بدون عنوان

شوية نصايح للتعامل مع جهاز الأندرويد
- متسيبش ال 3G مفتوحة و إنت مبتستخدمش الجهاز
لأنها بتسحب من الباقة حاجات خفيفة و بتسحب البطارية

- لازم تحط الجهاز في جراب و تركب لزقة شاشة
و بلاش الجرابات الفليب اللي بتشيل الضهر عشان تركبها مكانه
لأنها مبتغطيش الفريم بتاع الجهاز و مع الوقت هيتخدش و يقشر

- حاول دايما يبقى سطوع الشاشة منخفض عشان البطارية و عشان تحافظ على نظرك

- لو هتركب كارت ميموري لازم يبقى حاجة نضيفة و ماركة ... زي كينجستون
لأن كارت الميموري ممكن يسبب توقف الجهاز و تهنيج جامد

- لو هتبعت ملفات كتير لأصحابك بالبلوتوث
إستخدم ال Wi-Fi Direct أحسن ...... لأن سرعته عالية جدااا ... حوالي 4 ميجا في الثانية و أحيانا أكبر في بعض الأجهزة .... و كمان تقريبا ممكن تبعت لكذا شخص في نفس الوقت

- قبل ما تشيل كارت الميموري من الجهاز لازم تعمله unmount من إعدادات التخزين
عشان تحافظ عليه و تتجنب فقد البيانات
و نفس الموضوع لو موصل فلاشة للجهاز بال USB OTG
بس بتعمل safe remove من ال notification bar

- دايما في الكاميرا خلي مكان حفظ الصور و الفيديو في الذاكرة الداخلية
لأن كروت الميموري اللي في السوق سرعتها قليلة في نقل البيانات

- لو عندك وضع توفير الطاقة شغله دايما ..... و على فكرة هو ملوش أي أضرار
و مميزاته إنه بيطول عمر البطارية و بيخلي الجهاز ميسخنش

- بلاش تظبط ال play store على تحديث التطبيقات تلقائيا
لأنه هتلاقيه كتير بيحمل حاجات لوحده و ساحب سرعة الواي فاي أو ساحب باقة ال 3G

- الجهاز بيعتبر سخن لو وصلت حرارته ل 40 درجة
و لازم تسيبه يريح لو وصل ل 45 درجة
و أي جهاز مبيوصلش للأرقام دي .... يبقى مبيسخنش

- لازم ترستر الجهاز مرة على الأقل كل 100 ساعة تشغيل

- مهما حصل بلاش تستخدم الجهاز و هو في الشاحن
لأن ده بيقصر عمر البطارية و بيخليها تشحن في وقت أطول
يعني ممكن تلاقيه بقى بيشحن في 5 ساعات ... حتى لو مش بتستخدمه

- أي برنامج بيظهر رسائل إنه توقف فجأة أو إنه لا يستجيب
يبقى الأفضل تمسحه لحد ما المطور يحل مشكلته عشان ميخليش الجهاز يهنج

- بلاش تستخدم جرابات فيها مغناطيس
و بلاش تحط الجهاز في أي مجال مغناطيسي .... لأنه ممكن يسبب إنحراف دائم للبوصلة
و ده حصل معايا قبل كده

- بلاش تنزل إصدارات الأندرويد الجديدة أول ما تنزل
حتى لو رسمية

- لو الجهاز هنج إعمل ريستارت من زرار الباور .... إضغط عليه لمدة 15 ثانية
لكن بلاش تشيل البطارية

- بلاش تستخدم widgets كتير .... لأنها بتسحب شوية من البطارية و الرام

- متزلش تطبيقات مكررة (ليها نفس الإستخدام) ... أو تطبيقات مش بتستخدمها

- دايما إحتفظ بنسخة إحتياطية لل contacts ... لأن الأندرويد ملوش أمان

- إستخدم أنتي فايرس عشان برامج التجسس .... زي Dr.web أو Trust Go

- حاول متزودش عدد التطبيقات عن 200
و ال 200 منهم برامج السيستم .......... يعني القائمة يبقى فيها 200 بكل التطبيقات

- إففل الحاجات اللي مش بتستخدمها ... زي الواي فاي و ال GPS و ال NFC .... إلخ

- بلاش تخلي الذاكرة الداخلية مليانة على الآخر

- هتلاقي دايما فولدرات كتير متعرفهاش في ال file manager
بلاش تمسح فولدر إلا لما تعرف هو بتاع إيه

- إبعد عن الرومات المعدلة و الروت ........ مابيجيش من وراهم خير !

- بلاش تستعمل شواحن و بطاريات مش أصلية

- بلاش تودي الجهاز مراكز صيانة إنت متعرفهاش كويس