشة أوي و هي مناسبة لتشغيل حاجتين في نفس الوقت

8- ال s3 فيه خاصية ال NFC و الميجا مفيهوش
و العضو manshy2 شرحها في المقارنة بتاعته
و هي بتعتمد عليها خاصية إسمها ال s beam
و دي بتنقل الملفات بسرعات خااااااارقة ... حوالي 300 ميجا في الثانية
بس دي لازم تتعمل مع جهاز سامسونج حديث و فيه NFC
و إستخدامها صعب شوية
ف غالبا محدش بيستخدمها اصلا

9- ال s3 يدعم USB On-the-go
و دي عبارة عن وصلة بتتباع ب 15 جنيه و تقدري من خلالها توصلي فلاشة أو ماوس أو كيبورد أو أي حاجة USB في الموبايل
لكن الميجا مفيهوش الخاصية دي

10- الكاميرا الخلفية و الأمامية واحدة في الجهازين .... لكن كاميرة ال s3 الأمامية بتصور فيديو HD

11- البروسيسور بتاع ال s3 سرعته 1.4 جيجا هيرتز لأربع أنوية
لكن البروسيسور بتاع لميجا سرعته 1.4 جيجا هيرتز في نواتين بس
و معالج الرسومات في ال s3 هو mali-400mp و الميجا ARM Mali-T604

معالج الرسومات اللي هو كارت الشاشة يعني و دي بيعالج البيانات اللي هيتم عرضها على الشاشة و كل ما كان أسرع كل ما تعرفي تشغلي لعب أكبر و عالية الدقة
و الإتنين كويسين في معالج الرسومات
لكن بروسيسور ال s3 أقوى من الميجا بكتير
لكن عموما بروسيسور الميجا مش وحش أوي

12- إصدار الأندرويد في الميجا هو 4.2.2 لكن في ال s3 إصدار 4.1.2
لكن ال s3 هينزله تحديث ال 4.3 قريب إن شاء الله و في شائعات إنه هيتحدث لل 4.4
و الميجا كمان هيتحدث لل 4.4 غااالبا

13- بطارية الميجا أكبر لكن شاشته أكبر بكتير و إستهلاكها أعلى
ف عشان كده أداء البطارية واحد في الجهازين .... ده لو مكانش ال s3 أقوى



14- كمان عاوز أقولك إن الميجا ظهرت فيه عيوب و الناس بتشتكي منها
زي إن برنامج الإستوديو مبيفتحش و لما تضغط عليه الجهاز بيهنج لفترة بسيطة
و كمان في ناس قالت إن البطارية لما بتوصل عند 20% بتنزل بسرعة جدا على غير العادة

و طبعا متنسيش إن حجم الميجا كبير جدا و أكبر من النوت 3 كمان

لكن ال s3 بصراحة محدش إشتكى منه و يعتبر مفيهوش عيوب


يعني من الآخر الميجا أحسن في حجم الشاشة و الرام و الخطين
و ال s3 أحسن في نوع الشاشة و دقتها و مقاومة للخدش
و أحسن في الذاكرة الداخلية و ال NFC و ال USB OTG و البروسيسور و الحجم
و مفيش عيوب الناس إشتكت منها

الف الف شكر ل الاخ عمرو وكمان ل احمد محمد
انا تقريبا اخدت قرار على اس3 وربنا يقدم اللى فيه الخير وشكر كبيييييييير ليكم

العفو على ايه احنا هنا كلنا فى خدمة بعض الحمدلله
والف مبروووووووووووووووووك مقدما mira2008